20.

Urumwot

20.1

Popun

Urumwot non Mwichefen a ochufengeni memper me ekkoch ussun “aramasen ewe neni fiti noun Kot kewe aramas” (Ephesus 2:19). Popun ekewe urumwot mi tongeni pachenong ekkewe mi tetenitiw:

• Ammari nuku non Jises Kraist.

• Awora pwapwa me tipeew fengen.

• Awora tufichin mamaritan emon won pusin winikapan.

• Apochokuna emon me emon me ekkewe famini.

• Anisi memper ar repwe pachenong non angangen manau ese much me manau mi tekia (nengeni 1.2).

20.2

Kokoten Urumwot

Me mwen ota ew urumwot, ekkewe sou emwen repwe ekieki usun met mi namwot ngeni memper non pekin inis me pekin ngun. Chon emwen repwe kutta ewe emwen an ewe Ngun mi Fel nupwen repwe finata met sokkun urumwot epwe anisi met a auchea ngeni ekkewe memper.

20.2.1

Wis ren Kokoten Urumwot

Kokkotun urumwot non wart a tongeni epwe fis kokotun non ekkei sokkun, anongononog won met a auchea non ewe neni:

• Ewe mwichen opungupung non wart repwe wisen emweni ewe kokkot.

• Ewe mwichen opungupung non wart a tongeni fini ekkewe mwichen aramas ar repwe aninis ne ota ew ika chommong urumot.

• Nupwen mi auchea me ikewe mi naf ekkewe memper me ia, ewe mwichen pisoprik a tongeni epwe forata ew pekin committee ren urumot.

Ren porous ussun kokkotun an sarafo urumot non wart, nengeni 10.2.1.3 me 11.2.1.3.

20.2.2

Kokorato Meinisin ar Repwe Fiti

Ekkewe repwe wisen ota urumwot repwe esinesin ngeni meinisin, akkaewin ekkewe minefon memper, ekkewe ir mi apwangapwangeno, sarafo, ekkewe mi mukono rese mo pupunu, ekkewe mi ter, me aramas seni ekkoch namanam.

Ekkewe urumot resap wata chourekin mettoch rese kon pwan namot won ekkewe souemwen me memper.

20.2.3

Nonnomun

Urumot non Mwichefen repwe emwirinonoi ekkoch me pwarano auchean “murinon, ningan, ika porousochun, are amwararen” (Articles of Faith 1:13). Urumot meni esap pachenong ekkewe mettoch ese murinno ngeni ekkewe osukun an Mwichefen.

20.2.6

Mwonien Urumot

Epwe napengeni kewe urumot repwe chok mecheres me kukkun mwonian ika esap kamo. Ren ekkewe momon repwe kopunguno me mwen ena fansoun urumot seni ewe mwichen pisoprik ika presetensin steik.

Nap ngeni memper resap moni ar repwe pachenong non ekkewe urumot. Ren ekkewe annuk me minen emwen won mwonien urumot, nengeni20.6.

20.4

Ew Mwichen Sarafo

Poputa non January ren ewe ier repwe ne winiti 14 ierir, sarafo at me sarafo nengin ra kokoto ar repwe chufengen ne pachenong non ew mwichen sarafo. Ewe Ew Mwichen sarafo ra nap ngeni kan fifis fan ew non ew ier won ew kinikinin wart ika steik. Ra pwan tongeni fis ne chufengen non ew kinikinin steik ika area. Non ew ier ekkewe sarafo ra okuno ngenir ar repwe fiti ew mwichen FSY, ekkewe steik me wart resap efisi ewe ew mwichen sarafo.

Ewe mwichen opungupungun sarafo non wart ra wisen ota kokotun ekkewe mwichen sarafo non wart, fan emwenien ewe mwichen pisoprik (nengeni 29.2.6). Ewe mwichen pisoprik a angei ewe mumutan kokotun ew mwichen sarafo non wart seni ewe presetensin steik.

Nupwen ekkewe sou emwen me sarafo ra kokot won ew mwichen sarafo, repwe nenengeni ekkewe annuk non ei sopun me ekkewe minen emwen:

• Ewe itenapen sarafo non Mwichefen iteiten ier a tongeni aea pwe itenapen ewe mwich.

• Kokkot won ekkewe urumot epwe wenengeni ewe itenap.

• Angei ewe mumuta seni ewe mwichen pisoprik ika presetensin steik ren ekkewe chon afanafan meinisin me urumot.

• Tumunochu murinon me auchean mokutukutun ika emwen seni kewe mi mukono fansoun meinisin.(nengeni 20.7.1).

20.5

Annuk me Emwen ren Kefinin me Kokotun Urumot

20.5.1

Urumot ren Pekin Pisnis ika Politiks

Urumot a fis ren pekin pisnis ika poletiks rese mumuta (nengeni 35.5.2).

20.5.2

Poruk me pekin Etik

Non meinisin kewe poruk, uf, nikinikin staenin inis, sokkun saramen ewe neni, napanapen poruk, fosun kon, me etik repwe kawor ngeni ew neni ikewe ewe Ngunun ewe Samon epwe tongeni nom ie.

20.5.3

Pwinin Sarinfan

A wor pesepes ngeni ekkewe memper ar repwe efisi urumot an famini non Sarinfan ika pwan non ekkoch fansoun. Esap wor mokutukutun Mwichefen, mwich, ika angangen papatais epwe fis mwirin kunok 6:00 p.m. non Sarinfan.

20.5.5

Urumot Unusen ew Pwin

Urumot an Mwichefen epwe pwinin epwin ren ekkewe kumi mi kochufengen ren sarafo at me nengin repwe kopunguno seni ewe pisop ika presetenin steik. Epwe pwan ina chok ussun ren met mi pung ren urumot fan iten mwan me fefin ir memper rese pupunu.

Urumot unusen ew pwin ren ewe Imwen fan ika won punun ewe imwen fan rese mumuta.

20.5.8

Mokutukutun Non Raniin-Sabbath

Esap wor kamp an Mwichefen, mokutukutun pekin urumot, ika esap wor etetenin ekkewe sokkun urumot non Raninifen. Esap pwan wor mwichen sarafo me ekkoch sai ngeni ika seni kamp ika mwichen sarafo non Raninifen.

20.5.10

Chuno ngeni Tempel

Chuno ngeni tempel a or kokotan seni ewe kinikinin wart ika steik non ewe tischrik tempel mi kefinita.

20.6

Annuk me Emwen ren Monien Urumot

20.6.1

Urumot mi Kamo seni Monien Wart ika Steik

Monien wart ika steik epwe nounou ne moni meinisin urumot—fiti ekkewe mi tufichin ketiweu mi tetenitiw non 20.6.2.

20.6.2

Monien Kamp an Sarafo

Ika mwonien ewe wart ika steik ese naf ren ekkewe urumot mi tetenitiw fan, ekkewe sou emwen repwe tingor ngeni ekkewe chon fiti ar repwe moni ekkoch ika fen unusan:

• Ew nakatamen kamp an Aaronik pristut iteiten ier ika urumot mi arapakan ussun chok.

• Ew nakatamen kamp an Mwichen Fopun ika urumot mi chok arapakan ussun chok.

• Ew ranin kamp iteiten ier ika urumot mi arapakan ussun chok an semiritin Kinter ier 8 ngeni 11.

Ekkewe mwonien ika sai ren ew kamp iteiten ier esap nuno seni ukukun mwonian. Nafangawen noun emon mwoni won winikapan esap epeti an emon memper epwe fiti.

20.6.3

Monien Mwichen FSY

Meni epwe wor tingoren aninis ne awora niwinin om kopwe fiti ewe mwichen Ren ewe Pochokunen Sarafo (FSY) mwich. Ika ewe niwin epwe epeti emon sarafo an epwe pachenong, ewe pisop epwe nounou mwonien wart an epwe moni meinisin ika ekkoch ekkei niwin. Nengeni FSY.ChurchofJesusChrist.org.

20.6.5

Angangen Kaworen Mwoni

Mommon ren steik me wart urumot a napngeni a kamo seni mwonien steik me wart. Iwe nge, emon presetenin steik ika pisop a tongeni epwe mutata ew angangen kaworen mwoni iteiten ier fan iten chok ekkewe popun mi tetenitiw:

• Ren aninisin momon ekkewe urumot mi tetenitiw non20.6.2.

• Ren aninisin kamon ekkewe pisekin urumot ra auchea ngeni ewe mwich ren kamp iteiten ier.

20.7

Annukun Pekin Tumun me Minen Emwen ren Urumot

20.7.1

An Ekkewe mi Mukono Pekin Tumun me Emwen

Esap kukkun seni ruemon mi mukono repwe wisen nonom non meinisin ekkewe pekin urumot an Mwichefen ren ekkewe semirit me sarafo. Pwan ekkoch mi mukono a namot repwe nom anongonong won ukukun ewe mwich, ekkewe pekin sinei a namot ngeni ewe urumot, ika ekkoch mettoch. A wor pesepes ngeni sam me in ar repwe aninis.

Meinisin ion mi angang ngeni semirit me sarafo repwe ounusano ewe pekin kaeo ren tumunun semirit me sarafo (youth protection training). Nengeni ProtectingChildren.ChurchofJesusChrist.org.

20.7.2

Ierin ekkewe repwe Fiti non pekin an Sarafo Urumot

Fiti ewe mumuta an ekkewe sam me in, sarafo ra tongeni fiti ewe kamp epwe pwini epwin poputa non January ren ewe ier ierir a 12. Ra tongeni fiti poruk, mwichen sarafo, me mwichen FSY poputa non Janauray ren ewe ier ierir a 14.

20.7.4

Mumuta Meren Sam me In

Semirit me sarafo resap pachenong non ew urumot an Mwichefen ika ese wor mumuta meren iner me semer kewe ika kewe chon tumunur. Ren urumot an Mwichefen mi pachenong nomono ren ew pwin, tamen sai, ika epwe watte efeiengawan, a auchea epwe wor taropwen mumuta.

Sam me in me chon tumunu kewe semirit repwe awora taropwen mumuta ren ar repwe sainei ewe Taropwen Mumuta me Katoun Taropwen Pioing (Permission and Medical Release form).

20.7.5

Repotun Kawetengaw ika Nounoungaw (abuse)

Ika mi wor sokkun kawetengaw ika nounoungaw mi fis atun ew urumot an Mwichefen epwe wor repot won ngeni chon angangen pekin annuk. Epwe wor mwitirin esinesin ngeni ewe pisop. Kapasen emwen fan iten memper ra nom non 38.6.2.7. Kapasen emwen fann iten pisop ra nom non 38.6.2.1.

20.7.6

Moneta Ngeni Eppetin Feiengaw, Amonata Pekin Aninis Nupwen Akseten, me Repotei Akseten

20.7.6.1

Moneta Ngeni Epetin Feiengaw

Sou emwen me chon fiti repwe tumunochu ne nenengeni nonomun ekkewe urumot an esap efisata feiengaw ika samau. Ekkewe urumot repwe pwan awora tumunun tan ekkewe pisek. Nupwen epwe fis kewe urumot, kewe sou emwen repwe achocho ngeni ne tumunu an esap wor osukosuk are feiengaw.

20.7.6.2

Amonata Pekin Aninis Nupwen Akseten

Nupwen ew akseten ika feiengaw epwe fis non ewe nenien Mwichefen ika fansoun ew mokutukutun urumot an Mwichefen, ekkewe sou emwen repwe nenengeni ekewe minen emwen, nupwen mi fich ngeni.

• Awora Pisekin Tumunun Feiengaw. (first-aid) Ika emon aramas a mochen soposopun pisekin pekin safei, kori emerechensi ren pekin aninisin safei. Pwan kori ewe sam ika in, ewe chon tumunu, ika ion mi kon kanengeni me ewe pisop ika presetenin steik.

• Ika emon a morukono ika mano, mwitir awora esinesin ngeni pekin apochokuna annuk non ewe neni.

• Awora aninis non tong me umoumoch.

• Kosap pesei ika etipemwaramwara mokutukutun pekin annuk. Kosap fori kapas pwon fan iten ewe Mwichefen.

• Ioni me isoni iten ekkewe chon pwarata, nampan nour fon me nenier, repotun met a fis, me sasing.

• Repotei ewe akseten (nengeni 20.7.6.3).

20.7.6.3

Repotei Akseten

Ekkewe mettoch a fis epwe wor repot won won line ren incidents.ChurchofJesusChrist.org.

• Ew akseten ika feiengaw a fis non nenien Mwichefen ika fansoun ew mokutukutun urumot an Mwichefen.

• Emon aramas a pachenong non ew urumot an Mwichefen a morukono.

• Nenien emon aramas ika mwichen aramas, nenien chommong aramas, ika nenien Mwichefen a ta non fansoun ew urumot an Mwichefen.

• Mokutukutun pekin annuk a enuokus ika osukusuku an epwe fis.

Ika ew mettoch a fis nge a punguno non ew watten feiengaw, aksetenin mano, ika morukonon emon aramas, ewe presetensin steik, pisop, ika memper a finita an epwe mwitir esinesin ngeni ewe area ofes.

20.7.6.4

Insurance me Kapaseis.

Ika ew feiengaw a fis non fansoun ew an Mwichefen mokutukut, sou emwen repwe ekieki ika ewe prokramin Aninisin Pekin Safei ren urumot an Mwichefen epwe anisi. (Church Activity Medical Assistance program)

Non ekkoch napanap, ewe presetenin steik ika pisop epwe awora kapaseis ussun osukosuken pekin tumunun feiengaw ika pochokunen tingor ngeni ewe Mwichefen. Ewe presetenin steik (ika emonn pisop a nom fan emwenian) epwe wano ewe kapas eis ngeni ewe Risk Management Division ika ngeni ewe ofesin area.

20.7.7

Sai

Sai ren urumot an Mwichefen epwe wor mumutan seni ewe pisop ika presetenin steik. Ei sai esap wata won ekkewe memper repwe mefi chourekin. Sai towaw ren ekkewe urumot kosap apochokuna.

Nupwen epwe tufich, ekkewe mwicheich non Mwichefen repwe wawa sein won aan won fonu ren sai mi towau. Epwe wor naisinin me tumun ren insurance.

Ika mwichen Mwichefen ra sai non ekkewe sein pasin ren ir ichok, efoch me efoch kewe wa epwe tumun nonomun fetanin. Emon me emon chon sai repwe penitir. Emon me emon chon unteng epwe wor noun naisin, ir mi mukono mi tumunoch.