Kālāet ko jān Bok in Bōk Meļeļe Eļap

Men Ko Kobban
Taitōļ Peij eo
Kōjerbale Kāālet ko jān Bok in Bōk Meļeļe Eļap
Pedped in Katak eo
- 0. Kadkadin ilo Tukaduin
- 1. Karōk eo an Anij im Jerbal eo Am̧ ilo Jerbal in Lo̧mo̧o̧r eo An im Mour Ijo Eutiej Tataata
- 2. Jipan̄ Kajjojo Armej im Baam̧le ko ilo Jerbal in Lo̧mo̧o̧r eo an Anij im Mour Ijo Eutiej Tata
- 2. Pedped in Katak ko an Priesthood
- 4. Ritōl im Ko̧o̧njeļ ko ilo Kabun̄ eo an Jisōs Kraist
Doulul an Kabun̄ in
- 5. Ritōl Utiej im Eria
- 5. Ritōl ro ilo Stake eo
- 7. Bisoprik ro
- Doulul eo an Elder ro
- 9. Doulul eo an Kōrā ro
- Doulul ko an Priesthood eo an Aron
- 11. Doulul eo an Jiron̄ ro
- 12. Būraimere
- 13. Jabōt Jikuuļ
- 14. Membōr ro Ejjeļo̧k Pāleer
- 2 Jemenere ko im Institute ko an Kabun̄ in
Jerbal in Lo̧mo̧o̧r im Aiboojoj eo Eutiejtata
- Mour kōn Gospel eo an Jisōs Kraist
  - 16. Mour kōn Gospel eo an Jisōs Kraist
  - 17. Katakin kōn Gospel eo
  - 18. Kōm̧m̧ani Kain̄i ko im Kōjeraam̧m̧an ko an Priesthood
  - 19. Al ko
  - 20. M̧akūtkūt ko
- Kea kōn Ro Riaikuj
  - 21. Jerbal in karejar
  - 22. Leļo̧k Menin Jipan̄ ko an Kanniōk im Kalōk Un̄n̄are Peid Make
- Karuwaineneik Aolep n̄an Bōk Gospel eo
  - 23. Kwaļo̧k gospel eo im Kōkajoorļo̧k Membōr ro Rekāāl im ro Rej Ro̧o̧ltok.
  - 24. Elmakot ko n̄an Mijenede im Jerbal in Jipan̄
- Kobaik Baam̧le ko n̄an Indeeo
  - 25. Tampeļ im Jerbal in Menmenbwij an Baam̧le ilo Ward im Stake eo
    - 25.0. Kadkad in
    - 25.1. An Membōr eo im Ritōl eo Bōk Koņaer ilo Jerbal in Tampeļ im Menmenbwij an Baam̧le
    - 25.2. Ejake Jerbal in Tampeļ im Menmenbwij an Baam̧le ilo Ward eo
    - 25.4. Kein Jipan̄ ko an Menmenbwij an Baam̧le
    - 25.5. Leļo̧k Etan im Kūr Rijeral ro tampeļ.
  - 26. Peba in Mālim ko N̄an Deļo̧n̄e Tampeļ
  - 27. Kain̄i ko an Tampeļ n̄an eo Emour
  - 28. Kain̄i ko an Tampeļ n̄an eo Emej
Opiij eo an Kabun̄ in
- 29. Kweilo̧k ko ilo Kabun̄ in
- 30. Kūr ko ilo Kabun̄ in
- 31. Intōrpiu ko im Kweilo̧k ko Jet ippān Membōr ro
- 32. Ukweļo̧k im Ko̧o̧njel in Kajim̧we an ro Uwaan Kabun̄ in
- 33. Rekoot ko im Riboot ko
- 34. Jāān ko im Bōnbōn in Etale Jāān ko
- 35. Kea im Kōjerbal Im̧ōnjar ko
- 9. Ejaake, Ukōte, im Leļo̧k Etan Iunit ko Rekāāl
  - 36.0. Kadkad in
- 37. Stake ko, Ward ko, im Branch ko Rein Juon
- 38. Kakien ko im Unin Tōl ko an Kabun̄ in

25. Tampeļ im Jerbal in Menmenbwij an Baam̧le ilo Ward im Stake

“25. Tampeļ im Jerbal in Menmenbwij an Baam̧le ilo Ward im Stake,” Kāālet ko jān Bok in Bōk Meļeļe Eļap (2023).

“25. Tampeļ im Jerbal in Menmenbwij an Baam̧le ilo Ward im Stake,” Kāālet ko jān Bok in Bōk Meļeļe Eļap

25.

Tampeļ im Jerbal in Menmenbwij ilo Ward im Stake

25.0

Kadkad in

Tampeļ im jerbal in menmenbwij an baam̧le ej meļeļein n̄an kobaik im liāpe baam̧le ko indeeo (lale Matu 16:19). Jerbal in ekoba:

Kōm̧m̧ani bujen ko ilo ad bōk kain̄i in tampeļ ko ad make (lale Aiseia 55:3; Katak im Bujen Ko 84:19–23).
Pukot ro jibwid im jim̧aad raar mej n̄an kōm̧m̧ani kain̄i ko n̄an er ilo tampeļ bwe ren maron̄ kōm̧m̧ane bujen ko ippān Anij (lale Malakai 4:5–6; 1 Korint 15:29; Katak im Bujen Ko 128:15–18).
Etal emakijkij n̄an m̧weeo im̧ōn Irooj, n̄e ekkar, n̄an kabun̄jar n̄an Anij im kōm̧m̧ani kain̄i ko n̄an ro jibwid im jim̧m̧ad (lale Luk 24:52–53; Katak im Bujen Ko 103:13–14).

N̄an meļeļe ko reļļapļo̧k repād ilo “Tampeļ ko” im “Family History” (Gospel Topics, topics.ChurchofJesusChrist.org).

25.1

An membōr im Ritōl Bōk kuņaer ilo Tampeļ im Jerbal in Menmenbwij an Baam̧le

Membōr ro an Kabun̄ in kar bōk iien em̧m̧an im eddo n̄an jipan̄ kobaik baam̧le ko aer indeeo. Rej kepooj er make n̄an kōm̧m̧ani bujen ko ilo aer būki kain̄i ko an tampeļ, n̄an aer kajjieon̄ in kōjparok bujen ko.

Membōr ro an Kabun̄ in kar rōjan̄ er n̄an kappukot ro nukuier remej ro rekar būki kain̄i ko an tampeļ. Innām membōr ro rej kōm̧m̧an kain̄i ko ilo etan ro nukuier (lale Katak im Bujen Ko 128:18). Ilo laļ eo an jetōb, kajjojo armej ro rekar mej remaron̄ kālet n̄an bōke ak jab bōke kain̄i ko me kar kōm̧m̧ani n̄an er.

25.1.1

Eddo ko an Kajjojo Armej n̄an Pād ilo Tampeļ

Membōr ro rej kālet n̄an er make n̄āāt im ewi emakijkij in n̄an kabun̄jar ilo tampeļ. Ritōl ro rejjab ejaaki menin kōttōpar in nōm̧ba ko ak riboot in jejtōm̧ ko n̄an ro rej etal n̄an tampeļ.

25.2

Ejaake Tampeļ im Jerbal in Menmenbwij an Baam̧le ilo Ward eo

25.2.1

Bisoprik

Bisoprik eo ej jerbal ippān būreejtōnji ko an doulul eo an elder ro im Doulul eo an Kōrā ro ilo aer tōl jerbal in tempeļ an ward eo im kijejeto ko an menmenbwij an baam̧le. Ritōl rein rej kōkapilōklōk doon aolep iien.

Bisoprik eo ebarāinwōt wōr aer eddo ko n̄an tampeļ im jerbal in menmenbwij an baam̧le ilo ward eo:

Rej lale bwe katak ko im kōjeram̧m̧an ko an jerbal an tampeļ im menmenbwij an baam̧le rōn katakin aolep ilo kweilo̧k ko an ward eo.
Lale bwe tampeļ im jerbal in menmenbwij an baam̧le ej tōl ilo ward ko̧o̧njeļ im kweilo̧k ko an jodikdik ilo ward eo.
Lale karōkan kūlaaj ko an m̧aanjabpopo an tampeļ (lale 25.2.8).
Leļo̧k peba in mālim ko n̄an deļo̧n̄e tampeļ (lale jepta 26).

25.2.2

Būreejtōnji ko an Doulul eo an Elder ro im Doulul eo an Kōrā ro

Būreejtōnji ko an doulul eo an elder ro im Doulul eo an Kōrā ro rej tōl kijejeto ko an tampeļ im menmenbwij an baam̧le raan n̄an raan ilo ward eo (lale 8.2.4 im 9.2.4). Rej jerbal ippān doon n̄an tōl kijejeto kein ippān ward ko̧o̧njeļ eo, ium̧win tōļ eo an bisop eo.

Ritōl rein ewōr ippāer eddo kein rej ellaajrak:

Jipan̄ membōr keppopo n̄an būki kain̄i ko an tampeļ n̄an kōm̧m̧ani bujen ko.
Rōjan̄ membōrro n̄an kabun̄jar ilo tampeļ ko jon̄an wōt aer maron̄.
Rōjan̄ membōr ro n̄an ekkatak kōn ro jibwier im jim̧m̧aer n̄an kōm̧m̧ani kain̄i ko ilo etaer.
Tōl jerbal eo an ritōl eo an ward eo an tampeļ im menmenbwij an baam̧le. N̄e ritōl in ejjan̄in kar kūr, juon membōr in būreejtōnji eo an doulul eo an elder ro ej jerbale eddo in (lale 25.2.3).

Būreejtōn eo an doulul eo an em̧m̧aan ro ej jitōn̄e juon membōr in būreejtōnji n̄an jipan̄ tōl jerbal ko an tampeļ im menmenbwij ko an baam̧le ilo ward eo. Membōr in būreejtōnji kein ruo rej jerbal ippān doon. Rej pād ilo kweilo̧k ko an ward tampeļ im menmenbwij an baam̧le (lale 25.2.3).

25.2.3

Ritōl eo an Tampeļ im Menmenbwij an Baam̧le

Bisop eo ej kōnono ippān stake būreejtōn eo n̄an ļōmņake eļan̄n̄e kūr juon ritōl an ward tampeļ im menmenbwij an baam̧le. Armej in eaikuj juon eo ej kabwijer Melkisedek Priesthood eo.

Ritōl eo an ward tampeļ im menmenbwij an baam̧le ej rie būreejtōnji eo an doulul eo an elder ro im Doulul eo an Kōrā ro ilo eddo ko aer an tampeļ im menmenbwij an baam̧le. E ebarāinwōt wōr ippān eddo kein:

Tōl kweilo̧k ko an ward tampeļ im menmenbwij an baam̧le (lale 25.2.7
Ej katakin rijipan̄ ro an ward tampeļ im menmenbwij an baam̧le. Lale kijejeto ko aer n̄an jipan̄ membōr ro kōn tampeļ im jerbal in menmenbwij an baam̧le.
Jerbal ippān ritōl eo an mijen ilo ward im mijinede ro n̄an jipan̄ ro rej ekkatak gospel in, membōr ro rekāāl, im membōr ro rej ro̧o̧ltok ren bōk kuņaer ilo tampeļ im jerbal in menmenbwij an baam̧le.

25.2.4

Rijipan̄ ro an Ward Tampeļ im Menmenbwij an Baam̧le

Rijjipan̄ ro an ward tampeļ im menmenbwij an baam̧le ej jerbal ium̧win tōl eo an ritōl eo an ward tampeļ im menmenbwij ak eo uwaan būreejtōnji eo an doulul eo an elder ro me ej bōk jerbal in. Ro uwaan bisoprik ro rej kūr membōr rein n̄an jerbal. Ro rōrūtto im jodikdik ro maron̄ bar kūr er.

Rijipan̄ ro ro ewōr ippāer jerbal kein:

Jipan̄ membōr ro en̄jake kōjeraam̧m̧an ko n̄an kappukot ro jibwier im jim̧m̧aer n̄an kōm̧m̧ani kain̄i ko an tampeļ ilo etaer.
Jipan̄ membōr ro keppopo n̄an bōk kain̄i ko an tampeļ im kōm̧m̧ani bujen ko.
Pād ilo kweilo̧k ko an tampeļ im menmenbwij an baam̧le (lale 25.2.7).

25.2.7

Kōjekiik Kweilo̧k ko an Tampeļ im Menmenbwij an Baam̧le

Kweilo̧k in kōtōbalbal ko rekkadu an ward tampeļ im menmenbwij an baam̧le rej kōm̧m̧an emakijkij. N̄e ritōl eo an ward tampeļ im menmenbwij an baam̧le em̧ōj an kūr, ej tōl kweilo̧k kein. Ijoke, membōr in būreejtōn ro an doulul eo an elder ro emaron̄ tōl jerbal in.

Ro jet me rej ruwainene ekoba:

Membōr ro emōj kappeik er an būreejtōnji eo an Doulul eo an Kōrā ro im doulul eo an elder ro.
Juon rijipan̄ jen doulul eo an pris ro.
Juon membōr jen būreejtōnji eo an kūlaaj eo erūtto an Doulul eo an Jiron̄ ro.
Rijipan̄ eo an tampeļ im menmenbwij an baam̧le.

Jibadbad eo an kweilo̧k in ej n̄an:

Karōke elmen n̄an jipan̄e ward membōr ro kōn tampeļ im jerbal in menmenbwij eo aer n̄e kar kajjitōk.

Kweilo̧k kein remaron̄ kōm̧m̧an ilo likieo in armej ak ilo online. Loloorjake m̧akūtkūt ko emaron̄ barāinwōt kōm̧m̧an ilo wāween ko jet, ekoba talboon ko, text, im email ko.

25.2.8

Kooj ko n̄an Kōppopo n̄an Tampel

Ium̧win tōl eo an bisop, juon kooj in keppopo n̄an tampeļ emaron̄ ejaak n̄an jipan̄ membōr ro keppopo n̄an kōm̧m̧ani bujen ko ilo aer bōk kain̄i ko an tampeļ. Kooj kein rej kōm̧m̧an itulikin awa in jar ko ilo Jabōt ilo juon iien em̧m̧an n̄an membōr ro. Remaron̄ kōm̧m̧ane ilo im̧ōnjar eo ak ilo juon em̧.

Katak ko im kōmeļeļe ko n̄an ejaake kūlaaj eo rej pād ilo Endowed from on High: Temple Preparation Seminar Teacher’s Manual. Ro rej bōk kuņaer rej bōk juon kape in Preparing to Enter the Holy Temple. N̄an ekkatak an juon make im kein jipan̄ katakin, lale temples.ChurchofJesusChrist.org.

25.4

Family History Center ko

25.4.1

Bwebwenato ko me Rej Jipan̄ Kōj Kōkm̧anm̧anļo̧k Jem̧jerā ko Ad

My Family: Stories That Bring Us Together ejipan̄ armej ro lo ro nukuier im ro jibwier im jim̧m̧aer n̄an aiini bwebwenato ko aer. Bok in emaron̄ bar jipan̄ membōr ro jino kepooj etan baam̧le ko aer n̄an kain̄i ko an tampeļ.

Bok in emaron̄ in kanne ilo ChurchofJesusChrist.org. Kape ko maron̄ ortari ilo store.ChurchofJeusChrist.org.

25.4.2

FamilySearch.org and FamilySearch Apps

FamilySearch.org ej website eo an Kabun̄ in n̄an Jerbal in tampeļ im menmenbwij an baam̧le. Emaron̄ jipan̄ ro rej kōjerbali:

Kalōk menmenbwij ko an baam̧le im jemdoon ko.
Lo ro jibwier im jim̧m̧aer im bwebwenato ko aer.
Kwaļo̧k im kōjparok bwebwenato ko an baam̧le, pija ko, im bwebwenato ko.
Kepooj etan baam̧le ko n̄an kain̄i ko an tampeļ.

Lale FamilySearch Tree app im FamilySearch Memories app ekōmaron̄ armej ro n̄an bōk kuņaer ilo tampeļ im jerbal in menmenbwij an baam̧le jān device ko nejier.

25.5

Kōmālim im Kūr Rijerbal ro an Tampeļ

25.5.1

Leļok Rijerbal ro n̄an Tampeļ

Rijerbal ro an tampeļ rej kalikkar wāween kein ilaļ:

Membōr ro rej kalikkkar jen bisop eo ak bar juon ritōl.
Membōr ro rej loļo̧k bisop eo n̄an jerbal.
Membōr ro kar kōmālim jen tempeļ būreejtōn eo, matron eo, ak bar juon ritōl an tampeļ.
Membōr ro me rej m̧aanjabpopo n̄an ak kiiō epaak kar ro̧o̧ltok jān jerbal in mijenede (lale jepta 24)

Āt ko rekkar bwe ren rijerbal ro an tampeļ rej jilkinļo̧k ilo Recommend Temple Worker tool. Tool in ej jerbal n̄an bisop ro, stake būreejtōn ro, im tampeļ būreejtōnji ro.