22.

Awora met mi Namot ren Pekin Inis me pekin Fefeitan Kuta-Tufich

22.0

Nepoputan

Chon ewe Mwichefen ra pwon mi pin ar epwe “mwarei fengeni an emon me emon chou, … netipeta ren ekkewe ra netipeta, … me aururu ekkewe ra mochen aurur” (Mosaia 18:8–9).

Chon mwichefen ra pwan ourour fengen ne apochokuna ar pekin kuta-tufich seni angang achocho me fiti aninisin ewe Samon. Kuta-Tufich ina ewe pochokun, nikitun, me achocho ne awora ekkewe namoten pisekin ngun me pisekin inis non manau ren pwisin en me famini.

---

EKKEWE PEKIN ANGANGA AN EMON IKA FAMINI

---

22.1

Efisata Kuta-Tufich

Ren aninis seni ewe Samon, chon mwichefen ra aueta pekin kuta-tufich non ekkewe napanap mi mak fan:

• Amari pochokunen pekin ngun, inis, me netip.

• Angei pekin sukun me angang.

• Emurinono pekin amonnetan pisekin inis.

22.1.4

Amonnetan Pisekin Inis

Ekkewe pukefel ra aiti kich ewe auchean ach sipwe monneta (nengeni Ezekiel 38:7; Doctrine and Covenants 38:30). Chon mwichefen ra ourour fengen ar repwe monneta pwe repwe tumunur pwisin, ar famini, me ekkoch non fansoun mi namot.

Chon mwichefen ra anapano ar pekin amonneta ren moni ren ar:

• Moni ew ne engon me asoren echikipin (nengeni Malachi 3:8–12).

• Awesano me suseni niwinimwang ren ukukun om tongeni.

• Monneta me manaueni eu eukukochun kokkoten mwoni.

• Isoiseno mwoni ren fansoun mwach.

• Angei eu pekin sukun mi fich ngeni an epwe anisir ne awora mettoch fan iter me ar famini (nengeni 22.3.3).

Pekin amonneta mi pwan pachenong awora eu kokkoten ifa usun repwe tumunu kewe popun met mi namot fansoun eu weiweita. Chon mwichefen ra pesepes ar repwe aueta ru pekin isois mi mwochomwoch me nangatam ren mwongo, konik, me ekkoch mettoch mi namot.

22.2

Iamwiri ngeni Ekkewe mi Osupang ren pisekin Inis me Netip

Noun ewe Samon chon kuno ra kaeo ar repwe “tong … me angang fengen nefiner” me repwe “anisi ekkewe ra mochen ami … aninis” (Mosaia 4:15–16). Chon mwichefen ra achocho ar repwe nenengeni ekkoch usun ewe Chon Amanau a nenengenir, weweiti ar pochokun me mettoch mi namot ngenir mi sokkono. Ekkei mettoch mi namot ngenir mi pachenong mwongo, uf, imw, sukun, angang, apochokunen inis, me aochun netip.

22.2.1

An ewe Samon Imwen Isois

Meinisin ekkewe pisek mi kawor ngeni ewe Mwichefen an epwe anisi ekkewe mi osupang ren pisekin inis ra iteni an ewe Samon imwen isois (nengeni Doctrine and Covenants 82:18–19). Ekkei mi pachenong an chon mwichefen awora ar fansoun, sinenap, kirekiroch, pisek, me pisekin mwoni ar repwe anisi ekkewe mi nom non osupwang.

An ewe Samon imwen isois a wor non eu me eu wart me steik. Napengeni souemwen mi tongeni anisi emon me emon me famini ar repwe kuna atawen ar osupwang ren ar aea mirit, sine, me aninis mi kawor me ren chon mwichefenin non wart me steik.

22.2.2

Ewe Annukun Echikipin me Asoren Echikipin

Ewe Samon a forata ewe annukun echikipin me asoren echikipin an epwe efeiochu Noun aramas me an epwe awora eu aan ngenir ne angang ngeni ekkewe mi nom non osupwang. Chon mwichefen ra arap ngeni ewe Samon me napeno non pochokunen ngun nupwen ra manaueni ewe annukun echikipin. (Nengeni Isaiah 58:6–12; Malachi 3:8–12.)

Echikipin mi tongeni fis ese nifinifin fansoun. Nge inamo, napengeni chon mwichefen ra apwonueta ewe aewin Raninfel non ewe maram pwe ranin echikipin. Ranin echikipin mi kan pachenong ekkei mi makketiw fan:

• Iotek

• Esap mwongo me ka ren ukukun 24-awa (ika inisir mi tongeni)

• Awora eu fangafangochun asoren echikipin

Eu asoren echikipin eu asorun mwoni an epwe anisi ekkewe mi nom non osupwang. Nupwen chon mwichefen ra echikipin, ra ketiw ar repwe awora eu asor ewe mi mwaren nonno ngeni ewe ukukun ekkewe mwongo rese ani.

Chon mwichefen mi tongeni ngeni ewe pisop ika emon nein noun kewe chon aninis ar asoren echikipin me eu toropwen Eu-ne-engon me Ekkoch Asor. Non ekkoch kinikin, ir mi pwan tongeni fori ar donation won line.

---

PEKIN ANGANGA AN SOUEMWEN

---

22.3

Tettenin Keutan Kuta-Tufich me Iamwiri Ekkewe mi nom non Osupwang

22.3.1

Kutta Ekkewe Ir mi nom non Osupwang

Ewe pisop a wor wisan mi pin an epwe kutta me tumunu ekkewe ir mi nom non osupwang (nengeni Doctrine and Covenants 84:112). Ekkoch ekkewe mi wor rer eu auchean kinikin ne anisi ewe pisop ren ei wis mi pachenong:

• Mwan me fefin chon iamwir.

• Presetensin Relief Society me mwichen elter.

• Noun ewe pisop kewe chon aninis.

• Ekkoch chon ewe mwichen opungupungun wart.

22.3.2

Anisi Chon Mwichefen ne Kutafichi me Attawei Osupangen Ren Fansoun-Iei

Chon mwichefen ra achocho ar repwe attawei ar kewe osupang seni ar pwisin anganga me aninis seni tettenin famini. Nupwen ei ese naf, menin epwe auchea an chon mwichefen repwe angei aninis seni ekkoch aninnis usun ren:

• Government me aninnisin non ekkewe neni (nengeni 22.12).

• Aninnisin Mwichefen.

Aninnisin Mwichefen mi tongeni pachenong aninnis ren fansoun-iei ussun ren mwongo, pisekin nimenimoch, uf, imw, me ekkoch pwan pisekin tumun. Pisop mi tongeni aea asoren echikipin ne attawei ekkei osupangen mettoch. Ikewe mi kawor an pisop order, ekkewe pisop ra kan aea ekkena ne awora mwongo me ekkoch mettoch mi namot ren pekin inis (nengeni “Bishops’ Orders and Referrals” non Leader and Clerk Resources [LCR]).

22.3.3

Anisi Chon Mwichefen ne Awora Fefeitan Pekin Kuta-Tufich ren Fansoun-Nakatam

Epwe auchea ngeni chon mwichefen ewe soposoponon aninnis ne awesi weires mi nangatam. Pekin sukun, kaeon pekin angang, ika ekkoch aninnis epwe anisir ne aueta ar pekin kuta-tufich me awora attawen ar osukosuk mi fansoun-tameno.

Ewe Kokkoten Kuta-Tufich a anisi chon mwichefen repwe sinei ar pochokun me ar osupang. A pwan anisir repwe sinei pekin aninis mi murino. Ei kokkot repwe aea iteiten fansoun ra ekieki usun aninnisin Mwichefen.

22.3.4

Iamwiri Ekkewe mi Osukosuken Netip

Chommong chon mwichefen mi tonong non weiresin netip. Mwan me fefin chon iamwir me souemwenin wart ir mi tongeni repwe chon anisi chon mwichefen ren ekkei weires.

22.4

Ekkewe Nongonong ren Kaworen Aninnisin Mwichefen

Ren ewe aninis seni ewe Samon, chon mwichefen ra kutta are repwe awora mettoch fan iter me ar famini.

Aninnisin Mwichefen a kotono an epwe anisi chon mwichefen repwe amari ar anongonong won winikaper, esap anongonong won ekkoch. Ese nifinifin aninnis a kawor epwe apochokuna chon mwichefen non ar pwisin achocho ngeni ne fefeita non ar pekin kuta-tufich.

22.4.1

Pesei Wisen Emon me Emon me Famini

Souemwen ra aiti pwe emon me emon me famini a wor akkaewin ar ewe sekinin ne awora fan asengesir ren pisekin tumunun inisir, nonomun kinamwein netiper, me tumunun ngunur.

Me mwen awora aninnisin Mwichefen, ewe pisop (ika pwan emon souemwen ika chon mwichefen mi finita) a katon fengeni me chon mwichefen met pisekin aninnis ir mi aea ar repwe attawei ar osupang ir mi nonom won.

22.4.2

Awora Aninnis mi Mochomoch ren Osupwang mi Fokun Auchea

Ewe kokkoten Aninnisin Mwichefen epwe awora atawen osupang mi fokun auchea non chok fansoun mwochomwoch nupwen chon mwichefen ra achocho ne kuta-tufich.

Pisop repwe aea pungochun finata me kutta emwenin pekin ngun nupwen ra ekieki ewe ukukun me taman ewe aninnis epwe kawor. Repwe kirekiroch me fangafangoch nupwen rese forata ar repwe anongonong wor.

22.4.3

Awora Pekin Aninnis ika Angang Nap seni Mwoni

Ika mi tufich, ewe pisop epwe fokun amonungaw seni an epwe awora moni. Nge, i epwe aea asoren echikipin ika an pisop order an epwe awora ngeni chon mwichefen ren mwongo ika angang. Chon mwichefen mwirin mi tongeni nounou pusin nour mwoni ne kamo ekkewe ekkoch mettoch mi namot ngenir.

Nupwen ei ese naf, ewe pisop mi tongeni aninnis ren an aea asoren echikipin an epwe anisir non ena chok fansoun ne moni ar kewe auchean niwinimang (nengeni 22.5.2).

22.4.4

Awora Angang ika Tufichin Aninis ngeni Ekkoch

Pisop a etiwa ekkewe ir ra angei aninnis ar repwe angang me awora aninis ren ukukun ar tongeni. Ei a anisi chon mwichefen repwe anomu eu memefin sufon. A pwan anapano ar tufichin repwe kuta-tufich won pusin winikaper.

22.4.5

Annomu Porous usun Aninnisin Mwichefen repwe Monomon

Ewe pisop me ekkoch souemwenin wart ra anomu non monomon och porous usun chon mwichefen ekkewe repwe angei aninis seni Mwichefen. Ei a tumunu monomonen me sufonun chon mwichefen.

22.5

Annuk ren Kaworen Aninnisin Mwichefen

Souemwenin Mwichefen repwe aponueta ekkewe annuk mi affatetiw non ei kinikin nupwen ra awora aninnis seni asoren echikipin ika an pisop order ren mwongo me ekkoch mettoch mi namot ren pekin inis.

22.5.1

Annuk Usun Ekkewe Chon Angei Aninnisin Mwichefen

22.5.1.1

Aninnis ngeni Chochon ewe Wart

Napengeni, chon mwichefen ekkewe ra angei aninnisin Mwichefen repwe nom non kinikinin ewe wart me rekotun ar chon mwichefen epwe nom non ewe wart. Aninnis epwe kawor inamo ika ewe chon mwichefen mi soun fiti mwichen Mwichefen ika tapweno nongonongen Mwichefen.

22.5.1.2

Aninnis ngeni Pisop me Presetenin Steik

An ewe presetenin steik mumuta mi mak non toropwe mi namot me mwen emon pisop epwe aea asoren echikipin ika mutata eu an presetenin steik order fan itan pwisin ika an famini.

22.5.1.4

Aninnis ngeni Aramas Ekkewe Esap Ir Chon ewe Mwichefen

Ekkewe aramas esap ir chon ewe Mwichefen ra kan titino ngeni pekin aninnis non ewe neni ren aninnis. Non ekkoch chok fansoun, usun mi emwen me ren ewe Ngun, ewe pisop mi tongeni anisir ren asoren echikipin ika an pisop order.

22.5.2

Annukun Aean Asoren Echikipin

22.5.2.1

Pekin Safei ika Ekkoch Tumunun Apochokunen Inis

Eu me eu Church area a forata mumutan keukun aean asoren echikipin ne moni pekin safei, nimenimen ngi, ika monien apochokunen ekiek.

Ren mumutan ukukun me emwen, nengeni “Aea Asoren Echikipin ren Mwonien Pekin Safei.”

22.5.2.3

Monsefani Asoren Echikipin

Chon mwichefen resap monsefani aninisin asoren echikipin ra fen angei seni ewe Mwichefen.

22.5.2.4

Ukukun Mwoni Tou ren Asoren Echikipin an Wart

Ese auchea an pisop repwe euku aninisin asoren echikipin ren chon mwichefenin wart ngeni ewe ukukun donation me kochufengen non ewe wart.

22.5.3

Annukun Monatiw Niwinin Mettoch

Ika mi tufich, niwinin mettoch epwe kawor wenengeni ekkewe business mi awora pisek me angang.

22.5.4

Annukun Niwinin Mettoch Minne Epwe Otufichi emon Pisop ika Presetenin Steik

Nupwen a awora ngeni chon mwichefen ren aninnisin asoren echikipin, emon pisop esap nounou ewe mwoni an epwe moni mettoch me angang non ewe napanap an epwe pwisin otufichi.

Ika niwinin asoren echikipin ren emon chon mwichefen epwe otufichi ewe presetenin steik ika eu an business, mumuta seni Presetensin Area mi namot.

22.6

Wisen ekkewe Souemwenin Wart

22.6.1

Pisop me Noun Chon Aninis

Ewe pisop a wor an nemenem mi pin ne kutta me tumunu ekkewe mi asupwang ren nonomun inisir (nengeni Doctrine and Covenants 84:112). I a wano watten ukukkun ei angang ngeni ekkewe presetensin Relief Society me mwichen elter. Nge inamo, ekkoch wis ra chok fis me ren ewe pisop. Ren awewe, ewe pisop:

• A apungano napanapan, ukukun, me taman och sokkun aninnisin inis epwe kawor.

• A mutata aninnisin asoren echikipin (nengeni 22.4 me 22.5) me an pisop order ren mwongo me ekkoch mettoch mi namot ren pekin inis (nengeni 22.13).

• A pusin attonaochu an chon mwichefen kokkotun kuta-tufich won pusin winikaper. I a ewisa ekkoch souemwenin wart ar repwe cheki sefani ekkewe kokkot ika epwe namot.

Ewe pisop me noun kewe chon aninis a wor rer ekkei wis mi mak fan:

• Asukuna kewe nongonong me feioch mi wewe ngeni (1) tumun ren ekkewe mi wor rer mochenin aninnisin inis me netip me (2) keutan kuta-tufich won pusin winikaper (nengeni 22.1).

• Asukuna ewe annukun echikipin me pesei chon mwichefen ar repwe awora eu fangafangochun asoren echikipin (nengeni 22.2. 2).

• Emweni ewe mwich me tumunun asoren echikipin (nengeni 34.3.2).

22.6.2

Presetensin Relief Society me Mwichen Elter

Fan emwenien ewe pisop, ekkewe presetensin Relief Society me mwichen elter a wor auchean wiser ne tumunu ekkewe ir mi nom non osupwang non ewe wart (nengeni 8.2.2 me 9.2.2). Ekkei souemwen ra aiti chon mwichefen ar repwe:

• Iamwiri ekkewe mi osupwang.

• Manaueni ewe annukun echikipin.

• Fefeitan Kuta-Tufich.

• Anapano an emon pusin me an famini pekin amonneta.

22.6.3

Ekkewe Mwan me Fefin Chon Iamwir

Aninnis ren met mi namot ngeni pekin ngun me inis ra soun poputa ren fefin me mwan chon iamwir (nengeni 21.1). Ra repotei osupwangen ekkewe ir mi angang ngenir ngeni nour kewe presetensin mwichen elter me Relief Society non interfiun Iamwir me ekkoch fansoun. Ir mi tongeni oporousa ekkewe osupwang ir mi monomon ngeni ewe pisop.

22.7

Wisen ewe Mwichen Opungupungun Wart

Eu auchean wisen ewe mwichen opungupungun wart ina an epwe ota ifa usun epwe tumunu ekkewe mi nom non osupwang me anisir repwe winiti ne kuta-tufich won pusin winikaper (nengeni 4.4). Chon mwichen opungupung ra anonga ekkei kokkot won porous seni interfiun Iamwir me seni ar pwisin churi ekkei ir mi nom non osupwang. Non ar aporoua ekkei osupwangen chon mwichefen, ewe mwichen opungupung ra asamonu mochenin ion a tingor epwe monomon.

22.8

Wisen ewe Mwichen Wart ren Serafo

Eu popun ewe mwichen wart ren serafo pwe epwe anisi serafo repwe winiti mi pinino chon tapweno mwirin Jises Kraist (nengeni 29.2.6).

Fan emwenien ewe pisoprik, ewe mwichen wart ren serafo a ota anen ar repwe angang ngeni ekkewe mi nom non osupwang non ar wart me neni.