20.

M̧akūtkūt ko

20.1

Un ko

M̧akūtkūt ko an Kabun̄ in rej kobaiktok membōr ro ippān doon āinwōt “citizen ro rem̧m̧an” (Epesōs 2:19). Jibadbad ko n̄an m̧akūtkūt ko remaron̄ in koba men kein:

• Kalōk tōmak ilo Jisōs Kraist.

• Kōm̧m̧an limo im kōketak bōro kuk.

• Leļo̧k iien ko rem̧m̧an n̄an eddōkļo̧k eo an juon make.

• Kōkajoorļo̧k kajjojo armej im baam̧le ko.

• Jipan̄ membōr ro bōk koņaer ilo jerbal in lo̧mo̧o̧r eo im mour ilo aiboojoj eo eutiejtata (lale 1.2).

20.2

Karōk M̧akūtkūt ko

M̧okta jān karōk juon m̧akūtkūt, ritōl ro rej ļōmņake aikuj ko ilo jetōb im kanniōk an membōr ro. Ritōl ro rej pukōt tōl eo an Jetōb eo n̄an ļame ta kain m̧akūtkūt eo enaaj jipan̄ tōpar aikuj ko.

20.2.1

Bōk Eddo in Karōk M̧akūtkut ko

M̧akūtkūt ko an ward remaron̄ in karōki ilo jabdewōt wāween kein rej ellaajrak, pedped ioon aikuj ko ijo jokwe ie:

• Ward ko̧o̧njeļ eo emaron̄ bōk eddo in karōke.

• Ward ko̧o̧njeļ eo emaron̄ kappeik doulul ko rejenolo̧k n̄an karōk juon ak elōn̄ļo̧k m̧akūtkūt ko.

• N̄e emenin aikuj im ebwe an lōn̄ membōr ro, bisoprik eo emaron̄ ejake juon ward kamiti in m̧akūtkūt.

Kōn meļeļe ko kōn karōk m̧akūtkūt ko an jodikdik ro an ward eo, lale 10.2.1.3 im 11.2.1.3.

20.2.2

Kūr Aolep n̄an Bōk Koņaer

Ro me rej karōk m̧akūtkūt ko rej aikuj pukōtļo̧k aolep, eļap tata membōr ro rekāāl, membōr ro rejeniknik, jodikdik ro, rūm̧m̧an ded ro, ro ewōr nan̄inmej ilo ānbwin, im armej ro jān kabun̄ ko jet.

M̧akūtkūt ko rej aikuj jab likūt eddo ko rejjab menin aikuj ioon ritōl ro im membōr ro.

20.2.3

Jon̄ak ko

M̧akūtkūt ko reaikuj in kōbbōkak im kwaļo̧k men ko me rej “rem̧m̧an, aiboojoj, ak men ko kōmij ba rem̧m̧an ak rerreo n̄an nebar” (Laajrak in Tōmak ko). M̧akūtkūt ko remaron̄ jab koba aolep men ko me rej jum̧ae katak ko an Kabun̄ in.

20.2.6

Jāān n̄an M̧akūtkūt ko

Enan̄in aolep m̧akūtkūt ko rej aikuj in ļam waan im ewōr jidik ak ejjeļo̧k wōņāān. Jabdewōt jāān ko kōjerbali rej aikuj in mālim m̧oktakļo̧k jān bisoprik eo ak stake būreejtōnji eo.

Membōr ro ejjab aikuj emakijkij aer kōļļāik n̄an bōk koņaer ilo m̧akūtkūt ko. Kōn kakien ko im unin tōl ko kōn jāān n̄an m̧akūtkūt ko, lale 20.6.

20.4

Kweilo̧k eo Eļap an Jodikdik ro

Jino ilo Jānwōde in iiō eo ro rej tōpar 14, likao ro im jiron̄ ro rej ruwainene n̄an bōk koņaer ippān doon ilo juon kweilo̧k eļap an jodikdik ro. Kweilo̧k ko reļļap an jodikdik ro ekkā an kōm̧man juon kōttan ilo kajjojo iiō ilo juon ward ak stake ļābōl. Remaron̄ barāinwōt kōm̧m̧an ilo juon ak elon̄ stake ko ak eria ļābōl. Ilo iiō eo me jodikdik ro rej kappe n̄an pād ilo juon kweilo̧k an N̄KJ (FSY), stake ko im ward ko rej aikuj jab kōm̧m̧ani kweilo̧k eļļap ko an jodikdik ro.

Kweilo̧k eļļap ko an jodikdik ro an ward eo rej karōk im kōm̧m̧ane jān ko̧o̧njeļ eo an jodikdik ro an ward eo (lale 29.2.6). Bisoprik eo ej bōk mālim ko jān stake būreejtōnji eo n̄an karōk juon kweilo̧k eo eļap an jodikdik ro ilo ward eo.

Āinwōt ritōl ro im jodikdik ro rej karōk juon kweilo̧k eļap an jodikdik ro, rej aikuj in etale kien ko ilo jebta in im ļoor unin tōl ko ijin ilaļ:

• M̧ato eo iiō otemjej an jodikdik ro an Kabun̄ in emaron̄ in jerbal āinwōt m̧ato eo an kweilo̧k eo.

• Karōk m̧akūtkūt ko me rej jokkun wōt juon ippān m̧ato eo.

• Bōk mālim eo an bisoprik eo ak stake būreejtōnji eo n̄an aolep rikōnono ro im m̧akūtkūt ko.

• Lukkuun lale bwe jejjōt in rūtto ro rej tōl ren pād ilo aolepān iien ko (lale 20.7.1

20.5

Kakien ko im Unin Tōl ko n̄an Kālet im Karōk M̧akūtkūt ko

20.5.1

Karrelel ak M̧akūtkūt ko kōn Kien

M̧akūtkūt ko rej kōm̧m̧an n̄an jabdewōt kōttōpar n̄an kōm̧m̧an jāān (commerial) ak kien (politic) rejjab mālim (lale 35.5.2).

20.5.2

Eb ko im Al ko

Ilo aolep eb ko, nuknuk ko, paoktokim, meram, wāween eb ko, naan ko ilo al eo, im al eo eaikuj in kwaļo̧k juōn mejatoto eo ijo Jetōb eo an Irooj emaron̄ in pād.

20.5.3

Joteen in M̧ande ko

Membōr ro ej kōketak er n̄an kōm̧m̧ani m̧akūtkūt ko an baam̧le ilo M̧ande ak ilo iien ko bar jet. Ejjeļo̧k m̧akūtkūt ko, kweilo̧k ko an Kabun̄, ak iien peptaij ko rej aikuj kōm̧m̧an ālikin 6:00 jota ilo M̧ande ko.

20.5.5

M̧akūtkūt ko Kōm̧m̧an Ium̧win juon Bon̄

M̧akūtkūt ko kōm̧m̧an ium̧win juon bon̄ n̄an kumi in jodikdik ro rej koba ippān doon an likao ro im jiron̄ ro ej aikuj in mālim jān bisop eo im stake būreejtōn eo. Menin em̧ool n̄an aolep m̧akūtkūt ko an membōr em̧m̧aan ro im kōrā ro ejjeļo̧k pāleer.

M̧akūtkūt in kōrraan ko ilo m̧ōnjar ko an Kabun̄ ak melan ko an m̧ōnjar ko rejjab mālim.

20.5.8

Kōjparok Raan in Jabōt

Ejjeļo̧k kāām ko an Kabun̄ in, iien ikkure ko, ak iien m̧akūtkūt ko kom̧m̧an inam̧ōj ren jikejuuļ ilo Jabōt. Barāinwōt doulul in jodikdik ro im ro jet rejjab aikuj in ito itak n̄an ak jān kāām ko ak kweilo̧k eļļap ko an jodikdik ro ilo Jabōt.

20.5.10

Loļo̧k ko n̄an Tampeļ

Lolo̧k ko an tampeļ rej ejaak ilo ļabōl eo an ward ak stake ilo tampeļ district eo emōj kālōte.

20.6

Kakien ko im Unin Tōl ko n̄an Kōļļāik M̧akūtkūt ko

20.6.1

M̧akūtkūt ko Kōļļāik Wōņāān kōn Jāān in Bajet ko an Ward im Stake eo

Jāān in bajet ko an ward ak stake eo rej aikuj in jerbal n̄an kōļļāik aolep m̧akūtkūt ko—kōn bōlen emaron̄ men kein kar kōllaajraki ilo 20.6.2.

20.6.2

Jāān N̄an Wōņāān Kāām ko an Jodikdik ro

Eļan̄n̄e bajet eo an ward eo ak stake eo ejjab bwe jāān n̄an kōļļāik m̧akūtkūt ko rej ellaajrak itulaļ, ritōl ro remaron̄ kajjitōk ippān ro rej bōk koņaer n̄an kōļļāik jidikin ak aolepān:

• Juon ilo juon iiō kāām an Aronic Priesthood eo ak juon m̧akūtkūt ainlo̧k wōt.

• Juon ilo juon iiō kāām an Doulul eo an Jiron̄ ro ak juon m̧akūtkūt ko ainļo̧k wōt.

Jon̄an joļo̧k jāān ak ito itak n̄an juon kāām iiō otemjej ejjab aikuj lab jān jon̄an. Jabwe jāān an juon armej make ejjab aikuj in bōbrae juon membōr jān bōk koņaan.

20.6.3

Kōļļān Kweilo̧k Eļļap ko n̄an N̄KJ (FSY)

Maron̄ kajjitōk ippān jodikdik ro n̄an jipan̄ kōļļā juon wōņāān (fee) n̄an etal n̄an kweilo̧k eļļap ko an N̄an Kōkajoorļo̧k Jodikdik ro (N̄KJ) Eļan̄n̄e wōņāān eo enaaj bōbrae an juon jodikdik bōk koņaan, bisop eo emaron̄ kōjerbal jāān in bajet ko an ward eo n̄an kōļļāik aolepān ak jidik in wōņāān eo (fee). Lale FSY.ChurchofJesusChrist.org.

20.6.5

Iien Kōbajet ko

Jāān ko julo̧k n̄an m̧akūtkūt ko n̄an stake im ward eo ekkā aer kōļļāik kōn jāān in bajet ko. Ijo wōt ke, juon stake būreejtōn ak bisop emaron̄ kōmālim juon iien juon iien kōbajet kajjojo iiō n̄an jibadbad kein wōt:

• N̄an jipan̄ kōļļāik m̧akūtkut ko kar kōllaajraki ilo 20.6.2 im 20.6.3.

• N̄an jipan̄ wiaik kein jerbal me iunit eo ej aikuji n̄an kāām ko kajjojo iiō.

20.7

Kakien ko kōn Kōjparok (Safety) im Unin Tōl ko n̄an M̧akūtkūt ko

20.7.1

Rilale Ro Rōrūtto

Diktata ruo rūtto ro rej aikuj in pād ilo aolep m̧akūtkūt ko an Kabun̄ in ajri ro im jodikdik ro rej pād ie. Emaron̄ lōn̄ļo̧k rūtto ro n̄e aikuj pedped ioon dettan kumi eo, kapeel ko rej menin aikuj n̄an m̧akūtkūt eo, ak un ko jet. Rej kōketak ro jinen im jemen ajri ro n̄an jipan̄.

Aolep ro rej jerbal ippān ajri ro im jodikdik ro rej aikuj kadedeļo̧k kaminene in kōjparok eo n̄an ajri ro im jodikdik ro. Lale ProtectingChildren.ChurchofJesusChrist.org.

20.7.2

Iiō eo Ej Menin Aikuj n̄an Bōk Koņaan ilo M̧akūtkūt ko an Jodikdik ro

Kōn mālim eo an ro jinen im jemen, jodikdik ro remaron̄ pād ilo kāām ko eļo̧k bon̄ier jino ilo Jānwōde in iiō eo rej tōpar 12. Remaron̄ pād ilo iien eb ko, kweilo̧k eļļap ko an jodikdik ro, im kweilo̧k eļlap ko an N̄KJ (FSY) jino ilo Jānwōde in iiō eo rej tōpar 14.

20.7.4

Mālim an Jemen im Jinen Ajri ro

Ajri ro im jodikdik ro remaron̄ jab bōk koņaer ilo juon m̧akūtkūt an Kabun̄ ilo an ejjeļo̧k mālim jān jinier im jemeer ak ro rej bōk eddo in (guardian). Kōn m̧akūtkūt ko an Kabun̄ me ekoba kōļo̧k bon̄, aitok ito itak ie, ak eutiejļo̧k jān kauwōtata ko rejjab kanooj kamijak, juon mālim je ej menin aikuj.

Ro jinen im jemen im ribōk eddo in ro (guardian) ej leļo̧k mālim in kōn jaini Permission and Medical Release form [Boom̧ in Kōtļo̧k Mālim im Taktō (medical)]

20.7.5

Riboot ko Ņae Ko̧kkure

Jabdewōt kakkure me ej waļo̧k ilo juon m̧akūtkūt an Kabun̄ aikuj in riboote n̄an rikien ro. Aikuj kepaak bisop eo ilo iien eo em̧ōkaj tata. Naan in kōmeļeļe ko n̄an membōr rej pād ilo 38.6.2.7. Naan in kōmeļeļe ko n̄an bisop ro rej pād ilo 38.6.2.1.

20.7.6

Riboot kōn Kauwōtata in Kōjparok (safety), Ņa Mejļan Jorrāān (accident), im Jorrāān

20.7.6.1

Kōjparok Kauwōtata ko

Ritōl ro im ribōk koņaan ro rej mejmejkaruo ilo pād ilo m̧akūtkūt ko n̄an kanooj lale bwe en dik kauwōtata in jorrāān eo ak nan̄inmej. M̧akūtkūt ko reaikuj barāinwōt kobaik jorrāān ko reddik n̄an m̧weiuk. Ilo iien m̧akūtkūt ko, ritōl ro rej kōm̧m̧an jabdewōt kijejeto ko n̄an lale bwe en ejjeļo̧k jorrāān.

20.7.6.2

Ņa Mejļan Jorrāān

Eļan̄n̄e juon men ej waļo̧k (accident) ak jorrāān ej waļo̧k ilo meļan eo an Kabun̄ in ak ilo juon m̧akūtkūt an Kabun̄ in, ritōl ro rej lo̧o̧r unin tōl kein, n̄e ekkar:

• Leļo̧k kein kōm̧adm̧ōd idin̄. Eļan̄n̄e juon armej ej aikuj eļapļo̧k kilen kōm̧adm̧ōd ko, kūrļo̧k jikin jipan̄ ko an emergency medial. Barāinwōt kūrļo̧k eo jinen ak jemen, ribōk eddo eo, ak armej eo nukun epaake im bisop eo ak stake būreejtōn eo.

• Eļan̄n̄e juon ej jako ak mej, kōjeļļāik ilo iien em̧ōkaj tata rijerbal in m̧ōn būļiij mān ro ijo jokwe ie.

• Leļo̧k jipan̄ ko rem̧m̧an.

• Jab rōjan̄ ak jab kōketak jerbal in ekajet. Jab kōm̧m̧an kallim̧ur ko ilo etan Kabun̄ in.

• Ain im dāpij āt ko etan rikam̧ool ro, meļeļe ko n̄an tōpar er, meļeļe ko kōn ta eo ekar waļo̧k, im pija ko.

• Riboote jorrāān eo (lale 20.7.6.3).

20.7.6.3

Riboot in Jorrāān eo

Ļoor jekjek ko rej aikulj in ribooti ilo incidents.ChurchofJesusChrist.org.

• Juon men ej waļo̧k (accident) ak jorrāān ej waļo̧k ilo meļan eo an Kabun̄ in ak ilo juon iien m̧akūtkūt an Kabun̄ in.

• Juon armej eo ekar bōk koņaan ilo juon m̧akūtkūt an Kabun̄ in ej jako.

• Juon jikin juon armej make (private), jukjuk in pād (public), ak Kabun̄ in ej jorrāān ilo juon iien m̧akūtkūt an Kabun̄ in.

• Jebal in legal ba enaaj kōm̧m̧an ak kōtmene.

Eļan̄n̄e juon iien ej waļo̧k juon jorrāān eļap, mej, ak an juon armej ejako, stake būreejtōn eo, bisop eo, ak membōr eo kar kālete ej aikuj iien eo em̧ōkajtata kōjeļļāik opiij eo an eria.

20.7.6.4

Joortoklik im Kajjitōk ko

Eļan̄n̄e juon jorrāān ej waļo̧k ilo juon iien m̧akūtkūt an Kabun̄ in, ritōl ro rej kālet eļan̄n̄e būrookraam̧ in Jipan̄ ilo Taktō an M̧akūtkūt an Kabun̄ ej jerbal.

Ilo jet jekjek ko, stake būreejtōn eo ak bisop eo emaron̄ wōr an kajjitōk ko kōn unin kōnono kōn kōjparok (safety) ak maron̄ ko (claim) ņae Kabun̄ in. Stake būreejtōn eo (ak juon bisop ium̧win karōk eo an) ej leļo̧k kain kajjitōk ko n̄an Risk Management Division eo ak n̄an eria opiij eo.

20.7.7

Ito itak

Ito itak n̄an m̧akūtkūt ko an Kabun̄ in aikuj in kōmālim jān bisop eo ak stake būreejtōn eo. Ito itak in aikuj jab likūt eddo ko rejjab menin aikuj ioon membōr ro. Ito itak-ijo ettolok n̄an makūtkūt ko ej jab em̧m̧an.

N̄e epen kōm̧adm̧ōde, kumi ko an Kabun̄ in rej aikuj kōjerbal iaļ in ito itak ko an pejnej ko n̄an ito itak aittok. Ej aikuj in wōr an Ļaijen im bōbraeik kōn liability injurōn.

N̄e kumi ko an Kabun̄ in rej ito itak ilo waan ettōr ko waan armej, kajjojo waan ettōr ej aikuj em̧m̧an an jerbal. Kajjojo armej aikuj kōjerbal jakōļ ko ilo wa eo. Kajjojo rittōr ilo wa ko reaikuj in wōr aer laijen, ritto eo ej eddo in.