Mme Nwed Ndutum ye mme Ikoot
15. Mme Seminary ye Institute eke Religion

.“15. Mme Seminary ye Institute eke Religion,” Mme ŋkpɔ se Emekde eto Ofuri Ŋwed Ndutum (2023).

.“15. Mme Seminary ye Institute eke Religion,” Mme ŋkpɔ se Emekde eto Ofuri Ŋwed Ndutum

nkaiferi ŋwan emenede-ubɔk esie ke class

15.

Mme Seminary ye Institute eke Religion

15.0

Ntɔŋɔ

Mme Seminary ye Institute eke Religion (S&I) enwam mme ete ye eka ye Ufɔk Abasi ke edinwam mme iwaad ye mkpri adult ndikɔri mbuɔtidem mmɔ ke Jesus Christ ye mfiak-men-ndi ikɔ Abasi Esie.

Enɔ owo S&I adade-ɔnɔ ubiɔŋ enɔ stake kiet-kiet ndinwam mme adausuŋ nim mme edinam S&I oro.

15.1

Seminary

Seminary edi edinam isua inaŋ emi iwaad ekpepde ikɔ Abasi Jesus Christ nte odude ke ŋwed Abasi ye ke mme ukpep-ŋkpɔ eke mme prophet ekpere edem usen. Nditɔ-ufɔk-ŋwed seminary enehede edi isua Duopenaŋ kesim Efureta.

Bishopric, mme iwaad adausuŋ, ye mme presidency eke eboho ye class eteme ofuri iwaad ete ebuana ɔyɔhɔ-ɔyɔhɔ ke seminary.

15.1.1.

Mme Andikpep

Mme andikpep seminary ana edi mbon ufɔk Abasi emi enyenede mbuɔtidem ke Ɔbɔŋ Jesus Christ ye ikɔ ntiense eke mfiak-men-ndi ikɔ Abasi Esie. Mmɔ ana enam ido-mbet emi mmɔ ekpepde enyuŋ enam-utom ɔfɔn ye mme iwaad. Ke ini ɔfɔnde, mme andikpep akpana enyene temple recommend eke idahaemi.

Owo stake presidency kiet mme high councilor ekenɔde ubiɔŋ eyekot, emek-enim, onyuŋ ayak mme andikpep seminary eke stake ye mme andikama seminary eke stake.

Man ekpeme mme andikpep ye nditɔ-ufɔkŋwed, ikpɔ-owo iba ana edu ke ebiet mme ufɔkiduŋ emi ekpepde class seminary.

15.1.2.

Se Seminary Emekde

Seminary enehede ɔnɔ-unwam kini nditɔ-ufɔkŋwed ekemede edisobo ye andikpep ke usen-udua kiet-kiet Nte ededi, ekeme ndidi emi idememke oto ke mfina ubɔhɔ, anyan usuŋ-isaŋ, ye mme nkpɔ efen.

Mme adausuŋ ke ufɔk Abasi eneme ye andida-nnɔ S&I man ebiere ewe nkpɔ edi:

  • Nehede-ifɔn inwam nditɔ-ufɔkŋwed ke edikpep ikɔ Abasi nyuŋ nkɔri ke ŋkpɔ-Abasi.

  • Nam nditɔ-ufɔkŋwed enyene ubɔhɔ.

  • Inehekede ifina mme ufɔkemana.

Inaha nte enim mme class ke Sunday.

15.1.3.

Mme Ebiet, Ŋkpɔ-unam-utom, mme Ŋkpɔ-utom

Mme adausuŋ stake ke ward ekut ete ke ebiet utɔ nte mme meetinghouse mme ufɔkiduŋ eke mbon ufɔk Abasi odu ɔnɔ mme class eke seminary

Andida-nnɔ eke S&I ɔnɔ mme andikpep ye nditɔ-ufɔkŋwed mme ŋwed eke class kiet-kiet. Nditɔ-ufɔkŋwed ana ekama ŋwed Abasi eke mmɔ, eke emiŋde mme eke digital.

15.1.5.

Itoro ye Usɔrɔ-edikure

Nditɔ-ufɔkŋwed seminary ekeme edinehede mkpep ɔfɔn enyuŋ enyene nkabare-esit edieke mmɔ ekade class kini-kini, ebuana, enyuŋ ekot nwed Abasi ke ofuri ebiet. Nte mmɔ enamde mme ŋkpɔ emi, mmɔ nko eyebɔ itoro ke isua kiet-kiet ndien ekeme edikure ekpɔŋ seminary.

Man ekeme Ndikure mkpɔŋ seminary, eyen ufɔkŋwed ana enyene itoro ke isua inaŋ onyuŋ ɔbɔ unyime eke mme adausuŋ oto owo bishopric kiet.

15.2

Institute

Institute ɔnɔ mme class edikot ikɔ Abasi ke usen-udua emi ɔsɔŋɔke mbuɔtidem ikɔ ke Jesus Christ ye ke edifiak-menndi ikɔ Abasi Esie. Ana enwam ofuri mbon mkpri single adult emi edide isua Efureta kesim Edip-ye-duop ete eduk mme class eke institute, mme mmɔ eka ufɔkŋwed mme ikaha.

15.3

Mme Ufɔkŋwed eke Ufɔk Abasi ye Ubono-ŋkpɔ Ukpep-ŋwed eke Ufɔk Abasi

Eke etop kabaŋa mme ufɔkŋwed primary mme eke secondri eke Ufɔk Abasi, BYU–Pathway ke ofuri Ererimbot, ye mme ufɔkŋwed ntaifiɔk, se CES.ChurchofJesusChrist.org. Etop kabaŋa edikure edibɔ mme unyime eke mme adausuŋ nnɔ nditɔ-ufɔkŋwed man eduk mme ufɔkŋwed emi nko enɔ do.

Ke ndidian do, ekeme edikut etop kabaŋa edibɔ mme nwed-unyime eke mme adausuŋ otode ke Itie-utom Edinyime eke mme Adausuŋ CES ke help.ChurchofJesusChrist.org.