“22. Kahsruh ke Enenuh luhn Mahno ac Muhsahi in Kuh in Sifacna,” Ma Suleyucklac ke General Handbook (2023).
“22. Kahsruh ke Enenuh luhn Mahno ac Muhsahi in kuh in Sifacna,” Ma Suleyucklac ke General Handbook
22.
Kahsruh ke Enenuh luhn Mahno ac Muhsahi in Kuh in Sifacna
22.0
Ikucslah
Mempucr ke Alu uh olwelah in “akacsruhi ke ma toasr luhn kais sie, … ahsor weluhlos suc ahsor … , ac ahkenganyaclos suc enenuh in ahkenganyeyuck” (Mosiah 18:8–9).
Lutiyuck pac mempucr ke Alu uh in ahkkweye kuh in sifacna lalos ke elos orekma pwacye ac ke kahsruh luhn Leum. In kuh in sifacna pa kuh se, olwelah se, ac finsrak in oasr ma enenuh luhn nguhn ac mahno ke moul se inge nuh se sifacna ac nuh sin sucu.
KAMPARE LUHN KAIS SIE AC SUCU
22.1
Muhsahi in Kuh in Sifacna
Ke kahsruh luhn Leum, mempucr uh kuh in muhsahi in kuh in sifacna ke ohiyac ekahsr tahklac inge:
-
Ahkyohkye nguhn, mahno, ac fokoko luhn nuhnak.
-
Eis etwacack ac orekma.
-
Ahkyohkye ahkolah nuh ke moul se inge.
22.1.4
Ahkolah Ma Nuh ke Facl Se Inge
Ma suhmuhslah luti kuht yohk srihpaciyacn ahkolah (liye Ezekiel 38:7; Doctrine and Covenants 38:30). Lutiyuck mempucr in muhtwacwacack ahkolah elos in kuh in kahsrelos sifacna, sucu lalos, ac mwet sahyac ke pacl enenuh.
Mempucr uh ahkyohkye ahkolah ke mani lalos ke elos:
-
Moli sie tahfuh singucul ac mwe sang (liye Malachi 3:8–12).
-
Ahkwacngihnyelah ac tulokihnyac misac elos oraclah.
-
Ahkolah ac moulkihn budget se.
-
Oruh save nuh ke pacl fahsruh uh.
-
Eis etwacack ke lutlut in kahsrelos sifacna ac sucu lalos (liye 22.3.3).
Ahkolah uh el tuhkuh pac ke oraclah sie plwacn lah ac karihngihnyuck fuhkah enenuh srihsrihk nuh ke pacl emergency. Ahkkweyeyuck mempucr in muhsahi kwewana kuhfwen mwe enenuh nuh ke mongo, kof, ac ma sahyac nuh ke kihtihn pacl ac nuh ke pacl loeloes se.
22.2
Karihngihn Suc Ma Oasr Enenuh ke Mahno ac Nuhnak
Mwet tuhma lutlut luhn Leum elos lutiyuck in “luhngse … ac in kuhlwacnsuhpuh sie sin sie” ac in “sang ma lowos nuh selos suc … enenuh” (Mosiah 4:15–16). Mempucr elos kampare in liye mwet sahyac oacna ke Leum El liyaclos, in kahlwem ke kuhiyaclos ac enenuh lalos. Enenuh inge som nuh ke mongo, nuknuk, lohm, lutlut, orekma, fokoko luhn mahno, ac nuhnak luhn kais sie.
22.2.1
Acn in Fihl luhn Leum
Mwe kahsruh nuh kwewa ma orekmakihnyuck ke Alu uh in kahsrelos ke enenuh luhn mahno pahngpahng lohm in fihl luhn Leum (liye Doctrine and Covenants 82:18–19). Ma inge pa pacl luhn mempucr, talan, nuhnak muhnahs, kuhfa, ac mwe kahsruh ke mani in kahsruh elos suc enenuh.
Lohm in fihl luhn Leum oasr ke kais sie ward ac stek. Mwet kol uh kuh in kahsruh kais sie ac sucu in sokwack inkacnek nuh ke enenuh ke kahsrelos sang lahlmwetmwet, etuh, ac kuhlwacnsap yurun mempucr ke ward ac stek.
22.2.2
Masap ke Lalo ac Mwe Sang ke Lalo
Leum El akiyac masap ke lalo ac mwe sang ke lalo in ahkinsewowoye mwet Lal ac in ahkolah inkacnek se nuh selos in kuhlwacnsuhpuh elos suc enenuh. Mempucr uh ac fototoi nuh sin Leum ac sesseslah ke nguhn fin elos moulkihn masap ke lalo. (Liye Isaiah 58:6–12; Malachi 3:8–12.)
Lalo el kuh in orek ke pacl nuh kwewa. Tuhsruhktuh, mempucr uh kwacna oruh ke Sacnri se emet ke mahlwem pa lwen in lalo. Lwen in lalo el kwacna nwacnwack ma inge:
-
Pruhe
-
Tiac eis mongo ac nihm ke ao 24 (fin monum kuh in oruh)
-
Sang mwe sang ke lalo
Mwe sang ke lalo el kahsruh se in kahsruh elos suc enenuh. Ke mempucr uh lalo uh, elos suliyuck in sang mwe sang se ma ac oacna nuh ke mongo ma elos ac kanglah uh.
Mempucr kuh in sang mwe sang ke lalo lalos uh ke pwacpa Sie Tahfuh Singucul ac Mwe Sang Sahyac nuh sin pisap kuh sie sin mwet kahsruh lal. Ke kuhtuh acn uh, elos kuh pac in oruh kahsruh online.
KAMPARE LUHN MWET KOL
22.3
Atac se nuh ke Muhsahi in Kuh in Sifacna ac Kahsruh Elos Suc Enenuh
22.3.1
Suk Elos Suc Enenuh
Oasr kunohkohn na oa se luhn pisap in suk ac kahsruh elos suc enenuh (liye Doctrine and Covenants 84:112). Mwet sahyac suc ma oasr pac kunohkohn yohk srihpac se in kahsrel pisap ke orekma se inge uh pa:
-
Tamuhlwel ac tahmtahel ma forfor luti.
-
Prestuhnsi ke Rilif Sosaiti ac u luhn elder.
-
Mwet in kahsruh lal pisap.
-
Mempucr sahyac ke ward council.
22.3.2
Kahsruh Mempucr Akihlen ac Fahk Enenuh Sa
Finsrak luhn mempucr uh pa elos in oraclah kwewa enenuh fihsrwacsr lalos ke na kampare lalos sifacna ac ke kahsruh yurun sucu luhlahp lalos. Fin suhfallac ma inge, mempucr ac enenuh kahsruh yurin acn sahyac suc pa:
-
Kafucrmacn and kahsruh luhn mura (liye 22.12).
-
Kahsruh luhn Alu.
Kahsruh luhn Alu uh kuh in sahp tuhkuh nuh ke mwe enenuh sa pa nuh ke mongo, ono, kuhtuh ma sahyac, nuknuk, lohm, kuh ma srihsrihk sahyac. Pisap el kuh in orekmakihn mwe sang ke lalo in kahsruh ke enenuh inge. Fin kuh in orekmakihnyuck bishops’ orders, pisap el orekmakihn ma ingacn nuh ke mongo ac ma srihsrihk sahyac (liye “Bishops’ Orders and Referrals” ke Leader and Clerk Resources [LCR]).
22.3.3
Kahsruh Mempucr in Muhsahi Kuh in Sifacna Lalos nuh Tok
Sahp mempucr enenuh kahsruh ma wacngihn sahflahiyac in sramsramkihnyuck ma upac met uh. Eis etwacack ke lutlut, vocational training, kuh kahsruh sahyac kuh in kahsruh mwet inge muhsah elos in sifacna ac kahsruh ke enenuh lalos nuh tok.
Self-Reliance Plan [Plwacn in Kuh in Sifacna] kahsruh mempucr in sokwack kuhiyaclos ac enenuh lalos. Kahsrelos pac in sokwack ma elos enenuh na pwacye. Plwacn se inge kuh in orekmakihnyuck kais sie pacl ma kahsruh ke Alu uh orek.
22.3.4
Muhtwacta nuh Yohrohlos suc oasr Enenuh la ke Nuhnak
Puhslac mempucr elos sun elyah ke nuhnak. Tamuhlwel ac tahmtahel ma forfor luti uh ac mwet kol ke ward kuh in pa paho in kahsruh mempucr inge ke elyah lalos uh.
22.4
Mwe Luti Yohk ke Sang Kahsruh luhn Alu
Ke kahsruh luhn Leum, mempucr suk in ahkolah nuh selos sifacna ac nuh sin sucu lalos.
Kahsruh luhn Alu uh oreklac in kahsruh mempucr oraclah in sifacna, tiac luhlahlfongi mwet. Oacna sie kahsruh ma orek enenuh in ahkkweye mempucr ke kampare lalos in kuh in sifacna.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F1f%2F68%2F1f68adec25e13e604ae4234089bcf59f283e97be%2F1f68adec25e13e604ae4234089bcf59f283e97be.jpeg/full/!250,/0/default)
22.4.1
Ahkkweye Kunohkohn luhn Kais Sie ac Sucu
Mwet kol luti lah kais sie ac sucu uh oasr kunohkohn yohk srihpac se lalos nuh ke temporal, emotional, ac spritual well being.
Met liki Alu uh oruh kahsruh la, pisap (kuh oacna sie mwet kol kuh mwet se el srihsrngiyac) soklah sin mempucr inge lah inkacnek fuhkah elos orekmakihn in eis kahsruh lalos inge.
22.4.2
Sang Kahsruh nuh ke Enenuh Silahklahk
Finsrak luhn kahsruh se ke Alu uh pa in sang enenuh ke pacl se mempucr inge kampare in kuh in sifacna lac.
Pisap el enenuh elan nuhnuhnkuh wo ac suk inkacnek in nguhn ke pacl se el nuhnkuh ke luhpah ac pacl se ac orek kahsruh se inge. Elos enenuh in kuhlwacng ac wo ac tiac oraclah in sifacna lac.
22.4.3
Sang Mwe Orekma kuh Kuhlwacnsap Liki na Mani
Fin kuh, pisap el enenuh in tiac sang mani. El kuh in orekmakihn mwe sang ke lalo kuh bishops’ orders in kahsruh mempucr ke ma ac moliyuck kuh kuhlwacnsap. Mempucr kuh in orekmakihn na mani lalos in moli enenuh sahyac.
Fin tiacna fal ma inge, pisap el kuh in tahfwelah orekmakihn mwe sang ke lalo in sang molwelah bills (liye 22.5.2).
22.4.4
Oruh Orekma kuh Inkacnek in Kuhlwacnsap
Pisap el ac suli mwet ngihsre kahsruh inge in orekma kuh oruh sie kuhlwacnsap ma elos kuh in oruh ah. Ma se inge kahsruh mempucr in puhla suhnak. El oacyacpac ahkyohkye kena lalos in kuh in sifacna lac.
22.4.5
Sruokyac Mwe Ahkkahlwemye ke Kahsruh luhn Alu uh in Lukme
Pisap ac mwet kol sahyac ke ward elos sruokyac in lukme oacna sie mwe ahkkahlwemye kacn mempucr ma enenuh kahsruh luhn Alu uh. Ma se inge kahsruh privacy ac suhnak luhn mempucr.
22.5
Masap ke Oruh Kahsruh luhn Alu
Mwet kol ke Alu uh enenuh in ukwe masap ma tahkihnyucklac ke section se inge pacl se ma oruh kahsruh ke mwe sang kuh bishops’ orders nuh ke mongo ac ma sahyac.
22.5.1
Masap ke Mwet Ma Eis Kahsruh ke Alu uh
22.5.1.1
Kahsruh nuh sin Mempucr ke Ward
Enenuh na, mempucr ma eis kahsruh yurun Alu uh in muhta ke ward sacn membership record lalos an oasr kac. Kahsruh inge kuh in som nuh yohrohlos tiac elyah lah mempucr sacn fahsr wi na alu kuh ukwe masap ke Alu uh.
22.5.1.2
Kahsruh nuh sin Pisap ac Stek Prestuhn
Lwelah se yurun stek prestuhn enenuh in oasr met liki pisap el orekmakihn mwe sang luhn lalo kuh ahokiyac bishops’ orders nuh sel sifacna kuh nuh sin sucu lal.
22.5.1.4
Kahsruh nuh sin Mwet Ma Tiac Mempucr ke Alu uh
Mwet ma tiac mempucr ke Alu uh elos kuh in som nuh ke acn luhn kahsruh nuh sin u in mwet ke acn sacn. Tiac pacl nuh kwewa, ke kolyuck luhn Nguhn, pisap el kuh in kahsreltahl ke mwe sang luhn lalo kuh bishops’ orders.
22.5.2
Masap nuh ke Orekmakihn Mwe Sang luhn Lalo
22.5.2.1
Ono kuh Ohiyac Sahyac nuh ke Ono
Kais sie acn ke Alu uh akiyac luhpah fal se in orekmakihn mwe sang luhn lalo in sang moli ono, wihs, kuh kahsruh sahyac nuh ke muhnahs luhn insifac.
Nuh ke ahkkweye nuh kac an ac atac an, liye “Use of Fast Offerings for Medical Expenses [Orekmakihn Mwe Sang ke Lalo nuh ke Moliyacn Ono].”
22.5.2.3
Sifilpac Moli Mwe Sang luhn Lalo
Mempucr tiac fohlohkihn moli kahsruh se ke mwe se sang luhn lalo ma elos eis sin Alu uh.
22.5.2.4
Luhpah Sisilac ke Mwe Sang ke Lalo ke Ward se
Pisap el tiac enenuh in limit kuh oraclah luhpah in kahsruh ke mwe sang luhn lalo nuh sin mempucr ke ward an nuh ke luhpah se ma orekeni ke ward sacn.
22.5.3
Masap nuh ke Orek Payment
Fin kuh, payment enenuh in oreklac nuh nuh sin business se ma oraclah ma kuh kuhlwacnsap inge.
22.5.4
Masap ke Payment Ma ac Sang Wo nuh sin Pisap ac Stek Prestuhn
Kahsruh mempucr ke mwe sang luhn lalo, pisap el tiac lwelah in orekmakihn luhpah se ingacn moli ma nuh sel sifacna.
Fin payment se oreklac ke mwe sang luhn lalo nuh sin mempucr se ma ac tuh sang wo nuh sin stek prestuhn kuh business se el oruh, enenuh in oasr lwelah sin Prestuhnsi ke Eria ke ma se inge.
22.6
Ma Kunacn Mwet Kol ke Ward
22.6.1
Pisap ac Counselor Lal An
Kunohkohn yohk se luhn pisap in suk ac kahsruh elos suc enenuh ke ma luhn mahno (liye Doctrine and Covenants 84:112). El kunweyac inkaiyen orekma inge nuh in sin Rilif Sosaiti ac prestuhnsi ke u luhn elder. Tuhsruhktuh, oasr orekma srisrilac in ahkfahsryeyuck sel pisap. Pa nuh ke, pisap:
-
El nuhnuhnkuh ke atac, luhpah, ac puhlan pacl ke oacna sie kahsruh ma ac ahkfahsryeyuck.
-
Ahkkweyeyucklac kahsruh ke mwe sang luhn lalo (liye 22.4 ac 22.5) ac bishops’ orders nuh ke mongo ac ma enenuh sahyac (liye 22.13).
-
Sifacna liye plwacn in kuh in sifacna luhn mempucr. El kunweyac mwet kol sahyac ke ward in sifil lohlngohk ke plwacn ingacn fin enenweyuck.
Kunohkohn luhn pisap ac mwet in kahsruh lal pa tahklac inge:
-
Luti mwe luti ac mwe insewowo ma ac sikyak fin (1) kahsruh elos suc oasr elyah la ke ma luhn mahno ac nuh ke nuhnak ac (2) muhsahi in kuh in sifacna (liye 22.1).
-
Luti masap ke lalo ac ahkkweye mempucr in sang mwe sang ke lalo ke insiaclos (liye 22.2.2).
-
Liye kwewa ac oracni mwe sang ke lalo (liye 34.3.2).
22.6.2
Rilif Sosaiti ac Prestuhnsi ke U luhn Elder
Ye kohkoh luhn pisap, prestuhnsi ke Rilif Sosaiti ac u luhn elder oasr kunohkohn se lalos in kahsruh elos suc enenuh ke ward sacn (liye 8.2.2 ac 9.2.2). Mwet kol inge luti mempucr ke ward sacn in:
-
Kahsruh elos suc enenuh.
-
Moulkihn masap ke lalo.
-
Muhsahi in kuh in sifacna.
-
Ahkyohkye ahkolah nuh se sifacna ac nuh sin sucu.
22.6.3
Tamuhlwel ac Tahmtahel Forfor Luti
Kahsruh ke enenuh nuh ke nguhn ac mahno muhtwacwacack emet yurun tamuhlwel ac tahmtahel ma forfor luti uh (liye 21.1). Elos ripohrtiyac enenuh ma elos eis yurun mwet elos kuhlwacnsuhpuh nuh sin prestuhnsi ke u ke elder kuh Rilif Sosaiti lalos ke pacl in tuhkweni asramsrami kuh pacl sahyac. Elos akacsruhi enenuh ma enenuh na in som nuh sel Pisap.
22.7
Kunohkohn luhn Ward Council
Sie kunohkohn yohk srihpac ke ward council pa in plwacnwelah lah ac kahsruh fuhkah mwet enenuh ac oruh fuhkah elos in kuh in sifacna lac (liye 4.4). Mempucr ke council oraclah plwacn inge fal nuh ke ma elos eis ke elos asramsrami ac ke pacl elos sifacna ohsun sin mwet oasr enenuh la inge. Sruhmuhn enenuh luhn mempucr, council sacn el suhnakihn kena luhn oacna sie ma oruh nguhsr la in lukmac.
22.8
Kunohkohn Ward Youth Council
Sie srihpac luhn Ward Youth Council pa in kahsruh mwet fuhsr in srwelah pacl lalos in fahsr tukun Jisus Kraist (liye 29.2.6).
Ye kol luhn pisap, ward youth council plwacnwelah inkacnek in kuhlwacnsuhpuh elos suc enenuh ke ward ac mura se lalos ingacn.