“19. On,” Ma Suleyucklac ke General Handbook (2023).
“19. On,” Ma Suleyucklac ke General Handbook
19.
On
19.1
Srihpen On ke Alu uh
On muhtahl uh ahkyohkye luhlahlfongi kacl Jisus Kraist. El suli Nguhn ac luti ke mwe luti lal Jisus Kraist. El oacyacpac sramtweack puhla mihs se, oracni mempucr nuh sie, ac akiyac inkacnek se in ahkfuhlwactye Pahpah Inkuhsrao ac Jisus Kraist.
19.2
On in Lohm
Tuhkuh yurin mwet pahluh Lal, Leum El pahtok kais sie mwet ac sucu in lohng on ma ahkkweyaclos ke moul lalos lwen nuh kwewa.
On luhn Alu uh sruokyucki kuh in lohngyohk ke acn in kahsruh ten inge:
-
Sacred Music App
-
Gospel Library app
19.3
On orek ke Toeni ke Alu
19.3.1
Plwacnelah On nuh ke Toeni ke Alu
Mwet in kahsruh on luhn ward ac stek orekma wi mwet in kol ke pristut in plwacnelah on ma ac sritaclkihnyuck ke pacl in ahkfuhlwact. Elos sulaclah on ma pwacnma nguhn in ahkfuhlwact nuh ke toeni ah.
19.3.2
On Orek ke Sackramacn Miting
On ke sackramacn miting oracni mwet alu ah ke on in ikacslah ac kaliyac toeni ac met liki aluiyacn sackramacn. On in sackramacn enenuh in nuhnkuh ke kuhfa sac kuh ke kihsaclah luhn Mwet Lahngo.
On met liki ah sritaclkihnyuck ke pacl se mempucr tuhkweni met liki muhtwacwacack toeni uh. Tukun pruhe in kaliyac, oasr pac on in ahksahfye sritaclkihnyuck ke pacl se mempucr som liki toeni sac.
Sackramacn miting se kuh pac in oasr on soko sahyac onkihnyuck infulwen toeni uh—fin pa nuh ke, inmahsrlon mwet in sramsram ah.
19.3.3
On ke Kuhlahs ac Miting Sahyac ke Ward
Mwet kol elos ahkkweye mwet luti in orekmakihn on ac on muhtahl sahyac in ahkyohkye mwe luti lalos.
19.3.6
Sritaclkihnyacn On
On ma live uh kwacna orek ke muhtwacwacackiyac ah ac ke sahflahiyac ah ac ma nuh ke on ma tahfwelah miting ke Alu uh. Fin elos oasr ac fin mempucr kuh in sritaclkihn, ohkohn ac piano pa ma luo ma kuh emeet uh. Pisaprik kuh in lwelah orekmakihnyacn mwe sritacl sahyac in orek pacl se mwet alu ah on, nuh ke on in muhtwacwacack ac sahflah, ac nuh ke on suleyucklac sahyac uh.
Fin wacngihn piano, ohkohn kuh mwet se in kahsruh, record kuh on ma sruokyucki uh kuh in orekmakihnyuck. (liye 19.2).
19.3.7
U in On
19.3.7.1
U in On luhn Ward
Fin oasr suhnuhn mempucr, ward se kuh in oraclah sie u in on ah ma kuh in on ke sackramacn miting pacl nuh kwewa.
In weacng pacna u in on ke ward sacn, sucu ac u in muhtwacn, mukul, tuhlihk fuhsr, kuh tuhlihk srihsrihk kuh in suliyuck in on ke miting luhn Alu uh.
19.4
Mwet in Kol On ke Ward
19.4.1
Pisaprik
Ma kunacn pisap ma on ke ward se. El kuh in kuneyucki kunohkohn se inge nuh sin sie mwet in kahsruh lal ah.
19.4.2
Mwet in Kahsruh Orek On ke Ward
Mwet in kahsruh orek on on ke ward el kuhlwacnsap ye kohkoh luhn pisaprik. Ma kunacl pa kunohkohn ekahsr ten inge:
-
Mwet in kahsruh se nuh sin pisaprik ac mwet in kol sahyac ke ward nuh ke oacna sie ma kuhpahsr nuh ke on.
-
Orekma siskacn pisaprik in plwacnelah on nuh ke sackramacn miting (liye 19.3.1 ac 19.3.2).
-
Fin lwelah sel pisaprik, kuh in srihsrngiyac mempucr in kuhlwacnsap ke kunohkohn in on ke ward. Lotwelah suc ma oruh kuhlwacnsap la ke kunohkohn inge, sang kahsruh, lutlut, kuh ahkpah fin enenuh.
19.4.3
Pahng Sahyac
Pisaprik el kuh in pahngon mempucr in kuhlwacnsap ke kunohkohn pac inge:
19.4.3.1
Mwet in Kol On ke Ward
Mwet in kol on ke ward el kol on luhn mwet wi alu ke pacl in sackramacn ac ke toeni sahyac ke ward oacna ke ngihsrweyuck.
19.4.3.2
Mwet in Sritacl on
Mwet in sritacl on sulaclah sritaclkihn on in muhtwacwacack ac sahflah ac sritaclkihn on ma orek ke sackramacn miting ac miting sahyac ke ward oacna ke ngihsrweyuck.
19.7
Masap ac Mwe Ahkuhtweyac Sahyac
19.7.2
Orekmakihnyacn Mwe Sritacl ke Lohm in Toeni nuh ke Practis, Lutlut
Fin wacngihn inkacnek sahyac in orekmakihnyuck, mwet kol ke pristut kuh in sang lwelah in orekmakihnyuck ohkohn kuh mwe sritacl in lohm alu ah, moli mwet ma sifacna lotwelos, ac toeni ma oasr kuhpahsr luhn mempucr ke acn srihsrihk inge nuh ke acn in toeni uh.