Masungula Mangatshibua mu Mukanda Munena wa Maludiki

Contents
Dibeji dia Dîna
Dienzela Masungula Mangatshibua mu Mukanda Munena wa Maludiki
Malongesha a Nshindamenu
- 0. Tshikepeshelu tshia Tshibangilu
- 1. Dilongolola dia Nzambi ne Bujitu Bueba mu Mudimu wa Lupandu ne Dizanjikibua
- 2. Kuambuluisha Bantu ne Mêku mu Mudimu wa Lupandu ne Dizanjikibua
- 3. Nshindamenu ya Buakuidi
- 4. Bulombodi ne Bipangu mu Ekelezia wa Yezu Kilisto
Ndongoluelu wa Ekelezia
- 5. Bulombodi Bunena ne bua Ntenji
- Bulombodi bua Dikunji
- 7. Buepiskopo
- 8. Mpuilu wa Bakulu
- 9.Nsangilu wa Diambuluisha
- Mpuilu ya Buakuidi bua Alona
- Bansongakaji
- Tshilongelu tshia Mbedi
- 13. Tshilongelu tshia Dialumingu
- 14. Bidimba Bidi Nkaya
- 15. Seminaire ne Institut ya Tshitendelelu
Mudimu wa Lupandu ne Dizanjikibua
- Kuteka Lumu Luimpa lua Yezu Kilisto mu Tshienzedi
  - 16. Kuteka Lumu Luimpa lua Yezu Kilisto mu Tshienzedi
  - 17. Kulongesha Lumu Luimpa
  - 18. Kukumbaja Milulu ne Mabenesha bia Buakuidi
  - 19. Misambu
  - 20. Bibilu
- Kuambuluisha Bantu Badi mu Majinga
  - 21. Dikuba
  - 22. Kuandamuna ku Majinga a mu Mubidi ne Kuibaka Budikadidi
- Kubikila Bantu Bonsu bua Kupeta Lumu Luimpa
  - 23. Kutangalaja Lumu Luimpa ne Kukankamika Bidimba Bipia-bipia ne Bidi Bipingana
    - 23.0. Tshibangilu
    - 23.1. Kutangalaja Lumu Luimpa
    - 23.2. Kukankamika Bidimba Bipia-bipia
    - 23.3. Kukankamika Bidimba Bidi Bipingana
    - 23.4. Balombodi ba Dikunji
    - 23.5. Balombodi ba Tshikongu
  - 24. Manyisha ne Kusadila kua Muena Bukenji
- Kukunguija Mêku bua Tshiendelela
  - 25. Mudimu wa Ntempelo ne wa Muyuki wa Dîku mu Tshikongu ne mu Dikunji
  - 26. Manyisha a Kubuela mu Ntempelo
  - 27. Milulu ya Ntempelo bua Bantu Badi ne Moyo
  - 28. Milulu ya Ntempelo bua Bafua
Bulongolodi Bua Ekelezia
- 29. Bisangilu mu Ekelezia
- 30. Mabikila mu Ekelezia
- 31. Miyuki ya Nkaya ne Bisangilu Bikuabu ne Bidimba
- 32. Bipangu bia Dikudimuna dia Mutshima ne Buikadi bua Tshidimba mu Ekelezia
- 33. Miandiku ne Milubu
- 34. Mpetu ne Dilondolola
- 35. Kulama ne Kuenza Mudimu ne Nzubu ya Bisangilu
- 36. Kufuka, Kukudimuna, ne Kufila Mena kua Bitupa Bipia-bipia
  - 36.0. Tshibangilu
- 37. Makunji, Bikongu, ne Matamba Bisunguluka
- 38. Ngenzelu ne Maludiki Makuabu a Ekelezia

23. Kutangalaja Lumu Luimpa ne Kukankamika Bidimba Bipia-bipia ne Bidi Bipingana

“23. Kutangalaja Lumu Luimpa ne Kukankamika Bidimba Bipia-bipia ne Bidi Bipingana,” Masungula Mangatshibua mu Mukanda Munena wa Maludiki (2023).

“23. Kutangalaja Lumu Luimpa ne Kukankamika Bidimba Bipia-bipia ne Bidi Bipingana,” Masungula Mangatshibua mu Mukanda Munena wa Maludiki.

23.

Kutangalaja Lumu Luimpa Ne Kukankamika Bidimba Bipiabipia ne Bidi Bipingana

23.0

Tshibangilu

Kubikila bantu bonsu bua kupeta lumu luimpa tshidi tshitupa tshia mudimu wa lupandu ne dizanjika (tangila 1.2 mu mukanda ewu wa maludiki; Matayo 28:19–20). Bidi ne:

Dikala mu mudimu wa bena bukenji ne kusadila bu muena bukenji.
Kuambuluisha bidimba bipiabipia ne bidi bipingana bua kutunguluka mu njila wa bipungidi.

23.1

Kutangalaja Lumu Luimpa

New Guidelines to Help Members and Missionaries Gather Israel

23.1.1

Dinanga

Mushindu umua utudi tuleja dinanga dietu kudi Nzambi udi mu dinanga ne disadila Bana benda (tangila Matayo 22:36-39; 25:40). Tudi tutata bua kunanga ne kusadila bu muvua Yezu Kilisto muenza. Dinanga edi didi ditupesha meji a nyuma bua tetu kepeta bantu ntendelelu yonsu, ba makoba, ne bisamba bionsu (tangila Bienzedi 10:34; 2 Nefi 26:33).

23.1.2

Kutangalaja

Bualu tudi bananga Nzambi ne bana benda, tudi pa tshibidilu tujinga bua kutangalaja mabenesha adiye mutupa (tangila Yone 13:34-35) ne tuambuluisha bua kukunguija Isalela. Tudi tukeba mua kuambuluisha bantu mua kumvua disanka ditudi tumvua (tangila Alama 36:24). Tudi tuakula patoka bua Mupandishi ne bukoki buenda mu mioyo yetu (tangila Dilongesha ne Bipungidi 60:2). Tudi tutangalaja bintu ebi mu mushindu muimpa ne pa tshibidilu bu tshitupa tshia bujitu bua nkaya, mu nshinga, ne mu mapetanganyi makuabu.

23.1.3

Kubikila

tudi tusambila bua meji a nyuma ne buludiki mu mushindu utudi mua kubikila bakuabu:

Luaku ne umona mabenesha adi afika kupitshila ku Yezu Kilisto, lumu luimpa luenda, ne Ekelezia wenda (tangila Yone 1:37–39, 45–46).
Luaku ne utuambuluisha tusadila bantu badi mu dijinga.
Luaku ne wikala wa Ekelezia mupingaja wa Yezu Kilisto.

Misangu yonsu, bantu bamanya bu mudi dîku dietu, balunda, ne mitumba mu bintu bitukadi babanga kuenza.

23.2

Kukankamika Bidimba Bipiabipia

Tshidimba tshionsu tshipiatshipia didi dijinga ne mulunda, bujitu bua kusadila, ne biakudia bia nyuma. Bu bidimba bia Ekelezia, tudi tupesha bidimba bipiabipia dinanga ne mpanda yetu (tangila Mosiya 18:8-10). Tudi tubambuluisha bua kumvua dikalangana diabu mu Ekelezia. Tudi tubambuluisha bua kutunguluka mu njila wa bipungidi ne bua bobu kuikala “bakakudimuna moyo kudi Mukalenga” (Alama 23:6).

23.3

Kukankamika Bidimba Bidi Bipingana

Bidimba bikuabu bidi bisungula bua kulekela kulua mu Ekelezia. “Bualu” Mupandishi udi wamba, “nenutungunuka kusadila bantu ba nanku awu; bualu kanuena bamanya to nebakudimuka ne nebakudimuna mutshima, ne nebalua kundi ne kipatshila kajima ka mutshima, ne nembôndopa; ne nenuikala njila wa kubatuadila lupandu”.(3 Nefi 18:32).

Bidimba bidi kabiyi nangananga bibuela mu bisangilu bidi bapuipi ne kupingana pikalabu ne bulunda bukola ne Bidimba bia Ekelezia. Bu mudi bidimba bipiabipia bidi dijinga ne mulunda, bujitu bua kusadila, ne biakudia bia nyuma.

23.4

Balombodi ba Dikunji

23.4.1

Bulombodi Bukulu bua Dikunji

Mulombodi mukulu wa Dikunji udi ne nsapi ya buakuidi mu dikunji bua kutangalaja lumu luimpa ne kukankamika bidimba bipiabipia ne bidi bipingana. Yeya anyi babedi benda badi bafila buludiki bunena bua mudimu ewu.

Pa tshibidilu ku ngondu, mulombodi mukulu wa dikunji udi upetangana ne mulombodi mukulu wa bukenji bua kuakaja dikuata dia mudimu pankatshi pa balombodi ba dikunji ne ba tshikongu ne bena bukenji ba ku diba dionsu.

23.4.3

Bidimba bia Tshipangu Tshinena

Bulombodi Bukulu bua dikunji budi mua kupesha bidimba bia tshipangu tshinena bujitu bua kulongesha ne kutua mpanda malombodidi makulu a mpuilu ya bakulu ne balombodi ba bukenji mu tshikongu. Tshidimba tshimua anyi bia bungi bia tshipangu tshinena bidi mua kuikala bitumibua bua kulombola mudimu ewu. Kadi, bidimba bionsu bia tshipangu tshinena bidi ne majitu â bua bikongu ne mpuilu idibu batumibua.

23.4.4

Bulombodi Bukulu bua Nsangilu wa Diambuluisha mu Dikunji

Muinshi mua bulombodi bua mulombodi mukulu wa dikunji, bulombodi bukulu bua Nsangilu wa Diambuluisha wa Dikunji budi bulongesha ne butua mpanda malombodi makulu a Nsangilu ya Diambuluisha ya tshikongu mu bujitu buabu bua kutangalaja lumu luimpa ne dikankamika bidimba bipiabipia ne bidi Bipingana.

23.5

Balombodi ba Tshikongu

23.5.1

Buepiskopo

Buepiskopo budi buakaja ne bulombodi bukulu bua mpuilu wa bakulu ne wa Nsangilu wa Diambuluisha padibu balombola mudimu wa tshikongu mu ditangalaja dia lumu luimpa ne dikankamika bidimba bipiabipia ne bidi bipingana. Balombodi aba badi bayukila pamua misangu yonsu

Buepiskopo budi butuishibua ne didienzeja edi ndiyukidibua ne diakajibua mu tshipangu tshia tshikongu ne bisangilu bia tshipangu tshia bansonga mu tshikongu.

Muepiskopo udi uyukila nkaya ne bidimba bipiabipia bidi ne bidimu bikumbana bua dianyisha dia kubuela mu ntempelo bua kukumbaja ditambula ne majadiki bia kuenzelangana (tangila 26.4.2). Udi kabidi uyukila nkaya ne batatu badi ne bidimu bikumbana mua kupeta buakuidi bua Alona. Udi nangananga ulombola miyuki eyi mu lumingu ludi dijadika dia tshidimba.

23.5.2

Bulombodi Bukulu bua Mpuilu wa Bakulu ne bua Nsangilu wa Diambuluisha

Bulombodi bukulu bua mpuilu wa bakulu ne bua Nsangilu wa Diambuluisha budi bulombola mudimu wa tshikongu wa dituku dionsu mua kutangalaja lumu luimpa ne dikankamika bidimba bipiabipia ne bidi bipingana (tangila 8.2.3 ne 9.2.3).

Balombodi aba badi ne majitu adi alonda â:

Kuambuluisha bidimba bidi ne meji a nyuma bua kunanga bana ba Nzambi, kutangalaja lumu luimpa, ne kubikila bakuabu mua kupeta mabenesha a Mupandishi.
Kupesha batatu ne bamamu bakubi bujitu bua bidimba bipiabipa ne bidi bipingana (tangila 21.2.1).
Kulombola mudimu wa mulombodi wa bukenji wa tshikongu.

Mulombodi mukulu wa mpuilu wa bakulu ne wa Nsangilu wa Diambuluisha bonsu badi bapesha tshidimba tshia bulombodi bukulu buabu bujitu bua kuambuluisha dilombola dia didienzeja edi. Bidimba bididi ebi bia bulombodi bukulu bidi bienzela mudimu pamua. Badi babuela ku lumingu lonsu mu bisangilu bia bukenji (tangila 23.5.7).

23.5.3

Mulombodi wa Bukenji mu Tshikongu

Buepiskopo budi buyukila ne mulombodi mukulu wa dikunji bua kujadika bua kubikila mulombodi wa bukenji mu tshikongu. Udi ne bua kuikala ewu udi ne Buakuidi bua Melekisedeke. Pikala mulombodi ewu kayi mubikidibua, tshidimba tshia bulombodi bukulu bua mpuilu wa bakulu tshidi tshiuwuja mudimu ewu.

Mulongolodi wa bujenji mu tshikongu udi ukuatshisha bulombodi bukula bua mpuilu wa bakulu ne Nsangilu wa Diambuluisha mu majitu abu a bukenji. Udi kabidi ne majitu adi alonda â:

Kuakaja mudimu wa bidimba bia tshikongu ne balombodi, bena bukenji ba tshikongu, ne bena bukenji ba kudiba dionsu.
Kulombola lumingu lonsu tshisangilu tshia diakaja (tangila 23.5.7).

23.5.4

Bena Bukenji ba Tshikongu.

Bena bukenji ba tshikongu badi bambuluisha bidimba bia tshikongu bua kumvua disanka dia ditangalaja lumu luimpa mudibi bilejibua mu 23.1. Badi basadila mu buludiki bua mulombodi wa bukenji mu tshikongu anyi tshidimba dia bulombodi bukulu bua mpuilu wa bakulu udi uwuja mudimu ewu.

23.5.5

Tshipangu tshia Tshikongu ne Tshipangu tshia Bansonga mu Tshikongu

Ditangalaja lumu luimpa ne dikankamika bidimba bipiabipia ne bidi Bipingana bidi ne bua kuikala biyukidibua misangu yonsu mu tshipangu tshia tshikongu. Muepiskopo udi ubikala mulomboddi wa bukenji wa tshikongu bua kubuela mu tshipangu tshia tshikongu.

Mikanda bu mudi idi ilonda eyi idi mua kuambuluisha mu miyuki eyi:

Mu diyukila da majinga a bansonga mu tshikongu, tshipangu tshia bansonga mu tshikongu tshidi tshifila ntema ya pabuayi kudi bidimba bipiabipia ne bidi bipingana ne kudi bansonga badi bikala balongeshibua kudi bena bukenji.

23.5.7

Bisangilu bia Diakaja

Lumingu lonsu, bisangilu bia bikoso bidi bienzeka mua kuakaja mudimu wa ditangalaja lumu luimpa ne dikankamika bidimba bipiabipia ne bidi bipingana. Pikala mulombodi wa bukenji wa tshikongu udi mubikidibua, udi ulombola bisangilu ebi. Mu mushindu mukuabu, tshidimba tshia bulombodi bukulu bua mpuilu wa bakulu tshidi tshikumbaja mudimu ewu wa kulombola.

Bakuabu badi babikidibua kudi:

Bidimba bidi bitumibua mu bulombodi bukulu bua Nsangilu wa Diambuluisha ne bua mpuilu wa bakulu.
Bena Bukenji ba Tshikongu.
Mukuatshishi mu mpuilu wa bakuidi (anyi mulombodi mukulu wa mpuilu wa balongeshi anyi wa ba diakre pikala kakuiyi bakuidi mu tshikongu).
Tshidimba dia bulombodi bukulu bua kalasa ka Bansongakaji tshidi ne bidimu bia bungi.
Bena Bukenji baku diba dionsu.