Masungula Mangatshibua mu Mukanda Munena wa Maludiki

Contents
Dibeji dia Dîna
Dienzela Masungula Mangatshibua mu Mukanda Munena wa Maludiki
Malongesha a Nshindamenu
- 0. Tshikepeshelu tshia Tshibangilu
- 1. Dilongolola dia Nzambi ne Bujitu Bueba mu Mudimu wa Lupandu ne Dizanjikibua
- 2. Kuambuluisha Bantu ne Mêku mu Mudimu wa Lupandu ne Dizanjikibua
- 3. Nshindamenu ya Buakuidi
- 4. Bulombodi ne Bipangu mu Ekelezia wa Yezu Kilisto
Ndongoluelu wa Ekelezia
- 5. Bulombodi Bunena ne bua Ntenji
- Bulombodi bua Dikunji
- 7. Buepiskopo
- 8. Mpuilu wa Bakulu
- 9.Nsangilu wa Diambuluisha
- Mpuilu ya Buakuidi bua Alona
- Bansongakaji
- Tshilongelu tshia Mbedi
- 13. Tshilongelu tshia Dialumingu
- 14. Bidimba Bidi Nkaya
- 15. Seminaire ne Institut ya Tshitendelelu
Mudimu wa Lupandu ne Dizanjikibua
- Kuteka Lumu Luimpa lua Yezu Kilisto mu Tshienzedi
  - 16. Kuteka Lumu Luimpa lua Yezu Kilisto mu Tshienzedi
  - 17. Kulongesha Lumu Luimpa
  - 18. Kukumbaja Milulu ne Mabenesha bia Buakuidi
  - 19. Misambu
  - 20. Bibilu
- Kuambuluisha Bantu Badi mu Majinga
  - 21. Dikuba
  - 22. Kuandamuna ku Majinga a mu Mubidi ne Kuibaka Budikadidi
- Kubikila Bantu Bonsu bua Kupeta Lumu Luimpa
  - 23. Kutangalaja Lumu Luimpa ne Kukankamika Bidimba Bipia-bipia ne Bidi Bipingana
  - 24. Manyisha ne Kusadila kua Muena Bukenji
- Kukunguija Mêku bua Tshiendelela
  - 25. Mudimu wa Ntempelo ne wa Muyuki wa Dîku mu Tshikongu ne mu Dikunji
    - 25.0. Tshibangilu
    - 25.1. Dibuela dia Tshidimba ne Mulombodi mu Mudimu wa Ntempelo ne wa Muyuki wa Dîku
    - 25.2. Kulongolola Mudimu wa Ntempelo ne wa Muyuki wa Dîku mu Tshikongu
    - 25.4. Mishindu ya Kuenzela Nayi Muyuki wa Dîku
    - 25.5. Kuanyishila ne Kubikila Bena Mudimu ba Ntempelo
  - 26. Manyisha a Kubuela mu Ntempelo
  - 27. Milulu ya Ntempelo bua Bantu Badi ne Moyo
  - 28. Milulu ya Ntempelo bua Bafua
Bulongolodi Bua Ekelezia
- 29. Bisangilu mu Ekelezia
- 30. Mabikila mu Ekelezia
- 31. Miyuki ya Nkaya ne Bisangilu Bikuabu ne Bidimba
- 32. Bipangu bia Dikudimuna dia Mutshima ne Buikadi bua Tshidimba mu Ekelezia
- 33. Miandiku ne Milubu
- 34. Mpetu ne Dilondolola
- 35. Kulama ne Kuenza Mudimu ne Nzubu ya Bisangilu
- 36. Kufuka, Kukudimuna, ne Kufila Mena kua Bitupa Bipia-bipia
  - 36.0. Tshibangilu
- 37. Makunji, Bikongu, ne Matamba Bisunguluka
- 38. Ngenzelu ne Maludiki Makuabu a Ekelezia

25. Mudimu wa Ntempelo ne wa Muyuki wa Dîku mu Tshikongu ne mu Dikunji

“25. Mudimu wa Ntempelo ne Muyuki wa Dîku mu Tshikongu ne mu Dikunji,” Masungula Mangatshibua mu Mukanda Munena wa Maludiki (2023).

“25. Mudimu wa Ntempelo ne muyuki wa Dîku mu Tshikongu ne mu Dikunji,” Masungula Mangatshibua mu Mukanda Munena wa Maludiki

25.

Mudimu wa Ntempelo ne Muyuki wa Dîku mu Tshikongu ne mu Dikunji

25.0

Tshibangilu

Mudimu wa ntempelo ne muyuki wa dîku bidi mishindu ya disanga ne disuika mêku bua tshiendelela (tangila Matayo 16:19). Mudimu ewu udi wangata:

Kuenza bipungidi patudi tuenza milulu yetu nkayetu mu ntempelo (tangila Yeshaya 55:3; Dilongesha ne Bipungidi 84:19–23).
Dijandula bankambua betu bafua ne kubakumbajila milulu mu ntempelo bua benza bipungidi ne Nzambi (tangila Malaki 4:5–6; 1 Kolinto 15:29; Dilongesha ne Bipungidi 128:15–18).
Kuya mu ntempelo misangu yonsu, padibi mua kuenzeka, kukukuila Nzambi ne kukumbajila bana benda milulu (tangila Luka 24:52–53; Dilongesha ne Bipungidi 109:13–14).

Ngumu ya bungi idi koku ku “Temples” and “Family History” (Gospel Topics, topics.ChurchofJesusChrist.org).

25.1

Dibuela dia Tshidimba ne Mulombodi mu Mudimu wa Ntempelo ne Muyuki wa Dîku

Bidimba bia Ekelezia bidi ne bunema ne bujitu bua kuambuluisha bua kusuika mêku abu bua tshiendelela. Badi badilongolola bua kuenza bipungidi padibu bapeta milulu ya ntempelo ne badienzeja bua kunemeka bipungidi ebi.

Bidimba bia Ekelezia bidi bikankamikibua bua kumanya balela babu bafua badi kabayi bapeta milulu ya ntempelo. Bidimba bidi bikumbaja milulu mu dina dia balela aba (tangila Dilongesha ne Bipungidi 128:18). Mu muaba wa nyuma, bantu bafua aba badi mua kusungula bua kuitaba anyi kubenga milulu ivua mikumbaja buabu.

25.1.1

Bujitu bua Muntu Nkaya bua Dibuela mu Ntempelo

Bidimba bidi bipangadika nkayabi diba ne mushindu wa kukukuila mu ntempelo. Balombodi kabena benza bungi anyi anyi mulubu wa badi babuela mu ntempelo to.

25.2

Kulongolola Mudimu wa Ntempelo ne wa Muyuki wa Dîku mu Tshikongu

25.2.1

Buepiskopo

Buepiskopo budi bulongolola pamua ne bulombodi bukulu bua mpuilu wa bakulu ne bua Nsangilu wa Diambuluisha padibu balombola didienzeja dia tshikongu bua mudimu wa ntempelo ne muyuki wa dîku. Balombodi aba badi babelangana pamua misungu yonsu.

Buepiskopo budi kabidi ne majitu adi alonda â bua mudimu wa ntempelo ne muyuki wa dîku mu tshikongu:

Kutuishibua ne dilongesha ne mabenesha bia mudimu wa ntempelo ne muyuki wa dîku bibi bilongeshibua mu Ekelezia.
Kutuishibua ne mudimu wa ntempelo ne muyuki wa dîku bidi bikala bikumbajangana mu tshipangu tshia tshikongu ne mu bisangilu bia bipangu bia bansonga mu tshikongu.
Kumonanuna ndongoluedi wa kalasa ka kudilongolola bua kuya ku ntempelo (tangila 25.2.8).
Kufila dianyisha dia kubuela mu ntempelo (tangila shapita 26).

25.2.2

Bulombodi Bukulu bua Mpuilu wa Bakulu ne bua Nsangilu wa Diambuluisha

Bulombodi bukulu ba mpuilu wa bakulu ne bua Nsangilu wa Diambuluisha badi balombola ku dituku ne ku dituku didienzeja dia tshikongu bua mudimu wa ntempelo ne muyuki wa dîku. (tangila 8.2.4 ne 9.2.4). Badi benza mudimu pamua bua kulombola didienzeja ne tshipangu kukudikumbajangana dia muepiskopo.

Balombodi aba badi ne majitu adi alonda â:

Kuambuluisha bidimba bua bidilongolola bua kupeta milulu ya ntempelo ne kuenza bipungidi mu ntempelo.
Kukankamika bidimba bua kukukuila mu ntempelo padi nsombelu wabu ubitabijila.
Kukankamika bidimba bua bilonga pa bankambua babu ne kubakumbajila milulu ya ntempelo mu dina diabu.
Kulombola mudimu wa mulombodi wa ntempelo ne muyuki wa dîku mu tshikongu. Padi mulombodi ewu kayi mubikila, tshidimba tshia mu bulombodi bukulu bua mpuilu wa bakuidi tshidi tshiuja mudimu ewu (tangila 25.2.3).

Mulombodi mukulu wa mpuilu wa bakulu ne wa Nsangilu wa Diambuluisha yonsu udi ufila tshidimba tshia mu bulombodi bukulu bua kuambuluisha mudimu wa ntempelo ne muyuki wa dîku mu tshikongu. Bidimba bibidi ebi bia bulombodi bukulu bidi bienzela mudimu pamua. Badi babuela mu bisangilu bia diakaja mudimu wa ntempelo ne muyuki wa dîku mu tshikongu (tangila 25.2.7).

25.2.3

Mulombodi wa Muyuki wa Ntempelo ne Dîku mu Tshikongu

Buepiskopo budi buyukila ne mulombodi mukulu wa dikunji bua kupangadika padibi bikumbana bua kubikila mulombodi wa mudimu wa ntempelo ne muyuki wa dîku mu tshikongu. Muntu ewu udi bua kuikala muena Buakuidi bua Melekisedeke.

Mulombodi wa mudimu wa ntempelo ne muyuki wa dîku mu tshikongu udi ukuatshisha bulombodi bukulu bua mpuilu wa bakulu ne bua Nsangilu wa Diambuluisha mu mudimu wabu wa ntempelo ne muyuki wa dîku. Udi kabidi ne majitu adi alonda â:

Udi ulombola bisangilu bia diakaja mudimu wa ntempelo ne muyuki wa dîku (tangila 25.2.7).
Badi balongesha bebeji ba mudimu wa ntempelo ne muyuki wa dîku mu tshikongu. Badi bakajangana didienzeja diabu bua kuambuluisha bidimba ne mudimu wa ntempelo ne muyuki wa dîku.
Badi benza mudimu ne mulombodi wa bukenji wa tshikongu ne bena bukenji bua kuambuluisha bonsu badi balonga lumu luimpa, bidimba bipiabipia ne bidimba bidi bipingana bua bidibueja mu mudimu wa ntempelo ne muyuki wa dîku.

25.2.4

Bebeji ba Mudimu wa Ntempelo ne Muyuki wa Dîku mu Tshikongu

Bebeji ba mudimu wa ntempelo ne muyuki wa dîku mu tshikongu badi basadila muinshi mua mulombodi wa mudimu wa ntempelo ne muyuki wa dîku mu tshikongu anyi tshidimba tshia mu bulombodi bukulu bua mpuilu wa bakulu udi ukumbaja mudimu eu. Buepiskopo budi bubikila bidimba ebi bua kusadila. Bakola ne bansonga badi mua kubikidibua.

Bebeji badi ne majitu â:

Kuambuluisha bidimba bua kumanya mabenesha bua kujandula bankambua babu ne kukumbaja milulu ya ntempelo mu dina diabu.
Kuambuluisha bidimba bua bidilongolola bua kupeta milulu ya ntempelo ne kuenza bipungidi mu ntempelo.
Kubuela mu bisangilu bia diakaja bia mudimu wa ntempelo ne muyuki wa dîku (tangila 25.2.7).

25.2.7

Bisangilu Bia Diakaja Mudimu wa Ntempelo ne Muyuki wa Dîku mu Tshikongu

Bisangilu bikesa ne bia tshitupa bia diakaja mudimu wa ntempelo ne muyuki wa dîku mu tshikongu bidi bienzeka misangu yonsu. Padi mulombodi wa mudimu wa ntempelo ne muyuki wa dîku mu tshikongu mubikidibua, udi uludika bisangilu ebi. Mu mushindu mukuabu, tshidimba tshia bulombodi bukulu bua mpuilu wa bakulu tshidi tshikumbaja mudimu ewu wa kulombola.

Bakuabu badi babikidibua badi bu mudi:

Bidimba bidi bitumibua mu bulombodi bukulu bua Nsangilu wa Diambuluisha ne bua mpuilu wa bakulu.
Muambuluishi wa mu mpuilu wa bakuidi.
Tshidimba tshia mu bulombodi bukulu bua kalasa ka Bansongakaji mikola.
Bebeji ba mudimu wa ntempelo ne muyuki wa dîku.

Kipatshila tshia bisangilu ebi tshidi tshia:

Kulongolola mushindu musunguluka udi uleja mua kuteka mu tshienzedi mudimu wa ntempelo ne muyuki wa dîku mudibi bilomba.

Bisangilu ebi bidi mua kuenzeka mpala pa mpala anyi ku ntanta. Dijadikangana edi didi mua kuenzeka ku mishindu mikuabu, biangata diyukila ku telefona, kufunda ne email.

25.2.8

Kalasa ka Kudilongolola Bua Kuya ku Ntempelo

Ku buludiki bua muepiskopo, kalasa ka kudilongolola bua kuya ku ntempelo kadi mua kulongolodibua bua kuambuluisha bidimba bua bidilongolola bua kuenza bipungidi padibu bapeta milulu ya ntempelo. Malonga â adi enzeka pa diba dia tshianana diumvuangana ne bidimba pa kumbusha Dialumingu bua bisangilu bia tshibidilu. Bidi mua kuenzekela mu nzubu ya bisangilu anyi kumbelu.

Malongesha ne maludiki bua kulongolola dilonga adi mu Endowed from on High: Temple Preparation Seminar Teacher’s Manual. Balongi badi bapeta kakanda Preparing to Enter the Holy Temple. Bua didilongela dia nkaya ne mishindu ya malonga, tangila temples.ChurchofJesusChrist.org.

25.4

Mishindu ya Kuenzela Nayi Muyuki wa Dîku

25.4.1

Dîku Dianyi: Miyuki idi Itusangisha pamue

Dîku Dianyi: Miyuki idi Itusangisha pamue udi wambuluisha bantu bua kujandula balela ne bankambua ne kukunguija miyuki yabu. Kakanda aka kadi mua kuambuluisha bidimba bua kubanga kulongolola mena a mu dîku bua milulu ya ntempelo.

Kankanda aka kadi mua kuangatshibua ku ChurchofJesusChrist.org. Kakanda ka mabeji kadi mua kusumbibua ku store.ChurchofJesusChrist.org.

25.4.2

FamilySearch.org ne Application ya FamilySearch

FamilySearch.org tshidi website bua mudimu wa ntempelo ne muyuki wa dîku bia ekelezia. Udi mua kuambuluisha kabidi benji:

Kuleja bulela mu mutshi wa dîku ne mapetshianganyi.
Dijandula dia bankambua ne miyuki yabu.
Kuabanya ne kulama miyuki ya dîku, foto, ne malu a kala.
Kulongolola mena a dîku bua milulu ya Ntempelo.

Application wa FamilySearch ne Application wa FamilySearch Memories idi yambuluisha bantu bua kudibueja mu mudimu wa ntempelo ne malu a kala wa dîku ku pitshila ku tefona.

25.5

Kuanyishila ne Kubikila Bena Mudimu ba Ntempelo

25.5.1

Kuanyishila Bena Mudimu ba Ntempelo

Badi mua kuikala benji ba mudimu mu ntempelo badi bamueneshibua mu mishindu idi ilonda eyi:

Bidimba bidi bimueneshibua kudi muepiskopo anyi kudi mulombodi mukuabu wa tshikongu
Bidimba bidi bidisemeja kudi muepiskopo ku disadila
Bidimba biangisha kudi mulombodi mukulu wa ntempelo, kudi mukaji wenda, anyi kudi mulombodi mukuabu wa ntempelo
Bidimba bidi bilongolola nunku anyi bidi bifuma ku dialukila dia bukenji bua disadila. (tangila shapita 24)

Mena a aba badi mua kuenza mudimu mu ntempelo adi atumibua ku dienzela mu Recommend Temple Worker tool. Mushindu ewu udiku bua bepiskopo, balombodi bakulu ba makunji, ne bulombodi bukulu ba ntempelo.