misionero-kuéra oguatávo

24.

Umi Recomendación ha Servicio Misional

24.0

Ñepyrũmby

Yma, Ñandejára ome’ẽkuri pe tembiapoukapy oñembyaty hag̃ua Israel “opa tetãnguéra apytépegui, oñemongaraívo chupekuéra pe Túva, ha Ta’ýra ha Espíritu Santo rérape” (Mateo 28:19; tojehecha avei verso 20). Ñandejára ombopyahu upe tembiapoukapy ko’ã ára pahápe (tojehecha Doctrina ha Konveniokuéra 39:11; 68:6–8; 112:28–30).

Ñandejárape jeservi misionero-ramo ha’e peteĩ priviléhio sagrádo. Ogueru jehovasa ijapyra’ỹva pe tapichápe ha umi ha’e oservívape (tojehecha Doctrina ha Konveniokuéra 18:14–16).

Ñandejára ojerure peteĩteĩ mitãrusu hekomarangatúva ha ikatúvape toñembosako’i oservi hag̃ua peteĩ misiõ.

Ñandejára omog̃uahẽ porã avei mitãkuñaguéra hekomarangatu ha ikatúvape oservi hag̃ua peteĩ misiõ oservisérõ.

Umi misionero kakuaáva avei oñeikotevẽ ha oñemokyre’ỹ oñembosako’i hag̃ua oservi hag̃ua.

24.1

Ñehenói Ojeservi hag̃ua

Misionero-kuéra orrepresenta Ñandejárape ha oñehenoiva’erã autorida hekopetéva rupi (tojehecha Doctrina ha Konveniokuéra 42:11; Fe rehegua Artikulokuéra 1:5). Pe ñehenói ojeservi hag̃ua peteĩ misiõ ojeipyso jepi Tupaogua Presidente rupi. Umi misionero de servicio kakuaávape g̃uarã, pe ñehenói ojeipyso estakagua presidente rupi.

24.2

Umi Asignasiõ Misional

Pe ñehenóipe misionero-ramo oike peteĩ asignasiõitéva. Ko’ã asignasiõ iñambue tuicha ojuehegui.

24.2.1

Misionero-kuéra Imitãva Ombo’éva

Hetave umi mitãrusu misionero oñeasigna ombo’e hag̃ua pe evanhélio mombyry hógagui. Ko’ã asignasiõ oñeme’ẽ rrevelasiõ rupi umi Apóstoles-pe. Ko’ã misionero oservi peteĩ misiõgua presidente sãmbyhy guýpe.

24.2.2

Umi Misionero de Servicio Imitãva

Oĩ mitãrusu misionero-kuéra oñeasignáva oservi hag̃ua Tupaópe ha comunidad-pe oiko aja hógape. Ko’ã asignasiõ oñeme’ẽ rrevelasiõ rupi umi Apóstoles-pe ha oñeme’ẽ umi candidato isituasiõ opyta porãvéva peteĩ misiõ servicio reheguápe g̃uarã (tojehecha 24.3.3).

24.2.3

Umi Misionero Kakuaáva

Opa umi misionero kakuaávape oñemokyre’ỹ ojuhu hag̃ua hénte ombo’e hag̃ua ha oipytyvõ chupekuéra oñembosako’ívo bautismo-rã. Umi misionero kakuaáva ikatu avei oñeasigna oipytyvõ hag̃ua:

• Miembro-kuéra ha umi líder areagua ha locales.

• Umi Tupaogua departamento ha centro-kuéra.

• Umi organización benéfica.

Umi misionero kakuaávape ndojejeruréi tomba’apo heta aravo, tojapo opa umi activida, térã tokumpli tembiapo ojapóva umi misionero imitãva.

Umi asignasiõ misionero-kuéra kakuaávape oñeme’ẽ rrevelasiõ rupi Apóstol-kuérape. Umi candidato he’ikuaa ipreferencia peteĩ asignasiõre ha katu oĩva’erã dispuesto oaceptávo oimeraẽ asignasiõ.

24.2.4

Misionero de Servicio Kakuaáva

Umi hogagua barrio térã estáka llamamiento ári, umi miembro oservikuaa Ñandejárape misionero de servicio kakuaávaramo. Ko’ã misionero ome’ẽ servicio hepyetéva Tupaogua departamento, centro, ha misiõnguérape (tojehecha 24.7.1). Ha ha’ekuéra oiko hógape.

Umi misionero de servicio kakuaáva oñehenói estakagua presidente rupi. Ha oservi hikuái isãmbyhy guýpe. Pe ára hetakue oservíva hikuái káda semana odepende ha’ekuéra ikatuháicha, umi oportunida ojeservi hag̃ua oĩvare hi’áreape, ha Areagua Presidencia ohechaukaháicha.

24.2.5

Umi Asignasiõ Misional Ñemombyky

Ko kuádro omombyky umi asignasiõ misional lája oĩva.

	Misionero Imitãva Ombo’éva (tojehecha 24.2.1)	Misionero de Servicio Imitãva (tojehecha 24.2.2)	Misionero Kakuaáva (tojehecha 24.2.3)	Misionero de Servicio Kakuaáva (tojehecha 24.2.4)
Oñehenói …. rupi	Misionero Imitãva Ombo’éva (tojehecha 24.2.1) Tupaogua Presidente	Misionero de Servicio Imitãva (tojehecha 24.2.2) Tupaogua Presidente	Misionero Kakuaáva (tojehecha 24.2.3) Tupaogua Presidente	Misionero de Servicio Kakuaáva (tojehecha 24.2.4) Estakagua presidente
Oñeasigna …. rupi	Misionero Imitãva Ombo’éva (tojehecha 24.2.1) Peteĩ Apóstol	Misionero de Servicio Imitãva (tojehecha 24.2.2) Peteĩ Apóstol	Misionero Kakuaáva (tojehecha 24.2.3) Peteĩ Apóstol	Misionero de Servicio Kakuaáva (tojehecha 24.2.4) Estakagua presidente
Oje’aparta …. rupi	Misionero Imitãva Ombo’éva (tojehecha 24.2.1) Estakagua presidente	Misionero de Servicio Imitãva (tojehecha 24.2.2) Estakagua presidente	Misionero Kakuaáva (tojehecha 24.2.3) Estakagua presidente	Misionero de Servicio Kakuaáva (tojehecha 24.2.4) Estakagua presidente térã konsehéro
Oiko	Misionero Imitãva Ombo’éva (tojehecha 24.2.1) Mombyry ógagui	Misionero de Servicio Imitãva (tojehecha 24.2.2) Ógape	Misionero Kakuaáva (tojehecha 24.2.3) Mombyry ógagui térã ógape	Misionero de Servicio Kakuaáva (tojehecha 24.2.4) Ógape
Líder eclesiástico	Misionero Imitãva Ombo’éva (tojehecha 24.2.1) Misiõgua presidente térã tenda histórico-gua presidente	Misionero de Servicio Imitãva (tojehecha 24.2.2) Estakagua presidente	Misionero Kakuaáva (tojehecha 24.2.3) Misiõ, templo, térã tenda histórico-gua presidente; térã Areagua Presidente	Misionero de Servicio Kakuaáva (tojehecha 24.2.4) Estakagua presidente
Ome’ẽ momarandu … pe	Misionero Imitãva Ombo’éva (tojehecha 24.2.1) Misiõ térã tenda histórico-gua presidente	Misionero de Servicio Imitãva (tojehecha 24.2.2) Misión de servicio líder	Misionero Kakuaáva (tojehecha 24.2.3) Misiõ, templo, térã tenda histórico-gua presidente; Areagua Presidente; Centro de visitantes director; térã peteĩ Tupaogua departamento térã centro-gua gerente	Misionero de Servicio Kakuaáva (tojehecha 24.2.4) Asignasiõ servicio-gua gerente
Eda oñeikotevẽva	Misionero Imitãva Ombo’éva (tojehecha 24.2.1) 18–25 (kuimba’e) 19–29 (kuña)	Misionero de Servicio Imitãva (tojehecha 24.2.2) 18–25 (kuimba’e) 19–29 (kuña)	Misionero Kakuaáva (tojehecha 24.2.3) 40 áño térã tujave omendárõ térã ha’érõ hermana omenda’ỹva	Misionero de Servicio Kakuaáva (tojehecha 24.2.4) 26 térã tujave

24.3

Oñembosako’i ha Oñekumplívo umi Oñeikotevẽva Ojeservi hag̃ua peteĩ Misiõ

Oñemokyre’ỹ umi ha’étava misionero-pe toservi peteĩ misiõ ohayhúgui Ñandejára ha Ita’yrakuérape. Ha’ekuéra oñefamiliarisava’erã umi misionero recomendación-rã entrevista porandukuéra reheve.

24.3.1

Konversiõ Jesucristo-pe

Umi ha’étava misionero oñeha’ã omombaretévo ikonversiõ Jesucristo ha iñevanhélio rrestaurádope.

24.3.2

Umi Tekopotĩ Norma Ñekumpli

Umi ha’étava misionero oñeha’ã hekopotĩ ohupyty hag̃uáicha pe Espíritu ñemoirũ. Upéva oñeikotevẽ servicio misional porãrã (tojehecha Doctrina ha Konveniokuéra 42:13–14).

24.3.2.1

Arrepentimiento

Arrepentimiento oikotevẽ toñemomba’apo jerovia Jesucristo-re, ojeguerekóvo tembipota añete, ha oñeñongatu tembiapoukapykuéra. Upévape oike ñemombe’u ha angaipa jeheja. Umi angaipa isériovape g̃uarã, arrepentimiento oikotevẽ ñemombe’u obispo térã estakagua presidente-pe.

Peteĩ tapicha oñearrepentíva oñeperdona ha oñemopotĩ Jesucristo expiasiõ ha grásia rupive. Ñandejára naimandu’avéi pe angaipáre. (Tojehecha Isaías 43:25; Jacob 6:5; Alma 34:15–17; Helamán 5:10–11; Doctrina ha Konveniokuéra 58:42–43. Tojehecha avei 32.1 ko manual-pe.)

Peteĩ ha’étava misionero oñearrepentiva’erã angaipa isériovagui pe estakagua presidente omondo mboyve i-recomendación (tojehecha 32.6; tojehecha avei 24.4.4). Pe arrepentimiento proceso-pe oike tiempo iporãmava pe tapicha ohechauka hag̃ua tekojoja rupive ha’e ohupytyha pe Cristo Espíritu angaipakuéra rremisiõrã.

24.3.3

Tete, Akã ha Temiandugua Tesãi

Tembiapo misional ha’e peteĩ desafío. Umi misionero imitãva ombo’éva oñekompromete ha ikatupyryva’erã tete, akã ha temiandúpe omba’apo hag̃ua opaite pe horario misional.

24.3.4

Finánsa

24.3.4.1

Umi Misionero Imitãva Servicio Mombyry Ógagui Ñefinansia

Umi ha’étava misionero imitãva oñembosako’íva ikatupyryháicha nomoha’arõiva’erã iservicio finánsa rupi. Umi oikotevẽva pytyvõ financiero okumpli hag̃ua ikompromíso económico ikatu orresivi upéva ifamilia guasu ha angirũnguéragui.

Oikotevẽrõ gueteri, obispo térã estakagua presidente ojerurekuaa barrio térã estakagua miembro-kuérape tome’ẽ barrio-gua fondo misional-pe.

Pe unidad local presupuesto ha ofrenda de ayuno fondo ndojeiporuiva’erã.

Pe aporte mensual kompromíso. Umi misionero ombo’éva imitãva ha ifamília ome’ẽ peteĩ monto específico káda mes oipytyvõ hag̃ua okumplívo programa misional repy.

Umi aporte oñeme’ẽ barrio-gua fondo misional-pe. Obispo ohecha tojejapo upe aporte káda mes. Noñeme’ẽiva’erã tenonderã monto hetavéva pe monto mensual-gui. Umi fondo oñeme’ẽva tenonderã ndaikatúi oñerreenvolsa pe misionero oho jeývo hógape.

Umi gasto campo misional-pe. Káda mes, misionero-kuéra imitãva orresivi fondo misiõgua ojehepyme’ẽ hag̃ua tembi’u, transporte, ha ambue gasto ojeiko hag̃ua. Ko’ã fóndo isagrádo. Misionero-kuéra oiporu umíva misiõ rehegua propositorã añónte. Umíva ndojeiporuiva’erã gasto personal, oñeñongatu, térã oñemondo hag̃ua ifamiliagua térã ambuekuérape. Misionero-kuéra ome’ẽ jey misiõme oimeraẽ fondo noikotevẽiva.

Misionero-kuéra oiporu umi fondo personal ohepyme’ẽ hag̃ua ambue gasto-kuéra. Umi gasto personal pokãva’erã. (Tojehecha Umi Norma Misional Jesucristo Discipulo-kuérape g̃uarã, 4.8.)

24.3.4.2

Umi Misionero Kakuaáva Servicio Mombyry Ógagui Ñefinansia

Contribución mensual kompromíso. Misionero-kuéra kakuaáva oservíva mombyry ógagui ome’ẽ hogagua barrio fondo misional-pe káda mes. Ko’ã contribución oipytyvõ ojehepyme’ẽ hag̃ua óga ha mba’yrumýi repykuére.

Obispo-kuéra ohecha toñeme’ẽ umi fondo káda mes. Umi fondo hetavéva pe monto mensual-gui noñeme’ẽiva’erã tenonderã.

Umi gasto adicional. Upe contribución mensual kompromíso ári, oipytyvõva ojehepyme’ẽ hag̃ua óga ha mba’yrumýi repykuére, umi misionero kakuaáva ohepyme’ẽmbaiteva’erã opa ambue gasto, umíva apytépe tembi’u.

24.3.4.3

Misionero-kuéra Servicio Ógape Ñefinansia

Misionero-kuéra oservíva ógape oĩ responsable opaite hemikotevẽ económico rehe.

24.3.4.4

Umi Seguro ha Gasto Médico

Opavave misionero-pe oñemokyre’ỹ mbarete opyta hag̃ua iseguro médico orekóva reheve ikatúrõ, jepe umi misionero imitãva ombo’éva.

Misionero-kuéra oservíva ógape orekova’erã iseguro médico cobertura ha ambue seguro. Umi misionero kakuaáva oservíva mombyry ógagui orekova’erã avei iseguro cobertura. Misionero-kuéra kakuaáva oservítava mombyry hóga retãgui ikatu ohupyty seguro pe Plan Médico para el Servicio de Personas Mayores rupive.

24.3.5

Familiagua Miembro ha Liderkuéra Funsiõ Oñembosako’ívo Misionero-kuérape

Familiagua miembro, obispo ha ambue liderkuéra oipytyvõ umi jóvenes-pe oñembosako’ívo oservi hag̃ua peteĩ misiõ.

Familiagua miembro ha liderkuéra omokyre’ỹ opavave ha’étava misionero oestudia hag̃ua:

• Mormón Kuatiañe’ẽ ha ambue escritura-kuéra.

• Predicad mi Evangelio.

• Medidas de Protección Ojeiporúvo Tecnología.

Familiagua miembro ha liderkuéra oipytyvõ opavave umi ha’étava misionero oñekompromete hag̃ua osegívo umi norma misional. Ha’ekuéra omokyre’ỹ umi ha’étava misionero oestudia hag̃ua pe normas misionales manual ha’éva pe iposible asignasiõgua:

• Misionero-kuéra imitãva ombo’évape g̃uarã: Normas Misionales para los Discípulos de Jesucristo

24.4

Oñerrekomendávo Misionero-kuérape

24.4.1

Tesãingue Evaluasiõ

Opavave ha’étava misionero oikotevẽ oho profesional médico-pe oreko hag̃ua hesãingue evaluasiõ.

24.4.2

Umi Entrevista ha Recomendación Formulario

Obispo ha estakagua presidente omboguata entrevista detallado oporandúva espiritualmente, ha omopu’ãva peteĩteĩ umi oñe’entrevistávape. Ha’ekuéra oiporu umi porandu oĩva entrevista misionero recomendación-rãme.

Obispo ha estakagua presidente avei orrevisa marandu tekomarangatu norma-kuéra ha tesãi reko reheguáva pe Sistema en Línea de Recomendación para Misioneros-pe. Obispo ha estakagua presidente nomoĩvéi ni peteĩ norma jeiporavorã. Ni nomoambuéi umi entrevista-gua porandu.

Obispo ha estakagua presidente orekórõ duda peteĩ candidato okumplípa tekomarangatu norma-kuéra térã hesãiporãpa, ha’ekuéra oñemongeta oñondive ha pe tapicha ndive. Peteĩ kandidáto imitãva permiso reheve, ha’ekuéra ikatu avei oñemongeta ituvakuéra ndive. Obispo ha estakagua presidente nomondói peteĩ recomendación pe tapicha oñearrepenti peve angaipa isériovagui (tojehecha 24.3.2.1). Odependévo pe tapicha resãingue hete, iñaka térã hemiandúpe, ha’ekuéra oñemongetakuaa posibilida rehe oasignávo chupe peteĩ misionero de servicio-ramo.

Umi káso urhénte obispo térã estakagua presidente noĩrivape disponible, ha’e oautorisakuaa peteĩ ikonsehérope omboguata hag̃ua umi entrevista.

Umi distrito-pe, misiõgua presidente térã peteĩ consejero oñeasignáva oentrevista ha orrekomenda umi ha’étava misionero-pe. Umi distrito-gua presidente nomboguatái ko’ã entrevista.

24.4.4

Umi Ndaikatúiva Oservi Misionero de Tiempo Completo-ramo

Sapy’ánte peteĩ miembro oserviséva ikatu noñehenói oservi hag̃ua misionero de tiempo completo-ramo. Upéva ikatu ojehu orekógui tesãi rehegua desafío, nokumplíri umi tekomarangatu norma, problema legal, térã ambue mba’ére. Estakagua presidente ikatu omosãso chupe oservígui misionero de tiempo completo-ramo.

24.5

Ojerresivi Rire Peteĩ Llamamiento Misional

Oñemokyre’ỹ umi misionero oñehenói ramóvape omoñe’ẽ térã omoñe’ẽ jey Mormón Kuatiañe’ẽ oñepyrũ mboyve imisiõ. Ha’ekuéra osegi Rey Benjamín konsého “peñangareko pendejehe, ha pene apytuʼũme oĩvare, ha pene ñeʼẽ ha penerembiapóre” (Mosíah 4:30).

24.5.1

Templo-gua Investidura ha Servicio

Umi misionero oñehenói ramóva ndorresivíriramo gueteri pe templo investidura ordenánsa, orresiviva’erã ikatuhápe oñepyrũ mboyve iservicio misional (tojehecha Doctrina ha Konveniokuéra 43:15–16; 105:33). Umívape oike umi misionero de servicio oĩporãrõ isituasiõme g̃uarã.

Umi misionero oñehenói ramóva oĩva investído ikatu oservi templo-gua ordenánsa obrero/a-ramo oñepyrũ mboyve iservicio misional oĩporãháicha (tojehecha 25.5).

24.5.2

Umi Reunión Sacramental

Pe obispado oinvita umi misionero oñehenói ramóvape oñe’ẽ hag̃ua reunión sacramental-pe oñepyrũ mboyve imisiõ. Upéva ha’e peteĩ reunión sacramental regular. Pe enfóke ha’eva’erã Santa Cena ha Salvador-pe.

24.5.3

Oje’apartávo Misionero-kuérape

Pe hóga ypypegua estáka presidente oaparta káda misionero-pe hi’ag̃uiveháicha pe féchagui oñepyrũtahápe imisiõ. Umi káso urgente-pe estakagua presidente noĩri vove disponible, ha’e oautorisakuaa peteĩ ikonsehérope oaparta hag̃ua misionero-kuérape.

Pe misiõgua presidente térã peteĩ ikonsehéro oaparta misionero-kuéra oñehenóiva distrito-gui imisiõme. Umi distrito-gua presidente ndo’apartái misionero-kuérape.

Peteĩ hermano oservítava mombyry hógagui orresiviva’erã pe Melquisedec Sacerdocio oje’aparta mboyve misionero-ramo. Peteĩ hermano oservítava misionero de servicio-ramo orekova’erã pe Melquisedec Sacerdocio oĩporãrõ isituasiõme g̃uarã.

24.6

Servicio Mombyry Ógagui

24.6.2

Campo-pe

24.6.2.5

Ojejerurévo Pytyvõ Económico Ambuekuérape térã Estudiorã térã Emigrasiõrã

Umi misionero ha ifamiliakuéra nome’ẽiva’erã pytyvõ económico umi oikóvape upe misionero oservihápe, upévape oike pytyvõ económico estudiorã. Avei umi misionero ni ifamiliakuéra noipytyvõiva’erã tapichakuérape oemigraséva ambue tetãme (tojehecha 38.8.19).

24.6.2.8

Umi Registro de Miembro ha Diezmo

Peteĩ misionero rogagua barrio ojoko pe cédula de miembro. Upe barrio ypykue avei orrehistra i-diezmo estado. Umi misionero nohepyme’ẽiva’erã diezmo umi fóndogui orresivíva misiõgui. Upevére, ohepyme’ẽ diezmo orekórõ ingreso personal.

24.6.3

Ógape Jeho Jey Misiõ Rire

24.6.3.1

Ojeho Jeývo Ógape Ojeprograma Ypy Haguéicha

Umi misionero ha ifamiliagua miembro-kuéra ndojerureiva’erã tojerreleva pya’eve térã tojeipysove iservicio konveniénsia personal rupi.

Umi misionero imitãva oje’oiva’erã directo imisiõgui hógape. Oimeraẽ ambue viáhe ikatu oñemoneĩ pe misionero oñemoirũramo jepe peteĩ túva/sy térã tutor legal-re.

Umi misionero ndojerrelevái ha’ekuéra orreporta peve ijestakagua presidente-pe. Ha’ekuéra osegi umi norma misional upe ára peve.

24.6.3.2

Ojeho Jeývo Ógape Ára Mboyve

Oĩ misionero-kuéra ojerreleváva ára mboyve tesãi’ỹ, tekopotĩ’ỹ, térã ambue mba’ére. Umi obispo ha estakagua presidente ome’ẽ pytyvõ jojaha’ỹ umi misionero oho jeýva hógape. Liderkuéra oipytyvõ chupekuéra tomba’apo ohupyty jey hag̃ua tesãi térã oho jey hag̃ua servicio-pe ikatúrõ.

24.7

Umi Misión de Servicio

24.7.1

Ojehechakuaávo umi Oportunida Misionero de Servicio-pe g̃uarã

Obispo, estakagua presidente, ha umi misionero de servicio oñomongeta oñondive ohechakuaa hag̃ua umi oportunida local ojeservi hag̃ua. Umi misionero de servicio imitãvape g̃uarã, peteĩ misión de servicio líder ha pe misionero tuvakuéra térã tutor legal opartisipa upe ñemongetápe.

24.8

Servicio Misional Rire

24.8.2

Rrelévo Misional Entrevista

Estakagua presidente orreleva misionero-kuérape ha omboguata pe rrelévo entrevista. Umi distrito-pe, jepive misiõgua presidente térã peteĩ konsehéro oñeasignáva orreleva misionero-kuérape.

Ko’ã páuta upe entrevista-rã oipytyvõkuaa.

• Pemokyreỹ chupekuéra ha’e meme hag̃ua Jesucristo discípulo tekove pukukue aja.

• Peñemoñe’ẽ chupekuéra omongakuaa hag̃ua umi jepokuaa porã odesarrollava’ekue misionero-ramo.

• Pemokyre’ỹ chupekuéra tokonsidera ha toñembosako’i tenonderã, umíva apytépe ñehekombo’e ha mba’apo umi misionero imitãvape g̃uarã.

• Pemokyre’ỹ chupekuéra hekomarangatu hag̃ua tapiaite oreko hag̃uáicha peteĩ recomendación templo-pe g̃uarã.

24.8.4

Llamamiento-kuéra

Liderkuéra pya’e ome’ẽ asignasiõ oministra hag̃ua ha llamamiento-kuéra umi misionero ojerreleva ramóvape. Umíva apytépe oike toñekonsidera templo-gua ordenánsa obrero-rã oĩporãháicha (tojehecha 25.5).

24.9

Umi Rrekúrso Recomedación ha Servicio Misional-pe g̃uarã

24.9.2

Umi Sitio Web

• MissionaryRecommendations.ChurchofJesusChrist.org (oĩ disponible líderes locales ha umi ha’étava misionero-pe g̃uarã añónte)