15.

Jemenere im Institute ko an Kabun̄ in

15.0

Kadkad In

Jemenere im Institute ko an Kabun̄ in (J&I) ej jipan̄ jinen im jemān ajri ro im ritōl ro an Kabun̄ in n̄an jipan̄ jo̧dikdik ro im rūm̧m̧an ded ro kōļapļo̧k tōmak eo aer ilo Jisōs Kraist im ilo gospel eo an em̧ōj an jepļaaktok.

Juon eo ej represent e J&I rej kappeiki n̄an kajjojo stake n̄an jipan̄ ritōl ro tōl J&I būrokūraam̧.

15.1

Jemenere

Jemenere ej juon būrokūraam emān iiō in eo me jodikdik ro rej ekkatak gospel eo an Jisōs Kraist me ej pād ilo jeje ko rekwojarjar im katak ko an rikanaan ro ilo raan ko āliktata. Rijikuuļ ro an jemenere rej dettan in 14–18 iiō rūttoier.

Bisoprik eo, ritōl ro an jodikdik ro, im būreejtōnji ro an doulul ak kūlaaj rej kapilōk kajjojo jodikdik n̄an lukkuun bōk koņaer ilo jemenere.

15.1.1

Rūkaki ro

Rūkaki ro an Jemener rej aikuj membōr in Kabun̄ in ro ewōr aer tōmak ilo Irooj Jisōs Kraist im ewōr aer naan in kam̧ool kōn gospel eo An em̧ōj an jepļaaktok. Rej aikuj mour kōn pedped in katak ko rej katakin im em̧m̧an aer jerbal ippān jodikdik ro. N̄e emaron̄, ej aikuj wōr juon an rūkaki ro peba in mālim an tampeļ.

Juon membōr in stake būreejtōnji ak juon high ko̧onjeļ ej kūr, kōjeņoļo̧k, im kōtļo̧k rūkaki ro an jemenene ilo stake im stake supervisor ro

N̄an kōjparok rūkaki im rijikuuļ ro, ruo rūtto rej aikuj pād ilo em̧ eo ak m̧weo ijo juon kūļaaj in jemenere ej kōm̧m̧an ie.

15.1.2

Elmakot ko an Jemenere

Jemenere elukkuun ļap an jipan̄ n̄e rijikuuļ ro remaron̄ tōparn rūkai eo juon raan ilo kajjojo wiik. Ijoke, menin emaron̄ jab bōk jikin kōn jekjek ko rejelet kōjparok, ettoļo̧k in jikin, im jekjek ko jet.

Ritōl ro an Kabun̄ in rej kapilōk eo ej lale J&I n̄an kāālet ewi wōt kāālet in enaaj:

• Lukkuun em̧m̧an an jipan̄ rijikuuļ ro ekkatak kōn gospel eo im eddōkļo̧k ilo jetōb.

• Kōjparok rijikuuļ ro.

• Jab kadodoik baam̧le ko kōn men ko ejjeļo̧k tokjāer.

Kūlaaj ko rej aikuj jab kōm̧m̧an ilo raan in Jabōt.

15.1.3

Em̧ ko, Kein Jerbal ko, im Kein jipan̄ jerbal ko jet

Stake im ward ritōl ro rej lukkuun lale bwe jikin ko āinwōt im̧ōn jar ko ak m̧ōn membōr ro repeļļo̧k n̄an kūlaaj ko an jemenere.

Eo ej represent e J&I ej leļo̧k kein ekkatak ko n̄an rūkaki ro im rijikuuļ ro ilo kajjojo kūlaaj. Rijikuuļ ro rej aikuj boktok aer make jeje ko rekwojarjar, emaron̄ ilo bok ak digital.

15.1.5

Credit im Kadiwōjļo̧k

Rijikuuļ ro an jemenere remaron̄ wājepdikļo̧k aer ekkatak im m̧wūlaļ aer oktak eļan̄n̄e rej niknik ilo kūlaaj ko, bōk koņaer, im ekkatak jeje ko rekwojarjar ilikin kūlaaj eo. Ilo aer kōm̧m̧ane men kein, rej barāinwōt wōr aer credit ilo jemenere kajjojo iiō im maron̄ kadiwōjļo̧k jān jemenere.

N̄an kadiwōjļo̧k jān jemenere, juon rijikuuļ ej aikuj bōk credit ilowaan emen iiō im bōk juon pepa in kōmālim jān bisoprik eo.

15.2

Institute

Institute ej kōm̧m̧an kūlaaj in ekkatak gospel eo ilo juon raan ilo juon wiik eo me ej kōkajoorļo̧k tōmak im naan in kam̧ool ilo Jisōs Kraist im kōn gospel eo An me em̧ōj an jepļaaktok. Aolep rūm̧m̧an ded ro rej 18–30 iiō dettaer aikuj rōjan̄ er n̄an pād ilo kūlaaj ko an institute, men̄e rej pād ilo jikuuļ ak jaab.

15.3

Jikuuļ ko an Kabun̄ im Church Educational System eo

N̄an meļeļe ko reļļapļo̧k kōn primary im secondary jikuuļ ko an Kabun̄ , BYU–Pathway Worldwide, im institution ko n̄an jeļāļo̧kjeņ ko reutiejļo̧k, lale CES.ChurchofJesusChrist.org. Meļeļe kōn kadedeļo̧k rejtak ko an ritōl ro an Kabun̄ n̄an rijikuuļ ro n̄an pād ilo jikuuļ kein ej barāinwōt litok ijōņ.

Ilo kakkobaba, meļeļe ko kōn employment ecclesiastical clearances jān CES Ecclesiastical Clearance Office eo maron̄ loe ilo help.ChurchofJesusChrist.org.