“24. Manyisha ne Kusadila kua Muena Bukenji,” Masungula Mangatshibua mu Mukanda Munena wa Maludiki (2023).
“24. Manyisha ne Kusadila kua Muena Bukenji,” Masungula Mangatshibua mu Mukanda Munena wa Maludiki.
24.
Manyisha ne Kusadila kua Muena Bukenji
24.0
Tshibangilu
Mu tshikondu tshia kala, Mukalenga wakafila mukenji wa kukunguija Isalele munkatshi mua “bisamba bionsu, nubatambuisha mu dina dia Tatu, ne dia Muana, ne dia nyuma wa Tshijila” (Matayo 28:19; tangila kabidi verse 20). Mukalenga udi mupingajilula mukenji awu mu matuku a ndekelu (tangila Dilongesha ne Bipungidi 39:11; 68:6; 112:28-6).
Bua kusadila Mukalenga tshidi bunema bua tshijila. Tshidi tshifila mabenesha a tshijila kudi muntu ne aba badiye musadila (tangila Dilongesha ne Bipungidi 18:14–16).
Mukalenga udi ulomba bonsu bakubana, nsonga muluma bua kudilongolola ne kusadila bukenji.
Mukalenga udi witaba kabidi bansongakaji bakumbana bua kusadila mu bukenji pikalabu bajinga.
Bena bukenji bashindama badi kabidiu bajingibua ne badi babakimija bua kudilongolola bua kusadila.
24.1
Dibikila bua Kusadila
Bena bukenji badi bimanyina Mukalenga ne badi ne mua kubikidibua ku bukôkeshi budi bukumbana (tangila Dilongesha ne Bipungidi 42:11; Tunungu tua Ditabuija 1:5). Dibikila dia kusadila bukenji didi didiundishibua pau tshibidilu kudi Mulombodi Mukulu wa Ekelezia. Bua bena bukenji basadidi bashindama, dibikila edi didi didiundisha kudi mulombodi mukulu wa dikunji.
24.2
Matumika a Muena Bukenji
Dibikila dia kusadila bu muena bukenji didi bujitu bupeshibua pabuabu. Mabikila â adi akudimuka bikola.
24.2.1
Bansonga Bena Bukenji Balongeshi
Bansonga bena bukenji balongeshi babungi badi batumibua bua kulongesha lumu luimpa kula ne ku mabu. Dipeshibua bujitu edi didi difidibua ku dibuluila dia Bapostolo. Bena bukenji aba badi basadila muinshi mua mikenji ya mulombodi mukulu wa bukenji.
24.2.2
Bansonga Bena Bukenji Basadidi
Nsonga ya bukenji mikuabua itu mitumibua bua kulongesha lumu luimpa kula ne ku mabu. Dipesha bujitu edi didi difidibua ku dibuluila dia bapostolo ne idi ifidibua kudi aba bonsu badi ne mushindu udi upetangana ne mudimu wa bukenji (tangila 24.3.3).
24.2.3
Bena Bukenji Bashindama
Bena bukenji bashindama bonsu badi bakankamibua bua kupeta bantu ba kulongesha ne kubambuluisha mua kudilongolola bua ditambula. Bena bukenji bashindama badi kabidi batumibua bua kuambuluisha:
-
Bidimba ne balombodi ba nteji ne ba pa muaba.
-
tshibambalu tshia Ekelezia ne Biambuluishi.
-
Bisumbu bia Dinanga.
Bena bukenji bashindama kabena balombibua mua kusadila meba amua, kukumbaja bibilu bia diatshimua, anyi bapeta ngindilu ya momumua bu nsonga ba bukenji.
Dipeshibua bujitu bua bena bukenji bashindama didi difidibua ku dibuluila kudi Bapostolo. Aba bonsu badi bindila dipeshibua bujitu badi mua kuleja didisuila kadi badi ne mua kuikala pabuipi ne ditaba dipeshibua bujitu dionsu.
24.2.4
Bena Bukenji Basadidi Bashindama
Ku dimbaja ku mabikila adibu nawu mu tshikongu tshiabu anyi mu dikunji, bidimba bidi mua kusadila Mukalenga bu bena bukenji basadidi bashindama. Bena bukenji aba badi benza mudimu wa mushinga ku tshibambalu, mambuluisha, ne ku bukenji bonsu (tangila 24.7.1). Badi basombela kumbelu kuabu.
Bena bukenji basadidi bashindama badi babikidibua kudi mulombodi mukulu wa dikunji. Badi basadila muinshi mua buludiki buenda. Bungi bua meba adibu basadila ku lumingu lonsu bilondesha ne bukola buabu, mpunga wa mudimu mu muaba udibu basombela, ne buludiki bufumina kudi bulombodi bukulu bua Ntenji.
24.2.5
Tshikosu Tshia Matumika a Muena Bukenji
Tableau udi ulonda ewu udi ufila tshikosu tshia mishindu ya matumika muena bukenji.
|
Nsonga ya Bukenji Milongeshi |
Nsonga ya Bukenji ku Mudimu |
Bena Bukenji ba Bidimu Bishindama |
Bena Bukenji ba Bidimu Bishindama ku Mudimu | |
|---|---|---|---|---|
|
Udi ubikidibua kudi | Nsonga ya Bukenji Milongeshi Mulombidi Mukulu wa Ekelezia | Nsonga ya Bukenji ku Mudimu Mulombidi Mukulu wa Ekelezia | Bena Bukenji ba Bidimu Bishindama Mulombidi Mukulu wa Ekelezia | Bena Bukenji ba Bidimu Bishindama ku Mudimu Mulombodi mukulu wa dikunji |
|
Udi utumibua kudi | Nsonga ya Bukenji Milongeshi Mupostolo | Nsonga ya Bukenji ku Mudimu Mupostolo | Bena Bukenji ba Bidimu Bishindama Mupostolo | Bena Bukenji ba Bidimu Bishindama ku Mudimu Mulombodi mukulu wa Dikunji |
|
Udi utekibua pa bula kudi | Nsonga ya Bukenji Milongeshi Mulombodi mukulu wa Dikunji | Nsonga ya Bukenji ku Mudimu Mulombodi mukulu wa Dikunji | Bena Bukenji ba Bidimu Bishindama Mulombodi mukulu wa Dikunji | Bena Bukenji ba Bidimu Bishindama ku Mudimu Mulombodi mukulu wa dikunji anyi babedi benda |
|
Kuenzela | Nsonga ya Bukenji Milongeshi Kula ne kumbelu | Nsonga ya Bukenji ku Mudimu Kumbelu | Bena Bukenji ba Bidimu Bishindama Kula ne kumbelu anyi kumbelu | Bena Bukenji ba Bidimu Bishindama ku Mudimu Kumbelu |
|
Balombodi ba Ekelezia | Nsonga ya Bukenji Milongeshi Mulombodi mukulu wa Bukenji anyi mulombodi mukulu wa site wa malu a kala | Nsonga ya Bukenji ku Mudimu Mulombodi mukulu wa Dikunji | Bena Bukenji ba Bidimu Bishindama Mulombodi mukulu wa bukenji, wa ntempelo, anyi wa site wa malu a kala; anyi Mulombodi mukulu wa Ntenji | Bena Bukenji ba Bidimu Bishindama ku Mudimu Mulombodi mukulu wa Dikunji |
|
Milubu kudi | Nsonga ya Bukenji Milongeshi Mulombodi mukulu wa Bukenji anyi mulombodi mukulu wa site wa malu a kala | Nsonga ya Bukenji ku Mudimu Mulongolodi wa Mudimu wa bukenji | Bena Bukenji ba Bidimu Bishindama Mulombodi mukulu wa bukenji, wa ntempelo, anyi wa site wa malu a kala; Mulumbodi mukulu wa Ntenji; mulombodi wa centre wa benyi, anyi wa tshibambalu tshia Ekelezia anyi mutangidi muambuluishi | Bena Bukenji ba Bidimu Bishindama ku Mudimu Mutangidi wa midimu ya dipesha bujitu |
|
Bidimu bilombimbua | Nsonga ya Bukenji Milongeshi (baluma) 18-25 | Nsonga ya Bukenji ku Mudimu (baluma) 18-25 | Bena Bukenji ba Bidimu Bishindama 40 anyi kumutu pikala muntu musela anyi mamu nkaya | Bena Bukenji ba Bidimu Bishindama ku Mudimu 26 anyi kumutu |
24.3
Kudilongolola ne Kudikumbaja bua Kusadila mu Bukenji
Bena bukenji batshilualua badi bakankamika mua kusadila bukenji bualu bua dinanga diabu kudi Mukalenga ne bana benda. Badi ne bua kudibidija ne nkonku ya mukanda wa muyuki wa nkaya wa muena bukenji.
24.3.1
Dikudimuna dia Moyo kudi Yezu Kilisto
Bena bukenji batshilualua badi baditatshisha mua kukankamika kukudimuna kuabu kua moyo mu Yezu Kilisto ne Mu lumpu luimpa Luibakulula.
24.3.2
Kuandamuna ku Mikenji ya Bukumbana
Bena bukenji batshilualua badi baditatshisha bua kuikala bakumbana bua bushindikiji bua Nyuma. Tshidi tshilombibua bua mudimu wa kalolo wa bena bukenji (tangila Dilongesha ne Bipungidi 42: 13–14).
24.3.2.1
Dikudimuna Mutshima
Dikudimuna Mutshima didi dilomba kuenzela ditabuija mu Kilisto, kuikala ne dijinga dia bushuwa, ne kulama mikenji. Tshidi tshilomba kutonda ne kulekela bubi. Bua mibi mikola, dikudimuna mutshima didi dilomba kutonda kudi muepiskopo anyi mulombodi mukulu wa dikunji.
Muntu udi ukudimuna mutshima udi mufuidibua lusa ne mutokeshibua kupitshila ku bupikudi ne ngasa wa Yezu Kilisto. Mukalenga kena uvulaka bubi kabidi to. (Tangila Yeshayi 43:25; Yacoba 6:5; Alama 34:15-17; Helamana 5:10-11; Dilongesha ne Bipungidi 58;42-43. Tangila kabidi 32.1 mu mukanda ewu wa maludiki.)
Ewu udi mujinga kushala muena bukenji udi ne bua kukudimuna mutshima bua bubi bukola kumpala kua mulombodi mukulu wa dikunji kutuma anyi dianyishila dienda (tangila 32.6; tangila kabidi 24.4.4). Ndongamu wa dikudimuna dia mutshima udi ulomba tshipolu dia meba bua muntu kuleja dienzela dia buakana ne uvua mupeshibua nyuma wa Kilisto mu dilekela dia mibi.
24.3.3
Bukola bua Mubidi, bua Meji ne bua Moyo
Mudimu wa bukenji udi lutatu. Bansonga bena bukenji balongeshi badi ne bua kudifila ne kukumbana mu mubidi, meji ne moyo bua kuenza mudimu mu ndongamu yonsu wa bena bukenji.
24.3.4
Mpetu
24.3.4.1
Difila Mpetu bua Bena Bukenji badi Basadila Kula ne kumbelu
Kandida ya nsonga idi idilongolola kupitshila ku makanda abu kabena bua kubanengesha mua kusadila bua tubingila tua mpetu. Aba badi bajinga diambuluisha ne mpetu bua kukumbaja mfualanga milomba badi mua kuyipeta kudi dîkudinena ne balunda.
Pikala majinga koku, muepiskopo anyi mulombodi mukulu wa dikunji udi mua kulomba bidimba bikuabu mu tshikongu anyi mu dikunji mua kufila diambuluisha ku mpetu ya bena bukenji ba tshikongu.
Biuma bia nsangilu wa pa muaba ne mpetu ya milambu ya kujila kabiena bua kuenzela to.
Mapangadika a mfualanga ya ku ngondu Bansonga bena bukenji balongeshi ne mêku abu badi bafila bungi busunguluka bua mfualanga ku ngondu yonsu bua kuambuluisha bua kubuikila mfualanga mitula mu bukenji.
Bintu bifila bienzeka kupitshila ku mpetu ya bena bukenji ba tshikongu. Bepiskopo badi bakenketa ne mpetu idi ifidibua ngondu yonsu. Mpetu kumutu kua bungi bua ku ngondu kayena mua kufidibua kumpala to. Mpetu mifila kumpala kayena bua kupingajibua pikala muena bukenji mupinga kumbelu kumpala.
Ditula dia mfualanga mu muaba wa mudimu. Ngondu yonsu, bansonga bena bukenji badi bapeta mpetu ifumina ku bukenji bua kufila biakudia, kufuta njila, ne makuabu majinga a moyo. Mpetu eyi idi ya tshijila. Bena bukenji badi bayenzela anu bua tuipatshila tudi tupetangana ne bukenji. Kabena mua kuenyezela majinga abu a nkaya, kulama, anyi kutumina bidimba bia dîku anyi bakuabu. Bena bukenji badi bapingaja ku bukenji mpetu idibu kabayi ne dijinga.
Bena bukenji badi benzela mpetu ya nkaya bua kubuikila ditula dikuabu. Majinga abu a nkaya adi ne bua kuikala makesa. (Tangila Missionary Standards for Disciples of Jesus Christ, 4.8.)
24.3.4.2
Difila Mpetu kudi Bena Bukenji Bashindama badi kula ne kumbelu
Mapangadika a mfualanga ya ku ngondu Bena bukenji bashindama badi basadila kula ne kumbelu badi bafila mfualanga ku ngondu yonsu mu mpetu ya bena bukenji ba tshikongu tshiabu. Difila dia mfualanga edi didi diambuluisha bua kubuikila difuta dia nzubu ne dia mashinyi.
Bepiskopo badi bakenketa ne mpetu idi ifidibua ngondu yonsu. Mpetu kumutu kua mfualanga ya ku ngondu kayena mua kufidibua kumpala to.
Ditula dikuabu. Mu dikumbaja dia mapangadika a kufuta mfualanga ya ku ngondu, adi ambuluisha bua kufuta nzubu, ne mashinyi, bena bukenji bashindama badi ne bua kufuta ditula dikuabu, bu mudi biakudia.
24.3.4.3
Difila Mpetu kudi Bena Bukenji badi basadila kumbelu
Bena bukenji badi basadila kumbelu badi ne bujitu bua majinga abu onsu a mpetu.
24.3.4.4
Ditula ne Bukubi bia londopu
Bena bukenji bonsu badi ne makanda badi bakankamika bua kulama bukubi buabu bua lundopu budibu nabu biobi bikumbana, pamua ne bansonga bena bukenji balongeshi.
Bena Bukenji badi basadila kumbelu badi ne bua kufula bukubi buabu ne bikuabu bia londopu. Bena bukenji bashindama basadila kula ne kumbelu badi bafila bukubi buabu ebu. Bena bukenji bashindama badi kasadila pambelu pa ditunga diabu badi mua kupeta bukubi kupishila ku Senior Service Medical Plan.
24.3.5
Mudimu wa Bidimba Bia Mêku ne Balombodi mu Dilongolola dia Bena Bukenji
Bidimba bia dîku, bepiskopo, ne balombodi bakuabu badi bambuluisha bansonga mua kudilongolola bua kusadila bukenji.
Bidimba bia dîku ne balombodi badi bakankamika aba bonsu badi bajinga kushala bena bukenji mua kulonga:
-
Mukanda wa Molomo ne mifundu mikuabu.
-
Longesha Lumu Luimpa Luanyi.
-
Safeguards for Using Technology (Mishundu ya Kuenzela Biamua)
Bidimba bia dîku ne balombodi badi bakankamika aba bonsu badi bajinga kushala bena bukenji bua kuangata mapangadika a kulonda mikenji ya bukenji. Badi bakankamika ba kandida bua kulonga mukanda wa maludiki a ngezelu ya bena bukenji idi ipetanga ne mudimu wabu udibu muakupeshibua bujitu anyi to.
-
Bua bansonga bena bukenji balongeshi: Missionary Standards for Disciples of Jesus Christ
24.4
Kufila Dianyisha dia Bena Bukenji
24.4.1
Dilondola dia Bukola bua Mubuidi
Ba kandida bonsu badi balombibua bua kuenzeja mateta a Londopu kudi bena mudimu bapeluka ba londopu.
24.4.2
Miyuki ya Nkaya ne Mikanda ya Dianyisha
Muepiskopo ne mulombodi mukulu wa dikunji badi balombola kupitshila, ku bukebi bua nyuma, ne bavudija miyuki ya nkaya ne ewu yonsu udi ujinga kushala muene bukenji. Badi benzela nkonku ya mukanda wa muyuki wa nkaya wa muena bukenj.
Muepiskopo ne mulombodi mukulu wa dikunji badi bamonanuna ebi bionsu pa mikenji ya bukumbana ne makanda a mubidi mu Missionary Online Recommendation System. Muepiskopo ne mulombodi mukulu wa dikunji kabena bakubaja ngikadilu ya bukubana to. Kabena mua kukudimuna nkonku ya muyuki wa nkaya.
Pikala muepiskopo anyi mulombodi mukulu wa dikunji bikala ne didiabakena pa kandida udi mukumbaja mikenji ya bukumbana anyi abidi bitangila mubidi wenda, badi bayukila pamua ne muntu. Ne dianyisha dia nsonga kandida, badi mua kuyukilangana ne baledi benda. Muepiskopo andi mulombodi mukulu wa dikunji kena utuma dianyishila dia bukenji ne adi muntu mukudimuna moyo bua bubi bukola (tangila 24.3.2.1). Bilondeshela bukola bua mubidi, meji, anyi moyo bia muntu, badi ne bua kuyukila pa mushindu wa kuikala mutumibua bu muena bukendi wa mudimu.
Mu tshimpitshimpi padi muepiskopo anyi mulombodi mukulu wa dikunji kayiku, udi mua kufila bukôkeshi kudi umua wa babedi benda mua kulombolo miyuki ya nkaya.
Mu distrika, mulombodi mukulu wa bukenji anyi mubedi mutumibua udi mua kulombola miyuki ya nkaya ne kuanyishila kandida muena bukenji. Balombodi bakulu ba distrika kabena balombola miyuki ya nkaya eyi to.
24.4.4
Badi Kabayi Bakumbana bua Kusadila bu Bena Bukenji ba Diba Dionsu
Misangu mikuabu tshidimba tshidi tshijinga kusadila tshidi mua kubenga kubikidibua bu muena bukenji wa ku diba dionsu. Etshi tshidi mua kufika ku ntatu ya mubidi, kayi mukumbaja mikenji ya bukumbana, malu a mbulamatadi, anyi malu makuabu. Mulombodi mukulu wa dikunji udi mua kumufuila lusa bua mudimu wa bukeni wa ku diba dionsu.
24.5
Panyima pa Dipeta Dibikila dia Kusadila mu Bukenji
Bena bukenji bonsu bapiabapia babikidibua badi bakankimikibua bua kubala anyi kubalulula Mukanda wa Molomo kumpala kua bobu kubanga bukenji buabu. Badi balonda mubelu wa Mukalenga Bejamina “binuapanga kudilama, ne meji enu, ne mêyi enu, ne bienzedi bienu” (Mosiya 4:30).
24.5.1
Diambika dia mu Ntempelo ne Disadila dia mu Ntempelo
Pikala muena bukenji mupiamupia mubikila kayi muanji kupeta mululu wa diambika dia ntempelo, badi mua kuwenza kumpala kua dibanga mudimu wa bena bukenji adibi bikumbana (tangila Dilongesha ne Bipungidi 43:15-16; 105:33). Etshi tshiangata mudimu wa bena bukenji padibi bikumbana bua malu abu.
Bena bukenji bapiabapia babikila badi bambikibua badi mua kusadila bu bena mudimu pa ntempelo kumpala kua bobu kubanga mudimu wa bukenji adibi bikumbana (tangila 26.5).
24.5.2
Bisangilu bia Biakudia bia Tshijila
Buepiskopo budi bubikila bena bukenji bapiabapia babikila bua kuakula mu tshisangilu tshia biakudia bia tshijila kumpala kua yeya kubanga bukenji. Etshi tshidi anu tshisangilu tshia biakudia bia tshijila tshia matuku onsu. Tshitangija anu pa biakudia bia tshijila ne Mupandishi.
24.5.3
Kuteka pa Muaba Bena Bukenji
Mulombodi mukulu wa dikunji udi uteka muena bukenji yonsu pa bula padibibi bikumbana pabuipi ne diba dia yeya kubanga bukenji. Mu tshimpitshimpi padi mulombodi mukulu wa dikunji kayiku, udi mua kufila bukôkeshi kudi umua wa baledi benda mua kuteka muena bukenji pa bula.
Mulombodi mukulu wa bukenji anyi umua wa babedi bende udi uteka bena bukenji pa bula badi babikidibua bafumina ku distrika dia mu bukenji buenda. Mulombodi mukulu wa distrika kena uteka bena bukenji pa bula to.
Muanetu muluma udi uya kasadila kula ne kumbelu udi ne bua kupeta Buakuidi bua Melekisedeke kumpala kua kutekibua pa bula. Muanetu muluma udi usadila bu muena bukenji wa mudimu udi ne bua kuikala ne Buakuidi bua Melekisedeke biobi bikumbana.
24.6
Kusadila Ntanta ne Dîku
24.6.2
Mu Muaba wa Mudimu
24.6.2.5
Malomba a Mambuluishi Makuabu a Mpetu anyi bua Kalasa anyi Diumbuka
Bena bukenji ne mêku abu kabena mua kufila diambuluisha dia mpetu bua aba badi bikala muaba udi bena bukenji basadila, budi mpetu ya diambuluisha ku kalasa. Bena bukenji ne mêku abu kabena mua kuangata bujitu bua bantu badi bajinga kumbuka bua matunga makuabu nansha (tangila 38.8.19).
24.6.2.8
Miandiku ya Buikadi bua Tshidimba ne tshia Dikumi
Tshikongu tshia mbedi tshia muena bukenji tshidi tshilama miandiku ya buikadi bua tshidimba. Tshikongu tshienda tshidi kabidi tshilama miandiku yenda ya tshia dikumi. Bena Bukenji kabena bafuta tshia dikumi pa mpetu idubu bapeta ku bukenji. Kadi badi bafuta tshia dikumi pikalabu ne batapitshi makuabu.
24.6.3
Diumbuka mu Bukenji bua Kupingana Pambelu
24.6.3.1
Kupingana kumbelu pa Diba Difunda
Bena bukenji ne mêku abu kabena mua kulomba diumbusha pankabi anyi kulepesha mudimu bua ngumvuanganyi yabu.
Nsonga miena bukenji idi ne bua kupingana buludiludi ne kuabu panyima pa bukenji. Diumbuka dikuabu didi mua kuanyishibua anu pikala muena bukenji udi mushindikija kudi umua wa baledi benda anyi mulami.
Bena bukenji kabena bumbushibua ne padibu bafila mulubu kudi mulombodi mukulu wa dikunji. Badi balonda mikenji ya bukenji tô ne diba adi.
24.6.3.2
Kupingana kumbelu pa Lukasa
Bena bukenji bakuabu badi bumbushibua kumpala bua mubidi, bukumbana, anyi tubingila tukuabu. Bepiskopo ne balombodi bakulu ba makunji badi bafila dikuatshisha dia pabuadi kudi bena bukenji aba bapingana. Balombodi badi babambuluisha mua kupingaja mubidi wabu anyi bua kupinga kusadila biobi bikumbana.
24.7
Bukenji bua Kusadila
24.7.1
Dijandula Mishindu Kuenza Bukenji bua Disadila
Mueposkopo, mulombodi mukulu wa dikunji, ne bena bukenji bua kusadila badi benza muyuki pamua bua kujingulula mishundu ya kusadila ya muaba au. Bua bansonga bena bukenji basadidi, mulombodi wa bukenji ne baledi ba bena bukenji anyi balami badi babuela mu muyuki.
24.8
Panyima pa Kusadila mu Bukenji
24.8.2
Muyuki wa Nkaya bua Kujula Muena Bukenji
Mulombodi mukulu wa dikunji udi umbusha bena bukenji ne ulombola muyuki wa nkaya wa diumbusha. Mu distrika, patshibidilu mulombodi mukulu wa bukenji anyi mubedi mutumibua udi mua kulombola miyuki ya nkaya ne kumbusha muena bukenji.
Maludiki adi alonda bua muyuki wa nkaya ewu adi mua kuambuluisha.
-
Udi ubakankamika bua kutunguluka bu bayidi ba Yezu Kilisto mu moyo wabu onsu.
-
Udi ubabela bua kuibakila pa ngikadilu mimpa idibu batantshisha bu bena bukenji.
-
Udi ubakankamika bua kudikolesha bua kudilongolola bua matuku atshivuavua, bu mudi dilonga ne mudimu bua bena bukenji bansonga.
-
Udi ubakankamika bua kuikala bakumbana bua dianyisha dia kubuela mu ntempelo.
24.8.4
Mabikila
Balombodi badi bafila pankabi dipesha bujitu ne ne dibikila kudi bena bukenji bumbuisha mu matuku adi mapita â. Etshi tshidi mua kuikala tshianyishibua bu musadidi wa milulu ya mu ntempelo biobi bikumbana (tangila 25.5).
24.9
Mishindu ya Manyisha ne Kusadila kua Muena Bukenji
24.9.2
Sites Internet
-
MissionaryRecommendations.ChurchofJesusChrist.org (bidiku anu bua balombodi ba pa muaba ne bakandida bena bukenji).