kuña ha mitã ombopúvo piano

19.

Música

19.1

Música Propósito Tupaópe

Música sagrádo ombokakuaa jerovia Jesucristo-re. Oinvita pe Espíritu ha ombo’e doctrina. Avei omoheñói peteĩ reverencia remiandu, ombojoaju miembro-kuérape, ha ome’ẽ peteĩ tape oñetupãitũ hag̃ua Túva Yvagagua ha Jesucristo-pe.

19.2

Música Ógape

Iproféta rupive, Ñandejára omokyre’ỹkuri tapicha ha familia-kuérape toiporu música oporomopu’ãva ára ha ára hekovépe.

Umi Tupaogua música grabación oĩ disponible ko’ã fuéntepe:

• Música Sagrada aplicación

• Evangelio Biblioteca aplicación

• Music.ChurchofJesusChrist.org

• CD-kuéra store store.ChurchofJesusChrist.org

19.3

Música Tupao Rreuniõnguérape

19.3.1

Oñeplaneávo Música Tupao Rreuniõnguerarã

Barrio ha estakagua música coordinador-kuéra omba’apo sacerdocio liderkuéra ndive oplanea hag̃ua música tupãitũ servicio-rã. Ha’ekuéra oiporavo música omopu’ãva tupãitũ espíritu rreuniõnguérape.

19.3.2

Música Reunión Sacramental-pe

Música reunión sacramental-pe oike umi himno congregación opurahéiva omoñepyrũ ha ombopaha hag̃ua rreuniõ ha ojehovasa ha ojerreparti mboyve santa cena. Pe himno sacramental oñe’ẽva’erã santa cena térã pe Salvador sacrificio rehe.

Preludio música oñembopu miembro-kuéra ijaty aja rreuniõ mboyve. Ñembo’e paha rire, oñembopu peteĩ posludio instrumental miembro-kuéra osẽ aja rreuniõgui.

Peteĩ reunión sacramental-pe ikatu oike avei peteĩ himno opurahéiva pe congregación rreuniõ mbytépe—ehémploramo, mensahekuéra mbytépe.

19.3.3

Música Clase-pe ha Ambue Barrio-gua Rreuniõme

Liderkuéra omokyre’ỹ umi mbo’ehárape oiporu hag̃ua himno-kuéra ha ambue música sagrada omoporãve hag̃ua imbo’epykuéra.

19.3.6

Música Instrumento-kuéra

Tupaogua rreuniõnguérape ojeiporu jepi umi instrumento preludio ha postludio música-rã ha oñemoirũ hag̃ua himno-kuéra. Oĩháme disponible ha miembro-kuéra ombopukuaahápe, órgano ha piano-kuéra ha’e instrumento ojepurúva jepi. Obispadokuéra ikatu oaprova tojeiporu ambue instrumento-kuéra oñemoirũ hag̃ua congregación purahéi, preludio ha postludio música ha ambue música poravopyrerã.

Ndaipóriramo disponible piano, órgano, pianista térã organista, ikatu ojeiporu umi grabación (tojehecha 19.2).

19.3.7

Umi Coro

19.3.7.1

Umi Barrio-gua Coro

Oĩháme heta porã miembro-kuéra, umi barrio omohendakuaa coro opourahéi meméva reunión sacramental-pe.

Pe barrio-gua coro rire, ikatu avei oñeinvita familiakuérape ha kuña, kuimba’e, imitãva térã mitãnguéra aty opurahéi hag̃ua umi Tupao reunión-pe.

19.4

Barrio-gua Música Liderkuéra

19.4.1

Obispado

Obispo oĩ responsable barrio-gua música rehe. Ha’e ikatu odelega ko rresponsabilida peteĩ ikonsehérope.

19.4.2

Barrio-gua Música Coordinador

Pe barrio-gua música coordinador oservi obispado sãmbyhy guýpe. Ha’e oreko ko’ã rresponsabilida:

• Ha’e peteĩ rrekúrso obispado ha ambue barrio-gua liderkuérape g̃uarã música tema-kuérape.

• Omba’apo obispado ndive oplanea hag̃ua música reunión sacramental-rã (tojehecha 19.3.1 ha 19.3.2).

• Obispado ojeruréramo, orrekomenda miembro-kuéra oservi hag̃ua barrio-gua música llamamiento-kuérape. Ome’ẽ orientasiõ umi oservívape umi llamamiento-pe, ome’ẽ pytyvõ, tekombo’e ha ñembokatupyry oñeikotevẽháicha.

19.4.3

Ambue Llamamiento-kuéra

Pe obispado ohenoikuaa miembro-kuérape oservi hag̃ua ko’ã llamamiento-pe.

19.4.3.1

Barrio-gua Música Líder

Pe música líder oisãmbyhy umi himno congregación opurahéiva reunión sacramental-pe ha ambue barrio-gua rreuniõme ojejerureháicha.

19.4.3.2

Barrio-gua Pianista térã Organista

Barrio-gua pianista térã organista ombopu preludio ha postludio música ha omoirũ umi himno reunión sacramental ha ambue barrio-gua rreuniõme ojejerureháicha.

19.7

Umi Norma ha Páuta Oñemoĩvéva

19.7.2

Umi Centro de Reunión-pegua Instrumento Jeiporu, Ñembokatupyryrã, Ñehekombo’e Privado, ha umi Rresitalrã.

Ndaipóriramo peteĩ alternativa porãve, sacerdocio liderkuéra oautorisakuaa tojeiporu umi centro de reunión-gua piano ha órgano ñembokatupyry, ñehekombo’e privado ojehepyme’ẽvare, ha umi rresitalrã opartisipahápe unidagua miembro-kuéra oiporúva upe centro de reunión.