26.

Taropwen Mumutan Tonong non Tempel

26.0

Nepoputan

Tonong non ewe tempel ew fansoun ngonuk mi pin. Sou emwenin wart me steik repwe apochokuna meinisin memper repwe nimenimoch me wor echo nour taropwen mumutan tonong non tempel inamo ika rese nom arapakan ngeni ew tempel.

Sou emwenin Mwichefen repwe fori ukukun ar tongeni ar repwe kuna pwe meinisin ion mi tonong non ewe tempel ir mi nimenimoch ar repwe tonong (nengeni Psalm 24:3–5).

Epwe fokkun wor ren iei noun ekkewe memper taropwen mumutan tonong non ewe tempel.

Emon pisop epwe angei an kapasen aninis meren noun presetenin steik ika mi wor an kapaseis ussun taropwen mumutan tonong non tempel ekkewe rese ponu non ei sopun. Ewe presetenin steik mi tongeni epwe kokori ewe Ofesin ewe Aewin Presetensi fiti ekkei kapaseis.

26.1

Ekkewe sokkun Taropwen Mumutan Tonong non Tempel

Mei wor unungat sokkun taropwen mumuta:

1. Taropwen mumutan tonong non tempel fan iten ekkewe memper resemo efeioch non tempel. Ekkei taropwen mumuta fan iten ekkewe resemo efeioch non tempel ra riri ngeni iner me semer ika fori papatais fan iten emon me kapunguno. Ra for meren Leader and Clerk Resources(LCR). Ren pwan ekkoch porousan, nengeni 26.4.

2. Taropwen mumutan tonong non tempel ren ekkewe angangepin ren mi manau. Ekkei taropwen mumuta fan iten ekkewe memper ra angei ar pusin endowment ika riri ngeni punuwan ewe. Ewe taropwen mumuta fan iten ekkewe angangepin ren mi manau a kapach ngeni echo pukupukun taropwen mumutan tonong non tempel ren ekkewe memper mi efeiochuno (a aweweitw fan).

3. Taropwen mumutan tonong non tempel fan iten ekkewe memper ir mi efeioch. Ekkei mumuta fan iten ekkewe memper ekkewe ra fen pin efeioch. Ra for seni LCR. Ra mutata emon memper epwe pachenong non meinisin angangepin fan iten ewe mi mano. Ra pwan nounou nupwen emon memper mi efeioch a riri ngeni sam me in ika semirit mi manau ika mano. Ren pwan ekkoch porousan, nengeni 26.3.

26.2

Tumunun Ekkewe Taropwen Mumutan Tonong non Tempel

26.2.1

Sou Emwenin Pristut ra Tumunu Ekkewe Taropwen Mumutan Tonong non Tempel

Ekkewe sou emwenin pristut ra mumuta ar repwe anomu ekkewe puken taropwen mumutan tonong non tempel repwe tumunochu tumunur.

Ekkewe sou emwenin pristut repwe pwan tumunochu pwe ekkewe aramas rese mumuta ese wor rer ewe tufich ar repwe sinei porousen taropwen mumutan tonong non tempel non LCR.

26.2.3

Ekkewe Taropwen Mumuta Emon a Sonani ika Poutuno

Ewe pisop a ureni memper repwe mwitir esinei ngeni ika nour kewe taropwen mumuta a poutuno ika emon a sonani. I ika emon chon aninis ika soumak a aea LCR ne muttir chok ne oukano ewe mumuta. Ika ese wor ei system, ewe pisop a kori ewe ofesin tempel ren an ewe taropwen mumutan tonong non tempel epwe kouno.

26.2.4

Ekkewe mi wor Nour Taropwen Mumuta Rese Aponueta ewe Nonomun Nimenimoch

Ika ewe pisop a pochokunen ekiekieta pwe emon memper mi wor minen iei noun taropwen mumuta ese aponueta ekkewe nonnomun nimenimoch (nengeni 26.3), i epwe tingor ewe mumuta seni ewe memper. I a aea LCR ne oukano ewe mumuta. Ika ese wor ei system, ewe pisop a kori ewe ofesin tempel an ewe mumuta epwe kouno.

26.3

Ionapen Annukun Forun Ekkewe Taropwen Mumutan Tonong non Tempel

Ekkewe sou emwenin pristut repwe fori echo taropwen mumuta ika chok ewe memper a napanapoch ponuen ekkewe kapaseis ren taropwen mumutan tonong non tempel.

Interfiun taropwen mumutan tonong non tempel esap atapwanapwan. Repwe monomonono. Iwe nge, ewe aramas a interfiu a tongeni epwe kori pwan emon mei mukono an epwe nom.

Ekkewe sou emwenin pristut resap apachata met mi auchea epwe pwan pacheta ngeni ekkana ra affat non ewe puken taropwen mumutan tonong non tempel. Resap pwan atou met seni met aurour a fen nom.

Non steik, emon chon ewe presetensi ika sou makken steik a fori an epwe wor manamanen ewe taropwen mumutan tonong non tempel non LCR mwirin an a for. Non tristrik, emon chon ewe misin presetensi ika emon soumakken misin a fori an epwe wor manamanen ewe taropwen mumuta. Ekkewe taropwen mumutan ren chon tupuni emon ren papatais me kapunguno a manaman nupwen ra for seni emon chon ewe pisoprik ika seni ewe presetenin pranch.

26.3.1

Interfiun Taropwen Mumutan Tonong non Tempel ren Memper non Wart me Pranch

Non ew wart, ewe pisop ika emon chon aninis a fori interfiu ren taropwen mumutan tonong non tempel me forau ekkewe taropwen mumuta ngeni ekkana ir mi nimenimoch. Non ew pranch, ewe chok pranch preseten a fori interfiu ren taropwen mumutan tonong non tempel me fori ekkewe taropwen mumuta.

Non ew wart, ewe pisop epwe pusin interfiuni memper ion:

• Ra angei ar pusin endowment non tempel (nengeni 27.1 and 27.2).

• Ra riri ngeni punuwer (nengeni 27.3).

Non atapwanapwan non fansoun ewe pisop ese nom, meni epwe ngeni emon me nein noun kewe chon aninis ewe mumuta an epwe fori ekkei interfiu.

Me mwen echo taropwen mumuta epwe for non ese nifinifin sokkun nonnomun mi tetenitiw asan, ewe pisop a aneani noun ewe memper ewe rekot an epwe anetata pwe ese pachenong ew esisin ussun koukun chon choni Mwichefen. Ren memper ra angei pusin ar efeiochun non tempel ika ra riri ngeni emon punuwer, i epwe pwan nengenochu ena:

• An ewe aramas papatais me kapungunon ra rekotutiw won ewe rekotun chon memper.

• Ekkewe mwan non ewe Mwichefen ra angei ewe Melchizedek Pristut.

Mwirin ewe interfiu seni emon chon ewe pisoprik ika ewe presetenin pranch, emon chon ewe steik presetensi a interfiuni ekkewe memper ekkewe ra nom non ewe steik. Emon chon ewe misin presetensi a fori ewe ouruwen interfiu ren ekkewe memper ekkewe ra nom non ewe tistrik. Emon presetenin tistrik esap fori ekkewe interfiu ren taropwen mumutan tonong non tempel tiwenon chok ika a wor an mumuta seni ewe Aewin Presetensi.

26.3.2

Interfiu ren Taropwen Mumumutan Tonong non Tempel ren Memper non Ekkewe Neni Mi Towaweno Seni Ekkewe Neni.

Ekkoch memper ra nom non ekkewe neni ewe a forata momongun sai ika watten weiresin ar repwe churi emon chon ewe steik ika misin presetensi. Non ei kei sokkun napanap, emon presetensin tempel a tongeni epwe interfiuni ewe aramas me sainei ewe taropwen mumuta. Me mwen epwe fis ewe interfiu, i epwe porous ngeni ewe presetensin steik ika misin. Ewe pisop, emon chon aninis mi wor ren ewe mumuta, ika pranch preseten a fen interfiuni ewe memper me sainei ewe taropwen mumuta.

26.4

Awora Taropwen Mumutan Tonong non Tempel ngeni Memper Rese Efeioch non Tempel.

26.4.1

Unusen Annuk

Taropwen mumutan tonong non tempel ra for ngeni ekkewe memper rese efeioch non tempel ussun mi tetenitiw:

• Ren ierin memper 11 me watte seni epwe papatais me kapunguno ren ewe mi mano. (Mwichen Fopun me onuon mi epinipinino ra tufichin nounou taropwen mumutan tonong non tempel poputa non January ren ewe ier repwe ne ier 12.)

• Ren memper ier 8 ngeni 20 repwe riri ngeni semer me iner. Semirit kukkun seni 8 ese namot echo taropwewn mumuta ar repwe riri ngeni iner me semer (nengeni 26.4.4).

• Ren memper ier 8 ngeni 20 repwe katon ewe riri ren pwir me fefiner kewe ika mongeer ekkewe ir mi chok manau, pwir me mongeer chon mumunong, ika pwir mongeer nonno semer ika iner.

Memper ra fen pin efeioch non tempel esap wor nour ew me nein ekkewe taropwen mumuta a fen awewetiw non ei kinikin.

Emon mwan chon Mwichefen ewe a watte an epwe tongeni wor an pristut epwe efeioch ngeni ew wis non pristut me mwen epwe angei noun taropwen mumutan tonong non tempel.

26.4.2

Taropwen Mumutan Tonong non Tempel ren Ekkewe Minefon Member Ra Karan Papatais

Ewe pisop a interfiuni ewe minefon memper ewe ierin a tufichin an epwe angei echo taropwen mumutan tonong non tempel ren an epwe chok fori papatais me kapunguno fan itenn emon. I a fori ei interfiu mwirin chok an ewe memper kapunguno, napengeni a fis non ew chok wiik (nengen 26.4.1). Ren mwan non Mwichefen, ei interfiu meni epwe fis ussun kinikinin ewe interfiu an epwe angei ewe Aaronik Pristut.

26.4.3

Ekkewe Taropwen Mumutan Tonong non Tempel Ren Ewe Chok Chon Tupuni Emon ren Papatais me Kapunguno.

Ekkewe taropwen mumutan tonong non tempel ekkewe ra for ren an emon epwe tupuni emon ren fori papatais me kapunguno epwe chok for fan iten ena popun.

26.4.4

Ekkewe Taropwen Mumutan Tonong non Tempel ren Riri Fengenin Semirit mi Manau ngeni Semer me Iner.

Memper ion kewe ra 21 ika watte seni ra tongeni repwe riri ngeni semer me iner ika katon chok ew angangen riri fengen ika ra (1) epinipinino non tempel me (2) a fen wor nour taropwen mumutan tonong non tempel.

26.5

Forun Taropwen Mumutan Tonong non Tempel non Sokkun Napanap mi Sokono Auchean

26.5.1

Ekkewe Memper Ra Angei Pusin Ar Endowment non Tempel

Ekkewe memper mi nimenimoch repwe angei pusin angei ar endowment non tempel meni repwe fori meinisin ren ekkewe napanap mi tetenitiw:

• Ierir epwe 18 ier.

• Ra fen awesano ika rese chiwen fiti high school, ika secondary school, ika ir mi chok nonnopok.

• Ew ier unus a pasino seni ewe atun ra kapunguno.

• Ra mefi ew mochen ar repwe angei me afona ekkewe pwon mi pin non tempel non unusen manauer.

Non kapachetan, emon mwan epwe wor ren ewe Melchizedek Pristut me mwen epwe angei an pwon mi pin. Ren porous ussun ekkewe memper repwe angei pusin ar endowment non tempel, nengeni 25.2.8. Ren porous ussun ion epwe tongeni angei ewe endowment non tempel, nengeni 27.2.1.

26.5.3

Ekkewe Anuon Misineri ra Niwin seni Ar Angang Towaw seni Imwer

Ewe presetenin misin a watiw ranin me manamanen ewe tarowpen mumutan tonong non tempel pwe epwe wesino manamanan unungat maram seni ewe ran ewe misineri a niwin ngeni imwan.

Ewe pisop a interfiuni ekkewe misineri ra niwin sefan an epwe fori echo minefon taropwen mumutan tonong non tempel arapa ngeni an epwe sopono ewe unungat-maram fansoun epwe wesino manamanan.

26.5.4

Memper Resemo Nom non ewe Pwan Wart ren Arapakan Ew Ier.

Ewe pisop ika emon chon anisi a finita a kori ewe pisopun mwann me mwen epwe fori ew interfiu ren taropwen mumutan tonong non tempel.

26.5.7

Ekkewe Memper Ra Ekesiwini Nikinikir seni Met Ra Nom Won Seni Ar Uputiw

Ewe steik preseten epwe angei kapas ourour meren ewe Area Presetensi an epwe porous ussun nonomun emon me emon fiti meninin porous fiti tong ussun an Kraist ewe tong.(see 38.6.23).

26.5.8

Ekkewe Memper Ion A Fen Fori ew Watten Tipis

Emon memper a fori ew watten tipis meni esap angei echo taropwen mumutan tonong non tempel tori an epwe aier sefan (nengeni 32.6).

26.5.9

Ekkewe Memper Ra Pwan Niwinsefaninong mwirin Taropwen Choni Mwichefen a fen Katou ika Resain

26.5.9.1

Ekkewe Memper Resemo Efeiochun non Tempel

Ekkei memper meni esap for nour taropwen mumutan tonong non tempel ar repwe angei pusin ar endowment non tempel tori epwe unusono ew ier mwirin ewe ranin ar ra niwinsefan ngeni ewe Mwichefen seni ar papatais me kapunguno.

26.5.9.2

Ekkewe Memper Ra Fen Efeioch non Tempel

Ekkewe mempwe ra fen efeioch non tempel meni resap angei mo och sokkun taropwen mumutan tonong non tempel tori an ar kewe efeiochun non tempel repwe niwin sefan seni ewe angangepin ren eniwin sefanin ekkewe efeioch.