“24. Lwelah in Misineri ac Kuhlwacnsap,” Ma Suleyucklac ke General Handbook (2023).
“24. Lwelah in Misineri ac Kuhlwacnsap,” Ma Suleyucklac ke General Handbook.
24.
Lwelah in Misineri ac Kuhlwacnsap
24.0
Ikucslah
Ke pacl met ah, Leum El oruh sap se in oracni Israel inmahsrlon “mutunfacl nuhkewa, baptaieselos Inen Pap, Wen, ac Ngun Mutal” (Matthew 28:19; liye pac fuhs 20). Leum El ahksasucye sap se inge ke lwen sahflah inge (liye Doctrine and Covenants 39:11; 68:6–8; 112:28–30).
In kuhlwacnsuhpuh Leum ekihn misineri se el kunohkohn na muhtahl se. El sang mwe insewowo ma pahtpaht nuh sin mwet se kuh mwet ma el kuhlwacnsuhpuh uh (liye Doctrine and Covenants 18:14–16).
Leum El siyuck mwet nuh kwewa ma nwacsnwacs, mukul fuhsr ma kuh in ahkolah ac kuhlwacnsap ke misin.
Leum El oacyacpac suli, muhtwacn fuhsr nwacsnwacs in kuhlwacnsap pac ke misin fin elos luhngse.
Misineri mahtuh elos enenweyuck pac ac pahtokyuck elos in ahkolah in kuhlwacnsap.
24.1
Pahng in Kuhlwacnsap
Misineri elos ahol Leum ac enenuh in pahngonyuck elos ke wal fal (liye Doctrine and Covenants 42:11; Ip Yohk ke Luhlahlfongi 1:5). Pahng in kuhlwacnsap ke misin el tuhkuh na ac yurun Prestuhn luhn Alu uh. Nuh sin mwet mahtuh ma kuhlwacnsap misineri, pahng se inge tuhkuh sin stek prestuhn.
24.2
Kunohkohn luhn Misineri
Oasr orekma oreklac nuh selos suc pahngonyuck in kuhlwacnsap ekihn misineri. Orekma inge tuhkuh siena ke kain in pacl.
24.2.1
Misineri Fuhsr Luti
Inkaiyen misineri fuhsr uh elos kuneyucki in luti wosasuc loeslac nuh lohm selos. Orekma inge ituckyang ke fwackyuck nuh sin Mwet Sap. Misineri inge elos kuhlwacnsap ke kolyuck luhn misin prestuhn.
24.2.2
Misineri Fuhsr Kuhlwacnsap
Kuhtuh misineri fuhsr uh elos kuneyucki in kuhlwacnsap ke Alu uh ac mura se ke elos muhta lohm selos. Kunohkohn inge ituckyang ke fwackyuck nuh sin Mwet Sap ac ituckyang nuh selos suc fal in oruh kuhlwacnsap ke misin se inge (liye 24.3.3).
24.2.3
Misineri Mahtuh
Misineri mahtuh nuh kwewa elos ahkkweyeyuck in sokwack mwet elos in luti ac kahsrelos ahkoeloslac nuh ke pacptais. Misineri mahtuh elos kuh pac in kuneyucki in kahsruh:
-
Mempucr ac mwet kol ke eria ac acn sacn.
-
Mwet orekma ke Alu uh.
-
Acn in oracni kahsruh.
Misineri mahtuh elos tiac orekma oacna misineri fuhsr ke luhpan ao oacna sie, oruh mukwikwi nuh kwewa, kuh in oraclah kwewa finsrak uh.
Kunohkohn luhn misineri mahtuh ituckyang ke fwackyuck yurin Mwet Sap. Mwet orekma inge sahp ke sulaclah orekma sahyac tuhsruhk enenuh elos in sruokyac kunohkohn sacn.
24.2.4
Misineri Mahtuh Ma Kuhlwacnsap
Sahyacn na pahng in kuhlwacnsap ke ward laltahl kuh stek, mempucr kuh in kuhlwacnsuhpuh Leum ekihn misineri mahtuh ma kuhlwacnsap. Misineri inge sang kuhlwacnsap yohk srihpac nuh ke u, ohfuhs, ac misin ke Alu uh (liye 24.7.1). Elos muhta lohm ah.
Misineri mahtuh ma kuhlwacnsap uh elos pahngyuck sin stek prestuhn. Elos kuhlwacnsap ye kohkoh lal. Puhlan pacl elos kuhlwacnsap ke kais sie wik wiwi na kuhiyaclos, enenuh in kuhlwacnsap ke acn elos muhta kac, ac sap sin Prestuhnsi ke Eria.
24.2.5
Ahkuhtweyucki luhn Kunohkohn luhn Misineri
Table se ten inge ahkuhtweyac kunohkohn luhn misineri.
|
Misineri Fuhsr Luti |
Misineri Fuhsr Kuhlwacnsap |
Misineri Mahtuh |
Misineri Mahtuh Kuhlwacnsap | |
|---|---|---|---|---|
|
Pahngyuck sel | Misineri Fuhsr Luti Prestuhn luhn Alu uh | Misineri Fuhsr Kuhlwacnsap Prestuhn luhn Alu uh | Misineri Mahtuh Prestuhn luhn Alu uh | Misineri Mahtuh Kuhlwacnsap Prestuhn luhn stek |
|
Kuneyucki sel | Misineri Fuhsr Luti Mwet Sap | Misineri Fuhsr Kuhlwacnsap Mwet Sap | Misineri Mahtuh Mwet Sap | Misineri Mahtuh Kuhlwacnsap Prestuhn luhn stek |
|
Ahkkweyeyucklac sel | Misineri Fuhsr Luti Prestuhn luhn stek | Misineri Fuhsr Kuhlwacnsap Prestuhn luhn stek | Misineri Mahtuh Prestuhn luhn stek | Misineri Mahtuh Kuhlwacnsap Prestuhn luhn stek kuh mwet in kahsruh se lal |
|
Muhta | Misineri Fuhsr Luti Loes liki lohm se | Misineri Fuhsr Kuhlwacnsap Lohm se | Misineri Mahtuh Loes liki lohm se kuh lohm se | Misineri Mahtuh Kuhlwacnsap Lohm se |
|
Mwet kol ke Ecclesiastic | Misineri Fuhsr Luti Prestuhn luhn misin kuh prestuhn ke acn in ma mahtuh | Misineri Fuhsr Kuhlwacnsap Prestuhn luhn stek | Misineri Mahtuh Misin, tempuhl, kuh prestuhn luhn ma mahtuh, kuh Prestuhn luhn Eria | Misineri Mahtuh Kuhlwacnsap Prestuhn luhn stek |
|
Fwackyuck nuh sin | Misineri Fuhsr Luti Prestuhn luhn misin kuh prestuhn luhn ma mahtuh | Misineri Fuhsr Kuhlwacnsap Kuhlwacnsuhpuh mwet kol se ke misin | Misineri Mahtuh Misin, tempuhl, kuh prestuhn ke ma mahtuh, Prestuhn luhn Eria; director luhn visitor center; kuh acn se ke Alu uh kuh mwet in karihngihn lohm alu | Misineri Mahtuh Kuhlwacnsap Mwet kol se karihngihn kunohkohn |
|
Matwac enenweyuck | Misineri Fuhsr Luti 18–25 (mukul) | Misineri Fuhsr Kuhlwacnsap 18–25 (mukul) | Misineri Mahtuh 40 kuh mahtuh liki fin macruht kuh muhtwacn muhkwena se | Misineri Mahtuh Kuhlwacnsap 26 kuh mahtuh liki |
24.3
Ahkolah ac Ahokiyucki in Kuhlwacnsap ke Misin
Misineri yac luo elos ahkkweyeyuck in kuhlwacnsap ke misin ke srihpen luhngse lalos nuh sin Leum ac tuhlihk Nahtuhl. Elos enenuh in etuh yohk ke kihsensiyuck in lwelah luhn misineri.
24.3.1
Eklac kuh Forlah nuh sin Jisus Kraist
Misineri forfor luti yac luo kampare in ahkkweye sramsram lalos kacl Jisus Kraist ac wosasuc fohlohkihnyuckyak Lal.
24.3.2
In Sun Finsrak ke Nwacsnwacs
Misineri kuhlwacnsap enenuh in nwacsnwacs in puhla kahsruh luhn Nguhn. Enenweyuck ma se inge nuh ke kuhlwacnsap luhn misineri (liye Doctrine and Covenants 42:13–14).
24.3.2.1
Auliyak
Enenweyuck auliyak nuh ke luhlahlfongi kacl Kraist, ke inse pwacye, ac ahkos masap. El tuhkuh pac ke fahkwack ac muhlkuhnlah ma koluk. Nuh ke ma koluk upac, auliyak el enenuh in fahkuhlwack nuh sin pisap kuh stek prestuhn.
Mwet se ma auliyak ingacn el eis nuhnak muhnahs ac nwacsnwacslah ke Iwaclah ac kuhlwacng luhn Jisus Kraist. Leum El tiac sifil esam ma koluk ingacn. (Liye Isaiah 43:25; Jacob 6:5; Alma 34:15–17; Helaman 5:10–11; Doctrine and Covenants 58:42–43. Liye pac 32.1 ke handbook se inge.)
Mwet se ma ac wi misin ingacn enenuh in auliyak ke ma koluk lal met liki stek prestuhn el suhpwaclah pwepuh in lwelah lal (liye 32.6; liye pac 24.4.4). Inkacnek in auliyak enenuh in yohk pacl la nuh sin mwet se ingacn in ahkkahlwemye moul pwacye lal lah el eis nguhn luhn Kraist ke nwacsnwacslah luhn ma koluk lal.
24.3.3
Fokoko luhn Mahno, Insifac, ac Nuhnak
Orekma luhn misineri uh upac. Misineri fuhsr ma forfor luti uh enenuh in oraclah pwacye ac ahkolah mahno, insifac, ac nuhnak la in kuhlwacnsap ke fohnlah pacl ke misin.
24.3.4
Mani
24.3.4.1
Kahsruh ke Mani nuh sin Misineri Fuhsr Ma Kuhlwacnsap Loes Liki Lohm Se
Mwet ma wi inge ahkolah fal nuh ke kuhiyaclos tiac enenuh in kotweyucklac pacl in kuhlwacnsap lalos ke srihpen elyah ke mani. Elos suc ma enenuh mani in sun luhpah se elos tuhngal uh kuh in eis yurun sucu luhlahp lalos kuh kawuck lalos.
Fin srwackna enenuh, pisap kuh prestuhn luhn stek kuh in ngihsre mempucr ke ward kuh stek sacn in kahsruh sang nuh ke mwe sang luhn misineri ke ward sacn.
Budget luhn acn sacn kuh mwe sang ke lalo tiac kuh in orekmakihnyuck.
Olwelah se in sang ke mahlwem nuhkwewa. Misineri fuhsr ma forfor luti ac sucu lalos sang kahsruh se ke luhpah se ke kais sie mahlwem in kahsruh moli ma enenweyuck ke prokracm luhn misineri.
Kahsruh inge ituckyang nuh ke mani luhn misineri ke ward. Pisap el ahklohye in liye lah mani inge orekeni ke kais sie mahlwem. Mani nuh ke mahlwem tok ah tiac enenuh in sa orekeni. Mani ma ituckyang met uh tiac kuh in fohlohkihnyuckyang nuh sin misineri sacn el fin sa na fohlohk.
Ma moliyuck ke orekma ah. Kais sie mahlwem, misineri fuhsr eis mani yurun misin in sang ituck mongo, mwe kahsruhsr, ac ma enenuh sahyac. Mani inge muhtahl. Misineri orekmakihn nuh ke ma som nuh ke misin muhkwena. Elos tiac enenuh in orekmakihn nuh ma lalos sifacna, kuh suhpuh nuh yurun mempucr ke sucu lalos ac mwet sahyac. Misineri elos fohlohkohnwacng nuh sin misin oacna sie mani elos tiac enenuh.
Misineri elos orekmakihn mani lalos sifacna in moli ma sahyac. Ma lalos sifacna inge enenuh in tiac yohk. (Liye Missionary Standards for Disciples of Jesus Christ, 4.8.)
24.3.4.2
Kahsruh Mani nuh sin Misiner Mahtuh Ma Kuhlwacnsap Loes liki Lohm Selos
Olwelah in kahsruh ke kais sie mahlwem. Misineri mahtuh ma kuhlwacnsap loes liki lohm selos sang mani in kahsruh lalos nuh ke ward ke kais sie mahlwem. Kahsruh inge sang moli lohm ac orekmakihnyacn stosah.
Pisap el ahklohye lah mani inge orekeni ke kais sie mahlwem. Mani nuh ke mahlwem tok ah tiac enenuh in sa orekeni.
Ma weacng ma moliyuck inge. In weacng pacna olwelah in kahsruh ke mahlwem nuh kwewa, ma kahsruh moli lohm ac orekmakihnyen stosah, misineri mahtuh elos sifacna moli ma sahyac, suc som pac nuh ke mongo.
24.3.4.3
Kahsruh Sang Mani nuh sin Misineri Kuhlwacnsap Lohm Se
Misineri ma kuhlwacnsap ke acn selos elos sifacna fosrngahkihn mwe enenuh lalos ma elos ac moli.
24.3.4.4
Mani nuh ke Ono ac Moliyac
Misineri nuh kwewa elos kwacfeyuck in sruokyacna insurance lalos ke ono fin kuh, finne misineri fuhsr ma forfor luti.
Misineri ma kuhlwacnsap acn selos enenuh in sifacna fosrngahkihn ono ac moliyacn ono lalos. Misineri mahtuh ma kuhlwacnsap liki acn selos enenuh pac in ahkolah ma inge. Misineri mahtuh suc kuhlwacnsap lihkihn muhtuhn facl selos kuh in eis insurance nuh ke Senior Service Medical Plan.
24.3.5
Ma Kunacn Mempucr ke Sucu ac Mwet Kol in Ahkolah Misineri
Mwet in sucu, pisap, ac mwet kol sahyac kahsruh tuhlihk fuhsr in ahkolah kuhlwacnsap ke misin.
Mwet in sucu ac mwet kol ahkkweyaclos nuh kwewa suc luhngse misineri in lutlutkihn:
-
Puk luhn Mormon ac ma suhmuhslah sahyac.
-
Preach My Gospel [Luti Wosasuc Luhk].
-
Safeguards for Using Technology [Karihngihn Orekmakihnyen Technology].
Mwet in sucu ac mwet kol kahsrelos suc luhngse wi misineri in inseselac in ukwe akwuck ke misineri. Elos ahkkweyaclos suc luhngse wi misineri in lutlut ke misineri handbook mac nwacnwack kunohkohn elos enenuh.
-
Nuh sin misineri fuhsr ma ac luti uh: Missionary Standards for Disciples of Jesus Christ
24.4
Sang Lwelah in Wi Misineri
24.4.1
Pwepuh in Ono
Mwet nuh kwewa ma ac wi uh enenuh in oraclah pwepuh in ono lalos.
24.4.2
Eis Lohlngohk ac Pwepuh in Lwelah
Pisap ac stek prestuhn ahkfahsrye, suk in nguhn, ac oruh lohlngohk muhtahl nuh sin kais sie mwet ma ac wi inge. Elos orekmakihn missionary recommendation interview questions [kihsensiyuck ma lwelah nuh sin misineri].
Pisap ac stek prestuhn elos oacyacpac sirapei ma elos etuh ke nwacsnwacs ac ma sihmlac ke acn in ono ah ke Missionary Online Recommendation System. Pisap ac stek prestuhn tiac na sang kuhtwena atac sahyac in wi. Kuh elos tiacna ahollah kihsensiyuck ma ac siyuckyuck ingacn.
Fin oasr elyah luhn pisap ac stek prestuhn ke atacn nwacsnwacs kuh pwepuh ke acn in ono luhn mwet se ma ac wi ingacn, elos tuhkweni sramsramlah kac wi mwet se ingacn. Ke lwelah luhn mwet se ingacn, elos kuh in ohsun pac ac sramsram nuh sin pahpah tuhmwacl ac ninac kiacl . Pisap ac stek prestuhn tiac na suhpwaclah pwepuh in lwelah se ingacn ne kena mwet se ingacn auliyak ke ma suhfal upac el oraclah (liye 24.3.2.1). Wiwina kuhiyacn mwet sacn ke mahno, nuhnak, kuh ono lal an elos kuh in sruhmuhn lah elac kuhlwacnsap misineri oyac.
Ke pacl elyah ma pisap kuh prestuhn luhn stek tiac kuh in oraclah, el kuh in srihsrngiyac sie counselor kuh mwet in kahsruh lal ah in oruh lohlngohk inge.
Ke tistrik, prestuhn luhn misin kuh mwet in kahsruh se ma srihsrngiyucki oruh kihsensiyuck nuh sin mwet sacn ac sang lwelah nuh sel. Tistrik prestuhn el tiac kuh in oruh kihsensiyuck inge.
24.4.4
Elos Suc Ma Koflah in Kuhlwacnsap Misineri ke Yac Luo
Kuhtuh pacl uh mempucr ma luhngse kuhlwacnsap uh ac tiac pahng in misineri yac luo. Sikyak ohinge ke srihpen elyah ke mas, tiac suwohs ac nwacsnwacs, kuhnaoslah masap, kuh ohiyac sahyac. Prestuhn luhn stek el kuh in fuhlwelah liki kuhlwacnsap ekihn misineri ke yac luo.
24.5
Tukun Eis Pahng in Kuhlwacnsap ke Misin
Misineri sasuc ma tuhfahna in pahngyak uh elos ahkkweyeyuck in riti ac sifilpac riti Puk luhn Mormon met liki elos muhtwacwacack ke misin lalos. Elos ukwe kahs in kahsruh lal Tohkohsra Benjamin in “karihngihn kowos sifacna, ac nuhnak lowos, ac kahs lowos, ac orekma lowos” (Mosiah 4:30).
24.5.1
Mwe Sang Muhtahl Tempuhl ac Kuhlwacnsap Tempuhl
Fin misineri sasuc ma tuhfahna in pahng ah soenna eis mwe sang ke akwuck lalos tempuhl, elos enenuh in oraclah met liki elos muhtwacwacack ke kuhlwacnsap lalos ke misin fin kuh (liye Doctrine and Covenants 43:15–16; 105:33). Ma se inge som pacna nuh sin misineri ma kuhlwacnsap fin kuh in orekmakihnyuck ke ma elos oasr kac.
Misineri sasuc ma tuhfahna in pahng ma eis tari mwe sang muhtahl kuh in kuhlwacnsap oruh akwuck ke tempuhl met liki elos muhtwacwacack ke kuhlwacnsap lalos ke misin fin kuh (liye 25.5).
24.5.2
Sacracmacn Miting
Pisaprik elos suli misineri ma tuhfahna in pahng inge in sramsram ke toeni in sackramacn met liki muhtwacwacack misin lalos. Sackramacn miting se inge oacna sie, wacngihn ma eklac. Srihpac kac uh enenuh in siyac Mwet Lahngo ac sackramacn.
24.5.2
Akmuhsraelah Misineri
Stek prestuhn el ahkkweyelah kais sie misineri inge nuh ke kunohkohn lalos kihtihn pacl na met liki lwen in muhtwacwacack kuhlwacnsap lal. Fin oasr elyah ma oruh stek prestuhn el tiac kuh in oraclah, el kuh in sang kuh nuh sin sie mwet kahsruh lal in ahkkweyelah misineri inge.
Prestuhn luhn misin kuh sie sin mwet kahsruh lal ahkkweyelah misineri ma pahng ke tistrik se lin misin lal an. Tistrik prestuhn el tiac na ahkkweyelah misineri.
Tamuhlwel se ma ac kuhlwacnsap loes liki lohm se enenuh in eis Melchizedek Pristut met liki el ahkkweyeyucklac nuh ke misineri. Tamuhlwel se ma ac ekihn misinery kuhlwacnsap enenuh in sruok Melchizedek Pristut fin fal nuh ke atac el oasr kac.
24.6
Kuhlwacnsap Liki Acn se
24.6.2
Ke Field ah
24.6.2.5
Nguhsr in Kahsruh Mwet Sahyac ke Mani kuh ke Lutlut kuh ke Forfor
Misineri ac sucu lalos tiac enenuh in sang mani kahsruh nuh sin mwet ma muhta ke acn ma misineri ingacn kuhlwacnsap we, finne mani in kahsruh lutlut. Misineri ac sucu lalos tiac enenuh pac in kahsruh moli mwet se luhngse som nuh ke siena acn (liye 38.8.19).
24.6.2.8
Records luhn Mempucrs ac Sie Tahfuh Singucul
Lohm se oreklac sin misineri ke ward sacn sruok record luhn mempucr. Home ward oacyacpac suhmuhslah kuh sruokyac ma elos oraclah ke sie tahfuh singucul. Misineri elos tiac moli sie tahfuh singucul ke mani ma elos eis ke misin. Tuhsruhktuh, elos moli sie tahfuh singucul fin oasr mani lalos sifacna.
24.6.3
Fohlohk nuh Lohm tukun Misin
24.6.3.1
Fohlohk nuh Lohm ke Pacl Oreklac in Fohlohk
Misineri ac mempucr ke sucu lalos tiac enenuh in ngihsre in sa fihliyucklac kuh in paht kuhlwacnsap luhn kais sie ke na srihpac lalos sifacna.
Misineri fuhsr enenuh in som na ne lohm se ah tukun misin lalos. Fahsr sahyac luhn misineri se enenuh in ahokiyucki fin oasr mwet se kuh mwet karihngihn se weluhl.
Misineri elos tiacna fihliyucklac ne kena elos ripohrt nuh yurun stek prestuhn lalos. Elos ukwe masap luhn misineri ne kena pacl sacn.
24.6.3.2
Fohlohk nuh Lohm ah Sa
Kuhtuh misineri uh elos sa na fohlohk nuh lohm ah ke srihpen mas, seahkos, kuh srihpac sahyac. Pisap ac stek prestuhn sang kahs in kahsruh na yohk srihpac nuh sin misineri ma fohlohk inge. Mwet kol kahsrelos in orekma in fokokoi kuh fohlohk nuh ke kuhlwacnsap fin kuh.
24.7
Kuhlwacnsap ke Misin
24.7.1
Sokwack Inkacnek nuh in Kuhlwacnsap ke Misin
Pisap, stek prestuhn, ac misineri ma kuhlwacnsap inge tuhkweni sramsramlah in sokwack inkacnek in kuhlwacnsap ke acn elos muhta we. Nuh sin misineri fuhsr ma kuhlwacnsap inge, mwet kol se lalos ac pahpah kuh ninac kiacn misineri inge kuh mwet se ma liyacltahlwacng ingacn wi toeni se inge.
24.8
Tukun Kuhlwacnsap Misineri
24.8.2
Kihsensiyuck in Fihliyucklac luhn Misineri
Stek prestuhn el fuhlwelah misineri ac el oruh kihsensiyuck in sang fuhlweloslac. Ke tistrik. inkaiyen pacl uh misin prestuhn kuh mwet in kahsruh se ma srihsrngiyucki uh pa fuhlwelah misineri inge.
Atacn tahk ke kihsensiyuck ten inge kuh in kahsruh.
-
Ahkkweyaclos in sruokyac na luhlahlfongi ekihn mwet tuhma lutlut luhn Jisus Kraist ke moul lal nohfohn.
-
Ahkkweyaclos in muhsahi na puhla wowo se elos puhlakihn ke elos misineri ah.
-
Ahkkweyaclos in nuhnkuh ac ac ahkolah nuh ke pacl fahsruh uh, suc som nuh ke lutlut ac orekma nuh sin misineri fuhsr.
-
Ahkkweyaclos in tu na suwohs sruok pwepuh in lwelah lalos nuh tempuhl.
24.8.4
Kunohkohn
Mwet kol elos pihrihkyuck in sang kunohkohn ac ma kunacn misineri ma tuhfahna in fihliyucklac. Ma se inge kuh in som oruh akwuck ke tempuhl fin lwelah (liye 25.5).
24.9
Kahsruh nuh ke Lwelah luhn Misineri ac Kuhlwacnsap
24.9.2
Websites
-
MissionaryRecommendations.ChurchofJesusChrist.org (orekmakihnyuck muhkwena sin mwet kol ke acn sacn ac mwet luhngse wi misineri)