19.

Kon

19.1

Popun Kon non ewe Mwichifen

Kon mi pin a anapano nuku non Jises Kraist. A etiwanong ewe Ngun mi Fel me aitikich ekkewe nongonong. A pwan awora eu memefin sufon, ochufengeni me pwar ngeni kich eu aanen ach fen ngeni Semach won Nang me Jises Kraist.

19.2

Kon non ewe Imw

Seni noun kewe soufos, ewe Samon a pesei aramas me famini repwe aea kon mi murinno non iteiten manuer.

Konun Mwichifen mi rekort a nom ren ekkei neni:

• App ren Kon mi Pin

• App ren Isoni ewe Kapas Allim

• Music.ChurchofJesusChrist.org

• non CDs store.ChurchofJesusChrist.org

19.3

Kon non Mwichen Fan

19.3.1

Ota Konun Ekkewe Mwich an Mwichefen

Wart me steik chon eteteni kon repwe angang fiti nouwisin pristut pwe repwe ota konun ekkewe angangen fel ngeni. Ra finata ekkewe kon mi apochokkuna ewe ngunun fen ngeni non ekkewe mwich.

19.3.2

Kon non Mwichen Sakramen

Kon non mwichen sakramen a pwan wewe ngeni chon fan ra kon ne suki ewe mwich me nepoputan inetin ewe sakramen. Ewe konun sakramen epwe pwan wewe ngeni ewe sakramen ika pwan ngeni Asor an ewe Chon Amanau.

Kon a etik mwen ewe mwich epwe fis nupwen ekkewe memper ra feito fiti ewe mwich. Mwirin ewe iotekin nesoponon, epwe wor niketikin kon nupwen ekkewe aramas ra tou seni ewe mwich.

Ew mwichen sakramen a pwan tongeni pachenong eu kon ren chon fan ra konu nukanapan ewe mwich—awewe, nefinen ruemon chon afanafan.

19.3.3

Kon non Klas me Pwan Ekkoch Mwichen ewe Wart

Chon emwen repwe aea ekkewe kon mi pin ne anapano ar osukun.

19.3.6

Pisekin etiki Kon

Aea ekkewe pisekin kon ren konun nepoputan pwan nesoponon mwich pwan kon nukanapan ewe mwich. Ika a wor me a pwan wor chon sinei etiki, oroken me piano repwe aea pwe pisekin kon. Mwichen pisop ra tongeni tipeu ren pwan ekkoch pisekin kon ne fiti konun mwich, ren konun nepoputan me konun nesoponon, me pwan ekkoch atun kon.

Ika ese wor piano, oroken ika pwan chon etiki, oua pwan tongeni aea kon mi pusin rekotuno. (nengeni 19.2).

19.3.7

Mwichen Chon Kon

19.3.7.1

Mwichen Chon Kon non Wart

Ikewe a naf ekkewe memper ie, wart ra tongeni eteteni mwichen chon kon repwe kon non mwichen sakramen.

Fengen me ewe mwichen chon kon non wart, a tongeni pwan wor mwichen kon ren fefin, mwan, serafo, ika kinter repwe pwan kon non mwich.

19.4

Chon Emwen ren Mwichen Kon non Wart

19.4.1

Ewe Mwichen Pisop

Ewe pisop epwe wisen tumunu kon non ewe wart. I a tongeni ewisa ngeni emon noun kewe chon aninis epwe tumunu.

19.4.2

Ewe Chon Eteten Kon non ewe Wart

Ewe Chon Eteten Kon non ewe Wart epwe angang fan emwenien pisoprik. Ewe emon epwe fori ekkei wis:

• Repwe anisi ewe mwichen pisop ika pwan ekkoch nouwisen wart ren porausun kon.

• Fiti ewe pisoprik ne angang ren kokkotun kon non mwichen sakramen (nengeni 19.3.1 me 19.3.2).

• Nupwen ewe pisoprik a tingor, repwe finata ekkoch memper repwe pwan anisi ren ekkewe kon. Aiti ekkewe ra pwan aninis ren ekkewe kon ren wiser, anisir, me osukuner ika mi namwot.

19.4.3

Pwan ekkoch Wis

Ewe pisoprik ra tongeni kokkori aramas fan iten ekkei wis.

19.4.3.1

Chon Emwen ren Kon non Wart

Ewe chon emweni kon a eteten ren konun sakramen me pwan ekkoch mwichen wart ren wisan.

19.4.3.2

Chon Etiki Oroken ika Piano

Ewe emon a wisen etiki oroken ika piano epwe etiki kon mwen ewe mwich pwan nesopnon ewe mwich pwan ren ekkewe kon non ewe mwichen sakramen pwan ekkoch mwich ika mi namwot.

19.7

Pwan Ekkoch An Mwichefen Annuk me Nongonongun Emwen

19.7.2

Aea ewe Piseking Ettik an Mwichifen ren Praktis, Kaeo me Apwapwan Kon

Ika ese pwan wor eu neni, chon emwenin pristut ra tongeni mwutata aean ewe piano non ewe fan ika ewe oroken ren kaeo me eu apwapwan kon, nupwen a work memper ra pwan fiti ena imwen fan.