Manual General ha Llamamiento-kuéra
14. Miembro-kuéra Omenda’ỹva

“14. Miembro-kuéra Omenda’ỹva,” Manual General-gui poravopyrekuéra (2023).

“14. Miembro-kuéra Omenda’ỹva,” Manual General-gui poravopyrekuéra

Imágen – Ta’anga
Hentekuéra

14.

Miembro-kuéra Omenda’ỹva

14.0

Ñepyrũmby

Kuimba’e ha kuñanguéra omenda’ỹva térã ojedivorsiáva térã oenviudáva ha’e tuicha pehẽngue Tupao membresíape. Imba’eguasuete opavave tojuhu ñeha’arõ Jesucristo Expiasiõ rupive (tojehecha Eter 12:4). Ko’ã añetegua ijapyra’ỹva oipytyvõkuaa oñemongakuaávo upe ñeha’arõ:

  • Escritura ha ára pahapegua profetakuéra okonfirma opavave ijeroviarekóva oñongatúvo evanhélio konveniokuéra orekóta oportunida ohupytývo exaltasiõ.

  • Pe ára ha mba’eichaitépa umi exaltasiõ jehovasa oñeme’ẽta ndojerrevelapái. Ha katu umíva oĩ asegurádo (tojehecha Mosíah 2:41).

  • Ñaha’arõ Ñandejárape he’ise ñe’ẽrendu meme ha jekakuaa espiritual Ha’e gotyo (tojehecha Isaías 64:4).

  • Tupã oikuave’ẽ tekove ijapyra’ỹva opavave Ita’yrakuérape. Opavave umi orekóva oñeikotevẽva ojehupyty hag̃ua pe Salvador perdón don imba’eguasuetéva ha ovivíva hembiapoukapykuéra ohupytýta tekove ijapyra’ỹva. (Tojehecha Mosíah 26:30; Moroni 6:8.)

  • Jerovia ko’ã añeteguáre oñemopyenda Jesucristo-re jerovia ári. Igrásia rupi opa mba’e ha’éva ko tekove mortal rehegua oñemoĩ porãmbáta (tojehecha Alma 7:11–13).

Ñandejára oikotevẽ opavave miembro-kuéra toipytyvõ salvasiõ rembiapópe ibarrio ha estakakuérape (tojehecha 1 Corintios 12:12–27). Espíritu ogiaháicha, miembro-kuéra omenda’ỹva oñehenói líder ha mbo’eháraramo.

Ko capítulo-pe:

  • “Miembro-kuéra omenda’ỹva” he’ise umi Tupaogua miembro kakuaa nomendáiva ko’ág̃aite.

  • “Jóvenes Adultos Solteros” ha’e umi orekóva 18 áño guive 30 peve.

  • “Adultos Solteros” ha’e umi orekóva 31 áño guive ha hetave.

14.1

Miembro-kuéra Omenda’ỹva umi Unida Geográfica-pe

14.1.1

Estáka Liderkuéra

14.1.1.2

Umi Estakagua Jóvenes Adultos Solteros ha Adultos Solteros Comité

Estakagua presidencia oforma peteĩ Jóvenes Adultos Solteros comité.

Estakagua presidencia ikatu avei oforma peteĩ adultos solteros comité.

Umi comité oñeha’ã oipytyvõ miembro-kuérape angirũ ha oportunida rupive opartisipa hag̃ua salvasiõ ha exaltasiõ rembiapópe (tojehecha 14.2).

14.1.2

Barrio-gua Liderkuéra

14.1.2.1

Obispado

Obispado imba’e guasuete ombopartisipa hag̃ua miembro-kuéra omenda’ỹvape salvasiõ ha exaltasiõ rembiapópe. Ha’ekuéra omba’apo consejo de barrio ndive oidentifika hag̃ua umi llamamiento ha asignasiõ imba’eguasúva miembro-kuéra omenda’ỹvape g̃uarã. Ha’ekuéra ohechakuaa umi túva ha’eñóva remikotevẽ ha oñeha’ã omyanyhẽ umíva.

  • Peteĩ obispado miembro oñerreuni peteĩteĩ jóven adulto soltero ndive peteĩ jave jepe káda ary.

  • Obispado ikatu omohenda peteĩ barrio-gua jóvenes adultos solteros comité.

14.1.2.2

Élder Kórum ha Sociedad de Socorro Presidencia-gua Miembro-kuéra Oñeasignáva Jóvenes Adultos Solteros-pe

Élder kórum presidente ha Sociedad de Socorro presidenta ikatu peteĩteĩ oasigna hikuái peteĩ ipresidenciagua miembro oipytyvõ hag̃ua jóvenes adultos solteros-pe. Ko’ã presidencia-gua miembro-kuéra ohechakuaa umi jóvenes adultos solteros mbaretekue ha oipytyvõ omyanyhẽ hag̃ua hemikotevẽnguéra.

Élder kórum presidente ha Sociedad de Socorro presidenta omomarandukuaa ko’ã tembiapógui consejo de barrio rreuniõme.

14.1.2.3

Jóvenes Adultos Solteros Liderkuéra

Peteĩ barrio oĩháme heta jóvenes adultos solteros, pe obispado ohenoikuaa peteĩ kuimba’e ha peteĩ kuña jóven adulto soltero, jóvenes adultos solteros lider-kuéraramo. Irresposabilida apytépe oike:

  • Oipytyvõ jóvenes adultos solteros-pe opartisipa hag̃ua salvasiõ ha exaltasiõ rembiapópe (tojehecha 14.2).

  • Oservi estakagua jóvenes adultos solteros comité-pe.

  • Oisãmbyhy barrio-gua jóvenes adultos solteros comité, oñeformárõ peteĩ.

  • Oñerreuni mante élder kórum ha Sociedad de Socorro presidencia ndive. Umi rreuniõme, ha’ekuéra oñemongeta jóvenes adultos solteros mbaretekuére ha mba’éichapa oipytyvõkuaa omyanyhẽvo hemikotevẽnguéra. Avei oñesentra hikuái oministrávo umi jóvenes adultos solteros-pe.

14.2

Ojepartisipávo Salvasiõ ha Exaltasiõ Rembiapópe

14.2.1

Ojevivívo Jesucristo Evanhélio

14.2.1.1

Noche de Hogar ha Evanhélio Estudio

Líder térã miembro-kuéra opartisipaséva ikatu omohenda peteĩ térã hetave noche de hogar aty adultos solteros-pe g̃uarã ha ambue aty jóvenes adultos solteros-pe g̃uarã.

14.2.1.3

Activida-kuéra

Barrio térã estakagua liderkuéra sãmbyhy guýpe, jóvenes adultos solteros oplanea ha opartisipakuaa umi activida ha’éva chupekuéra g̃uarãite. Ehémploramo umívape ikatu oike:

  • Templo-pe jeho.

  • Historia familiar rembiapo.

  • Evanhélio ñekomparti.

  • Comunidad-pe jeservi.

  • Música ha cultura rehegua evénto.

  • Deporte-kuéra.

Estakagua liderkuéra sãmbyhy guýpe, umi adultos solteros oplaneakuaa avei umichagua activida estáka nivélpe.

Toñeimprimi