20.

Bibilu

20.1

Tuipatshila

Bibilu bia Ekelezia, bidi bituala bidimba bia Ekelezia ne bakuabu bantu bua bikala “Bena kuabu ne basantu” (Efeso 2:19). Tuipatshila tua bibilu tudi ne bidi bilonda ebi:

• Kuibaka ditabuija mu Yezu Kilisto.

• Kunaya ne kuduindisha bobumua.

• Kufila mishindu bua bantu kulubuluka.

• Kukolesha bantu ne mêku.

• Kuambuluisha bidimba bia bikala mu mudimu ya lupandu ne tshizanjika (tangila 1.2).

20.2

Kulongolola kua Bibilu

Kumpala kua kulongolola tshibilu, balombodi badi batangila majinga a mu nyuma ne a mu mubidi a bidimba. Balombodi badi bakeba bulombodi bua Nyuma padibu bangata mapangadika a kumanya ne tshibilu kayi tshidi mua kupetangana ne majinga abu.

20.2.1

Bujitu bua Kulongolola kua Bibilu

Bibilu bia Tshikongu bidi mua kulongolodibua mu mishindu idi ilonda eyi, bimanyina mu majinga a pa muaba:

• Tshipangu tshia tshikongu tshidi tshitangila bulongolodi.

• Tshipangu tshia tshikongu tshidi mua kufila bujitu kudi ndongoluelu musunguluka bua kuambuluisha mua kulongolola tshibilu tshimua anyi bia bungi.

• Biobi bijingibua ne koku bidimba ndambu, buepiskopo budi mua kuteka kasumbu ka tshikongu kalongolodi ka bibilu.

Bua ngumu ya bungi pa tshidi tshitangila dilongolola dia bibilu bia bansonga mu tshikongu, tangila 10.2.1.3 ne 11.2.1.3.

20.2.2

Kubikila Bonsu bua Kubuela

Aba badi balongolola bibilu babi ne bua kulenga bantu bonsu, nangananga bidimba bipiabipia, bidimba bidi kabiyi bitamba kulua, bansonga, bakulumpa nkaya, aba badi ne bulema, ne bidimba bia ntendelelu mikuabu.

Bibilu kabiena bua kuikala bujitu bunena kudi balombodi ne bidimba.

20.2.3

Mikenji

Bibilu bia Ekelezia bidi ne bua kudiundisha ditabuija ne bimanyina pa bidi “bimpa, bilengela, anyi bia lumu luimpa, anyi bidi ne ditumbishibua” (Tunungu tua Ditabuija 1:13). Bibilu kabiena bua kuikala ne ebi bidi bishilangana ne malongesha a Ekelezia.

20.2.6

Kutula Mpetu ya Bibilu

Bibilu bia bungi bidi ne bua kuikala bipepela ne bikala ne mpetu mikesa anyi kabiyi biambula mpetu. Ditula dionsu dia mpetu didi ne bua kuikala dianyishibua kudi buepiskopo anyi bulombodi bukulu bua dikunji.

Bidimba kabiena bua kufuta misangu yonsu bua kubuela mu bibilu. Bua ngenzulu ne maludiki pa mpetu ya bibilu, tangila 20.6.

20.4

Mpungilu wa Bansonga

Bituajidila mu ngondu wa kumpala udibu bakumbaja bidimu 14, bansonga baluma ne bansonga bakaji badi babikidibua bua kuikala bakungujibua mu mpungilu wa bansoga. Mpungilu ya Bansonga idi misangu yonsu yenzeka musangu umua ku tshidimu mu tshikongu anyi mu dikunji. Idi mua kuenzeka ne makunji makuabu anyi mu ntenji. Mu tshidimu tshidi bansonga batumibua bua kuikala mu mpungilu wa BDB, makunji ne bikongu kabiena bua kuenza mpungilu ya bansonga to.

Mpungilu ya bansonga wa tshikongu udi mulongola ne bamuambula kudi tshipangu tshia bansonga mu tshikongu mu buludiki bua buepiskopo (tangila 29.2.6). Buepiskopo budi bupeta dianyisha dia bulombodi bukulu bua dikunji bua dilongolola dia mpungilu wa bansonga wa tshikongu.

Bu mudi balombodi ne bansonga balongolola mpungilu wa bansonga, badi ne bua kulonda ngenzelu mu shapita ewu ne maludiki adi alonda â:

• Tshiena bualu tshia bansonga tshia ku tshidimu tshia Ekelezia tshidi ne bua kuikala tshienzela bu tshiena bualu tshia mpungilu wa bansonga.

• Kulongolola bibilu bidi bipetangana ne tshiena bualu.

• Kupeta dianyisha dia buepiskopo anyi dia bulombodi bukulu bua dikunji bua bakudi bonsu ne bibilu.

• Kutuishibua menamena bua butangidi bua bakulumpa ku diba dionsu (tangila 20.7.1).

20.5

Ngenzelu ne Maludiki bua Kusungula ne Kulongolola kua Bibilu

20.5.1

Bibilu bia Dienda Mushinga ne bia Tshididi

Bibilu bienza mu kipatshila ka dienda mushinga anyi ka tshididi bidi bikandikibua (tangila 35.5.2).

20.5.2

Kuja kua Maja ne Misambu

Mu kuja kua maja konsu, mvuadilu, mushindu wa kudimuenesha kumpala kua bantu, bukenka, mushindu wa kuja, miaku ya misambu, ne misambu bidi ne bua kutantshisha luidi ludi Nyuma wa Mukalenga muaba udiyi muakuikala.

20.5.3

Meba a Dilolu mu Dituku dia Dimua

Bidimba bia Ekelezia bidi bilombibua bua kuenza bibilu bia dîku mu dimua anyi misangu mikuabu. Kakuena bibilu bia Ekelezia, bisangilu, anyi midimu ya kutambula idi ne bua kuenza panyima pa 6:00 wa dilolo mu dimua.

20.5.5

Bibilu bia Butuku

Bibilu bia butuku bia Ekelezia bua disangisha bisumbu bia bansonga baluma ne bakaji bidi ne bua kuikala bianyishibua kudi muepiskopo ne mulombodi mukulu wa dikunji. Bidi bia momumua bua bibilu bia bidimba biluma ne bikaji bidi nkaya.

Bibilu bia butuku ku Ekelezia anyi mu tshipalu tshia Ekelezia kabiena bianyishibua to.

20.5.8

Kunemeka kua Dituku dia Sabata

Kakuena bitangu, bibilu bia ndundu, anyi bibilu bikuabu bia manaya bia Ekelezia bidi ne bua kulongolodibua mu Dialumingu to. Kakuena bisumbu bia bansonga ne ngendu mikuabu ya kuya mu bitangu anyi mu mpungilu ya bansonga mu Dialumingu to.

20.5.10

Kukumbula kua Ntempelo

Kumbula a ntempelo kudi kulongolodibua mu tshipidia tshia tshikongu anyi dikunji mu buludiki bua distrika dia ntempelo.

20.6

Ngenzelu ne Maludiki bua Kufila Mpetu ya Bibilu

20.6.1

Bibilu Bifuta ne Makuta a Mpetu ya Tshikongu anyi ya Dikunji

Mpetu ya biuma ya Tshikongu anyi ya Dikunji idi ne bua kuenzela bua kufuta bua bibilu bionsu—ne pa kumbusha bidi bitela mu 20.6.2.

20.6.2

Kufuta kua Bibilu bia Bitangu bia Bansonga

Pikala biuma bia tshikongu anyi bia dikunji kabiyi ne mpetu mikumbana bua bibilu bionsu bitela kulueku, balombodi badi bua kulomba badi babuelamu bua kufuta tshitupa anyi bonsu buayi:

• Bitangu bia matuku a bungi anyi tshibilu tshifuanangana ku tshidimu tshia buakuidi bua Alona.

• Bitangu bia matuku a bungi anyi tshibilu tshifuanangana ku tshidimu tshia bansonga bakaji.

• Bitangu bia dituku dimua anyi tshibilu tshifuanangana tsha bana ba Tshilongelu tshia Mbedi ba bidimu 8 ne ku 11.

Ditula dia makuta anyi diumbuka bua bitangu kabiena mua kuyila mushinga wa bungi to. Dipangila dia mpetu ya nkaya kadiena bua kupangisha tshidimba bua kubuela.

20.6.3

Kufuta kua Mpungilu ya BDB

Bansonga badi mua kulombibua bua kufila mfualanga bua kubuela mu mpungilu wa Bua Dikankamika dia Bansonga (BDB). Pikala mpetu yipangisha nsonga mua kubuela, muepiskopo udi wenzela mpetu ya biuma bia tshikongu bua kufuta bionsu anyi tshitupa tshia mfulanga. Tangila FSY.ChurchofJesusChrist.org.

20.6.5

Bibilu bia Disangisha dia Makuta

Diula dia bintu bua bibilu ditu dienzeka misangu yonsu ne mpetu ya biuma bia dikunji anyi tshikongu. Kadi mulombodi mukulu wa dikunji anyi muepiskopo udi mua kufila bukôkeshi bua kuenza musangu umua mu tshidimu tshionsu dikongakaja dia mpetu bua tuipatshila tudi tulonda etu:

• Bua kuambulushi mua kufuta bua bibilu bitela mu 20.6.2.

• Bua kuambuluisha mua kusumba bintu bidi tshikongu tshijinga bua bitangu ka ku tshidimu.

20.7

Ngenzelu ya Bukubi ne Maludiki a Bibilu

20.7.1

Batangidi bua Bakulumpa

Biobi bikesa bantu bakulumpa babidi badi ne bua kubuela mu bibilu bionsu bia Ekelezia bidi bienzekibua kudi bana anyi bansonga. Bidi mua kujinga bantu bakulumpa ba bungi bilondeshela bunena bua mpuilu, mamanya malombibua bua tshibilu, anyi mikuabu muenenu. Baledi badi balombibua mua kuambuluisha.

Aba bonsu badi benza mudimu ne bana ne bansonga badi ne mua kujikija kalasa ka kumanya kulama bana ne bansonga. Tangila ProtectingChildren.ChurchofJesusChrist.org.

20.7.2

Bidimu Bilombibua bua Kubuela mu Bibilu bia Bansonga

Ne dianyisha dia baledi, bansonga badi mua kuikala mu bibilu bia butuku bia bitangu mu ntuajidilu wa Ngondu wa Kumpala wa tshidimu tshidibu bakumbaja bidimu 12. Badi mua kuikala mu maja, mpungilu ya bansonga, ne mu mpungilu wa BDB ku ntuajidilu wa NgondU wa Kumpala wa tshidimu tshidibu bakumbaja bidimu 14.

20.7.4

Dianyisha dia Baledi

Bana ne bansonga kabena mua kuikala mu tshibilu tshia Ekelezia padibu kabayi ne dianyisha dia baledi babu anyi aba badi babalama. Bua bibilu bia Ekelezia kuela ne tshibilu tshia butuku, luendu lulepa, lua njiwu mikesa, dianyisha difunda didi ne mushinga.

Baledi ne Balami badi bafila dianyisha mu ditua dia tshiala pa Permission and Medical Release form (Mukanda wa Dianyisha ne Diambuluisha dia Londopu).

20.7.5

Milubu ya Malu a Tshinyangu

Binyangu bionsu bidi bifika mu bibilu bia Ekelezia, bidi bua kuamanyishibua kudi bakokeshi ba mbulamatadi. Muepiskopo udi ne bua kumanyishibua pangabi. Maludiki bua bidimba adi mu 38.6.2.7. Maludiki bua bepiskopo adi mu 38.6.2.1.

20.7.6

Mishindu ya Kudilama, Mushindu wa Kudituala Padiku Njiwu ne dimanyisha dia Njiwu

20.7.6.1

Mushindu ya Kudilama

Balombodi ne badi babuela mu bibilu, badi balonga ne budimu bonsu mushindu udibu mua kupepeja bikola njiwu ya kutapika ne masama. Bibilu bidi ne bua kuikala ne njiwu mikesa mu dinyanga dia bintu. Mu bibilu, balombodi badi badienzeja bua kutuishibua ne kudi bulami.

20.7.6.2

Diandamuna ku Njiwu

Pikala njiwu anyi ditapika difika mu bibambalu bia Ekelezia, anyi mu tshibilu tshia Ekelezia, balombodi badi balondesha maludiki adi alonda â, owu enzeka:

• Kufila londopu lua kumpala. Pikala muntu ujinga diambuluisha dia ku lupitadi, tudi ne bua kubikila pangabi tshibambalu tshia londopu. Tudi kabidi mua kubikila muledi, mulami, anyi mukuabu muntu mumanya ne muepiskopo anyi mulombodi mukulu wa dikunji.

• Pikala muntu mujimina anyi mufua, pangabi kumanyisha mpulushi wa pabuipi wa pa muaba.

• Kufila diambuluisha dia mu meji.

• kubenga kukankamika anyi kupepeja mudimu wa mbulamatadi. Kuangantshi mapangadika mu dina dia Ekelezia to.

• Kunguija ne lama mena a bajadiki, mushindu wa kubapeta, mulubu wa bivu bienzeka, ne bindidimbi.

• Manyisha njiwu (tangila 20.7.6.3).

20.7.6.3

Dimanyisha dia Njiwu

Malu adi alonda adi ne bua kumanyishibua mu nshinga ku incidents.ChurchofJesusChrist.org.

• Pikala njiwu anyi ditapika difika mu bibambalu bia Ekelezia, anyi mu tshibilu.

• Muntu uvua mubuela mu tshibilu tshia Ekelezia udi mupangila.

• Bintu bia muntu, bia patoka, anyi bia Ekelezia binyanguka mu tshibilu tshia Ekelezia.

• Malu a mbulamatadi abi menzekibua anyi menza kumpala.

Pikala tshibilu tshifikisha ku mputa minena, ku malu mabi, anyi ku dijimija dia muntu, mulombodi mukulu wa dikunji, muepiskopo, anyi tshidimba tshikuabu tshisungula pangabi tshidi tshimanyisha tshibambalu tshia ntenji.

20.7.6.4

Bukubi ku Njiwu ne Nkonku

Pikala ditapika difika mu tshibilu tshia Ekelezia, balombodi badi bajadika pikala ndongamu wa Church Activity Medical Assistance (Tshibilu tshia Diambuluisha dia Londopu tshia Ekelezia) udi wenzeka.

Mu mishindu mikuabu, mulombodi mukulu wa dikunji anyi muepiskopo udi bua kuikala ne makoka pa biena bualu bia bulami buimpa anyi kulomba kudi Ekelezia. Mulombodi mukulu wa dikunji (anyi muepiskopo muinshi mua buludiki buenda) udi utuma nkonku idiyi nayi ku Tshibambalu tshia Bulombodi bua Njiwu anyi ku tshibambalu tshia nteji.

20.7.7

Luendu

Luendu bua bibilu bia Ekelezia didi ne bua kuanyishibua kudi muepiskopo anyi mulombodi mukulu wa dikunji. Luendu kaluena mua kuteka bujitu bunena kudi bidimba to. Luendu lua ntanta mula bua bibilu ki ndi kankamibua to.

Padibi bikumbana, Bisumbu bia Ekelezia bidi mua kuenzela mashinyia ngendu ya bisalu bua ngendu ya tanta mula. Adi ne bua kuikala mukanda ne makubibua kudi bukubi bua njiwu.

Padi bidimba bia Ekelezia benza luendu ne mashinyi a muntu, mashinyi onsu adi ne bua kuikala makumbana bua kuendeshibua. Muntu yonsu udi ne bua kuenzela mukaba wa bukubi. Muntu yonsu udi wendesha udi ne bua kuilkala ne mukanda wa dianyisha dia kuendesha, ne muikala muntu mukulumpa mushindama.