27.

Mme Edinam Ikɔ Abasi eke Temple nnɔ mme Odu-uwem

27.0

Ntɔŋɔ

Temple edi ufɔk Jehovah. Enye ada nnyin owut Andinyaŋa, Jesus Christ. Ke mme temple, nnyin ibuana ke mme ndisana edinam inyuŋ ediomi ye Ete Heaven emi adiande nnyin ono Enye ye Andinyaŋa nnyin. Mme ediomi ye mme edinam ekɔ Abasi.emi anam nnyin ifiak inyɔŋ ika iso Ete Heaven ndien man idiana ɔtɔkiet nte mme ufɔkemana ke nsinsi.

Ke mme ediomi ye mme edinam ikɔ Abasi, “odudu ndaha Abasi ayarare” (Doctrine ye Covenants 84:20).

Mme ediomi ye mme edinam ikɔ Abasi edi edisana. Inaha nte eneme-ebanga mme idiɔŋɔ ekesaŋade ye mme ediomi temple ke anwa-esien ibɔhɔke ke esit temple. Mme nnyin edineme ndisana etop emi nnyin ikɔnwɔŋde ite ke idiyarake. Nte ededi, nnyin imikeme edineme mme akpan ufɔn ye ukpepŋkpɔ eke ediomi temple ye mme edinam ye mme ntuuk spirit emi nnyin ikinyeneke ke esit temple.

Mme adausuŋ eke ward ye stake eneme etop ke ikpehe emi ye mbon ufɔk Abasi emi ebeŋede-idem edibɔ endowment mme edinam edidian.

27.1

Edibɔ mme Edinam Ikɔ Abasi eke Temple

27.1.1

Mbeŋe-idem Ndibɔ mme Edinam Ikɔ Abasi ke Temple

Mbon ufɔk Abasi ana ebeŋe-idem mmɔ ke ŋkpo-spirit man ebɔ mme edinam temple man enam enyuŋ ekpono mme ediomi temple.

Mme ete ye eka enyene akpan ubiɔŋ-utom ke edinwam nditɔ mmɔ ebeŋeidem man ebɔ mme edinam temple. Mme adausuŋ eke stake ye ward, mme ono-unwam nditɔ-eka irenowo ye iban, ye mbon ufɔkemana enwm mme ete ye eka ke utom emi.

Mme ŋkpɔ-utom edinwam mbon ufɔk Abasi ebeŋe-idem man ebɔ mme edinam temple odu ke temples.ChurchofJesusChrist.org.

Eteme mbon ufɔk Abasi emi ebeŋede-idem man ebɔ endowment mmɔ mme man edian mmɔ enɔ ebe mme ŋwan ete ebuana ke ukpepŋkpɔ mbeŋe-idem edika temple (se 25,2,8).

27.1.3

Mbon Ufɔk Abasi Emi Enyenede Unɔmɔ ke Idem

Nti mbon ufɔk Abasi emi enyenede unɔmɔ ke idem ekeme edibɔ kpukpru mme edinam eke temple. Eteme mbon ufɔk Abasi emi ete eka temple ye mbon ebuna mme ufan mmɔ eke ukem oruk oro emi ema ekenam endowment emi ekemede edinwam mmɔ. Edieke mbon ufɔk Abasi mikemeke edika temple ye owo ufɔkemana mme ufan mmɔ, mmɔ ekeme edibak nkot temple man ese ewe edineŋede emi ekemede edi-nam.

27.1.4

Andinwam Erikabare mme Edikokot

Edieke mbon uftɔk Abasi eyomde unwam erikabare mme edikokot, ana mmo ebak etɔt temple man ese mme ŋkpo oro odu do.

27.1.5

Ofong se Esine eka Temple

Kini akade temple, mbon uftɔk Abasi ana esine utɔ tɔftɔŋ emi mo esisisnede eka esop udia-ɔbɔŋ.

Se 27.3.2.6 bɔ etop kabaŋa ɔfɔŋ se esine eka ndɔ mme edidian eke temple.

Se 38.5 bɔ etop kabanga;

• Ↄfɔŋ se esine kini endowment ye mme edinam edidian.

• Edibɔ, edisine, ye edikpeme eke ɔfɔŋ usɔrɔ temple ye mme garment.

27.1.6

Edikpeme Eyenɔwɔŋ

Nditɔ-ŋwɔŋ ana enyene akamba-owo andikpeme edike mmɔ edude ke anwa-esien eke temple. Mme anam-utom temple edu man ekpeme nditɔ-ŋwɔŋ kpɔt ke mme ndaha ntem;

• Edieke edidiande mmɔ inɔ mme ete ye eka mmɔ.

• Edieke mmɔ ekesede nte ediande mme odu-uwem ndito eka, nditoɔ ete, mme ubak nditɔ eka mmɔ enɔ mme ete ye eka mmɔ.

27.1.7

Edisobo ye Mbon Ufɔk Abasi ke Mmɔ ema Ekebɔ mme Edinam eke Temple

Mbon ufɔk Abasi esiwak edinyene mbume ke ema ekebɔ mme edinam eke temple. Mbon ufɔkemana emi ema ekenam endowment, bishop, mme adausuŋ eken ke ward, ye mme ono-unwam nditɔ-eka irenowo ye iban ekeme edisobo ye mbon ufɔk Abasi man eneme ifiɔk-ukpep eke temple mmɔ.

Mme ŋkpɔ-utom man ɔbɔrɔ mme mbume odu ke: temples.ChurchofJesusChrist.org.

27.2

Endowmwnt

Ikɔ oro endowment ɔwɔrɔ “enɔ.” Endowment eke temple edi enɔ otode Abasi kemi Enye edidiɔŋde nditɔ Esie. Ubak mme enɔ emi mbon ufɔk Abasi ebɔde ke endowment eke temple esine:

• Akwa ifiɔk kabaŋa mme ufɔn ye ukpepŋkpɔ Abasi.

• Odudu ndinam kpukpu ŋkpɔ emi Ete Heaven oyomde man nditɔ Esie enam.

• Edisana ndausuŋ kini anamde-ŋkpɔ ɔnɔ Abasi, ufɔkemana mmɔ, ye mbon efen.

• Ↄyɔhɔ idorenyin, ndɔŋesit, ye emem.

Mme edidiɔŋ emi ediwɔrɔ-nsu ɔkɔŋɔ ke edinyene mbuɔtidem ke ikɔ Abasi Jesus Christ.

Ebɔ endowment emi ke ndaha iba; Ke akpa ndaha, owo ɔbɔ ebe-iso edinam emi ekotde ntongo-edinam. Nko ediɔŋɔ ntɔŋɔ-edinam nte eriyet ye ediduɔk-aran (se Exodus 29:4–9). Oro esine mme asaŋa-asaŋa edidɔŋ enyenede-ebuana ye ndisana inyene ye ndaha eke owo oro.

Kini ntɔŋɔ-edinam emi, owo ufɔk Abasi oro enyene unen edisine temple garment. Garment oro ada-ɔnɔ ebuana esie ye Abasi ye nsinifik ndinim ediomi enamde ke temple. Kini mbon ufɔk Abasi enamde akpanikɔ enyuŋ enehede esine garment oro ke ofuri eyo uwem mmɔ, oro eyenwam nte ŋkpɔ-ukpeme. Eke etop kabaŋa ndisine ye edikpeme garment, se 38.5.5).

Ke udiana ikpehe eke endowment, ekpep ebaŋa uduak erinyaŋa-ukpɔŋ, esinede Obot, Iduɔ Adam ye Eve, Erisio-isop eke Jesus Christ, Ntaŋ-mfep, ye Edifiak-men-ndi. Mbon ufɔk Abai nko ebɔ item ke nte edifiakde ika iso Abasi.

Ke endowment, ekot mbon ufɔk Abasi man enam nsasana ediomi ntem:

• Edinim mbet nkopitem nyuŋ ndomo edinim mbet eke Ete Heaven.

• Enim mbet uwa, emi ɔwɔrɔde ediwa-idem man anwam ke utom Abasi onyuŋ akabare-esit ke mbuŋɔ-esit ye edinuaha spirit.

• Enim mbet ikɔ Abasi Jesus Christ, emi edide akamba mbet emi Enye ekpekpede kini Enye okodude ke isong.

• Enim mbet nsana-ido, emi ɔwɔrɔde ete ke owo ufɔk Abasi edinyene ebuana-ina kpɔt ye owo emi enye enehede anam-ndɔ nte asaŋade ye mbet Abasi.

• Enim mbet ediyak ofuri ŋkpɔ nnɔ, emi ɔwɔrɔde ke mbon ufɔk Abasi eyeyak ini, enɔ-obot, ye kpukpru se Abasi adade ɔdiɔŋ mmɔ esin ke edibɔp Ufɔk Abasi Jesus Christ ke isɔŋ.

Ke ntem, Ete Heaven ɔnwɔŋɔ ete mbon emi enamde akpanikɔ enɔ ediomi temple mmɔ eyeyɔhɔ “odudu eketode enyɔŋ” (Doctrine ye Covenants 38:32, 38; se nko Luke 24:49; Doctrine ye Covenants 43:16).

27.2.1

Mbio Ekpebɔde Endowment

Edɔhɔ ofuri akamba mbon ufɔk Abasi emi ediɔŋɔke-idem ete ebeŋe-idem enyuŋ ebɔ endowment mmɔ. Ana enam enyuŋ ewet kpukpru mme akpa edinam mbemiso mbon ufɔk Abasi ekeme edibɔ endowment (se 26.3.1).

27.2.1.1

Mbufa Mbon Ufɔk Abasi emi Ekenade Baptism

Nti mbufa mbon ufɔk Abasi ekeme edibɔ endowment mmɔ ekpedi ɔyɔhɔ isua kiet tɔŋɔ ke usen ɔfiɔŋ eke ndori-ubɔk mmɔ.

27.2.1.2

Mbn Ufɔk Abasi Emi Enyenede Ebe mme Ŋwan eke Minamke Endowment

Eti owo ufɔk Abasi emi ebe mme ŋwan minamke endowment ekeme edibɔ endowment esie kini enamde mme ŋkpɔ se eyom emi:

• Ebe mme ŋwan emi minamke endowment ɔnɔ unyime esie.

• Owo ufɔk Abasi oro, bishop, ye stake president enyime ete ke ubiɔŋ-utom enyenede ye ediomi temple ididihe mfina inɔ ndɔ mmɔ.

Mme ŋkpɔ emi ada itie mme ebe mme ŋwan edi owo ufɔk Abasi mme idihe.

27.2.1.3

Mbon Ufɔk Abasi Emi Enyenede Unɔmɔ ke Mfre

Mbon ufɔk Abasi emi enyenede unɔmɔ ke mfre ekeme edibɔ endowment mmo edieke:

• Mmɔ ema ekebɔ ofuri ebe-iso edinam (se 26.3.1).

• Mmɔ enyene ukeme mfre edifiɔk, nam, nyuŋ nim mme ediomi ekesaŋade do.

Bishop eneme ye owo ufɔk Abasi oro, ke ebiet ekemede, eneme ye ete ye eka esie. Enye nko oyom ndausuŋ eke Spirit. Enye ekeme edineme ye stake president.

27.2.2

Edibiere Ini man Ebɔ Endowment

Ubiere edibɔ endowment edi eke owo ndien ana nte eda akam enam oro. Endowment edi odudu edidiɔŋ ye eriyarare ɔnɔ kpukpru mbon emi ebeŋede-idem edibɔ oro. Mbon ufɔk Abasi ekeme edimek man ebɔ endowment mmoɔ kini mmɔ enamde ofuri mme ŋkpɔ emi:

• Mmɔ ikprike ikan isua Efureta.

• Mmɔ ema ekure mme inyuŋ ikaha akamba ufɔkŋwed, ufɔkŋwed secondri, mme ukem ufɔkŋwed oro.

• Ofuri isua kiet ebe tɔŋɔ nte ekenam mmɔ ndori-ubɔk.

• Mmɔ enyene udɔŋ edibo nyuŋ mkpono mme ediomi eke temple ke ofuri eyo uwem mmɔ.

Mbon ufɔk Abasi emi ekebɔde ikoot mission mme ebeŋede-idem man edidian ke temple ana ebɔ endowment oro.

Mbemiso enɔ temple recommend man owo ufɔk Abasi ɔkɔbɔ endowment, bishop ye stake president ana enim ke owo oro ebeŋe-idem edidiɔŋɔ nyuŋ nim ndisana ediomi eke temple. Edibiere edikem emi inɔ ke idem owo kiet-kiet.

27.2.3

Ediduak nyuŋ Nim-ini Endowment

27.2.3.1

Edibɔ Recommend eke Odu-uwem Edinam

Ana owo ufɔk Abasi ɔbɔ recommend eke odu-uwem edinam man oduk temple onyuŋ ɔbɔ endowment. Ke oyomde etop kabaŋa mme recommend emi, se 26.5.1.

27.2.3.2

Editɔt Temple

Mbon ufɔk Abasi emi eduakde edibɔ endowment ana ebabak etɔt temple man enim ini enɔ edinam oro.

27.2.3.3

Mme Andibem Mbon Ufɔk Abasi Ekebɔde Endowment

Mbon ufɔk Abasi ekebɔde endowment mmɔ ekeme edikot owo ufɔk Abasi eke ukem oruk oro emi ama akanam endowment edida nte andibem onyuŋ anwam mmɔ kini ikpehe endowment. Andibem oro ana enyene temple recommend eke idahaemi. Temple ekeme edinɔ andibem edieke eyomde.

27.3

Edidian Ebe ye Ŋwan

Edidian-kiet eke temple adian ebe ye ŋwan otokiet ke ini ye ke ofuri nsinsi. Mmo eyebɔ mme edidiɔŋ emi edieke mmɔ enamde akpanikɔ ke mme ediomi emi mmɔ enamde ke temple. Otode ke edinam emi, nditɔ mmɔ nko ekeme edibuana ke nsinsi ufɔkemana mmɔ.

Mme adausuŋ eke ufɔk Abasi eteme mbon ufɔk Abasi ete ebeŋe-idem edinam-ndɔ nyuŋ ndiana-kiet ke temple. Ke ebiet emi miyomke ndɔ eke temple ke mbet, mme adausuŋ ufɔk Abasi emi enyenede unen mme mbon efen ekeme edi-nam ndɔ eke iduŋ emi ndɔ eke temple editienede (se 38.3). Ekeme editiene usuŋ emi nko kini ndɔ temple ekemede edi-nam ete ye eka mme ata mbon ufɔkemana edikere ke esesin mmimɔ koro mmɔ ikemeke ediduk usɔrɔ eke temple.

27.3.1

Mbio Ekpediande ke Temple

Edɔhɔ ofuri mbon ufɔk Abasi eke midɔhɔ-ndɔ emi ediɔŋɔke-idem ete ebeŋe-idem enɔ edidiana-kiet eke temple mmɔ. Eteme mbon emi ekenamde ndɔ ke idung ete ediana-kiet ke ini ye ke nsinsi ke temple ke usɔp-usɔp emi mmo ebengede-idem. Ana mbon ufɔk Abasi enam endowment mbemiso mmo ekeme edi-nam edidian-kiet 9se 27.2).

Ebe ye nwan emi edinamde edidian-kiet ana edi ke (1) enam ndɔ eke idung mbemiso edinam edidian-kiet mme (2) edɔ-ndɔ enyung edian-kiet ke ukem usɔtɔ temple oro. Se 27.3.2.

27.3.1.2

Mbon Ufɔk Abasi Emi Enyenede Unɔmɔ ke Mfre

Mbon ufɔk Abasi emi enyenede unɔmɔ ke mfre ekeme edidia-kiet enɔ ebe mme nwan, fiancé, mme fiancée mmo edieke:

• Mmo ema ekebɔ kpukpru mme ebe-iso edinam, esinede endowment (se 27.2.1.3).

• Mmɔ enyene ukeme mfre edifiɔk, nam, nyuŋ nim mme ediomi ekesaŋade do.

Bishop eneme ye owo ufɔk Abasi oro ye ebe mme ŋwan fiancé, mme fiancée esie. Enye nko oyom ndausuŋ eke Spirit. Enye ekeme edineme ye stake president.

27.3.2

Ediduak ye Edinim-ini Ndɔ eke Temple mme Edidian-kiet

27.3.2.1

Edibɔ Recommend eke Odu-uwem Edinam

Ana owo ufɔk Abasi ɔbɔ recommend eke odu-uwem edinam man oduk temple onyuŋ ɔbɔ endowment. Ke oyomde etop kabaŋa mme recommend emi, se 26.3.

27.3.2.2

Editɔt Temple

Mbon ufɔk Abasi emi eduakde edibɔ endowment ana ebabak etɔt temple man enim ini enɔ edinam oro.

27.3.2.3

Edibɔ Ŋwed-unen Ŋdɔ

Mbemiso enam ndɔ, ebe ye ŋwan ana ebɔ ŋwed-unen mbet ŋdɔ emi editi eti ke ebiet emi ekenamde ŋdɔ. Edieke ebe ye ŋwan eduakde edi-nam ŋdɔ ye edidian-kiet mbiba ke ukeme usɔrɔ oro, ana mmɔ ekama eti ŋwed-unen ŋdɔ edi temple.

Mme ebe ye nŋwan edidiande-kiet ke ema ekenam ŋdɔ eke iduŋ ekure ididaha nŋwed-unen ŋdɔ idi temple. Edi, mmo eyenɔ usen ofoioŋ ye ebiet emi ekenamde ndɔ eke iduŋ mmɔ nte ubak ŋkpɔ usuŋ ke ediwet nduŋore.

27.3.2.4

Mme Andibem Ŋwan-ndɔ ye Ebe-ndɔ

Eyeneka nwan emi ama akanam endowment ekeme edisaŋa ye ŋwan-ŋdɔ man anwam enye ke ubet esinede ɔfɔŋ. Eyeneka eren emi ama akanam endowment ekeme ndinam ukem oro nnɔ ebe-ŋdɔ. Andibem oro ana enyene temple recommend eke idahaemi. Temple ekeme edinɔ andibem edieke eyomde.

27.3.2.5

Anie Edi-nam Ndɔ eke Temple mme Edidian-kiet

Owo-andidian emi edoŋde ke temple emi ebe ye ŋwan edinamde ŋdɔ mme edidiande-kiet esiwak edi-nam ŋdɔ mme edidian-kiet eke temple. Edieke owo ufɔkemana mme ɔdiɔnŋɔ akamade odudu-unen edidian-kiet ndien enyuŋ enɔ-ubiɔŋ ke temple emi ebe ye ŋwan edinamde ŋdɔ mme edidande-kiet, mmɔ ekeme edikot enye man edi-nam ŋdɔ mme edidian-kiet oro.

27.3.2.6

Nnen-nnen Ↄfↄŋ edi-nam Ndɔ eke Temple mme Edidian-kiet

Ↄfↄŋ eke Ŋwan-ndɔ Ↄfↄŋ emi ŋwan-ndɔ edisinede ke temple ana edi afia, eye nte ekimde ye ke utɔ ɔfɔŋ, inyuŋ iyirike ediwak mbana-ŋkpɔ iyɔhɔ idem. Ana ofong oro nko ofuk temple garment. Enyene edidian mfefere-ɔfɔŋ edieke ofong emi anwangade-esit.

Man ekekem ye mme ɔfɔŋ efen emi esinede ke temple, ɔfɔŋ nwan-ndɔ ana enyene nyan-ubɔk mme mbio-anyan ubɔk. Mme ɔfɔŋ oro inaha nte oduri-etiene-ke-edem mibɔhɔke ekeme edimum-enyɔŋ mme edisio-sio kini edinamde usɔrɔ edidian-kiet.

Temple ekeme edinɔ ɔfɔŋ edieke eyomde mme enyenede-udong edibɔ.

Ↄfↄŋ eke Ebe-ndɔ Ebe-ndɔ esine ata ɔfɔŋ temple kini usɔrɔ ndɔ mme edidian-kiet (se 38.5.1 ye 38.5.2).

Mme Ↄfↄŋ eke Isenowo Mbon emi eyomde ediduk usɔrɔ ndɔ mme edidian-kiet ana esine mbiet ɔfɔŋ emi mmɔ ekpesinede eka esop udia-ɔbɔŋ. Mbon ufɔk Abasi emi etode ikpehe endowment nnen-nnen edi edidian-kiet ekeme edisine ɔfɔŋ usɔrɔ temple oro.

Ndiye-ikɔŋ Ebe ye ŋwan ndɔ ye isenowo inaha nte esine ndiye-ikɔŋ kini usɔrɔ ndɔ edidian-kiet.

27.3.2.7

Edikpuhɔ mme Mkpa-nnuen ke ekurede Ndɔ Temple mme Edidian-kiet

Edikpuhɔ mme mkpa-nnuen idihe ubak edinam eke usɔrɔ edidian-kiet eke temple. Nte ededi, ebe ye nwan ekeme edikuphɔ mme mkpa-nnuen ke ubet edidian-kiet. Inaha nte ebe ye nwan ekpuhɔ mme mkpa-nnuen ke ini mme ebiet efen ke temple mme ke anwa-esien eke temple.

Ebe ye ŋwan emi enamde ndɔ ye edidian-kiet ke ukem usɔrɔ oro ekeme edikpuhɔ mkpa-nnuen ke ini efen man edu ye mbon ufɔkemana emi mikikemeke ediduk ndɔ eke temple. Edikpuhɔ oro inaha nte ebiet ubak nkpo kiet eke ndɔ mme edidian-kiet eke usɔrɔ temple oro. Ebe ye ŋwan inaha nte enam enwɔŋɔ ke ema ekenam ndɔ mme edidian-kiet eke temple ekure.

Ebe ye nwan emi ekedɔde ndɔ ke iduŋ mbemiso edidian-kiet eke temple mmɔ ekeme edikpuhɔ mkpa-nnuen ke ndɔ eke iduŋ, ke edidian-kiet eke temple, mme ke usɔrɔ mbiba mmɔ.

27.3.4

Anie Ekpeka Ndɔ eke Temple mme Edidian-kiet

Ebe ye ŋwan ekeme edikot ata mbon ufɔkemana ye mme ufan man edi ndɔ eke temple mme edidian-kiet. Mme ɔdiɔŋɔ-idem mbon ufɔk Abasi ana edi ema enam endowment enyuŋ enyene temple recommend man eduk.

Stake president ekeme edinyime owo eke minaha baptism ye minamke endowment ke ntak unɔmɔ mfre man edise ndɔ mme edidian-kiet eke temple eke odu-uwem nditɔ-eka esie. Owo oro ana:

• Ikprike ikan isua Efureta.

• Enyene ukeme edidu ke uteŋe kini usɔrɔ oro.

Stake president ewet ekpri-ŋwed etiŋde ete ke enyime owo oro man ese edidian-kiet oro Eyenɔ efɔk-ŋwed oro ke temple.

27.4

Edidian Odu-uwem Nditɔ nnɔ mme Ete ye Eka

Nditɔ-ŋwɔŋ emi emanade ke ema ekedian eka mmɔ kiet ye ebe esie ke temple emana esine ke ediomi eke edidan-kiet oro. Mmɔ inaha nte ebɔ edinam eke edidain-kiet nnɔ mme ete ye eka.

Nditoɔ-ŋwɔŋ emi mikimanake ke ediomi ekeme edikabare ndi ubak eke nsinsi ufɔkemana ke edidian-kiet nnɔ mme ete ye eka emi ekemande mme eke ekpemede mmɔ. Nditɔ-ŋwɔŋ emi enyene unen edibɔ ukem edidiɔŋ oro ukem nte mbon emi ekemanade ke ediomi.

27.4.2

Editɔt Temple

Ebe ye nwan emi eyomde ndinyene ndito mmo edian-kiet enɔ mmɔ, mme nditɔ-ŋwɔŋ emi eyomde edina-kiet enɔ mme ete ye eka mmɔ emi ekekpade, ana ebabak etɔt temple man enim ini edinam oro.