kuimba’ekuéra omopu’ãvo ita

21.

Ministrasiõ

21.0

Ñepyrũmby

Ñeministra he’ise jaservi ambuekuérape pe Salvador ojapo haguéicha (tojehecha Mateo 20:26–28).

Ñandejára oipota opavave Itupao miembro-kuéra tohupyty upeichagua ñeñangareko. Upévare, umi orekóva pe sacerdocio oñeasigna hermano-kuéra ministránteramo peteĩteĩ miembro familia-pe. Umi hermana ministránte oñeasigna peteĩteĩ hermana kakuaávape.

21.1

Umi hermano ha hermana ministránte rresponsabilidakuéra

Umi hermano ha hermana ministránte oreko ko’ã rresponsabilida umi tapicha ha familiakuéra oñeasignáva chupekuérare:

• Oipytyvõ chupekuéra omombarete hag̃ua ijerovia Túva Yvagagua ha Jesucristo-re.

• Oipytyvõ chupekuéra oñembosako’ívo ojapo ha oñongatu hag̃ua umi konvénio sagrádo Tupã ndive orresivívo ordenansakuéra.

• Ohechakuaa umi temikotevẽ ha ome’ẽ Cristo-ichagua mborayhu, ñeñangareko ha servicio.

• Oipytyvõ chupekuéra ha’e hag̃ua autosuficiente umi mba’e espiritual ha temporal-vape.

21.2

Ministrasiõ Ñemohenda

21.2.1

Ojejapóvo Asignasiõnguéra

Elder-kuéra kórum ha Sociedad de Socorro presidencia ñembo’epópe okonsidera umi asignasiõ hermano ha hermana-kuéra ministrante-pe g̃uarã. Ha’ekuéra oasigna jepi mokõi hermano ha mokõi hermana oñoirũramo. Ha’ekuéra oheka obispo moneĩ umi ministrasiõme g̃uarã irũ ha asignasiõ.

Peteĩ paréha omendáva ikatu oñeasigna oministra hag̃ua oñondive peteĩ tapicha térã famíliape.

Hermano ha hermana-kuéra ministrante noñehenói, noñesostenéi ni ndoje’apartái.

21.2.2

Ñeministra Asignasiõ umi Jóvenes-pe g̃uarã

Peteĩ mujer joven ikatu oservi peteĩ irũ ministrante-ramo peteĩ Sociedad de Socorro hermana-pe upe mujer joven oipotárõ ha ikatúrõ. Ha’e ikatu oñepyrũ oservi pe ary okumplívo 14 áño.

Peteĩ hombre joven oservi irũ ministrante-ramo peteĩ orekóva Melquisedec Sacerdocio-pe ha’e oñeordena vove maestro térã presbítero ofísiope.

21.3

Umi Ministrasiõ Entrevista

Elder-kuéra kórum presidente ha ikonseherokuéra oentrevista umi hermano ministrante-pe. Sociedad de Socorro presidenta ha ikonseherakuéra oentrevista umi hermana ministrántepe.

Ko’ã entrevista ojejapo peteĩha jepe káda mbohapy mes.

Umíva propósito ha’e:

• Ñemongeta umi tapicha ha familiakuéra oñeasignáva mbaretekue, remikotevẽ ha py’ara’ãnguéra rehe.

• Ñehesa’ỹijo mba’éichapa oñeipytyvõkuaa tapichakuérape oñembosako’ívo orresivi hag̃ua ordenansakuéra, oñeikotevẽrõ.

• Ojehecha mba’éichapa oipytyvõkuaa elder-kuéra kórum, Sociedad de Socorrro, consejo de barrio ha ambuekuéra.

• Oñehekombo’e ha oñemokyre’ỹ hermano ha hermana-kuéra ministrante-pe.

21.4

Oñemohendaporãvo Ministrasiõ Rembiapo

Sociedad de Socorrro ha elder-kuéra kórum presidencia oñembyaty oñondive jepe káda mbohapy mes. Ha’ekuéra ohesa’ỹijo umi mba’e oikuaava’ekue ministrasiõ entrevista-kuérape (tojehecha 21.3). Avei omohendaporã umi ministrasiõ asignasiõ.

Umi unida oĩháme pokã miembro activo, Sociedad de Socorro ha elder-kuéra kórum presidencia ikatu odesidi noasignái hermano ha hermana-kuéra ministránte alguno umi miembro-pe.