19.

Miziki

19.1

Ntina ya miziki na Eklezia

Miziki ya bule ekolisaka bondimi kati na Yesu Klisto. Ebengaka Molimo mpe eteyaka malongi Ekelaka lisusu liyoki ya limemia, esangisaka bandimi, mpe epesaka nzela ya kosanjola Tata ya Lola mpe Yesu Klisto.

19.2

Miziki na Ndako

Na nzela ya baprofeta na Ye, Nkolo apesaka makasi na moto ye moko mpe mabota kosalela miziki ya kolendisa na bomoi na bango ya mokolo na mokolo.

Bapalaki ya miziki Eklezia ezwami na bisika oyo elandi:

• Sacred Music app

• Gospel Library app

• Music.ChurchofJesusChrist.org

• CDs at store.ChurchofJesusChrist.org

19.3

Miziki kati ya Mayangani ya Eklezia

19.3.1

Kosala mwango ya Miziki mpo na Mayangani ya Eklezia

Motambwisi miziki ya palwase mpe likonzi asalaka elongo na bakambi ya bonganganzambe mpo na kosala mwango ya miziki mpo na misala yamasanjoli. Bango baponaka miziki oyo ebengaka molimo ya masanjoli kati na mayangani.

19.3.2

Miziki na Liyangani ya Elambo

Miziki na litangani ya elambo ezali na nzembo ya lisanga mpo na kofongola mpe kokanga liyangani mpe yambo ya kopesa elambo. Loyembo ya elambo esengeli ekokana na elambo yango moko to libonza ya Mobikisi.

Nzembo ya bokoti eyembamaka ntango bandimi bazali kosangana yambo ya liyangani. Nsima ya losambo ya kokanga, nzembo ya bibeteli ebetaka ntango bandimi bazali kobima na liyangani.

Liyangani ya elambo ekoki lisusu kozala na nzembo mosusu ya lisanga eyembami na katikati ya liyangani—ndakisa, katikati ya mateya ezali kopesama.

19.3.3

Miziki na Bakelasi mpe Mayangani Misusu ya Palwase

Bakambi bapesaka bateyi makasi ya kosalela nzembo mpe miziki mosusu ya bule mpo na kokolisa mateya na bango.

19.3.6

Bibeteli miziki

Bibeteli emonani na miso esalelamaka mpenza mpenza mpo na miziki ya bokoti mpe mpo na bobimi mpe mpo na kobakisa na loyembo na mayangani ya Eklezia. Esika yango ezali mpe esika wapi bandimi bakoki kobeta yango, orge mpe piano ezali bibeteli miziki esengami. Bopisikopo bakoki kobongisa esaleli ya bibeteli miziki mosusu mpo na kobakisa na loyembo ya lisanga, mpo na miziki ya bokoti mpe ya bobimi, mpe na miziki mosusu eponami.

Soki piano, orgue, to mobeti bisaleli azali te, miziki ya bapalaki ekoki kosalelama (tala 19.2).

19.3.7

Bayembi

19.3.7.1

Bayembi ya Palwase

Esika wapi bandimi bazali mingi, palwase ekoki kobongisa bayembi oyo bakoyemba na liyangani ya elembo mingimingi.

Mpo na kobakisa na bayembi ya palwase, mabota mpe maboke ya basi, mibali, bilenge, to bana bakoki kobiangama mpo na koyemba na mayangani ya Eklezia

19.4

Bokambi ya Miziki kati na Palwase

19.4.1

Boepisikopo

Episikopo azali na mokumba mpo na miziki ya palwase. Akoki kopesa mokumba oyo na moko ya bapesi toli na ye.

19.4.2

Mobongisi Miziki na Palwase

Mobongisi miziki na palwase asalaka na nse ya boyangeli ya boepisikopo. Azali na mikumba oyo elandi:

• Kozala liziba mpo na boepisikopo mpe bakambi misusu ya palwase na maye etati miziki.

• Kosala elongo na boepisikopo mpo na kosala mwango ya miziki mpo na mayangani ya elambo (tala 19.3.1 mpe 19.3.2).

• Na bosenga ya boepisikopo, akopesaka nkombo ya bandimi mpona kosala na mabiangi ya miziki na palwase. Kolakisa nzela na baoyo bazali kosala na mabiangi oyo, kopesaka bango lisungi, motindo, mpe boyekoli lokola esengeli.

19.4.3

Mabiangi Mosusu

Boepisikopo bakoki kobenga bandimi mpo na kosala na mabiangi elandi.

19.4.3.1

Mokambi ya Miziki na Palwase

Mokambi ya miziki aktambwisa nzembo na lisanga mpo na liyangani ya elambo mpe mpo na mayangani mosusu ya palwase lokola esangami.

19.4.3.2

Mobeti Bisaleli ya Miziki ya Palwase

Mobeti bisaleli ya miziki ya palwase abetaka miziki ya bokoti mpe bobimi mpe apataka bisaleli ya miziki mpo na nzembo na eleko ya liyangani ya elambo mpe mayangani misusu ntango esengelami.

19.7

Mibeko ya botambwisi mosusu

19.7.2

Bosalela Bibeteli miziki ya Ndakonzambe mpo na Koyekola, Boyekoli ya ya Moto ye moko, mpe Koyemba liboso ya bato epesami na moto ya ntoki

Soki ezali na lolenge mususu ya mayele ya kosala te, bakambi ya bonganganzambe bakoki kopesa nzela ya kosalela bapiano mpe baorgue ya ndakonzambe mpo na koyekola, kofuta mbongo mpo na boyekoli ya moto ye moko , mpe koyemba liboso ya bato lkosangisaka bandimi ya bitonga oyo ezali kosalela ndakonzambe yango.