Mme Nwed Ndutum ye mme Ikoot
22. Edinɔ mme Unana Ikpɔkidem ye Editɔŋɔ Edida-ke-idem

.“22. 22. Edinɔ mme Unana Ikpɔkidem ye Editɔŋɔ Edida-ke-idem,” Se Emekde eto Ofuri Ŋwed Ndutum (2023).

.“22. 22. Edinɔ mme Unana Ikpɔkidem ye Editɔŋɔ Edida-ke-idem,” Se Emekde eto Ofuri Ŋwed Ndutum

erenowo anamde-utom

22.

Edinɔ mme Unana Ikpɔkidem ye Editɔŋɔ Edida-ke-idem

22.0

Ntɔŋɔ

Mbon Ufɔk Abasi ediomi ete ke “iyebiom mbiomo kiet eken, … itua ye mmɔ emi etuaŋade … , inyuŋ idɔŋ mmɔ emi efuhɔde esit” (Mosiah 18:8–9).

Eteme mbon ufɔk Abasi nko ete esɔŋɔ edida-ke-idem eke idem mmɔ ke ntiŋ-enyin utom din ye unwam Abasi. Edida-ke-idem edi ukeme, nsin-ifik, ye utom man ɔyɔ ke mme unana eke ŋkpɔ spirit ye ikpɔkidem ke uwem ɔnɔidemesie ye ufɔkemana.

UKEME EKE OWO YE EKE UFↃKEMANA

22.1

Tɔŋɔ Edida-ke-idem

Ye unwam otode Abasi, mbon ufɔk Abasi etɔŋɔ edida-ke idem ke mme usuŋ emi;

  • Etɔŋɔ enyene ɔsɔŋoɔ ke spirit, ikpɔkidem ye ke ekikere.

  • Eka ufɔkŋwed enyuŋ enyene utom.

  • Enam mbeŋe-idem ke idem owo ofon.

22.1.4.

Mbeŋe-idem eke Idem owo

Ŋwed Abasi ekpep abaŋa ufɔn edidu ke mbeŋe-idem. (se Ezekiel 38:7; Doctrine ye Covenants 38:30). Eteme mbon ufɔk Abasi edu ke mbenŋe-idem man mmɔ ekeme edinam-ŋkpɔ nnɔ idem mmɔ, ufɔkemana mmɔ, ye mbon efen ke mme ini unana.

Mbon ufɔk Abasi enam mbeŋe-idem ke ŋkpɔ-okuk ke:

  • Edikpe mbak-duop ye mme enɔ eken (se Malachi 3:8–12).

  • Edisio-idem ye edikpɔŋ isɔn ke nte mmɔ ekpekemede.

  • Edibeŋe-idem ye edidu-uwem ntiene okuk emi mmɔ enyenede.

  • Edinim-okuk nɔ ini-iso.

  • Edika ufɔkŋwed man anwam mmɔ ke edinam-ŋkpɔ nnɔ idem mmɔ ye mme ufɔkemana mmɔ (se 22.3.3).

Mbeŋe-idem nko esine edinyene ekiekere ke nte ekpeyode mkpri unana kini ediwat ŋkpɔ etibede. Eteme mbon ufɔk Abasi ete etɔŋɔ edinim udia, mmɔŋ, ye mme ŋkpɔ-uwem eken emi edibihide ke esisit ini ye ke anyan-ini.

22.2

Nwam Mbon emi enyenede mme Unana ikpɔkidem ye eke Ekikere

Ema ekpep mme mbet Ↄbɔŋ ete “ema … enwam kiet eken” nko man “enyaŋa mbon emi eyomde … erinyaŋa” (Mosiah 4:15–16). Mbon ufɔk Abasi edomo edikut mbon efen ke nte Andinyaŋa okutde mmɔ, ediɔŋɔ asaŋa-asaŋa ukeme ye unana mmɔ. Mme unana emi ekeme edidi udia, ɔfɔŋ, itie-iduŋ, ufɔkŋwed, edinyene-utom, nsɔŋ-idem eke ikpɔkidem ye eke ekikere.

22.2.1.

Ubet-ubono-nkpɔ Jehovah

Ekot kpukpru mme ŋkpɔ-unwam emi Ufɔk Abasi enyenede man eda enwam ke mme unana ikpɔkidem nte ubet-ubono-ŋkpɔ Jehovah (se Doctrine ye Covenants 82:18–19). Emi esine ini, ifiɔk-enɔ, esit-mbom, ŋkpɔ-utom, ye ŋkpɔ-okuk emi mbon ufɔk Abasi enɔde man enwam mbon emi edude ke unana.

Ubet-ubono-ŋkpɔ Jehovah odu ke ward ye stake kiet-kiet. Mme adausuŋ ekeme edinwam mme owo ye ufɔkemana edikut ubɔhoɔ ke mme unana ke edinɔ ifiɔk, ifiɔk-utom, ye utom-unwam emi mbon ufɔk Abasi ke ward ye stake ekenɔde.

22.2.2.

Mbet Utre-udia ye mme Enɔ Utre-udia

Abasi ama owuk mbet utre-udia ye mme enɔ utre-udia man ada ɔdiɔŋ ikɔt Esie onyuŋ ɔnɔ mmɔ usuŋ eke mmɔ ekpenwamde mbon edude ke unana. Mbon ufɔk Abasi esaŋa ekpere Abasi enyuŋ esɔŋɔ eda ke spirit nte mmɔ enamde mbet utre-udia. (Se Mosiah 58: 6– 6; Moroni 3: 8– 8.)

Ekeme editie utre-udia ke ini ekededi. Nte ededi, mbon ufɔk Abasi esiwak edinim akpa Sabbath ke ɔfiɔŋ nte usen utre-udia. Usen utre-udia enehede esine mme ŋkpɔ emi:

  • Ediboŋ-akam

  • Editre udia ye mmɔŋ ke usen kiet (edieke ikpɔkdem ekemede)

  • Edinɔ ɔyɔhɔ enɔ utre-udia

Enɔ utre-udia edi okuk-enɔde mna enwam mbon edude ke unana. Kini mbon ufɔk Abasi etrede-udia, ekot mmɔ ete eda enɔ-okuk emi ekpedide ukem ye ndaha udia emi owo oro midiaha.

Mbon ufɔk Abasi ekeme edinɔ enɔ utre-udia mmɔ enyuŋ ye ɔyɔhɔ ŋwed Mbak-duop ye mme Enɔ Eken enɔ bishop mme kiet kotu mme ɔnɔitem esie. Ke usuk ebuat, mmɔ ekeme edinɔ mme enɔ mmo ke nkpo-ofim.

UKEME EKE ADAUSUŊ

22.3

Usuŋ Edibɔp Edida-ke-idem ye Edinwam Mbon edude ke Unana

22.3.1.

Yom Mbon Edude ke Unana

Bishop enyene nsasana ubiɔŋ-utom ediyom nyuŋ nam mbon edude ke unana (se Doctrine ye Covenants 84:112). Mbon efen emi enyenede akpan utom ke edinwam bishop ye ubɔŋ-utom emi edi:

  • Mme Ↄnɔ-unwam Nditɔ-eka Irenowo ye Iban.

  • Mme presidency eke Relief Society ye eboho elders.

  • Mme ɔnɔitem eke bishop.

  • Mbon ufɔk Abasieken emi edude ke mbono-esop eke ward.

22.3.2.

Nwam Mbon Ufɔk Abasi Eduŋɔ enyuŋ Eyɔ Mkpri Unana

Mbon ufɔk Abasi edomo man eyɔ mkpri unana ke ukeme idem mmɔ ye ke unwam eke mbon ufɔkemana. Kini emi mikemke, mbon ufɔk Abasi ekeme ediyom unwam nto mme oruk usuŋ efen nte:

  • Ŋkpɔ-unwam eke Ukara ye obio (se 22.12).

  • Unwam eke ufɔk Abasi.

Unwam eke ufɔk Abasi.ekeme edisine unwam ke ekpri-ini unana oruk nte udia, ŋkpɔ nsɔng-idem, ɔfɔng, itie-idiuŋ, mme ke ŋkpɔ uwem efen. Bishop ekeme edida mme enɔ utre-udia man anwam ke mme unana emi. Ke ebiet emi se bishop otobode odude, mme bishop ewak edida mme ŋkpɔ oro man enɔ udia ye mme nti ŋkpo uwem eken (se “Bishops’ Orders and Referrals” in Leader and Clerk Resources [LCR]).

22.3.3.

Nwam Mbon Ufɔk Abasi Enam Anyan-ini Edida-ke-idem

Mbon ufɔk Abasi ekeme ediyom unwam nkiso man eyɔ mme anyan-ini mfina. Edika-ufɔkŋwed, edikpep utom, mme nkpɔ-unwam efen ekeme edinwam mmɔ etɔŋɔ edida-ke-idem onyuŋ ɔnɔ unwam ke mme anyan-ini unana.

Ŋkpo Uduak Edida-ke-idem anwam mbon ufɔk Abasi edidiɔŋɔ mme ɔsɔŋɔ ye unana mmɔ. Oro nko anwam mmɔ edidiɔŋɔ mme nti ŋkpɔ-unwam. Ana ekama uduak emi ke ini kiet-kiet emi ekerede edino unwam eke Ufɔk Abasi.

22.3.4.

Nwam Mbon emi enyenede mme Unana Ekikere

Ediwak mbon ufɔk Abasi enyene mfina ke ekikere. Mme ɔnɔ-unwam nditɔ-eka irenowo ye iban ye mbon ward ekeme edidi ŋkpɔ-utom ke edinwam mbon ufɔk Abasi emi enyenede mme mfina emi.

22.4

Ido-mbet eke Edinɔ Unwam eke Ufɔk Abasi

Diana ye unwam eke Abasi, mbn ufɔk Abasi eyom usuŋ man enam-ŋkpɔ enɔ idem mmɔ ye ufɔkemana mmɔ.

Enam unwam eke ufɔk Abasi man anwam mbon ufɔk Abasi editɔŋɔ nda-ke-idem idihe edibere-edem ke owo. Unwam ekededi enɔde ana ɔsɔŋɔ mbon ufɔk Abasi idem ke ukeme mmɔ eikdabare nda-ke-idem.

22:58

22.4.1.

Teme Edidi Ubiɔŋ nnɔ Idem ye Ufɔkemana mmɔ

Mme adausunŋ ekpep ete ke mme owo ye ufɔkemana enyene akpa ubiɔŋ-utom enɔ nsɔŋ-idem eke ikpɔkidem, ekikere, ye eke spirit mmɔ.

Mbemiso edinɔ unwam eke Ufɔk Abasi, bishop (mme adausuŋ efen mme owo ufɔk Abasi emi enye ɔdɔŋde) eyefiak-ese ye mbon ufɔk Abasi ewe ŋkpɔ-unwam ke mmɔ ekama man edinwam ke mme unana mmɔ.

22.4.2.

Nnɔ Esisit Unwam ke mme Akpan Unana

Uduak Ufɔk Abasi edi edinɔ ediyɔ mme unana ke esisit ini kini mbon ufɔk Abasi edomode edikabare nda-ke-idem.

Mme bishop ana enyene eti ubiere enyuŋ eyom ndausuŋ eke spirit kini ekerede-ebaŋa ibat ye ini emi edinɔde unwam oro. Ana mmɔ enyene esit-mbom enyuŋ efɔn-ido kini minamke edibere-edem ke owo.

22.4.3.

Nnɔ Ŋkpo-unwam mme Utom-unwam Edi Okudi Okuk

Edieke ɔfɔnde, bishop ana etre edinɔ okuk. Edi, enye ana ada mme enɔ utre-udia mme editobo eke bishop man ɔnɔ mbon ufɔk Abasi udia mme utom-unwam. Ekem mbon ufɔk Abasi ekeme edida okuk mmɔ man ekpe ke mme ŋkpɔ unana eken.

Kini emi mikemke, bishop ekeme edinwam ke edida mme enɔ utre-udia man ekpe ŋkpɔ siyom okuk ke esisit ini (se 22.5.2).

22.4.4.

Nnɔ Nti-ifet edinam Utom mme Utom-unwam

Bishop okot mbon emi ekebɔde unwam ete enam-utom mme enɔ unwam ke adaŋa ukeme emi mmɔ enyenede. Em eyenwam mbon ufɔk Abasi edinyene ekikere ukpono. Oro nko atara ukeme mmɔ ke edida-ke-idem.

22.4.5.

Nim Etop kabaŋa Unwam eke Ufɔk Abasi ke Ndibe

Bishop ye mme adausuŋ ward eken enim ndidibe etop ekededi kabaŋa mbon ufɔk Abasi emi ediyomde unwam eke Ufɔk Abasi. Emi eyekpeme ndibe-ŋkpɔ ye ukpono eke mbon ufɔk Abasi.

22.5

Ido-mbet eke Edinɔ Unwam eke Ufɔk Abasi

Mme adausuŋ ufɔk Abasi ana etiene ido-mbet emi ewetde enim ke ikpehe emi kini enɔde unwam eto enɔ utre-udia mme editobo eke bishop nnɔ udia mme nti ŋkpɔ uwem eken.

22.5.1.

Ido-mbet Kabaŋa mme Andibɔ Unwam eke Ufɔk Abasi

22.5.1.1

Unwam enɔde mbon Ufɔk Abasi ke Ward

Ke ofuri-ofuri, mbon ufɔk Abasi emi ebɔde unwam eke ufɔk Abasi.ana eduŋ ke mme adaŋa ward oro enyuŋ enyene nwed enyiŋ mmɔ ke ward oro. Ekeme edinɔ unwam isehe mme owo ufɔk Abasi oro eside mme esop Ufɔk Abasi mme anam ido eke Ufɔk Abasi.

22.5.1.2

Unwam enɔde mme Bishop ye Stake President

Eyom ewewt unyime eke stake president mbemiso bishop ekeme edida mme enɔ utre-udia mme edinyime editobo eke bishop nnɔ idemesie mme ufɔkemana esie.

22.5.1.4

Unwam enɔde mme Owo Emi Midihe Mbon Ufɔk Abasi

Esiwak editeme mme owo emi midihe mbon Ufɔk Abasi enɔ ŋkpɔ-unwam eke isɔŋ-obio man ekebɔ unwam. Ke mme ata esisit ndaha, ke nte Spirit etemede, bishop ekeme edinwam mmɔ ye mme enɔ utre-udia mme editobo eke bishop.

22.5.2.

Ido-mbet ke Edida mme Enɔ Utre-udia nam Ŋkpɔ

22.5.2.1

Ukpeme Usɔbɔ-idem ye Nsɔŋidem

Area eke Ufɔk Abasi kiet-kiet ema enɔ adaŋa unyime ke edida mme enɔ utre-udia man ekpe okuk se ebiatde ke usɔbɔ-idem, ubiak-edet, mme udɔŋɔ eke mfre.

Eke ibat se ekenyime ye item, se “Edida mme Enɔ Utre-udia Mkpe-okuk Ufɔkibɔk.”

22.5.2.3

Edikpe-isɔn eke mme Enɔ Utre-udia

Mbon ufɔk Abasi isikpehe-isɔn eke unwam enɔ utre-udia emi mmo ekebɔde eto Ufɔk Abasi.

22.5.2.4

Ibat Okuk Ebiatde ke mme Enɔ Utre-udia ke Ward

Owo iyomke mme bishop suhɔre ibat unwam enɔ utre-udia ɔnɔ mbon ward ekesim ibat okukenɔ ebɔde ke ward.

22.5.3.

Ido-mbet ke Edikpe Okuk

Edieke ememde, ekpenam edikpe okuk nnen-nnen enɔ mme enyene mbubehe emi ekenode ŋkpo-urua ye ŋkpɔ-unwam.

22.5.4.

Ido-mbet ke Edikpe-okuk Emi Edifɔnde ye Bishop mme Stake President

Kini enɔde mbon ufɔk Abasi ye unwam eke enɔ utre-udia, bishop ididaha okuk oro ikpe inɔ ŋkpɔ-urua mme ŋkpɔ-unwam ke usuŋ eke edidade ufɔn inɔ enye ke idemesie.

Edieke edikpe-okuk enɔ utre-udia nnɔ owo ufɔk Abasi edidade ufɔn isɔk stake president mme mbubehe emi enye enyenede, eyeyom unyime eke Area Presidency.

22.6

Ubiɔŋ mme Adausuŋ ke Ward

22.6.1.

Bishop ye mme Ɔnɔitem Esie

Bishop enyene nsasana ubiɔŋ-utom ediyom nyuŋ nam ŋkpɔ nnɔ mbon edude ke esisit unana (se Doctrine ye Covenants 84:112). Enye eyeyak ubiɔŋ ediwak utom emi ɔnɔ mme presidency eke Relief Society ye eboho elders. Nte ededi, edi bishop kpɔt edi-nam ubak utom emi. Nte uwutŋkpɔ, bishop:

  • Ebiere utɔ, ibat-okuk, ye ini eke edinɔde esisit unwam ekededi.

  • Edinyime unwam enɔ utre-udia (se 22.4 ye 22.5) ye editobo eke bishop nnɔ udia ye mme nti ŋkpɔ-uwem eken (se 22.13).

  • Afiak-ese mme uduak mbon ufɔk Abasi edida-ke-idem ke idemesie. Enye ɔdɔŋ mme adausuŋ efen ke ward man etiene ese mme uduak oro ke nte eyomde.

Bishop ye mme ɔnɔitem esie enyene mme ubiɔŋ-utom emi:

  • Ekpep mme mbet ye edidiɔŋ ebehede (1) edinm ŋkpɔ nnɔ mbon emi enyenede unana ikpokidem ye eke ekikere ye (2) editɔŋɔ edida-ke-idem (se 22.1).

  • Ekpep mbet utre-udia enyuŋ eteme mbon ufɔk Abasi ete edinɔ ɔyɔhɔ enɔ utre-udia (se 22.2.2).

  • Etie-ese nte ebokde enyunŋ ebatde mme enɔ utre-udia (se 34.3.2).

22.6.2.

Mme Presidency eke Relief Society ye Eboho Elders

Ke idak bishop, mme presidency eke Relief Society ye eboho elders enyene akpan utom ke edinam ŋkpɔ nnɔ mbon unana ke ward (se 8.2.2 ye 9.2.2). Mme adausuŋ emi ekpep mbon ufɔk Abasi ke ward man:

  • Enɔ mbon edude ke unana unwam.

  • Enim mbet utre-udia.

  • Etɔŋɔ edida-ke-idem.

  • Enm mbeŋe-idem eke idem mmɔ ye eke ufɔkemana.

22.6.3.

Mme Ono-unwam Nditɔ-eka Irenowo ye Iban

Edisin unwam ke mme unana ŋkpɔ spirit ye eke ikpɔkidem esiwak editɔŋɔ ye mme ɔnɔ-unwam nditɔ-eka irenowo ye iban (se 21.1). Mmɔ etiŋ mme unana eke mbon emi mmɔ enwamde enɔ mme presidency eke eboho elders mme Relief Society ke mme nduŋɔre unɔ-unwam ye ke mme ini efen. Mmɔ ekeme edibuana mme unana emi ekpedipde ye bishop.

22.7

Ubiɔŋ Esop eke Ward

Akpan utom kiet eke mbono eke ward emi edi ediduak kabanga nte ednwamde mbon unana enyuŋ enwam mmo man ekabare nda-ke-idem (se 4.4). Mbon esop emi ese mme uduak emi ke etop otode mme nduŋɔre unɔ-unwam ye eke edisobo mmɔ ye mbon emi edude ke unana. Ke edineme me unana eke mbon ufɔk Abasi, esop esikpono mme udɔŋ eke owo ekededi emi oyomde ededip.

22.8

Ubiɔŋ Esop Iwaad ke Ward

Ufɔn kiet eke esop iwaad ke ward edi ndinwam mme iwaad ekabare edi nti anditiene Jesus Christ (se 29.2.6).

Ke idak ndausuŋ bishopric, esop iwaad ke ward enam mme usuŋ man enwam mbon emi edude ke unana ke ward ye ke obio mmɔ.