“17. Osukuna ewe Kapas Allim,” Ekkoch Kinikin seni ewe Pukenapen Emwen (2023).
“17. Osukuna ewe Kapas Allim,” Ekkoch Kinikin seni ewe Pukenapen Emwen
17.
Osukuna ewe Kapas allim
Sia osukuna ewe kapas allim ach sipwe anisi aramas repwe apochokuna ar nuku non Samach won Nang me Jises Kraist.
17.1
Ekkewe nongonongen Osukun non Napanapen Kraist
Nupwen osukuna ewe kapas allim, sam me in, sense, me souemwen repwe appiru ewe nenien appiru an Jises Kraist, i ewe Mastan Sense.
Souemwen ra aea ekkei nongonongen osukun non napanapen Kraist ngeni sense non ar kewe kinikin mwicheich. Ekkei nongonong ra awewefichietiw ren tichikin non Teaching in the Savior’s Way.
17.1.1
Tongei Ekkewe Ka Osukuner
Mettoch meinisin ewe Chon Amanau a fori ren pwomen An tong (nengeni 2 Nifai 26:24).
17.1.2
Osukun me ren we Ngun
Sense ra kutta emwenien ewe Ngun nupwen ra amonneta me osukun, me ra achocho ne manaueni mine epwe fich ngeni An manaman iteiten ran.
17.1.3
Osukuna ewe Nongonong
Tapweno mwirin an ewe Chon Amanau nenien appiru, sense ra anonga ar ekiek won ekkewe auchean, ekkewe ennet ren ewe kapas allim. Ra osukun ren ar nounou ekkewe pukefel, ekkewe afanafanen soufosun fansoun soponon, me ekkewe pisekin kaeo mi ketiw.
17.1.4
Etiwa Kaeo mi Nikitu
Sense ra pesei chon mwichefen ar repwe fokkun pusin fori ar pekin kaeo.
17.2
Kaeon me Osukunen Kapas allim non Imw
Souemwenin Mwichefen me sense ra apochokuna kaeon me osukunen kapas allim non imw.
Souemwen me sense ra apochokuna chon mwichefen ar repwe kutta pwisin ar ourour ren ifa usun repwe kaeo me osukuna ewe kapas allim. Ar mennapen pisekin kaeo epwe ewe pukefel me poraus seni mwichenap.
17.3
Ekkewe Wisen Souemwen
-
Awora eu nenien appiru ren om kaeo ewe kapas allim me osukuna me non an ewe Chon Amanau napanap.
-
Tumunochu pwe ewe osukun non ar kewe kinikinin mwicheich a amari nuku me nongonongan mi pung.
-
Awora soposoponon aninis ngeni ekkewe sense non ar kewe kinikinin mwicheich.
17.4
Mwichen Opungupung ren Sense
Non mwichen opungupung ren sense, sense ra ourour fengen usun nongonongen osukun non napanapen Kraist. Ra pwan ourour fengen ren ifa usun repwe aochueno kaeon me osukunen kapas allim. Ra nounou Teaching in the Savior’s Way pwe eu pekin aninis.
Mwichen opungupung ren sense ra fis fan ruanu non eu ier atun ewe 50-minich klas non Raninfen.
