21.

Iamwiri

21.0

Nepoputan

Iamwiri wewen angang ngeni ekkoch usun ewe Chon Amanau a fen fori (nengeni Matthew 20:26–28).

Ewe Samon a mochen meinisin chon An Mwichefen repwe angei ena sokkun tumun. Ren ei popun, ekkewe mi amwochu pristut ra wisen ar repwe mwan chon iamwir ngeni eu chochon imw. Fefin chon iamwir ra ewis ngeni emon me emon fefin mi mwukono.

21.1

Wisen ekkewe Fefin me Mwan Chon Iamwir

Fefin me mwan chon iamwir mi wor rer ekkei wis mi tettenitiw fan iten ekkewe aramas me famini mi ewis ngenir:

• Anisir ne apochokuna ar nuku non Samach won Nang me Jises Kraist.

• Anisir ne amonnata ar repwe fori me apwonueta pwon mi pin ngeni Kot nupwen ra angei angangepin.

• Sinei met mi auchea ngenir me awora tong usun an Kraist, tumun, me angang ngenir.

• Anisir repwe fefeita non pekin ngun me pekin kuta-tufichir.

21.2

Etetteni Iamwir

21.2.1

Fori Wis

Presetensin mwichen Elter me Relief Society iotekochu ekkewe wis fan iten ekkewe mwan me fefin chon iamwir. Napengeni ra ewisa ruemon mwan ika ruemon fefin repwe ponufengen. Ra kutta an ewe pisop mumuta ren ekkewe ra ponufengen ren iamwir me wis.

Eu pea pupunu mi tongeni ewis ne iamwir fengen ngeni emon aramas ika famini.

Mwan me fefin chon iamwir rese kokko, ketiw ach sipwe etiwer, ika efeioch ngeni wis.

21.2.2

Wisen Iamwir ren Serafo

Emon fopun mi tongeni angang ren an epwe aponu ngeni emon non iamwir ngeni emon fefin Relief Society nupwen ewe fopun mi chengen me tongeni. Mi tongeni poputa ne angang non ewe ier epwene ierin 14.

Emon anuon a angang an aponu ngeni emon mi amwochu Melkisetek Pristut nupwen i mi seikita ngeni ewe ofesin ticher ika prist.

21.3

Interfiun Iamwir

Ewe presetenin mwichen elter me noun chon aninis ra interfiuni mwan chon iamwir. Ewe presetenin Relief Society me noun chon aninis ra interfiuni fefin chon iamwir.

Ekkei interfiu ra fis mwaren fan eu iteiten unungat maram.

Ar kewe popun pwe repwe:

• Ourour fengen usun ekkewe pochokun, met mi auchea ngenir, me weiresin ekkewe aramas me famini mi ewis ngenir.

• Aporousa ekkoch aanen ar repwe anisi ekkewe aramas ne amonneta ar repwe angei angangepin ika mi namot.

• Ekieki ifa usun ewe mwichen elter, Relief Society, mwichen wart me ekkoch repwe tongeni aninis.

• Aiti me apochokuna mwan me fefin chon iamwir.

21.4

Ota Angangen Iamwir

Presetensin Relief Society me mwichen elter ra mwichfengen esap kukun seni fan ew iteitan unungat maram. Ra attonaochu sefan met ra kaeo non interfiun Iamwir (nengeni 21.3). Ra pwan ota wisen iamwir.

Non wart/pranch mi chokukkun chon mwichefen mi pochokun, ewe presetensin Relief Society me mwichen elter mi tongeni finata ar resap ewisa ir me ru fefin chon iamwir me mwan chon iamwir ngeni ekkoch chon mwichefen.