“23. Afanafana ewe Kapas allim me Apochokuna Chon Mwichefen Minafo me Ekkewe mi Niwinsefan,” Ekkoch Kinikin seni ewe Pukenapen Emwen (2023).

“23. Afanafana ewe Kapas Allim me Apochokuna Chon Mwichefen Minafo me Ekkewe mi niwinsefan,” Ekkoch Kinikin seni ewe Pukenapen Emwen.

23.

Afanafana ewe Kapas allim me Apochokuna Chon Mwichefen Minafo me Ekkewe mi Niwinsefan

23.0

Nepoputan

Etiwa meinisin repwe angei ewe kapas allim ina pekin ewe angangen manau ese much me manau mi tekia (nengeni 1.2 non ei puken emwen; Matthew 28:19–20). Mi pachenong:

Fiti angangen misineri me kopwe misineri.
Anisi chon Mwichefen minafo me ekkewe mi niwinsefan ar repwe fefeita won ewe aanen pwon mi pin.

23.1

Afanafana ewe Kapas allim

New Guidelines to Help Members and Missionaries Gather Israel
Some guiding principles to improve the coordination of efforts by members and missionaries to gather Israel have been developed by the Church. The effort is called Love, Share, and Invite.

23.1.1

Tong

Eu anen ach sipwe pwari ach tong ngeni Kot ina ren ach tongei me angang ngeni Noun semirit (nengeni Matthew 22:36–39; 25:40). Sia achocho ne tong me angang ngeni ekkoch usun Jises Kraist a fori. Ei tong a emiriti kich ach sipwe anisi aramasen sokopaten namanam, sokofesenin mwicheich, me oreni (nengeni Foffor 10:34; 2 Nifai 26:33).

23.1.2

Aea Fengen

Pokiten kich mi tongei Kot me Noun semirit, sia pusin mochen aea fengen ekkewe feioch I a fen ngeni kich (nengeni John 13:34–35) me aninnis ne ionfengeni Israel. Sia kutta ach sipwe anisi aramas repwe mefi ewe pwapwa sia mefi (nengeni Alma 36:24). Sia kapas wenechar usun ewe Chon Amanau me An manaman non manauach (nengeni Doctrine and Covenants 60:2). Sia aea fengen ekkei mettoch non napanap ese sokkono me non wesewesen nikinikir ren pekin ach pusin foffor, online, me pwan ekkoch.

23.1.3

Etiwa

Sia iotek fan iten pekin mirit me emwen ren ifa usun sipwe etiwa ekkoch repwe:

Feito me kuna ekkewe feioch mi kawor seni Jises Kraist, An kapas allim, me An Mwichefen (nengeni John 1:37–39, 45–46).
Feito me anisi kich ne angang ngeni aramas mi nom non osupwang.
Feito me choni ewe Mwichefenin Jises Kraist mi niwinsefan.

Inviting Others to "Come and See"
People like being included. They just need to be invited. This video shows how invitations to "come and see" can be just a normal and natural part of everyday life for members of the Church of Jesus Christ of Latter-day Saints.

Inviting Others to "Come and Help"
People want to help; often all they need is an invitation. This video depicts the ease of inviting people to lend a helping hand in church-related service opportunities for The Church of Jesus Christ of Latter-day Saints.

Inviting Others to "Come and Stay"
When people feel welcome at church, they'll naturally want to stay. This video for the Church of Jesus Christ of Latter-day Saints shows normal and natural ways to help visitors feel at home when they come to church for the first time.

Fan chommong, etiwetiw a mechers wewen pwe ach apachanong ach famini, chiechiach, me chon oruch non met sia fen foffori.

23.2

Apochokuna Minafon Chon Mwichefen

Emon me emon minafon chon mwichefen a auchea ngeni epwe wor chiechian, an tufichin angang ngeni ekkoch, me tumunun pekin ngun. Kich chon ewe Mwichefen, sia ngeni minafon chon mwichefen ach tong me aninis (nengeni Mosaia 18:8–10). Sia anisir repwe mefi eu memefin pwe ir chon ewe Mwichefen. Sia anisir repwe fefeita won ewe anen pwon mi pin me repwe wesewesen “siwin ngeni ewe Samon” (Alma 23:6).

23.3

Apochokuna Chon Mwichefen ir mi Niwinsefan

Ekkoch chon mwichefen ra finata ar repwe kouno ne fiti ewe Mwichefen. “Ngeni ena sokkun,” anon ewe Chon Amanau, “oupwe soposopono ne iamwirir; pun ouse sinei ika non ew ran repwe niwin me aier, me feito rei ren unusen netip, iwe upwe echikarar; iwe ami oupwe wisen popun chon awora manau ese much ngenir” (3 Nifai 18:32).

Chon mwichefen ekkewe rese mwo kon unusen fiti epwe mecheres ar repwe niwinsefan ika a wor ar pochokunen chiechi ngeni chon Mwichefen. Usun minafon chon mwichefen, a auchea ngeni epwe wor chiechier, ar tufichin angang ngeni ekkoch, me tumunun pekin ngun.

23.4

Souemwenin Steik

23.4.1

Presetensin Steik

Ewe presetenin steik a amwochu ekkewe kii non ewe steik ren afanafanen ewe kapas allim me apochokunen chon mwichefen minafo me ekkewe mi niwinsefan. I me noun kewe chon aninis ra awora ounusen emwen ren ekkena angang.

Napengeni iteiten maram, ewe presetenin steik a churi ewe presetenin misin ar repwe ota angang nefinen ekkewe souemwenin steik me wart me ekkewe misineri ra angang non ruu ier.

23.4.3

Chon Opungupung mi Nap

Ewe presetensin steik mi tongeni ewisa chon opungupung mi nap ar repwe aiti me anisi presetensin mwichen elter me souemwenin misin non wart. Emon ika mi napeseni chon opungupung mi nap mi tongeni finita an epwe emweni ekkei angang. Nge inamo, meinisin chon opungupung mi nap mi wor rer ekkei wis fan iten ekkewe wart me mwich ren minne ir ra ewis ngeni.

23.4.4

Presetensin Steik Relief Society

Fan emwenin ewe presetenin steik, ewe presetensin steik Relief Society a aiti me anisi ekkewe presetensin wart Relief Society non wiser kewe ren afanafanen ewe kapas allim me apochokunen chon mwichefen minafo me kewe ir mi niwinsefan.

23.5

Souemwenin Wart

23.5.1

Pisoprik

Ewe pisoprik a otot fengen me ekkewe presetensin mwichen elter me Relief Society nupwen ra emweni anganen ewe wart ren afanafanen ewe kapas allim me apochokunen chon mwichefen minafo me kewe ir mi niwinsefan. Ekkei souemwen ra ourour fengen fan chommong.

Ewe pisoprik a tumunochu pwe ekkei angang ra porous usun me otot fengeni fanasengesin me non mwichen wart me ekkewe mwichen serafo an wart.

Ewe pisop a interfiuni minafon chon mwichefen ekkewe mi fich ierir ngeni echo toropwen mumuta ne tonong non tempel ar repwe fori papatais me kapunguno fan iten kewe mi mano (nengeni 26.4.2). I a pwan interfiuni mwan ekkewe mi fich ierir ar repwe angei ewe Aaronic Pristut. I a soun efisi ekkei interfiu non ewe chok wik ewe chon mwichefen a kapunguno.

23.5.2

Presetensin Mwichen Elter me Relief Society

Ekkewe presetensin mwichen elter me Relief Society ra emweni angangen ewe wart mi fifis iteiten ran ne afanafana ewe kapas allim me apochokuna chon mwichefen minafo me kewe ir mi niwinsefan (nengeni 8.2.3 me 9.2.3).

Ekkei souemwen a wor rer ekkei wis mi mak fan:

Anisi ne emiriti chon mwichefen repwe tongeni noun Kot semirit, ar repwe afanafana ewe kapas allim, me repwe etiwa ekkoch ar repwe angei an ewe Chon Amanau feioch.
Ewisa mwan me fefin chon iamwir ngeni chon mwichefen minafo me kewe mi niwinsefan (nengeni 21.2.1).
Emweni ewe angangen ewe souemwenin misin non ewe wart.

Ewe presetenin mwichen elter me presetenin Relief Society a ewisa emon chon ewe presetensi an epwe aninis ne emweni ekkei angang. Ekkei ruemon chon ewe presetensi ra angang fengen. Ra fiti mwichen okokkot iteiten wiik (nengeni 23.5.7).

23.5.3

Souemwenin Wart Misin

Ewe pisoprik a angei poraus seni ewe presetenin steik an epwe apungano ika epwe kokkori emon souemwenin wart misin. Ei aramas epwe emon mi amwochu ewe Melkisetek Pristut. Ika ei souemwen ese kokko, emon chon ewe presetensin mwichen elter epwe fori ei wis.

Ewe souemwenin wart misin a anisi presetensin mwichen elter me Relief Society non wiser kewe wisen misineri. A pwan wor ren ekkei wis mi mak fan:

Ota ewe angangen chon ewe wart me souemwen, wart misineri, me misineri a nagang non ruu ier.
Emweni mwichen okokkot iteiten wiik (nengeni 23.5.7).

23.5.4

Wart Misineri

Wart misineri ra anisi chon mwichefen non ewe wart ar repwe mefi ewe pwapwan afanafana ewe kapas allim usun mi affatetiw non 23.1. Ra angang fan emwenien ewe souemwenin wart misin ika ewe chon ewe presetensin mwichen elter ewe a wiseni ei wis.

23.5.5

Mwichen wart me Mwichen Serafo non ewe Wart

Afanafana ewe kapas allim me apochokuna chon mwichefen minafo me ekkewe mi niwinsefan repwe akkaporousa me non ekkewe mwichen opungupungun wart. Ewe pisop mi tongeni etiwa ewe souemwenin wart misin an epwe fiti ekkewe mwichen opungupungun wart.

Toropwe usun ekkewe mi nom fan ra tongeni anisuk non ekkei aporous:

Ren aporousen met mi namot ngeni serafo non ewe wart, ewe mwichen serafo non ewe wart epwe anonga ochu an ekiek ngeni chon mwichefen minafo me ekkewe mi niwinsefan me ngeni serafo kewe ra kaeo me ren ekkewe misineri.

23.5.7

Ota ekkewe Mwich

Iteiten wiik, mwich mi mwitir ra fis ar repwe ota angangen afanafanen ewe kapas allim me apochokunen chon mwichefen minafo me ekkewe mi niwinsefan. Ika emon souemwenin wart misin a kokko, i a emweni ekkei mwich. Ika esap ina, ewe chon ewe presetensin mwichen elter ewe a fori ei wis epwe emweni.

Ekkoch ekkewe ir mi ketiw ngeni mwich mi pachenong:

Chon ekkewe presetensin Relief Society me mwichen elter.
Wart misineri.
Emon chon aninnis non ewe mwichen prist (ika ekkewe ticher ika presetenin mwichen tiken ika ese wor prist non ewe wart).
Emon chon ewe presetensin ewe klasin ekkewe Mwichen Foppun ewe a kon watte senir.
Misineri a angang non ruu ier.