26.

Manyisha a Kubuela mu Ntempelo

26.0

Tshibangilu

Dibuela dia mu ntempelo didi bunema bua tshijila. Balombodi ba tshikongu ne ba dikunji badi bakankamika bidimba bionsu bua bikala bikumbana ne bikala ne dianyisha dia kubuela mu ntempelo nansha bobu kabayi basombela pabuipi ne ntempelo.

Balombodi ba Ekelezia badi baditatshisha bua kutuishibua ne bonsu badi babuela mu ntempelo mbakumbana bua kuenza nunku (tangila Misambu 24:3–5).

Bidimba bidi ne bua kuikala ne dianyisha dia kubuela mu ntempelo kadiyi dijikila matuku.

Muepiskopo udi uyukila ne mulombodi mukulu wenda wa dikunji pa nkonku ya dianyisha dia kubuela mu ntempelo idi kayiyi miandamuna mu shapita eu. Mulombodi mukulu wa dikunji udi mua kupetangana ne Tshibambalu tshia Bulombodi Bukulu bua Kumpala ne nkonku.

26.1

Mishindu ya Manyisha a Kubuela mu Ntempelo

Kudi mishindu isatu ya dianyisha dia kubuela mu ntempelo:

1. Dianyisha dia kubuela mu ntempelo bua bidimba bidi kabiyi biambikibua. Manyisha â adi bua bidimba bidi kabiyi biambikibua bidi bisuikibua kudi baledi babu anyi ku badi bakumbajilangana ditambula ne dijadika. Bidi bifidibua ku Malu a Mulombodi ne Kaleleki (MMK). Bua ngumu ya bungi, tangila 26.4.

2. Dianyisha dia kubuela mu ntempelo bua milulu ya ba moyo. Manyisha â adi bua bidimba bidi bipeta diambika diabi nkayabi anyi bidisuika ku mubaka. Dianyisha bua milulu ya ba moyo didi dilamika ku dianyisha dia kubuela mu ntempelo dia tshibidilu bua bidimba biambikibua (bifunda kuinshi eku).

3. Dianyisha dia kubuela mu ntempelo bua bidimba biambikibua. Manyisha â adi bua bidimba bikadi biambikibua. Bidi bifidibua ku MMK. Badi bukoshi kudi tshidimba bua tshibuela mu milulu yonsu ya mu ntempelo bua bafua. Adi kabidi menzela padi tshidimba tshiambikibua tshidisuika kudi baledi ba moyo anyi bafua anyi bana. Bua ngumu ya bungi, tangila 26.3.

26.2

Bulami bua Manyisha a Kubuela mu Ntempelo

26.2.1

Bulami bua Manyisha a Kubuela mu Ntempelo kudi Balombodi ba Buakuidi

Balombodi ba buakuidi badi bapeshibua bukôkeshi bua kuikala ne mikanda ya manyisha a kubuela mu ntempelo badi ne bua kuyilama miaba mimpa.

Balombodi ba buakuidi badi batuishibua kabidi ne muntu udi kayi mupeshibua bukôkeshi kafiki ku dimanya ngumu idi manyisha a kubuela mu ntempelo idi mu MMK.

26.2.3

Manyisha Majimija anyi Miba

Muepiskopo udi ulomba bidimba bua bimufundila pa lukasa padi dianyisha diabu dibibua anyi dijimina. Yeya anyi mubedi mutumibua anyi kaleleki udi wenzela MMK bua kukupula dianyisha pa lukasa. Padibi kabiyiku, muepiskopo udi upetangana ne tshibambalu tshia ntempelo bua bakupula dianyisha.

26.2.4

Bantu Badi ne Manyisha kadi Kabayi Banemeka Mikenji ya Bukumbana

Padi muepiskopo umanya ne tshidimba tshidi ne dianyisha katshiena tshinemeka mikenji ya bukumbana to (tangila 26.3), udi udilomba kudi tshidimba. Udi wenzela MMK bua kukupula dianyisha. Padibi kabiyiku, muepiskopo udi upetangana ne tshibambalu tshia ntempelo bua bakupula dianyisha.

26.3

Maludiki Manena bua Kufila Manyisha a Kubuela mu Ntempelo

Balombodi ba buakuidi badi ne bua kufila dianyisha anu kudi tshidimba tshidi tshiandamuna ku nkonku bimpa bua dianyisha dia kubuela mu ntempelo.

Miyuki ya nkaya pa dianyisha dia kubuela mu ntempelo kayena ne bua kuikala lubilu to. Idi ne bua kuikala ya nkaya. Kadi, muntu udi uyukidibua nkaya udi mua kubikila mukulumpa mukuabu bua ikalapu.

Balombodi ba buakuidi kabena ne bua kukumbaja tshintu nansha tshimua kubidi bifunda mu mukanda wa dianyisha bua kubuela mu ntempelo. Ne kabena ne bua kumbusha nansha tshintu tshimua.

Mu makunji, tshidimba tshia bulombodi bukulu bua dikunji anyi kaleleki wa dikunji udi ukangula dianyisha dia dibuela mu ntempelo mu MMK panyima pa difidibua diadi. Mu distrika, tshidimba tshia bulombodi bukulu bua bukenji anyi kaleleki wa bukenji udi ukangula dianyisha dia dibuela mu ntempelo. Dianyisha bua dienzelangana ditambula ne dijadika bidi bikangukibua padibu badipatula mu tshiamua kudi tshidimba tshia buepiskopo anyi kudi mulombodi mukulu wa ditamba.

26.3.1

Miyuki ya Nkaya bua Kupeta Dianyisha dia Kubuela mu Ntempelo Bua Bidimba bia Tshikongu ne Matamba

Mu tshikongu, muepiskopo anyi mubedi mutumibua udi uludika miyuki ya nkaya ya dianyisha dia kubuela ne ufila dianyisha dia kubuela mu ntempelo kudi aba badi bakumbana. Mu ditamba, anu mulombodi mukulu wa ditamba udi uludika miyuki ya nkaya ya dianyisha dia kubuela mu ntempelo ne ufila manyisha.

Mu tshikongu, muepiskopo udi uludika nkayenda miyuki ya nkaya bua bidimba bidi:

• Bipeta diambika diabi nkayabi (tangila 27.1 ne 27.2).

• Bisuikibua kudi basela babi (tangila 27.3).

Mu malu a lukasa padi muepiskopo kayiku, udi mua kufila bukôkeshi kudi umua wa ku babedi benda bua kuludika miyuki ya nkaya eyi.

Kumpala kua kufila dianyisha dia kubuela mu ntempelo, mu mishindu yonsu idi mitedibua kulu eyi, muepiskopo udi umonanuna miandiku ya tshidimba bua kukenketa nekudi kantu kafunda. Bua bidimba bidi bipeta diambika diabi nkayabi anyi bidisuika kudi mubaka, udi kabidi ushindika ne:

• Ditambula dia muntu ne dijadika bidi biandikibua pa buikadi bua miandiku ya tshidimba.

• Banabetu baluma mbapeta Buakuidi bua Melekisedeke.

Panyima pa muyuki wa nkaya kudi tshidimba tshia buepiskopo anyi mulombodi mukulu wa ditamba, tshidimba tshia bulombodi bukulu bua dikunji tshidi tshiyukila nkaya ne bidimba bidi bisombela mu dikunji. Tshidimba tshia bulombodi bukulu bua bukenji tshidi tshiludika muyuki wa nkaya bua bidimba bidi bisombela mu distrika. Mulombodi mukulu wa distrika kena mua kuludika miyuki ya nkaya bua dianyisha dia kubuela mu ntempelo anu yeya mupeshibua bukôkeshi kudi Bulombodi Bukulu bua Kumpala.

26.3.2

Miyuki ya Nkaya bua Kupeta Dianyisha dia Kubuela mu Ntempelo bua Bidimba bidi mu Miaba ya Ntanta

Bidimba bikuabu bidi bisombela mu ntenji idi ilomba mushinga mukola wa luendu lula ne lutatu lukola bua kupeta tshidimba tshia dikunji anyi tshia bulombodi bukulu bua bukenji. Mu malu â, mulombodi mukulu wa ntempelo udi mua kuyukila nkaya ne muntu ne kutua tshiala pa dianyisha. Kumpala kua kuludika muyuki wa nkaya, udi wakulangana ne mulombodi mukulu wa dikunji anyi wa bukenji. Muepiskopo, mubedi mupeshibua bukôkeshi, anyi mulombodi mukulu wa ditamba udi ne bua kuikala mumana kuyukila nkaya ne tshidimba ne mutua tshiala pa dianyisha.

26.4

Kufila Manyisha a Kubuela mu Ntempelo kudi Bidimba Bidi Kabiyi Biambikibua

26.4.1

Maludiki Manena

Manyisha bua kubuela mu ntempelo adi afidibua kudi bidimba mudibi bilonda emu:

• Bua bidimba bidi ne bidimu 11 ne pamutu badi batambushibua ne bajadikibua bua bafua. (Nsongakaji ne nsongaluma mijidila idi misungudibua bua dianyisha dia kubuela mu ntempelo kubangila mu ngondu wa kumpala wa tshidimu tshidibu bakumbaja bidimu 12.)

• Bua bidimba bia bidimu 12 too 20 bua basuikibua kudi baledi babu. Bana ba bidimu muinshi mua 8 kabena dijinga ne dianyisha bua kusuikibua kudi baledi babu (tangila 26.4.4).

• Bua bidimba bia bidimu 8 too 20 bua kumona disuika dia bana babu ne bana ba bipesa badi ne moyo, kudi baledi babu.

Bidimba bikadi biambikibua kabiena bipeshibua dianyisha nansha dimua dia ku adi mumvuija mu tshitupa etshi.

Tshidimba tshia baluma tshia Ekelezia tshikadi tshibandila bua kuikala ne buakuidi, tshidi ne bua kuikala tshijidibua ku tshibambalu tshia buakuidi, tshidi mua kupeta dianyisha dia kubuela mu ntempelo.

26.4.2

Manyisha a Kubuela mu Ntempelo bua Bidimba Bipia-bipia Bitambula

Muepiskopo udi wenza muyuki wa nkaya ne bidimba bidi ne bidimu bikumbana bua kupeta dianyisha dia kubuela mu ntempelo anu bua ditambula ne dijadika bia dienzelangana. Udi uludika muyuki wa nkaya ewu panyima pakesa pa dijadika dia tshidimba, patshibidilu munkatshi mua lumingu. (tangila 26.4.1). Bua banabetu baluma, muyuki wa nkaya ewu udi mua kuenzeka bu tshitupa tshia muyuki wa nkaya bua kupeta Buakuidi bua Alona.

26.4.3

Manyisha a Kubuela mu Ntempelo Anu bua Ditambula ne Dijadikibua bia Dienzelangana

Manyisha bua Kubuela mu Ntempelo adi afidibua Anu bua Matambula ne Majadiki bia dienzelangana adi ne tshia bua kuenzeka anu kipatshila aka.

26.4.4

Manyisha a Kubuela mu Ntempelo bua Disuika dia Bana badi ne Moyo kudi Baledi

Bidimba bidi ne bidimu 21 anyi pamutu bidi mua kusuikibua kudi baledi babu anyi kumona disuika anu pikalabu (1) bambikibua ne (2) bikala ne dianyisha dia kubuela mu ntempelo kadiyi dijikila matuku.

26.5

Kufila Manyisha bua Kubuela mu Ntempelo mu Malu Masunguluka

26.5.1

Bidimba Bidi Bipeta Diambika Diabi Nkayabi

Bidimba bidi bikumbana ne bijinga bua kupeta diambika diabi nkayabi, bidi mua kuenza padibi bikumbaja mabangu adi alonda â:

• Biobi ne bidimu bikesa 18.

• Bidi mua kuikala bijikija tulasa tubandila, batulonda anyi tudi tufuanangana natu.

• Tshidimu tshimua tshipita kubangila ku dijadika diabu.

• Bikala bumvua dijinga dia kupeta ne kunemeka bipungidi bia tshijila bia ntempelo mu matuku abu onsu a moyo.

Mu dikumbaja, muntu muluma udi ne bua kuikala ne Buakuidi bua Melekisedeke. Bua ngumu ya bungi pa didilongolola dia bidimba bua kupeta diambika diabi nkayabi, tangila 25.2.8. Bua ngumu ya bungi pa ewu udi mua kupeta diambika, tangila 27.2.1.

26.5.3

Bansonga Bena Bukenji Badi Balukila ku Disadila Ntanta ne Dîku

Mulombodi mukulu wa bukenji udi ufunda dituku ne ukangula dianyisha dia dibuela mu ntempelo ne bua dijika ngondu isatu panyima pa dialukila dia muena bukenji ku nzubu.

Muepiskopo udi uyukila nkaya ne muena bukenji udi mualukila bua kumupesha dianyisha dia kubuela mu ntempelo dipiadipia pabuipi ne kundekelu kua tshipolu tshia ngondu isatu kujika.

26.5.4

Bidimba bidi kabiyi Bisombela mu Tshikongu Tshia Momumua bua Nansha Tshidimu Tshimua

Muepiskopo anyi mubedi mutumibua udi upetangana ne muepiskopo wa kala kumpala kua kuludika muyuki wa dianyisha dia kubuela mu ntempelo.

26.5.7

Bidimba Bidi Bidileja bu Transgenre

Mulombodi mukulu udi mua kuyukila ne Bulombodi Bukulu bua Ntenji bua kuakula bualu buenda pa lukasa ne dinanga dia buena Kilisto (tangila 38.6.23).

26.5.8

Bidimba Bidi Bienza Bubi Bukola

Bidimba bidi bienza bubi bukola kabiena mua kupeta dianyisha dia kubuela mu ntempelo too ne pakudimunabi mutshima (tangila 32.6).

26.5.9

Bidimba Bidi Bitabibua Kabidi Panyima pa Diumbusha dia Buikadi bua Tshidimba anyi Didiumbukila

26.5.9.1

Bidimba Bidi Kabiyi Biambikibua Musangu Mushala

Dianyisha dia kubuela mu ntempelo kadiena mua kufidibua kudi bidimba ebi bua kupeta diambika diabu nkayabu too ne padi tshidimu tshimua tshikumbana kubangila ku dituku dia dialujilula mu Ekelezia ku ditambula ne dijadika.

26.5.9.2

Bidimba Bidi Biambikibua Musangu Mushala

Bidimba bidi biambikibua musangu mushala kabiena mua kupeta mushindu nansha umua wa dianyisha dia kubuela mu ntempelo too ne pikala mabenesha abu a ku ntempelo malujilula kupitshila ku mululu wa dialujilula dia mabenesha.