21.

Dikuba

21.0

Tshibangilu

Dikuba didi diumvuija kusadila bakuabu muvua Mupandishi muenza (tangila Matayo 20:26-28).

Mukalenga udi ujinga ne bidimba bionsu bia Ekelezia wenda bipeta dikuatshisha edi. Bua kipatshila aka, aba badi ne buakuidi badi batumibua bu batatu bakubi ku mêku onsu. Bamamu bakubi badi batumibua kudi mamu yonsu mukulumpa.

21.1

Majitu a Batatu ne Bamamu Bakubi

Batatu ne bamamu bakubi badi ne majitu adi alonda bua bantu ne mêku batumibua kubibu:

• Kuambuluisha bantu mua kukankamika ditabuija diabu mu Tatu wa mu Dîulu ne mu Yezu Kilisto.

• Kubambuluisha mua kudilongolola bua kuenza ne kupeta milulu ya tshijila ne Nzambi padibu bapeta milulu.

• Badi bajingulula majinga ne bafila ngikadilu ya dinanga ya buena Kilisto, balama ne basadila.

• Badi babambuluisha bua bikala badikadila mu nyuma ne mu mubidi.

21.2

Kulongolola Dikuba

21.2.1

Kuenza Matumika

Bulombodi bukulu bua mpuilu wa bakulu ne bua Nsangilu wa Diambuluisha mu disambila badi balongolola difila dia dia bujitu kudi batutu ne bamamu bakubi. Badi nangananga bafila bujitu kudi batutu babidi anyi bamamu babidi bu bashindikijanganyi. Badi bakeba dianyisha dia muepiskopo bua bashindikijanganyi ba bakubi ne dibateka.

Muluma ne mukaji badi mua kutumibua bua kukuba pamua muntu anyi dîku.

Batatu bakubi ne bamamu kabena bababikila, babatua mpanda anyi baba teka pa buawu to.

21.2.2

Matumika a Bukubi a Bansonga

Nsonga mukaji udi mua kusadila bu mushindikiji wa bukubi kudi mamu wa Nsangilu wa Diambuluisha padi nsonga mukaji mujinga ne ukumbana. Udi mua kutuadija kusadila mu tshidimu tshidiyi ukumbaja badimu 14.

Nsonga muluma udi mua kusadila bu mushindikiji wa bukubi kudi ewu udi ne Buakuidi bua Melekisedeke padiyi mujidila mu mudimu wa mulongeshi anyi muakuidi.

21.3

Miyuki ya Bukubi

Mulombodi wa mpuilu wa bakulu ne babedi benda badi bayikila nkaya ne batatu bakubi. Mulombodi wa Nsangilu wa Diambuluisha ne babedi benda badi bayikila nkaya ne bamamu bakubi.

Miyuki ya nkaya eyi idi mua kuenzeka musangu umua mu ngondu isatu.

Tuipatshila tuawu tudi tua:

• Kubela bitangila dikankamana, majinga, ne ntatu ya bantu anyi mêku adibu batumibua.

• Kuyukilangana mu mushindu udibu mua kuambuluisha bantu mua kupeta milulu biobi bikumbana.

• Kuela meji mu mushindu udi mpuilu wa bakulu, Nsangilu wa Diambuluisha, tshipangu dia tshikongu, ne bakuabu mua kuambuluisha.

• Kulongesha ne kukankamika batatu ne bamamu bakubi.

21.4

Kulombola Pamua Midimu ya Bukubi

Bulombodi bukulu bua Nsangilu wa Diambuluisha ne mpuilu wa bakuku badi batuilangana biobi bikesa musangu umua panyima pa ngondu isatu. Badi batangilula bintu kayi bivuabu bapeta mu miyuki nkaya yabu ya bukubi (tangila 21.3). Badi kabidi bakaja mfidilu wa bujitu bua bukubi.

Mu bobumua ne bidimba bidi mu mudimu, bulombodi bukulu bua Nsangilu wa Diambuluisha ne wa mpuilu wa bakulu badi mua kubenga kuangata mapangadika mua kufila bujitu ku bamamu ne batatu bakubi kudi bidimba bikuabu.