“25. Tempel me Angangen Uruon Famini non ewe Wart me Steik,” Ekkoch Kinikin seni ewe Pukenapen Emwen (2023).

“25. Tempel me Angangen Uruon Famini non ewe Wart me Steik,” Ekkoch Kinikin seni ewe Pukenapen Emwen

25.

Tempel me Angangen Uruon Famini non ewe Wart me Steik

25.0

Nepoputan

Tempel me angangen uruon famini ina ewe anen achufengeni me eriri fengeni famini ren fansoun esemuch (nengeni Matthew 16:19). Ei angang mi pachenong:

Fori pwon mi pin nupwen sia angei ach pusin angangepin non tempel (nengeni Isaiah 55:3; Doctrine and Covenants 84:19–23).
Kuna ach neuwo mi mano me fori angangepin fan iter non ewe tempel pwe repwe tongeni fori pwon mi pin ren Kot (nengeni Malachi 4:5–6; 1 Corinth 15:29; Doctrine and Covenants 128:15–18).
No ngeni ewe tempel iteiten fansoun, ikewe epwe tufich, ne fel ngeni Kot me fori angangepin fan iten Noun semirit (nengeni Luke 24:52–53; Doctrine and Covenants 109:13–14).

Ekkoch pwan porousan mi kawor non “Temples” me “Family History” (Itenapen Kapas allim, topics.ChurchofJesusChrist.org).

25.1

An Chon Mwichefen me Souemwen Fiti Tempel me Angangen Uruon Famini

Chon ewe Mwichefen a wor rer ewe tufich me wis ar repwe anisi ne achufengeni ar famini ren fansoun esemuch. Ra pusin amonnereta ar repwe fori pwon mi pin nupwen ra angei angangepin non tempel, me ra achocho ne apwonueta ekkena pwon mi pin.

Chon ewe Mwichefen ra pesepes ar repwe affata aramaser kewe mi mano ekkewe rese mwo angei angangepin non tempel. Iwe chon mwichefen ra fori ekkewe angangepin fan iten aramaser kei (nengeni Doctrine and Covenants 128:18). Non ewe fonuen ngun, ekkewe mi mano mi tongeni finata ne etiwa ika resap etiwa ekkewe angangepin minne ra fen fis fan iter.

25.1.1

Wisen Emon me Emon ren Fiti Tempel

Chon mwichefen ra apungano pusin inet me fan fite repwe fen ngeni non ewe tempel. Souemwen resap forata oukukun ika repotei chon fiti ewe tempel.

25.2

Etetteni Tempel me Angangen Uruon Famini non ewe Wart

25.2.1

Pisoprik

Ewe pisoprik a otot fengen me ekkewe presetensin mwichen elter me Relief Society nupwen ra emweni an ewe wart angangen tempel me uruon famini. Ekkei souemwen ra ourour fengen iteiten fansoun.

Ewe pisoprik a pwan wor wiser kei mi tettenitiw ren tempel me angangen uruon famini non ewe wart:

Tumunochu pwe ewe nongonong me efeiochun tempel me angangen uruon famini ra osukuna non fan.
Tumunochu pwe tempel me angangen uruon famini mi otot non mwichen opungupungun wart me mwichen opungupungun serafo non ewe wart.
Emweni ewe tettenin sukunen amonnetan tempel (nengeni 25.2.8).
Awora toropwen mumuta ne tonong non tempel ( nengeni sopwun 26).

25.2.2

Presetensin Mwichen Elter me Relief Society

Ekkewe presetensin mwichen elter me Relief Society ra emweni angangen ewe wart mi fifis iteiten ran ren tempel me angangen uruon famini (nengeni 8.2.4 me 9.2.4). Ra angang fengen ne emweni ekkei angang fiti ewe mwichen opungupungun wart, fan ototten ewe pisop.

Ekkei souemwen a wor rer ekkei wis mi mak fan:

Anisi chon mwichefen repwe monneta ne angei angangepin non tempel me fori pwon mi pin non tempel.
Pesei chon mwichefen repwe fen ngeni non ewe tempel fan chommong ren ukukun nonnomur epwe mutata.
Pesei chon mwichefen ar repwe kaeo usun ar kewe neuwo me fori angangepin non tempel fan iter.
Emweni ewe angangen ewe wart tempel me souemwenin uruon famini. Ika ei souemwen ese kokko, emon chon ewe presetensin mwichen elter epwe fori ei wis (nengeni 25.2.3).

Emon me emon ewe presetenin mwichen elter me presetenin Relief Society a ewisa emon chon ewe presetensi an epwe aninis ne emweni angangen tempel me uruon famini non ewe wart. Ekkei ruemon chon ewe presetensi ra angang fengen. Ra fiti mwichen okokkot wart tempel me uruon famini (nengeni 25.2.7).

25.2.3

Wart Tempel me Souemwenin Uruon Famini

Ewe pisoprik a ourour ngeni ewe presetenin steik an epwe apungano ika epwe kokkori emon souemwenin wart tempel me uruon famini. Ei aramas epwe emon mi amwochu ewe Melkisetek Pristut.

Ewe souemwenin wart tempel me uruon famini a anisi presetensin mwichen elter me Relief Society non wiser kewe wisen tempel me uruon famini. A pwan wor ren ekkei wis mi mak fan:

A emweni wart tempel me mwichen okokkoten uruon famini (nengeni 25.2.7).
A aiti chon ourouren wart tempel me uruon famini. Ota ar angang ne anisi chon mwichefen ren angangen tempel me uruon famini.
Angang fengen me ewe souemwenin wart misin me ekkewe misineri ar repwe anisi ekkewe ir ra kaeo ewe kapas allim, minafon chon mwichefen, me chon mwichefen mi niwinsefan ar repwe fiti angangen tempel me uruon famini.

25.2.4

Wart Tempel me Chon Ourouren Uruon Famini

Wart tempel me chon aurouren uruon famini ra angang fan emwenien ewe souemwenin wart tempel me souemwenin uruon famini ika ewe chon ewe presetensin mwichen elter ewe a fori ei wis. Ewe pisoprik a kokkori ekkei chon mwichefen ar repwe angang. Mi mwukono me serafo ir mi tongeni kokko ngeni.

Chon ourour mi wor rer ekkei wis mi mak fan:

Anisi chon mwichefen ar repwe weri ekkewe feiochun kuna ar kewe neuwo me fori angangepin non tempel fan iter.
Anisi chon mwichefen repwe monneta ne angei angangepin non tempel me fori pwon mi pin non tempel.
Fiti mwichen okokkoten tempel me uruon famini (nengeni 25.2.7).

25.2.7

Mwichen Okokkoten Wart Tempel me Uruon Famini

Mwitirin mwichen okokkoten wart tempel me uruon famini ra fis iteiten fansoun. Ika emon souemwenin wart tempel me uruon famini a kokko, i a emweni ekkei mwich. Ika esap ina, ewe chon ewe presetensin mwichen elter ewe a tupuni ei wis epwe emweni.

Ekkoch ekkewe ir mi ketiw mi pachenong:

Chon ekkewe presetensin Relief Society me mwichen elter.
Emon chon aninnis non ewe mwichen prist.
Emon chon ewe presetensin ewe klasin ekkewe Mwichen Foppun ra kon watte.
Chon Ourouren tempel me uruon famini.

Ewe popun ekkei mwich pwe epwe:

Ota ifa usun an epwe anisi chon mwichefen ren ar angangen tempel me uruon famini usun ra tingor.

Ekkei mwich mi tongeni fis ren ar chufengen ika me won kampiuter me fon. Okokkot mi pwan tongeni fis non ekkoch napanap, mi pachenong kokko won fon, text, me email.

25.2.8

Sukunen Amonnetan Tempel

Fan an ewe pisop emwen, eu sukunen amonnetan tempel mi tongeni etetten an epwe anisi chon mwichefen ar repwe monneta ne fori pwon mi pin nupwen ra angei angangepin non tempel. Ekkei sukun ra fis me nukun mwichen fenin Raninfel otun eu fansoun a och ngeni chon mwichefen. Ir mi tongeni fis ren eu imwen fan ika non eu imw.

Nesen me osukun ren etettenin ewe sukun ra nom non ewe Endowed from on High: Temple Preparation Seminar Teacher’s Manual. Chon fiti a kawor ngenir kapin Amonneta ne Tonong non ewe Tempel mi Pin. Ren an emon me emon kaeo me pisekin nesen, nengeni temples.ChurchofJesusChrist.org.

25.4

Pisekin Aninnisin Uruon Famini

25.4.1

Ai Famini: Porousen Minne a Ochufengeni Kich

Ai Famini: Porousen Minne a Ochufengeni Kich a anisi aramas repwe kuna aramaser me ar neuwo me ochufengeni porouser. Ei kukkun puk mi tongeni anisi chon mwichefen ar repwe poputa ne amonnata iten chon ewe famini ren angangepin non tempel.

Ei kukkun puk mi tongeni kapitiw ren ChurchofJesusChrist.org. Toropwen kapin mi tongeni chumwong seni store.ChurchofJesusChrist.org.

25.4.2

FamilySearch.org me FamilySearch Apps

FamilySearch.org non an ewe Mwichefen website ren angangen tempel me uruon famini. A tongeni anisi chon aea:

Keutan nefinen uruon famini me marar.
Kutta ach neuwo me porouser.
Aporousa me tumunu porousen famini, sasing, me uruo.
Amonnata iten chon ewe famini ren angangepin non tempel.

Ewe FamilySearch Tree app me FamilySearch Memories app ra otufichi aramas ar repwe fiti angangen tempel me uruon famini seni nour kewe fon.

25.5

Ourouren Kefinitan me Kokkon Chon Angangen Tempel

25.5.1

Ourouren Kefinitan Chon Angangen Tempel

Chon ita repwe angangen tempel ra affateno non ekkewe napanap mi makketiw fan:

Chon mwichefen ra affateno me ren ewe pisop ika pwan emon souemwenin wart.
Chon mwichefen ekkewe ra feito ren ewe pisop usun ar repwe angang
Chon mwichefen ra kawor iter ar repwe finita me ren ewe presetenin tempel, punuwan ewe presetenin tempel, me pwan emon souemwen tempel
Chon mwichefen ekkewe ra amonneta ren ika ra fen niwin seni angangen misineri (nengeni sopwun 24)

Iten ekkewe ita repwe chon angangen tempel ra katonong ren ar aea ewe Recommend Temple Worker tool. Ei pisekin aninnis a kawor ngeni pisop, presetenin steik, me presetensin tempel.