23.

Akacsruhi ke Wosasuc ac Ahkkweye Mempucr Sasuc ac Ma Sifilpac Fohlohk

23.0

Ikucslah

Suli nuh kwewa in eis wosasuc el ipin orekma se ke molwelah ac ma pahtpaht (liye 1.2 ke handbook se inge; Matthew 28:19–20). El nwacnwack:

• Wi oruh orekma luhn misineri ac kuhlwacnsap ekihn misineri.

• Kahsruh mempucr sasuc ac ma tuhfahna fohlohk nuh ke Alu uh in kampare ke inkacnek in olwelah se.

23.1

Akacsruhi ke Wosasuc

New Guidelines to Help Members and Missionaries Gather Israel

Some guiding principles to improve the coordination of efforts by members and missionaries to gather Israel have been developed by the Church. The effort is called Love, Share, and Invite.

23.1.1

Luhngse

Sie ohiyac ma kuht ahkkahlwemye luhngse lasr nuh sin God pa ke kuht luhngse ac kuhlwacnsuhpuh tuhlihk Nahtuhl (liye Matthew 22:36–39; 25:40). Kuht kampare in luhngse ac kuhlwacnsap oacna ke Jisus El oruh ah. Luhngse se inge mokle kuht in kohllah pahosr nuh sin oacna sie mwet ke alu, tuhn, ac facsin (liye Orekma 10:34; 2 Nephi 26:33).

23.1.2

Akacsruhi

Ke srihpen kuht luhngse God ac tuhlihk Nahtuhl, kuht luhngse akacsruhi ke mwe insewowo El use nuh sesr (liye John 13:34–35) ac kahsruh oracni Israel. Kuht suk in kahsruh mwet in puhla engan se kuht puhla inge (liye Alma 36:24). Kuht sramsram pacl nuh kwewa ke Mwet Lahngo ac orekma Lal nuh ke moul lasr (liye Doctrine and Covenants 60:2). Kuht akacsruhi ma inge ke atac na fal ac inkacnek tiac okahrkahr ke moul in ikwoac, online, ac ohsun lasr sahyac.

23.1.3

Suli

Kuht pruhe ke mwe luti ac kolyuck in etuh lah ac suli fuhkah mwet sahyac in:

• Tuhkuh ac liye mwe insewowo ma oasr ke srihpacl Jisus Kraist, wosasuc Lal, ac Alu Lal (liye John 1:37–39, 45–46).

• Tuhkuh ac kahsre kuht kuhlwacnsuhpuh mwet enenuh.

• Fahsruh ac wi Alu fohlohkyak luhn Jisus Kraist.

Inviting Others to "Come and See"

People like being included. They just need to be invited. This video shows how invitations to "come and see" can be just a normal and natural part of everyday life for members of the Church of Jesus Christ of Latter-day Saints.

Inviting Others to "Come and Help"

People want to help; often all they need is an invitation. This video depicts the ease of inviting people to lend a helping hand in church-related service opportunities for The Church of Jesus Christ of Latter-day Saints.

Inviting Others to "Come and Stay"

When people feel welcome at church, they'll naturally want to stay. This video for the Church of Jesus Christ of Latter-day Saints shows normal and natural ways to help visitors feel at home when they come to church for the first time.

Oruh, kalmacn solsol fihsrwacsr se inge som nuh sin sucu, kawuck ac mwet tuhlan ke ma kuht muhta oruh pacl nuh kwewa.

23.2

Ahkkweye Mempucr Sasuc

Kais sie mempucr elos enenuh kawuck se, inkacnek in kuhlwacnsap, ac mongo in nguhn. Ekihn mempucr ke Alu uh, kuht sang nuh sin mempucr sasuc inge luhngse ac kahsruh lasr (liye Mosiah 18:8–10). Kuht kahsrelos in puhla oasr lalos ke Alu uh. Kuht kahsrelos in kampare ke inkacnek in olwelah se inge ac “eklac lalos nuh sin Leum” in tuhkuh loal (Alma 23:6).

23.3

Ahkkweye Mempucr ma Tuhfahna Fohlohk

Kuhtuh mempucr uh sulaclah in tui tilac fahsri Alu uh. “Ne ohinge,” Mwet Lahngo El fahk, “kowos fah tahfwelah in luti; tuh kowos tiac etuh fin elos fah fohlohk ac auliyak, ac tuhkuh nuh Yuruk ke inse pwacye, ac Nga fah unweloslac; ac kowos fah inkacnek in acse molwelah nuh selos.” (3 Nephi 18:32).

Mempucr ma tiacna wi pacl nuh kwewa kuh pacna in fohlohk fin oasr kuhpahsr fokoko se lalos sin mempucr ke Alu uh. Oacna mempucr sasuc, elos enenuh kawuck, inkacnek in kuhlwacnsap, ac mongo in nguhn.

23.4

Mwet Kol ke Stek

23.4.1

Prestuhn luhn Stek

Prestuhn luhn Stek el sruok ki nuh ke stek ma akacsruhi ke wosasuc ac ahkkweye mempucr sasuc ac mempucr ma tuhfahna fohlohk. El ac mwet in kahsruh lal ahkkahlwemye ma orek ke kahsruh inge nohfohn.

Ke kais sie mahlwem, prestuhn luhn stek el ohsun nuh sin misin prestuhn in aetuhilac ke ma in orek inmahsrlon mwet kol ke ward ac stek ac wi misineri.

23.4.3

Kaunsucl Fuhlwact

Prestuhnsi ke stek kuh in srihsrngiyac mwet in kahsruh in luti ac tahpuhk prestuhnsi ke u luhn elder ac mwet kol se ke ward misin. Sie kuh puhs liki kaunsucl fuhlwact kuh in srihsrngiyucki pac nuh ke orekma se inge. Tuhsruhktuh, nohfohnna kaunsucl fuhlwact inge oasr kunohkohn lalos ke ward ac u se ma elos srihsrngiyucki nuh kac uh.

23.4.4

Prestuhnsi luhn Rilif Sosaiti ke Stek

Ye kohkoh luhn prestuhn ke stek, prestuhnsi ke Rilif Sosaiti luti ac tahpuhk prestuhnsi ke Rilif Sosaiti ke kunohkohn lalos in akacsruhi wosasuc ac ahkkweye mempucr sasuc ac ma sifilpac fohlohk.

23.5

Mwet Kol ke Ward

23.5.1

Pisaprik

Pisaprik el orekma wi prestuhnsi ke u luhn elder ac Rilif Sosaiti ke elos us orekma se luhn ward in akacsruhi wosasuc ac ahkkweye mempucr sasuc ac ma sifilpac fohlohk. Mwet kol kwacna tuhkweni in aetuhilac.

Pisaprik elos oaru in liye lah orekma inge sramsramkihnyucklac ac aetuhilac ke ward council ac ward youth council miting.

Pisaprik el oruh lohlngohk lal yurun mempucr sasuc inge ke matwac fal lalos in eis pwepuh in lwelah nuh tempuhl in oruh pacptais ac ahkkweyeyucklac kacn mwet misac (liye 26.4.2). El oacyacpac oruh lohlngohk lal yurun tamuhlwel ke matwac fal ma kuh in eis Aaronic Pristut. El kwacna oruh lohlngohk inge ke wik se ma ahkkweyeyucklac mempucr inge.

23.5.2

Prestuhnsi ke U luhn Elder ac Rilif Sosaiti

Prestuhnsi ke u luhn elder ac Rilif Sosaiti kol ward ke orekma lalos lwen nuhkwewa in akacsruhi wosasuc ac ahkkweye mempucr sasuc ac sifilpac fohlohk uh (liye 8.2.3 and 9.2.3).

Pa inge kunohkohn luhn mwet kol inge:

• Kahsruh pihrihk mempucr in luhngse tuhlihk nuhtin God, in akacsruhi ke wosasuc, ac suli mwet sahyac in eis mwet insewowo luhn Mwet Lahngo.

• Kunweyac tamuhlwel ac tahmtahel in forfor luti nuh sin mempucr sasuc ac mempucr tuhfahna sifilpac fohlohk (liye 21.2.1).

• Kol orekma luhn mwet kol misin ke ward.

Prestuhn luhn u ke elder ac prestuhn luhn Rilif Sosaiti kais sie kunweyac mempucr se ke prestuhnsi in kahsruh kol orekma se inge. Mempucr luo ke prestuhnsi inge elos tuhkweni orekma. Elos wi coordination miting ke wik nuh kwewa (liye 23.5.7).

23.5.3

Mwet Kol Misin ke Ward

Pisaprik elos fahk nuh sin prestuhn luhn stek in nuhnkuh lah elac pahngon sie mwet kol misin ke ward sacn. Mwet se inge enenuh in sruok Melchizedek Pristut. Fin mwet kol se inge tiacna pahngonyuck, mwet se ke u luhn elder kuh in ahkfalye kunohkohn se inge.

Mwet kol misin ke ward tahpuhk prestuhnsi ke u luhn elder ac prestuhnsi ke Rilif Sosaiti ke kunohkohn lalos ke misineri. El oacyacpac sruok kunohkohn ekahsr inge:

• Oraclah orekma luhn mempucr ac mwet kol, ward misineri, ac misineri pacl nuh kwewa.

• Kol coordination miting ke wik nuh kwewa (liye 23.5.7).

23.5.4

Ward Misineri

Ward misineri kahsruh mempucr ke ward in puhlakihn engan ke akacsruhi ke wosasuc oacna ke ahkuhtweyucki ke 23.1. Elos kuhlwacnsap ye kohkoh luhn mwet kol misin ke ward sacn kuh mempucr se ke prestuhnsi ke u luhn elder ma kanwelah kunohkohn se inge.

23.5.5

Ward Council ac Ward Youth Council

Akacsruhi ke wosasuc ac ahkkweye mempucr sasuc ac ma sifilpac fohlohk enenuh in sruhmuhnyuck pacl nuh kwewa ke ward council miting. Pisap elac suli mwet kol misin ke ward sacn in wi ward council miting.

Pwepuh ten inge kuh in kahsruh ke ma ac sruhmuhnyuck uh:

• Missionary Progress Record [Sihmihs Kapwack luhn Mwet Misineri inge Luti].

• New and Returning Member Progress [Ma kacn Mempucr Sasuc ac Mempucr Sifilpac Fohlohk].

Pacl se sruhmuhnyuck enenuh luhn mwet fuhsr ke ward sacn, ward youth council el fahk in kahlwem mempucr sasuc ac mempucr ma tuhfahna sifilpac fohlohk ac tuhlihk fuhsr ma lutiyuck sin misineri.

23.5.7

Miting in Orek Plwacn

Wik nuh kwewa, miting fototo se ahkfahsryeyuck in aetuhilac ke ma enenuh in orek in akacsruhi ke wosasuc ac ahkkweye mempucr sasuc ac tuhfahna fohlohk. Fin pahngonyuck mwet kol misin se nuh ke ward sacn, el pa ac ahkfahsrye miting sacn uh. Fin tiac, na mempucr se ke prestuhnsi ke u luhn elder ma kanwelah kunohkohn se inge pa e ahkfahsrye uh.

Elos sahyac ma suliyuck uh pa:

• Mwet se kuneyucki ke prestuhnsi ke Rilif Sosaiti ac u luhn elder.

• Ward misineri.

• Mwet in kahsruh ke ke u luhn prist (kuh prestuhn ke u luhn titsuc kuh deacon fin wacngihn prist ke ward sacn).

• Mempucr se ke prestuhnsi ke kuhlahs luhn Muhtwacn Fuhsr.

• Misineris orekma yac luo.

Examples of Weekly Missionary Coordination Meetings

Examples from around the world of weekly missionary coordination meetings.