obispo oentrevistávo kuimba’épe

26.

Templo Recomendación-kuéra

26.0

Ñepyrũmby

Templo-pe jeike ha’e peteĩ privilegio sagrádo. Barrio ha estakagua liderkuéra omokyre’ỹ opavave miembro-pe tahekopotĩ ohupyty hag̃uáicha ha toguereko peteĩ templo recomendación oĩva vihénte, ndoikói ag̃uirõ jepe peteĩ templo-gui.

Tupaogua liderkuéra oñeha’ãmbaite ohecha hag̃ua opavave oikéva templo-pe tahekomarangatu oike hag̃uáicha (tojehecha Salmos 24:3–5).

Miembro-kuéra oguerekova’erã peteĩ templo recomendación vihénte oike hag̃ua templo-pe.

Peteĩ obispo oñemongetava’erã ijestakagua presidente ndive orekóramo porandukuéra templo recomendación rehegua noñembohováiva ko capítulo-pe. Estakagua presidente ikatu oñe’ẽ Primera Presidencia oficina ndive orekóramo porandukuéra.

26.1

Mba’eichagua Templo Recomendación-kuéra

Oĩ mbohapýichagua recomendación-kuéra:

1. Templo recomendación miembro-kuéra noñeivestírivape g̃uarã. Ko’ã recomendación ha’e umi miembro noñeivestírivape g̃uarã ojeselláva hína ituvakuéra ndive térã ojapóva bautismo ha confirmación-kuéra representante rehe. Umíva oñeme’ẽ Fuentes de Recursos para Líderes y Secretarios (LCR, inglés-pe) rupive. Ojehupytyve hag̃ua marandu, tojehecha 26.4.

2. Templo recomendación umi ordenánsa personal-rã. Ko’ã recomendación ha’e miembro-kuérape g̃uarã orresivíva hína iñinvestidúra térã ojesellátava iména/hembireko ndive. Pe recomendación umi ordenánsa personal-rã oñembojoaju peteĩ templo recomendación regular rehe miembro-kuéra oñeinvestívape g̃uarã (oñemombe’úva iguypeve).

3. Templo recomendación miembro-kuéra oñeinvestímavape g̃uarã. Ko’ã recomendación ha’e miembro-kuérape g̃uarã oñeinvestimava’ekue upemboyve. Umíva oñeme’ẽ Fuentes de Recursos para Líderes y Secretarios (LCR) rupive. Ko’ãva oautorisa peteĩ miembro-pe opartisipa hag̃ua opaite templo ordenansakuérape umi omanova’ekuére. Avei ojeiporu peteĩ miembro oñeinvestímava ojesellávo tuvakuéra térã mitãnguéra oikovéva térã omanómava rehe. Ojehupytyve hag̃ua marandu, tojehecha 26.3.

26.2

Oñemo’ãvo Templo Recomendación-kuéra

26.2.1

Sacerdocio Liderkuéra omo’ã Templo Recomendación-kuéra

Umi Sacerdocio lider ojeautorisáva oreko hag̃ua templo recomendación kuatiañe’ẽnguéra omo’ã porãva’erã umíva.

Sacerdocio liderkuéra avei ohecha ani hag̃ua umi ndojeautorisáiva oreko acceso templo recomendación marandúpe Fuentes de Recursos para Líderes y Secretarios-pe.

26.2.3

Recomendación-kuéra Okañy térã Oñemondáva

Pe obispo ojerure miembro-kuérape tonotifika chupe pya’ete ikatuháicha i-recomendación okañy térã oñemondáramo. Ha’e térã peteĩ consejero térã secretario oñeasignáva oiporu LCR okansela hag̃ua pe recomendación pya’ete ikatuháicha. Upe sistéma noĩriramo disponible, pe obispo oñe’ẽ templo oficina ndive okanselauka hag̃ua upe recomendación.

26.2.4

Umi Orekóva peteĩ Recomendación ha katu Ndovivíri Tekomarangatu Norma-kuéra

Pe obispo odeterminárõ peteĩ miembro orekóva peteĩ recomendación vihénte ndoviviriha hína umi tekomarangatu norma (tojehecha 26.3), ha’e ojerure pe recomendación upe miembro-gui. Ha’e oiporu Fuentes de Recursos para Líderes y Secretarios (LCR) sistéma okansela hag̃ua upe recomendación. Ndaipóriramo disponible upe sistema, pe obispo oñe’ẽ templo oficina ndive oñekansela hag̃ua pe recomendación.

26.3

Páutas Generales Oñeme’ẽ hag̃ua peteĩ Templo Recomendación

Sacerdocio liderkuéra ome’ẽva’erã peteĩ recomendación pe miembro ombohovái porãrõ añónte umi templo recomendación porandukuéra.

Umi entrevista Templo recomendación-rã ndojejapopya’éiva’erã. Ha ha’eva’erã privado-pe. Upevére, pe tapicha oñe’entrevistáva hína oinvitakuaa ambue kakuaápe oĩ hag̃ua upépe.

Sacerdocio liderkuéra nomoĩvéiva’erã ni peteĩ ambue rrekisíto umi ojejerurévagui pe templo recomendación kuatiañe’ẽme. Ni ndoipe’aiva’erã ni peteĩ umi rrekisíto.

Estakakuérape, peteĩ estakagua presidencia miembro térã peteĩ estakagua secretario oactiva pe templo recomendación Fuentes de Recursos para Líderes y Secretarios (LCR) sistéma-pe oñeme’ẽ rire. Distrito-kuérape, peteĩ misiõgua presidencia miembro térã peteĩ misiõgua secretario oactiva upe recomendación. Umi recomendación ojejapo hag̃ua bautismo ha confirmación representante rehe ojeactiva peteĩ obispado miembro térã rramagua presidente oimprimi vove pe recomendación.

26.3.1

Umi Entrevista Templo Recomendación-rã Barrio ha Rramagua Miembro-kuérape g̃uarã

Peteĩ barrio-pe, obispo térã peteĩ consejero oñeasignáva oisãmbyhy umi entrevista templo recomendación-rã ha ome’ẽ umi recomendación hekomarangatúvape. Peteĩ rrámape, rramagua presidente añónte oisãmbyhy umi entrevista templo recomendación-rã.

Peteĩ barrio-pe, obispo-ite oentrevista miembro-kuérape:

• Orresivítava hína iñinvestidura (tojehecha 27.1 ha 27.2).

• Ojesellátava hína iména/hembireko ndive (tojehecha 27.3).

Umi káso oñeikotevẽtereívape ha obispo noĩri disponible, ha’e oautorisakuaa peteĩ ikonsehérope oisãmbyhy hag̃ua umi entrevista.

Oimeraẽ umi situasiõ oje’évape yvateve, ome’ẽ mboyve peteĩ recomendación, obispo orrevisava’erã upe tapicha cédula de miembro ohecha hag̃ua ndaipóripa peteĩ anotasiõ Tupaogua membresía restricción reheguáva. Miembro-kuérape g̃uarã orresivíva hína iñinvestidúra térã ojeselláva hína iména / hembireko ndive, ha’e ohechava’erã avei:

• Pe tapicha bautismo ha confirmación toĩ registrado cédula de miembro-pe.

• Kuimba’éramo, torresivimava’ekue pe Melquisedec Sacerdocio.

Pe entrevista rire peteĩ obispado miembro térã rramagua presidente ndive, peteĩ estakagua presidencia miembro oentrevista miembro-kuéra oikóva pe estákape. Peteĩ misiõgua presidencia miembro oisãmbyhy entrevista miembro-kuérape g̃uarã oikóva peteĩ distrito-pe. Peteĩ distrito-gua presidente noisãmbyhýi entrevista templo recomendación-rã ỹrõ ojeautorisa Primera Presidencia rehe.

26.3.2

Umi Entrevista Templo Recomendación-rã Miembro-kuérape g̃uarã Oikóva umi Tenda Ha’eñóvape

Oĩ miembro-kuéra oikóva umi tenda hepyha oñeg̃uahẽ hag̃ua térã hasyhápe oñembyaty hag̃ua peteĩ estáka térã misiõgua presidencia miembro ndive. Umi situasiõme, peteĩ templo-gua presidente ikatu oentrevista pe tapichápe ha ofirma pe recomendación. Oisãmbyhy mboyve pe entrevista, ha’e oñemongeta estáka térã misiõgua presidente ndive. Pe obispo, peteĩ consejero ojeautorisáva, térã rramagua presidente oentrevistamava’erãkuri upe miembro-pe ha ofirma pe recomendación.

26.4

Oñeme’ẽvo Templo Recomendación Miembro-kuérape Noĩriva Investído

26.4.1

Umi Páuta General

Umi templo recomendación oñeme’ẽ miembro-kuérape noĩriva investído ko’ãichape:

• Miembro-kuéra orekóvape 11 áño térã hetave ojapótava bautismo ha confirmación omanova’ekuére. (Mujeres jóvenes ha hombres jóvenes oñeordenava’ekue ikatu orresivi peteĩ templo recomendación Enero guive upe arýpe okumplihápe 12 áño).

• Miembro-kuérape orekóva 8 áño guive 20 áño peve ojesellátava ituvakuéra ndive. Mitãnguéra 8 áño mboyve noikotevẽi peteĩ recomendación ojesella hag̃ua ituvakuéra ndive (tojehecha 26.4.4).

• Miembro-kuérape orekóva 8 áño guive 20 áño peve ohechátava iñermanokuéra, iñermanastro térã medio-hermano/a oikovéva ojesellárõ ituvakuéra ndive.

Miembro-kuéra oñeinvestimava’ekuépe noñeme’ẽi ni peteĩ ko’ã recomendación oñemohesakãva ko sección-pe.

Peteĩ kuimba’e Tupaogua miembro orekóva eda oreko hag̃uáicha pe sacerdocio oñeordena ra’ẽva’erã peteĩ sacerdocio oficio-pe ikatu mboyve orresivi peteĩ templo recomendación.

26.4.2

Umi Templo Recomendación Miembro-kuéra Ojebautisa Ramóvape g̃uarã

Obispo oentrevista umi miembro pyahúpe orekóva eda porã orresivi hag̃uáicha peteĩ templo recomendación ojapo hag̃ua bautismo ha confirmación representante rehe añónte. Ha’e oisãmbyhy ko entrevista pya’e pe miembro confirmación rire, jepive peteĩ semana mbytépe (tojehecha 26.4.1). Kuimba’ekuérape g̃uarã, ko entrevista oikekuaa pe entrevista ojejapóvape ojerresivi hag̃ua Sacerdocio Aarónico.

26.4.3

Umi Templo Recomendación Ojejapo hag̃ua Bautismo ha Confirmación Representante rehe Añónte

Umi templo recomendación oñeme’ẽva ojejapo hag̃ua bautismo ha confirmación representante rehe ikatu ojeiporu upevarã añónte.

26.4.4

Umi Templo Recomendación Ojesella hag̃ua Ta’yrakuéra Oikovéva Ituvakuéra ndive

Miembro-kuéra orekóva 21 áño térã hetave ikatu ojesella ituvakuéra ndive térã ohecha peteĩ sellamiento oĩrõ añónte (1) investído ha (2) orekórõ peteĩ templo recomendación vihénte.

26.5

Oñeme’ẽvo Templo Recomendación umi Situasiõ Espesiálpe

26.5.1

Miembro-kuéra Orresivíva Investidura Ijupe g̃uarã

Miembro-kuéra hekomarangatúva orresiviséva pe investidura ijupe g̃uarã ikatu orresivi okumplipáramo ko’ã mba’e:

• Oreko hikuái 18 áño jepe.

• Ojapopáma térã ndohovéima escuela secundaria-pe, térã ijojaháva.

• Ohasapáma peteĩ ary oñekonfirma rire.

• Orresivise ha oñongatuse templo konveniokuéra opa hekovekuéra pukukue aja.

Avei, peteĩ kuimba’e orekova’erã Melquisedec Sacerdocio orresivi mboyve iñinvestidúra. Ojehupyty hag̃ua marandu miembro-kuéra ñembosako’i orresivi hag̃ua iñinvestidúra rehegua, tojehecha 25.2.8. Ojehupyty hag̃ua marandu mávapa ikatu orresivi investidura rehegua, tojehecha 27.2.1.

26.5.3

Misionerokuéra Imitãva Oujeýva Oservi Rire Imisiõ Mombyry Hogakuéragui

Pe misiõgua presidente omoĩ fécha ha oactiva pe recomendación oexpira hag̃uáicha mbohapy mése rire féchagui pe misionero oho jeyhague hógape.

Pe obispo oentrevista misionerokuéra rretornádope ome’ẽ hag̃ua peteĩ templo recomendación pyahu opapotávo pe mbohapy mése expirasiõ ára.

26.5.4

Miembro-kuéra Ndoikóiva peteĩ Barrio-pe Peteĩ Ary Aja Jepe

Pe obispo térã peteĩ consejero oñeasignáva oñe’ẽ raẽ pe obispo ypykue ndive oisãmbyhy mboyve peteĩ entrevista templo recomendación-rã.

26.5.7

Miembro-kuéra Oñeidentifikáva Ijupe Transgénero-ramo

Estakagua presidente oñemongetava’erã Área presidencia ndive ohecha hag̃ua peteĩteĩ umi situasiõ py’aporã ha Cristo mborayhu reheve (tojehecha 38.6.23).

26.5.8

Miembro-kuéra Ojapova’ekue Angaipa Isériova

Peteĩ miembro ojapova’ekue peteĩ angaipa isériova ndaikatúi orresivi peteĩ templo recomendación ha’e oñearrepenti peve (tojehecha 32.6).

26.5.9

Miembro-kuéra Oñeadmitijeýva Tupaogua Membresía Oñeguenohẽ térã Ojeheja Rire

26.5.9.1

Miembro-kuéra Noñeinvestíriva gueteri

Ko’ã miembro-pe ndaikatúi oñeme’ẽ peteĩ recomendación orresivi hag̃ua iñinvestidúra ohasapa peve peteĩ ary fécha oñeadmiti rire Tupaópe bautismo ha confirmación rupive.

26.5.9.2

Miembro-kuéra Oñeinvestimava’ekue

Miembro-kuéra oñeinvestimava’ekue ndaikatúi orresivi mba’evéichagua templo recomendación templogua jehovasakuéra ojerrestaura peve chupekuéra jehovasa rrestaurasiõ ordenánsa rupive.