22.

Kuandamuna ku Majinga a mu Mubidi ne Kuibaka Budikadidi

22.0

Tshibangilu

Bidimba bia Ekelezia bivu bienza tshipungidi tshia “kuambuilangana majitu, … kudila ne badi badila … , ne kusamba badi ne dijinga dia disamba” (Mosiah 18:8–9).

Bidimba bia Ekelezia bidi kabidi bibedibua bua kukankamika budikadidi buabu kupitshila ku mudimu munanukila ne ku diambuluisha dia Mukalenga. Budikadidi budi bukola, mapangadika, ne didienzeja bua kuandamuna ku majinga a mu nyuma ne a mu mubidi a badi bakenga bua muntu nkaya ne dîku.

---

DIDIENZEJA DIA MUNTU NE DIKU

---

22.1

Kuibaka Budikadidi

Ne diambuluisha dia kudi Mukalenga, bidimba bidi bibaka budikadidi mu mishindu idi ilonda eyi:

• Kutantshisha bokola bua nyuma, bua mu mubidi, dikankamika meji.

• Kupeta nkoleshilu ne mudimu.

• Kushikuluja didilongolola dia mu mubidi.

22.1.4

Didilongolola dia mu Mubidi

Mifundu idi ilongesha mushinga wa kuikala mudilongolola (tangila Yehezekele 38:7; Dilongesha ne Bipungidi 38:30). Bidimba bidi bibedibua mua kuikala badilongolola mua kudiambuluisha ngayabu, mêku abu, ne bikuabu mu tshikondu tshia dijinga.

Bidimba bidi bidiundisha didilongolola ku mpetu mu:

• Difuta dia bia dikumi ne milambu (tangila Malaki 3:8-12).

• Kumbusha ne kuepuka mabanza.

• Kulongolola ne kuenzela mu biuma bienda.

• Kulama bua matuka atshivuavua.

• Kupeta ndongelu wa pabuenda mua kudiambuluisha ne mêku abu (tangila 22.3.3).

Didilongolola didi kabidi ne ditantshisha ndongamu wa mushindu udi mua kuambuluishi majinga a nshindamenu pankabi. Bidimba bidi bikankamika bua kuibaka bulami bua tshitupa ne bua tshikondu tshila bua biakudia, mayi, ne bikuabu bia dijinga.

22.2

Kukuba Bantu Badi ne Majinga a mu Mubidi ne a Meji

Bayidi ba Mukelenga badi balongeshibua bua “kunanga … ne kusadila umua ne umua” ne bua “kuambuluisha aba badi bikala mu dijinga dia … diambuluisha” (Mosiya 4:15–16). Bidimba bidi bitata mua kumona bakuabubu mudi Mupandishi ubamona, ne umvua dikankamika diabu dimua ne majinga. Majinga awu adi mua kuikala a biakudia, bilamba, nzubu, nkoloshelu, mudimu, bukola bua mubidi, ne buikadi buimpa bua meji.

22.2.1

Diyeba dia Mukalenga

Biambuluishi bionsu bidi ku Ekelezia mua kulama aba badi mu majinga a mu mubidi bidi bibikidibua ne diyeba dia Mukalenga (tangila Dilongesha ne Bipungidi 82:18– 18). Ebi bidi biambula milambu ya bidimba ya diba, bipedi, lusa, bintu, ne biambuluishi bia lupetu bua kulama aba badi mu majinga.

Diyeba dia Mukalenga didi mu tshikongu tshionsu ne dikunji. Balombodi badi mua kuambuluisha ku misangu muntu nkaya ne mêku mua kupeta madamuna ku majinga abu mu dibikila ku mamanya, mishindu, ne midimu mifila kudi bidimba bia tshikongu ne dikunji.

22.2.2

Mukenji wa Kujila kua Biakudia ne Milambu ya Kujila kua Biakudia

Mukalenga uvua muela Mukenji wa kujila kua biakudia ne milambu ya kujila kua biakudia bua kubenesha Tshisamba tshienda ne kufila mushindu wa kuambuluisha aba badi mu dijinga. Bidimba bidi bikola bapuipi ne Mukelenga ne bidiundisha bukola bua Nyuma padibi bienzela mukenji wa kujila. (tangila Yeshayi 58:6-12); Malaki 3:8–12.)

Kujila kudi mua kuenzeka diba dionsu. Kadi, bidimba bitu binemeka misangu yonsu dialumingu dia kumpala dia ngondu bu dituku dia kujila kua biakudia. Dituku dia kujila kua biakudia didi ne bidi bilonda ebi:

• Kusambila

• Kubenga kudia ne kunua mu shikondu tshia meba 24 (pikalaku dikumbana mu mubidi)

• Kufila mulambu wa kujila wa kalolo

Mulambu wa kujila udi dipa bua kuambuluisha aba badi mu dijinga. Padi bidimba bijila, bidi bibikidibua bua kufila mulambu udi upetangana ne mushinga wa biakudia bidi kabiyi bidia.

Bidimba bidi mua kufila milambu yabu ya kujila ne tshia dikumi tshijima ne milambu mikuabu kudi muepiskopo anyi umua wa ku babedi benda. Mu matungu makuabua, badi mua kufila mapa abu mu nshinga.

---

MUDIMU WA BALOMBODI

---

22.3

Ditungunuka mu Kuibaka Didikadila ne Dikuba bua Bantu Badi mu Majinga

22.3.1

Kukeba Badi mu Majinga

Muepiskopo udi ne bujitu bua tshijila bua kukeba ne kulama aba badi ne majinga (tangila Dilongesha ne Bipungidi 84:112). Bakuabu badi ne mudimu wa mushinga mu kuambuluisha muepiskopo mu bujitu ebu, bu mudi:

• Batatu ne bamamu bakubi.

• Bulombodi bukulu bua Nsangilu wa Diambuluisha ne bua mpuilu wa bakulu.

• Babedi ba Muepiskopo.

• Bidimba bikuabu bia tshipangu tshia tshikongu.

22.3.2

Kuambuluisha Bidimba mua Kupima ne Kudikadila ku Majinga a Tshitupa Tshipi

Bidimba bidi biditatshisha mua kukumbaja majinga abi a nshindamenu kupitshila ku didienzeja diabu ne diambuluisha difumina ku dîku dinena. Padibi kabiyi bikumbana, bidimba bidi mua kujinga diambuluisha difumina ku njila mikuabu bu mudi:

• Biambuluishi bia balombodi ba ditunga ne nsangilu (tangila 22.12).

• Dikuatshisha dia Ekelezia.

Dikuatshisha dia Ekelezia didi mua kuikala diambuluisha ne majinga a tshitupa tshipi bu mudi biakudia, bintu bia mankenda, bilamba, nzubu, anyi bikuabu bintu bia nshindamenu. Bepiskopo badi mua kuenzela milambu ya kujila kua biakudia bua kuandamuna ku majinga awu. Miaba idi bulombi bua bepiskopo buenzeka, bepiskopo badi pa tshibidilu benzela aba badibu mua kuambuluisha ne biakudia ne bikuabu bintu bimpa.(tangila “Bishops’ Orders and Referrals” mu Malu a Mulombodi ne Kaleleki [MMK]).

22.3.3

Kuambuluisha Bidimba bua Kuibaka Budikadidi Bua Tshitupa Tshila

Bidimba bidi mua kujinga dikuatshisha ditunguluka mua kujikija ntantu yabu ya tshipupa tshila. Nkoleshelu, dilonga mu dikisha, anyi biambuluishi bikuabu bidi mua kutshiunga bua kuibaka budikadidi ne kujikija majinga abu bua tshitupa tshila.

Self-Reliance Plan (Ndongamu wa Budikadidi) udi wambuluisha bidimba mua kujingulula bipedi ne majinga abu. Udi kabidi wambuluisha bidimba mua kujingulula biambuluishi bia mushinga. Ndongamu ewu udi ne bua kuikala muenzela misangu yonsu idi dikuatshisha dia Ekelezia dijingibua.

22.3.4

Kukuba Aba badi ne Majinga a mu Meji

Bidimba bia bungi bidi bipeta ntatu ya mu meji. Batatu ne bamamu bakubi ne balombodi ba tshikongu badi ne tshia mua kuikala aba badibu benzela mua kuambuluisha bidimba bidi ne ntatu eyi.

22.4

Malongesha bua Kufila Diambuluisha dia Ekelezia

Ne diambuluisha dia Mukalenga, bidimba bidi bitata mua kukumbaja majinga abu ne a mêku abu.

Dikuatshisha dia Ekelezia didi dijingibua bua kuambuluisha bidimba bua kutantshisha didikadila, kubenga bupika. Dikuatshisha dionsu didi difidibua bua kukankamika bidimba mu didienzeja diabu bua kuikala bidikadila.

22.4.1

Kukankamika Majitu a Nkaya ne a Dîku

Balombodi badi balongesha ne bantu ne mêku badi ne bujitu bua mbedi bua majinga abu a mu mubidi, meji, ne mu nyuma kuikalawu bimpa.

Kumpala kua kufila diambuluisha dia Ekelezia, muepiskopo (anyi mulombodi mukuabu tshidimba tshidiyi upesha bujitu) udi utangilula ne bidimba biambuluishi kayi bidibu benzela mua kukumbaja majinga abu.

22.4.2

Kufila Diambuluisha dia Tshitupa Tshipi bua Majinga a Mushinga

Kipatshila ka diambuluisha dia Ekelezia kadi ka kukumbaja majinga a nshindamenu padi bidimba bitata bua kuikala bidikadila.

Muepiskopo udi ne bua kuela meji bimpa ne kukeba bulombodi bua nyuma padiye utangila bungi ne tshipolu tshidi dikuatshisha difidibua. Badi ne bua kuikala ne lusa ne kalolo kadi kabayi bafuka bupika.

22.4.3

Kufila Biambuluishi anyi Midimu Pamutu pa Makuta

Bibio bikumbana, Muepiskopo udi ne bua kuepuka difila dia makuta ku bianza. Mikuabu misangu, udi mua kuenzela milambu ya kujila kua biakudia anyi malomba a bepiskopo bua kupesha bidimba biakudia anyi midimu mikuabu. Bidimba bidi mua kuenzela mfualanga yabu mua kusumba bua majinga abu.

Padi ebi kabiyi bikumbana, muepiskopo udi mua kukuatshisha ne milambu ya kujila kua biakudia bua kufuta mfakitila ya mushinga bua matuku makesa (tangila 22.5.2).

22.4.4

Kufila Mudimu anyi Mishindu ya Kusadila

Bepiskopo badi babikila aba bonsu badi bapeta dikuatshisha bua kuenza mudimu anyi kusadila mu bukola buabu. Etshi tshidi tshiambuluisha bidimba bua kulama ngumvuilu wa dikumbana. Bidi kabidi bidiundisha bukola buabu bua kuikala badikadila.

22.4.5

Kulama mu Musokoku Ngumu ya Ekelezia pa Diambuluisha

Muepiskopo anyi bakuabu balombodi ba tshikongu badi balama mu musokoko ngumu yonsu ya bidimba bidi mua kujinga dikuatshisha dia Ekelezia. Etshi tshidi tshilama malu a benda mu musokoku ne dikumbana dia bidimba.

22.5

Ngenzelu ya Kufila kua Diambuluisha dia Ekelezia

Balombodi ba Ekelezia badi balonda ngezelu idi mifunda mu tshipuka etshi adibu bafila diambuluisha kupitshila ku milambu ya kujila kua biakudia anyi malomba a bepiskopo bua biakudia ne bikuabu bintu bia kusumba.

22.5.1

Ngenzelu idi Itangila Badi Bapeta Diambuluisha dia Ekelezia

22.5.1.1

Diambuluisha kudi Bidimba bia tshikongu

Patshibidilu, bidimba bidi bipeta diambuluisha dia Ekelezia bidi ne bua kuikala mu mikalu ya tshikongu ne bikala ne mukanda wa tshidimba mu tshikongu. Dikuatshisha didi ne mua kufidibua kupitshila ku muaba udi bidimba bibuela mu bisangilu bia Ekelezia misangu yonsu anyi bilonda mikenji ya Ekelezia.

22.5.1.2

Diambuluisha dia Bepiskopo ne Balombodi Bakulu ba Dikunji

Dianyisha difunda dia mulombodi mukulu wa dikunji ndilombibua kumpala kua muepiskopo kuenzela milambu ya kujila kua biakudia anyi kuanyisha bulombi bua buepiskopo buenda nkayenda anyi dîku dienda.

22.5.1.4

Diambuluisha kudi Bantu Badi Kabayi Bidimba bia Ekelezia

Bantu badi kabayi bidimba bia Ekelezia badi batumibua misangu yonsu kudi biambuluisha bia nsangilu bia dikuatshisha. Ku misangu mibala ku minu, mu bulombodi bua Nyuma muepiskopo udi mua kuambuluisha bantu ne milambu ya kujila kua biakudia anyi malomba a bepiskopo.

22.5.2

Ngenzelu idi Itangila Dienzela Milambu ya Kujila kua Biakudia

22.5.2.1

Dikuba dia Londopu anyi dia bukola bua Mubidi

Nteji yonsu ya Ekelezia idi miteka bungi buanyisha bua dienzela milambu ya kujila kua biakudia mua kufuta ditula dia dikuba dia londopu, dia disama dia menu, anyi buikadi buimpa bua meji.

Bua dianyinsha bungi ne maludiki, tangila “Use of Fast Offerings for Medical Expenses [Enzela Milambu ya Kujila bua Ditula dia Londopu].”

22.5.2.3

Difutulula dia Milambu ya Kujila kua Biakudia

Bidimba kabienda bifutulula dikuatshisha dia Milambu ya kujila divubu bapeta difumina kudi Ekelezia.

22.5.2.4

Bungi bua Ditula Mulambu wa Kujila wa Tshikongu

Muepiskopo kena ukumbana bua kukosela bungi bua diambuluisha dia mulambu wa kujila bua bidimba bia tshikongu ku bungi bua mapa makunguija mu tshikongu.

22.5.3

Policies on Making Payments

Biobi bikumbana, mafutu adi mua kuenzeka buludiludi kudi tshimbambalu tshidi tshifila bintu ne midimu.

22.5.4

Ngenzelu idi Itangila Difila dia Makuta mu Dina dia Muepiskopo anyi Mulombodi Mukulu wa Dikunji

Padiyi wambuluisha bidimba ne dikuatshisha dia mulambu wa kujila, muepiskopo kena mua kuenzela mpetu bua kufuta bua bintu anyi midimu mu mushindu wa biobi kumukuatshisha yeya.

Pikala difuta dia mulambu wa kujila bua tshidimba udi wambuluisha mulombodi mukulu wa dikunji anyi bintu bienda, dianyisha dia Bulombodi Bukulu bua Nteji didi dilombibua.

22.6

Midimu ya Balombodi ba Tshikongu

22.6.1

Muepiskopo ne Babedi Benda

Muepiskopo udi ne bukôkeshi bua bunzambi bua kukeba ne kulama aba badi ne majinga a mu mubidi (tangila Dilongesha ne Bipungidi 84:112). Udi utuma mudimu wenda wa bungi kudi bulombodi bukulu bua Nsangilu wa Diambuluisha ne wa mpuilu wa bakulu. Nansha nanku, Majitu makuabu adi akumbajibua anu kudi muepiskopo nkayenda. Bu tshilejelu, Muepiskopo:

• Udi ujadika mushindu, bungi, ne tshipolu tshionsu tshia dikuatshisha dia mu mubidi difila.

• Udi wanyisha diambuluisha dia mulambu wa kujila (tangila 22.4 ne 22.5) ne malomba a muepiskopo bua biakudia ne bikuabu bintu mushinga (tangila 22.13).

• Udi utangilula ndongamu wa bidimba wa budikadidi. Udi ufila bujitu kudi balombodi bakuabu ba tshikongu mua kulondesha mu ndongamu eyi biobi bikumbana.

Muepiskopo ne babedi benda badi ne majitu adi alonda â:

• Kulongesha nshindamenu ne mabenesha adi afumina ku (1) kukuatshisha aba badi ne majinga a mu mubidi ne a mu meji ne (2) kuibaka budikadidi (tangila 22.1).

• Kulongesha mukenji wa kujila ne kukankamika bidimba mua kufila milambu ya kujila ya kalolo (tangila 22.2.2).

• Kukunguija ne kubala milambu ya kujila kua biakudia (tangila 34.3.2).

22.6.2

Bulombodi Bukulu bua Nsangilu wa Diambuluisha ne bua Mpuilu wa Bakulu

Muinshi mua buludiki bua muepiskopo, bulombodi bukulu bua Nsangilu wa Diambuluisha ne wa mpuilu wa bakulu badi ne mudimu wa pabuawu mu kuambuluisha bantu badi mu majinga mu tshikongu (tangila 8.2.2 ne 9.2.2). Balombodi aba badi balongesha bidimba bia tshikongu bua:

• Kukuba aba badi ne majinga.

• Kuenzela mukenji wa kujila.

• Kuibaka budikadidi.

• Kudiundisha didilongolola dia muntu ne dia dîku.

22.6.3

Batatu anyi Bamamu Bakubi

Dikuatshisha dia majinga a nyuma ne a mubidi ditu dibanga nangananga ne batatu ne bamamu bakubi (tangila 21.1). Badi bafila mulubu wa aba badibu basadila kudi bulombodi bukulu bua mpuilu wa bakulu anyi wa Nsangilu wa Diambuluisha mu miyuki ya bukubi ne meba makuabu. Badi mua kutangalaja majinga adi masokoka buludiludi ne muepiskopo.

22.7

Mudimu wa Tshipangu tshia Tshikongu

Mudimu munena wa tshipangu tshia tshikongu udi wa kulongolola mushindu wa kukuba aba badi ne majinga ne kubambuluisha bua bikala badikadila (tangila 4.4). Tshipangu tshia bidimba tshidi tshienza ndongamu eyi tshimanyina pa milubu ifumina mu miyuki ya bukubi ne mu dituilangana diabu ne aba badi mu majinga. Mu diyukila pa majinga a bidimba, tshipangu tshidi tshinemeka majinga a aba badi bakeba disokoka dia malu.

22.8

Mudimu wa Tshipangu tshia Bansonga mu Tshikongu

Kipatshila kamua ka tshipangu tshia bansonga mu tshikongu kadi ka kuambuluisha bansonga bua bikala bayidi bajidila ba Yezu Kilisto (tangila 26.2.6).

Muinshi ma buludiki bua buepiskopo, tshipangu tshia bansonga mu tshikongu tshidi tshilongolola mushindu wa kusadila aba badi ne majinga mu tshikongu ne mu nsangilu.