28.

Chedaol Ruoll er a Templo el kirir a re mla Mad

28.0

Uchelel

Chedaol ruoll el meruul ra templo a uchul eng sebechel a telungalek el mo dmak el mora ulebongel e metik ra cherrungel deureng lobengkel a Dios.

A uchul a rengelekel a Chedam ra Babeluades a lmuut el morngii, eng kirir louchel a rengrir, e mo klikiid el ngmai chedaol ruoll ra mo suobel e kiei el mora ulebongel, e oltirakl a telbiil lobengkel chedaol ruoll.

A Chedam ra Babeluades a mle medengei el betok el Ngelekel a mo diak el ngai chedaol ruoll ra klengar tir ra chutem. Ng rirelii a tara rolel eng sebechir el ngmai chedaol ruoll e meruul a telbiil Lobengkel. Chelsel a templo, a chedaol ruoll a meruul loeak a romtechei. Ng belkul a kmo a ngar el chad a ngmai chedaol ruoll kirel a chad el mla mad. A belurir a redeleb, a remla mad el chad a melilt el kongei a lechub e te kotouar chedaol ruoll el mla meruul kirir (mesa Doctrine and Covenants 138:19, 32–34, 58–59).

A rechad ra Ikelesia a kirir el smiik a ngklir a re mla mad el beldekir el dirkak el ngai chedaol ruoll ra mo suobel ma kiei el mo cherechar. Ea rechad ra ikelesia a remuul chedaol ruoll el kirir tirkal chederir.

Alsekum a rechad ra ikelesia a dirkak el ngai a ngklir a rechederir el kirel a ureor ra templo (mesa 28.1.1), e a ngklir a re mla mad el chad lousbech chedaol ruoll a mo meruul ra chelsel a templo.

28.1

Teletael sel Domtechei el Meruul Chedaol Ruoll

A remla mad el chad el mle eai a rekrir el mo er bab ra taem le mlad a sebechel ngarngii omtechei remuul chedaol ruoll el kirir. Ng diak luldimukl ra ngara 28.3, a omtechei el meruul chedaol ruoll a mekedmokl el kirir a rechad ruriul ra okedei el klebesei ra lemad e ikakid el tekoi a loltirakl:

• A kmeed el chedal a mla mad (dimlak el medort a chebechielel, klou el ngalek, chedam ng chedil, a lechub a ta er ngii) a odureklii a ngakl el kirel chedaol ruoll.

• A kengei el meruul chedaol ruoll a mengai lokiu a kmal kmeed el chedal a mla mad (dimlak el medort a chebechielel, klou el ngalek, chedam ng chedil, a lechub a ta er ngii).

Alsekum eng diak a tara ikal ngarbab el tekoi, eng sebechel meruul chedaol ruoll lomtechei ruriul ra dart ma teruich el rak ra lemechell a chad.

28.1.1

Mengedmokl a Ngklir a Re mlamad el kirel Chedaol Ruoll ra Templo

A le sebechel, a tekoi el kirel a mla mad el chedal a telungalek a kirel soiseb FamilySearch.org ruchei ra lemeruul chedaol ruoll (mesa 25.4.2).

28.1.1.1

Olsiseb a Ngklir a Rchedal a Telungalek

Sel molsiseb a ngakl el kirel omtechei el merul chedaol ruoll, a chedal a ikelesia a blechoel kirel di osiseb a ngakl ra rechad el chedal.

28.1.2

Ng Techa Sebechel Meruul Chedaol Ruoll el kirir a remla Mad

Rokui el chedal a ikelesia loba babier ra mora templo a sebechir el meruul a techolbechelid ma olterekokl kirir a remla mad. A remla mora templo el chad loba beches el babier tir a sebechir meruul chedaol ruoll el kirir a remla mad. Mesa 26.3.

28.1.4

Temel

A rchedal a Ikelesia a kirir el remuul a temir ruchei ra bo loruul chedaol ruoll kirir a remla mad. Mesa temples.ChurchofJesusChrist.org el kirel a tekoi ma temel a bek el templo.

28.2

Meruul Chedaol Ruoll ra Templo el kirir a re mla Mad

Sel lomtechei meruul chedaol ruoll, e a chad a sebechel omtechei el kirel a mla mad losisiu el sechal a lechub ete redil er a lemechell.

28.2.1

Techolbechelid ma Olterekokl kirir a re mla Mad

Ngii dil chad ra ikelesia loba babier ra templo a sebechel meruul a ureor ra techobechelid. A bebil ra ureor a uldimukl a:

• Omtechei ra techolbechelid ma olterekokl.

• Sebechel sioning ra omtechei meruul a techolbechelid.

• Olngeseu

A roba Melchizedek Priesthood ma re prist ra Aaronic Priesthood a sebechir meruul a techolbechlid el kirir a re mla mad. A roba Melchizedek Priesthood a dirrek el sebechir el mo olterekokl ra re mla mad.

Ng di tirkel mla mora templo el meklou el sechal a:

• Meruul a rekord.

• Rekord sel lolterekokl.

28.2.2

Klengeltengat (luldimukl a initiatory)

Sel lomtechei el meruul a klengeltengat ra mla mlad, ea initiatory a meruul e mora rekord el kuk ileakl (mesa 27.2). Ngii dil chad el mla ngmai a klengeltengat loba babier ra templo a sebechel omtechei el ngmai ikal chedaol ruoll.

28.2.3

Omak el mora Buch me a Omak ra Rengalek el mora Redemerir me a Rederrir

Chelsel a templo, ea re mla mad el chad a sebechir el mouak el mo er a rebecherir er sera le dirk e chad el kaubuch. A re mla mad el chad a dirrek el sebechir el mouak el mora re ngar a lechub ete mla mad el ngelekir. A mla ngmai a klengeltengat e oba babier ra templo el chad a sebechel lomtechei meruul chedaol ruoll ra omak.

28.3

Tokubets el Teletael

Tial bliongel a smaod a teletael ra bebil er a tekoi28.1 el diak loruul

28.3.1

Rengalek El Mlad er a uchei ra Cheroll (Mechell el Ulekeuad me a Remilngai el Ngalek)

A chedaol ruoll ra templo a diak el usbechall a lechub e loruul el mora rengalek el mlad ruchei ra cheroll. A lmuut el bebil ra omsodel, e mesa 38.7.3.

28.3.2

Rengalek El Mlad Ruchei er a bol Eai a Rekrir

A remekekerei el ngalek a suobel lokiu a Tngakireng er a Jesus Kristo e mla suobel ra rengedel a celestial ra babeluades (Doctrine and Covenants 137:10). Seikid a uchul, eng diak a techolbechelid a lechub a klengeltengat el meruul kirel a ngalek el mlad ruchei ra bol eai a rekil. Eng di, a omak el mora rechad ra blil a sebechel mekedmokl ra rengalek el dimlak el mechell ra chelsel a telbiil a lechub eng dimlak nguu tial chedaol ruoll ra le ngar (mesa 18.1).