“25. Utom Temple ye Family History ke Ward ye Stake,” Se Emekde eto Ofuri Ŋwed Ndutum (2023).

“25. Utom Temple ye Family History ke Ward ye Stake,” Se Emekde eto Ofuri Ŋwed Ndutum

25.

Utom Temple ye Family History ke Ward ye Stake

25.0

Ntɔŋɔ

Utom temple ye family history edi usuŋ edibono nyuŋ ndian mme ufɔkemana ke (se Matthew 16:19). Utom emi esine:

Ndinam ediomi ke nte nnyin ibɔde mme edinam temple nnyin (se Isaiah 55:3; Doctrine ye Covenants 84:19–23).
Edifiɔk mbon ntɔŋɔ-ubon nnyin emi ekekpade nyuŋ nam mme edinam nnɔ mmɔ ke temple man mmɔ ekeme edi-nam ediomi ye Abasi (see Malachi 4:5–6; Akpa Nwed Corinth 15:29; Doctrine ye Covenants 128:15–18).
Edika temple ndien-ndien, ke ukeme odude, man ekekpono Abasi onyuŋ anam mme edinam ɔnɔ nditɔ Esie (see Luke 24:52–53; Doctrine ye Covenants 109:13–14).

Ediwak etop odu ke “Mme Temple” ye “Family History” (Mme Ibuot-ikɔ Ikɔ Abasi, topics.ChurchofJesusChrist.org).

25.1

Ebuana Owo Ufɔk Abasi ye Adausuŋ ke Utom Temple ye Family History

Mbon ufɔk Abasi enyene unen ye ubiɔŋ-utom edinwam ndian mme ufɔkemana ke nsinsi. Mmo ebeŋe-idem idem mmɔ man enam ediomi ke nte mmɔ ebɔde mme edinam temple, enyuŋ edomo edinim mme ediomi oro.

Eteme mbon ufɔk Abasi ete ediɔŋɔ mbon ntɔŋɔ-ubon mmɔ emi mikibɔhɔ mme edinam eke temple. Ekem mbon ufɔk Abasi ekenam mme edinam ke ibuot mbon oro (se Doctrine ye Covenants 128:18). Ke obio ekpo, mme akpa mkpa ekeme edimek edinime mme edisin mme edinam emi ekenamde enɔ mmɔ.

25.1.1

Ubiɔŋ Owo Enyenede ke Edika Temple

Mbon ufɔk Abasi ebiere enɔ idem mmɔ ini ye usuŋ nte ediwakde edika nketuak-ibuot ke temple. Mme adausuŋ inimke ibat mme usuŋ edinam-ibat nno edika temple.

25.2

Editum Utom Temple ye Family History ke Ward ye Stake

25.2.1

Bishopric

Bishopric ediana ye mme presidency eke eboho elders ye Relief Society ke nte mmo edade usuŋ ke utom temple ye family history ke ward. Mme adausuŋ emi esineme ɔtɔkiet kini-kini.

Bishopric nko enyene mme ubiɔŋ-utom emi enɔ utom temple ye family history. ke ward:

Ekut ete ke ekpep ukpepŋkpɔ ye mme edidiɔŋ eke utom temple ye family history ke ufɔk Abasi.
Ekut ete ke ekama utom temple ye family history ke mme mbono esop eke ward ye esop iwaad ke ward.
Etie-ese nte enamde mme ukpepŋkpɔ mbeŋe-idem edika temple (se 25.2.8).
Enɔ recommend eke temple (se ibuot Edip-ye-itiokiet).

25.2.2

Mme Presidency eke Eboho Elders ye Relief Society

Mme presidency eke eboho elders ye Relief Society eda usuŋ ke utom temple ye family history ke ward ke kpukpru usen (se 8.2.4 ye 9.2.4). Mmɔ enam utom ɔtɔkiet ke edikama utom emi ke mbono ward, ke idak ukara eke bishop.

Mbon adausuŋ emi enyene mme ubiɔŋ-utom emi:

Enwam mbon ufɔk Abasi ebeŋe-idem man ebɔ mme edinam temple enyuŋ enam ediomi temple mmɔ.
Eteme mbon ufɔk Abasi man esiwak edikituak-ibuot ke temple ke nte ndaha mmɔ enyimede.
Eteme mbon ufɔk Abasi ete ekpep ebaŋa mbon-ntɔŋɔ-ubon mmɔ enyuŋ enam mme edinam temple ke ibuot mmɔ.
Eda usung ke utom eke adausuŋ temple ye family history ke ward. Edieke mikotke adausuŋ emi, owo presidency eke eboho elders eyenam utom emi (se 25.2.3).

Adaibuot eke eboho elders ye Relief Society kiet-kiet edeme-utom enɔ owo presidency oro ete anwam ada usung ke utom temple ye family history ke ward. Mbon presidency iba emi enam utom ɔtɔkiet. Mmɔ eduk mme esop ndutum eke temple ye family history eke ward (se 25.2.7).

25.2.3

Adausuŋ eke Temple ye Family History ke Ward

Bishopric eyesobo ye stake president man ebiere mme eyekot adasuŋ ke temple ye family history eke ward. Owo emi ana edi andikama Itie-oku Melchizedek.

Adausuŋ ke temple ye family history eke ward esinwam mme presidency eke eboho elders ye Relief Society ke mme ubiɔŋ-utom eke temple ye family history mmɔ. Enye nko enyene mme ubiɔŋ-utom emi:

Eda usuŋ ke mme esop ndutum eke temple ye family history eke ward (se 25.2.7).
Ekpep mme anam-utom eke temple ye family history ke ward. Ese ukeme mmɔ man enwam mbon ufɔk Abasi ye utom temple ye family history.
Enam utom ye adausuŋ ward mission ye mme ɔkwɔrɔ-ikɔ man enwam mbon emi ebɔde-ukpep iko Abasi, mbufa mbon ufɔk Abasi, ye mbon efiakde-edem edi enam utom temple ye family history.

25.2.4

Mme Anam-utom eke Temple ye Family History ke Ward

Mme anam-utom eke temple ye family history ke ward enam-utom ke idak ndausuŋ eke adausuŋ ward family history mme eke owo presidency eke eboho elders emi anamde utom emi. Bishopric okot mbon ufɔk Abasi emi man enam-utom. Ekeme edikot ikpɔ-owo ye mme iwaad.

Mme anam-utom enyene mme ubiong-utom emi:

Enwam mbon ufɔk Abasi ete enyene-ifiɔk edidioɔnŋ eke edifiɔk mbon-ntoɔŋɔ-ubon mmɔ enyuŋ enam mme edinam temple ke ibuot mmɔ.
Enwam mbon ufɔk Abasi ebeŋe-idem man ebɔ mme edinam temple enyuŋ enam ediomi temple mmɔ.
Ebuana ke mme esop ndutum eke temple ye family history eke ward (se 25.2.7).

25.2.7

Mme Esop Ndutum eke Temple ye Family History

Esinim mme ibio-ibio esop ndutum eke temple ye family history ke ward kini-kini. Edieke ekotde adausuŋ eke temple ye family history ke ward, enye akama-ndutum eke mme esop emi. Midihe ntre, owo presidency eke eboho elders emi anamde utom emi akama-ndutum.

Mbon efen se edikotde esine:

Mbon presidency eke Relief Society ye eboho elders eke enɔde ubiɔŋ emi.
Anwam-utom kiet ke eboho mme priest.
Owo presidency eke mkpon-nkan class eke Nkaiferi Iban.
Mme anam-utom eke temple ye family history.

Ufɔn mme esop edi man:

Eduak nte edinwamde asaŋa-asaŋa mbon ufɔk Abasi ye utom temple ye family history mmɔ ke nte esinde ebeŋe eyom.

Ekeme edinim mme esop ke idem-owo mme ke ŋkpɔ-ofim. Edi-tum nko ekeme edida-itie ke mme usuŋ efen, esinede edikot ke phone, ewewet-ikɔ eke phone, ye ke mme email.

25.2.8

Ukpepŋkpɔ Mbeŋe-idem Edika Temple

Ke idak ndausuŋ bishop, ekeme edi-nam ukpepŋkpɔ mbeŋe-idem edika temple man anwam mbon ufɔk Abasi ebeŋe-idem edidkinam ediomi ke nte mmɔ ebɔde mme edinam temple. Enim mme ukpepŋkpɔ emi ke ɔkpɔŋde mme ini esop eke usen Ederi ke ini ɔfɔnde ye mbon ufɔk Abasi. Ekeme edinim mmɔ ke ufɔk Abasi mme ke ufɔkiduŋ.

Mme ukpepŋkpɔ ye item ke edinim ukpep emi odu ke Ediɔŋde eto ke Enyɔŋ: Ŋwed Andikpep-ŋkpɔ Mbeŋe-idem Edika Temple. Enɔ mme andiduk ŋwed eke Edibeŋe-idem man Oduk Edisana Temple. Eke ŋkpɔ-unwam owo edikot ye ukpep, se temples.ChurchofJesusChrist.org.

25.4

Mme Ŋkpɔ-utom eke Family History

25.4.1

Ufɔkemanaa Mi: Mme Mbuk Eke Adade Nnyin Onim Ɔtɔkiet

Ufɔkemana Mi: Mme Mbuk Eke Adade Nnyin Onim Ɔtɔkiet anwam mme owo edifiɔk mbon-ebuana ye mbon-ntɔŋɔ-ubon enyuŋ etaŋ mbuk mmɔ enim. Ekpri-ŋwed emi ekeme edinwam mbon ufɔk Abasi etɔŋɔ ediyom mme enyiŋ mbon ufɔkemana mmɔ nim nnɔ mme edinam eke temple.

Ekeme editara-nkut ekpri-ŋwed emi ke ChurchofJesusChrist.org. Ekeme editobo mme ata idem ŋwed emi ke store.ChurchofJesusChrist.org.

25.4.2

FamilySearch.org ye mme Apps eke FamilySearch

FamilySearch.org edi website eke Ufɔk Abasi ɔnɔ utom temple ye eke family history. Oro ekeme edinwam mme andikama.

Anam mme uyire ye ebuana eke family tree.
Ekut mbon-ntɔŋɔ-ubon ye mme mbuk mmɔ.
Ebuana enyuŋ enehede mme mbuk ufɔkemana, ndise, ye mbuk-eset enim ɔfɔn.
Ebeŋe mme enyiŋ ufɔkemana eno mme edinam eke temple.

Ŋkpɔ app eke FamilySearch tree ye app eke Ŋkpɔ-editi FamilySearch anwma mme owo edibuana ke utom temple ye family history oto ke mme ŋkpɔ-utom ofim.

25.5

Editeme nyuŋ Ŋkot mme Anam-utom eke Temple

25.5.1

Editeme mbon se ekpekotde nte mme Anam-utom ke Temple

Edikut mbon ekpedide mme anamutom ke temple ke mme usuŋ ntem:

Mbon ufɔk Abasi emi bishop mme adausuŋ efen eke ward okutde.
Mbon ufɔk Abasi emi edɔhɔde bishop ete ke iyenwam.
Mbon ufɔk Abasi emi temple president, matron, mme adausuŋ efen eke temple ɔnɔde enyiŋ.
Mbon ufɔk Abasi emi ebeŋede-idem enɔ mme ekenyɔŋde utom ukwɔrɔ-ikɔ mmi-mmi edi (se ibuot Edip-ye-inaŋ

Esin mme enyiŋ eke mbon ekpedide mme anam-utom temple ke edida ŋkpɔ-utom eke Edinɔ-enyiŋ Anam-utom Temple. Ŋkpɔ-utom emi odu ɔnɔ mme bishop, stake president, ye mme presidency eke temple.