“23. Evanhélio Ñekomparti ha Miembro Pyahu ha Oujeýva Ñemombarete”, Manual General-gui poravopyrekuéra (2023).
“23. Evanhélio Ñekomparti ha Miembro Pyahu ha Oujeýva Ñemombarete”, Manual General-gui poravopyrekuéra.
23.
Evanhélio Ñekomparti ha Miembro Pyahu ha Oujeýva Ñemombarete
23.0
Ñepyrũmby
Opavavépe ñeinvita orresivi hag̃ua pe evanhélio oike pe salvasiõ ha exaltasiõ rembiapópe (tojehecha 1.2 ko manual-pe; Mateo 28:19–20). Upévape oike:
-
Ojepartisipa obra misional-pe ha ojeservi misionero-ramo.
-
Oñeipytyvõ Tupaogua miembro-kuéra pyahu ha oujeývape okakuaa hag̃ua oguatávo pe konvénio rapére.
23.1
Ñakomparti pe Evanhélio
23.1.1
Mborayhu
Peteĩ ikatuháicha jahechauka ñane mborayhu Tupãre ha’e jahayhu ha jaservívo Ita’yrakuérape (tojehecha Mateo 22:36–39; 25:40). Ñañeha’ã jahayhu ha jaservi Jesucristo ojapo haguéicha. Ko mborayhu ñanemokyre’ỹ jahupyty hag̃ua hentekuéra opa religiõ, rrása ha cultura-guápe (tojehecha Hechos 10:34; 2 Nefi 26:33).
23.1.2
Ñakomparti
Jahayhu rupi Tupã ha Ita’yrakuérape, osẽ rei ñandéve ñakompartise umi jehovasa Ha’e ome’ẽva’ekue ñandéve (tojehecha Juan 13:34–35) ha ñaipytyvõ ñambyaty Israel-pe. Jaheka ñaipytyvõ tapichakuérape oñandu hag̃ua pe vy’apavẽ ñande ñañandúva (tojehecha Alma 36:24). Ñañe’ẽ meme pe Salvador-gui ha Iñinfluénsia ñande rekovépe (tojehecha Doctrina ha Konveniokuéra 60:2). Ñakomparti ko’ã mba’e hekópe ha ñande rekoteéicha, ñañemongetávo peteĩteĩ, línea rupi, térã ambuéicha.
23.1.3
Ñainvita
Ñañembo’e jajerurévo inspirasiõ ha gía mba’éichapa ñainvitakuaa tapichakuérape:
-
Tou ha tohecha umi jehovasa oĩva disponible Jesucristo, Iñevanhélio ha Itupao rupive (tojehecha Juan 1:37–39, 45–46).
-
Tou ha tañanepytyvõ jaservi tapichakuéra oikotevẽvape.
-
Tou ha taha’e Jesucristo Tupao rrestauradopegua.
Py’ỹi, ñainvita he’isénte ñamoinge ñane familia, angirũ ha vesinokuérape umi mba’e jajapóvape hína.
23.2
Ñamombarete umi Miembro Pyahúpe
Peteĩteĩ umi miembro pyahu oikotevẽ angirũnguéra, oportunida oservi hag̃ua ha ñemongaru espiritual. Tupaogua miembro-icha, ñame’ẽ umi miembro pyahúpe ñane mborayhu ha pytyvõ (tojehecha Mosíah 18:8–10). Ñaipytyvõ chupekuéra oñandu hag̃ua ha’eha Tupaopegua. Ñaipytyvõ chupekuéra okakuaa hag̃ua pe konvénio rape pukukuére ha “oñekonverti [pypukuve] Ñandejárape” (Alma 23:6).
23.3
Ñamombarete umi Miembro Oujeývape
Oĩ umi miembro oiporavóva ndopartisipavéi Tupaópe. “Koʼãvape”, he’i pe Salvador “peministráta haguére gueteri; ndapeikuaáigui peichahágui ojeréramo g̃uarã hikuái ha oñearrepenti, ha ou cherendápe korasõ añete reheve, ha che amongueráta chupekuéra; ha peẽ haʼéta tembiporu pegueru hag̃ua chupekuéra salvasiõ” (3 Nefi 18:32).
Umi miembro ndopartisipapaitéiva ikatuve oujey orekóramo hikuái joaju mbarete Tuapogua miembro-kuéra ndive. Umi miembro pyahúicha, ha’ekuéra oikotevẽ angirũnguéra, oportunida oservi hag̃ua ha ñemongaru espiritual.
23.4
Estakagua Liderkuéra
23.4.1
Estakagua Presidencia
Estakagua presidente oreko llavekuéra upe estákape oñekomparti hag̃ua pe evanhélio ha oñemombarete umi miembro pyahu ha oujeývape. Ha’e ha ikonseherokuéra ome’ẽ orientasiõ opavavépe umi tembiaporãme.
Pe estakagua presidente oñerreuni jepi misiõgua presidente ndive, peteĩ jave káda mes, omohenda porã hag̃ua umi ñeha’ã estáka ha barrio-gua liderkuéra ha umi misionero de tiempo completo apytépe.
23.4.3
Sumo Consejo Miembro-kuéra
Pe estakagua presidencia ikatu oasigna sumo consejo miembro-kuérape ohekombo’e ha oipytyvõ hag̃ua umi élder kórum presidencia ha barrio-gua liderkuéra misional-pe. Ikatu oñeasigna peteĩ térã hetave sumo consejo miembro-kuérape oisãmbyhy hag̃ua umi tembiapo. Upevére, opavave sumo consejo miembro-kuéra oreko ko’ã rresponsabilida umi barrio ha kórum oñeasignávape.
23.4.4
Estakagua Sociedad de Socorro Presidencia
Estakagua presidente sãmbyhy guýpe, pe estakagua Sociedad de Socorro presidencia ohekombo’e ha oipytyvõ umi barrio-gua Sociedad de Socorro presidencia-pe irresponsabilidaitápe okompartívo pe evanhélio ha omombarete umi miembro pyahu ha oujeývape.
23.5
Barrio-gua Liderkuéra
23.5.1
Obispado
Pe obispado omohenda porã umi ñeha’ã élder kórum ha Sociedad de Socorro presidencia ndive ha’ekuéra oisãmbyhy aja pe barrio rembiapo okompartívo pe evanhélio ha omombarete umi miembro pyahu ha oujeývape. Ko’ã líder okonsulta meme oñondive.
Pe obispado ohecha toñeñe’ẽ ha toñemohenda porã ko’ã tembiapo umi consejo de barrio ha consejo de barrio para la juventud rreunióme.
Pe obispo oentrevista umi miembro pyahu orekóva eda orresivi hag̃uáicha peteĩ templo recomendación ojapo hag̃ua bautismo ha confirmación representante rehe (tojehecha 26.4.2). Ha’e oentrevista avei kuimba’ekuérape orekóva eda orresivi hag̃ua Sacerdocio Aarónico. Ha’e ojapo jepi ko’ã entrevista peteĩ semana rupi miembro confirmación rire.
23.5.2
Umi Élder kórum ha Sociedad de Socorro Presidencia
Umi élder kórum ha Sociedad de Socorro presidencia oisãmbyhy barrio-gua ñeha’ã meme oñekomparti hag̃ua pe evanhélio ha oñemombarete umi miembro pyahu ha oujeývape (tojehecha 8.2.3 ha 9.2.3).
Ko’ã líder oreko ko’ã rresponsabilida:
-
Oipytyvõ oinspira miembro-kuérape ohayhu hag̃ua Tupã ra’yrakuérape, okomparti pe evanhélio, ha oinvita tapichakuérape ohupyty hag̃ua pe Salvador jehovasakuéra.
-
Oasigna hermano ha hermana ministrante umi miembro pyahu ha oujeývape (tojehecha 21.2.1).
-
Oisãmbyhy barrio-gua líder misional rembiapo.
Élder kórum presidente ha Sociedad de Socorro presidenta peteĩteĩ oasigna peteĩ ipresidencia miembro-pe oipytyvõ hag̃ua oisãmbyhývo umi tembiapo. Ko’ã mokõi presidencia-gua miembro omba’apo oñondive. Ha’ekuéra oasisti rreuniõ semanal coordinación reheguápe (tojehecha 23.5.7).
23.5.3
Barrio-gua Líder Misional
Pe obispado okonsulta estakagua presidente ndive odetermina hag̃ua oñehenoiva’erãpa peteĩ barrio-gua líder misional. Ko tapicha orekova’erã Melquisedec Sacerdocio. Noñehenóirõ upe líder, peteĩ élder kórum presidencia-gua miembro okumpli upe funsiõ.
Pe barrio-gua líder misional oipytyvõ élder kórum ha Sociedad de Socorro presidencia-pe umi irresposabilida misional-pe. Oreko avei ko’ã rresponsabilida:
-
Omohenda porã barrio-gua miembro ha liderkuéra, umi barrio-gua misionero ha misionero de tiempo completo rembiapo.
-
Oisãmbyhy rreuniõ semanal coordinación rehegua (tojehecha 23.5.7).
23.5.4
Barrio-gua Misionero-kuéra
Umi barrio-gua misionero oipytyvõ barrio-gua miembro-kuérape oñandu hag̃ua pe evanhélio ñekomparti vy’apavẽ oñemombe’uháicha 23.1-pe. Ha’ekuéra oservi pe barrio-gua líder misional térã pe élder kórum presidencia miembro okumplíva upe funsiõ sãmbyhy guýpe.
23.5.5
Pe Consejo de Barrio ha Consejo de Barrio para la Juventud
Oñeñe’ẽ manteva’erã evanhélio ñekomparti ha umi miembro pyahu ha oujeýva ñemombarete rehe umi consejo de barrio rreuniõme. Obispo oinvitakuaa barrio-gua líder misional-pe oĩ hag̃ua umi consejo de barrio rreuniõme.
Ko’ã formulario oipytyvõkuaa umi ñemongetápe:
Oñeñe’ẽvo barrio-gua jóvenes remikotevẽ rehe, pe consejo de barrio para la juventud oma’ẽ jesareko porã reheve umi miembro pyahu ha oujeýva ha umi jóvenes misionero-kuéra ombo’évape hína.
23.5.7
Umi Rreuniõ Ñemohendaporãrã
Káda semana ojejapo rreuniõnguéra mbyky ha informal oñemohendaporã hag̃ua umi tembiapo oñekomparti hag̃ua pe evanhélio ha oñemombarete umi miembro pyahu ha oujeývape. Oñehenóirõ peteĩ barrio-gua líder misional, ha’e omboguata umi rreuniõ. Ndaupéichairamo, pe élder kórum presidencia-gua miembro okumplíva upe funsiõ omboguata umi rreuniõ.
Ambuekuéra oñeinvitáva apytépe oike:
-
Umi Sociedad de Socorro ha élder kórum presidencia-gua miembro oñeasignáva.
-
Barrio-gua misionero-kuéra.
-
Peteĩ presbítero kórum pytyvõhára (térã umi maestro térã diákono kórum presidente ndaipóriramo presbítero barrio-pe).
-
Peteĩ Mujeres Jóvenes ijedavéva clase presidencia miembro.
-
Umi misionero de tiempo completo.