15.

Ekkewe Simineri me Institut ren Namanam

15.0

Nepoputan

Ekkewe Simineri me Institut ren Namanam (S&I) a anisi in me sam me sou emmwenin Mwichefen non aninisin sarafo me sarafo ra mwukono ne anapano ar nuku non Jises Kraist me An kapas allim mi niwinsefanito.

Emon S&I chon tupuni a kefinita ngeni ew me ew steik an epwe anisi ekkewe sou emwen ne omokutu S&I ekkewe prokram.

15.1

Simineri

Simineri a ew program non ruanu-ier ewe minne sarafo ra kaeo ewe kapas allimen Jises Kraist ussun a pwa non ekkewe pukefel me ekkewe afanafan seni ekkewe soufos ren fansoun soponon. Chon sukunen Simineri a kan 14-18 ierir.

Ewe mwichen pisop, sou emwenin sarafo, me presetensin mwich me klas ra apochokuna meinisin sarafo ar repwe ounusa ar fiti simineri.

15.1.1

Sense

Sensen Simineri repwe memperun Mwichefel ekkewe a wor ar nuku non ewe Samon Jises Kraist me kapasen pwarata ren An kapas allim mi niwinsefanito. Repwe aponueta ekkewe nongonong ra osukuna me angang murinno fiti ekkewe sarafo. Nupwen epwe tufich, ekkewe sense epwe wor nour taropwen mumutan tonong non tempel minen iei.

Emon memper ren ewe steik presetensi ika emon chon mwich minap a finita a kori, efeiochu, me epichano ekkewe sensen semineri me ekkewe chon emweni steik .

Ren tumunun ekkewe sense me chon sukun, ruemon mi mwukono repwe nom non ewe imw ika neni ikewe ew klasin simineri a fis ie.

15.1.2

Finien Simineri

Simineri a kon aninisoch nupwen ekkewe chon sukun ra tongeni churi emon sense iteitan wiik (Mon-Fri). Iwe nge, ei meni esap tufich pokiten osukosuken pekin tumun, towawen sai, me pwan ekkoch mettoch.

Sou emwenin Mwichefen ra emweni nour chon S&I tupuni an epwe ekieki menni epwe fini :

• Ewe a kon anisi ekkewe chon sukun ne kaeo ewe kapas allim me marita non pekin ngun.

• Tumunu ekkewe chon sukun ar resap feiengaw.

• Esap awosukosuka ekkewe famini ren met ese namot.

Ekkewe klas resap fis non Raninifen.

15.1.3

Ekkewe Imw, Pisek, me Pisekin Kaeo.

Sou emwenin steik me wart repwe tumunuochu pwe ekkewe neni ren ekkewe nenien mwich ika imwen memper repwe moneta ren klasin simineri.

Ewe S&I chon tupuni epwe awora pisekin kao ren ekkewe sense me ekkewe chon sukun ren ew me ew klas. Ekkewe chon sukun repwe nukeato pusin nour pukefel, puk ika fon.

15.1.5

Kuokun fiti me Sochungio

Chon sukunen simineri ra tongeni anapano ar kaeo me anononuono ar siwin non manauer ika ra chok fifiti klas, uweirenong non, me kaeo ekkewe pukefel me nukun klas. Nupwen ra fori ekkei mettoch, ra pwan angei kuokun ar fifiti siminari ew me ew ier me tongeni sochungio seni siminari.

Ne sochungio seni siminari, emon chon sukun epwe ukukun ruanu ierin kuokun an kaeo me angei ew taropwen aponueta aurour seni emon chon mwichen pisop.

15.2

Institut

Institut a awora klasin kaeo ren kapas allim non ekkewe ran (Mon-Fri) ena a apochokuna nuku me kapasen pwarata non Jises Kraist me An kapas allim a niwinsefanito. Meinisin sarafo rese pupunu ierir 18–30 epwe wor pesepes ngenir ar repwe fiti klasin institut, ikamo ir mi fifiti sukun ika rese.

15.3

Sukun an Mwichefen me an Mwichefen Mokutukutun Pekin Kaeo

Ren poraus won an Mwichefen akkomwan me oruwan pekin sukun, BYU-Pathway Worldwide, me ekkewe sukun ren pekin kaeo mi tekia, nengeni CES.ChurchofJesusChrist.org. Poraus ussun awesano taropwen aponueta aurour seni ewe nenien sukkun ren ekkewe chon sukun repwe fiti ekkana sukun mi pwan wor ikana.

Kapachetan, poraus ussun pekin angangen mwoni ren aponueta aurouren angang seni ewe CES Ecclesiastical Office ka tongeni kuna me ren help.ChurchofJesusChrist.org.