28.

Ekkewe Angangepin non Tempel ren ekkewe Mi Mano

28.0

Nepoputan

Ekkewe angangepin ra fis non ekkewe tempel ra fori tufichin an kewe famini repwe chufengen feinfeino me sinei ew unusochun pwapwa me mwen mesen Kot.

Ren noun Samach Kot won Nang kewe semirit ar repwe niwinsefan ngeni I, emon me emon neir repwe aier, repwe winiti mi nimenimoch ar repwe angei ekkewe angangepin ren amanaua me manau mi tekia, me afona ekkewe annuk mi pin mi akoko ngeni ew me ew annuk mi pin.

Samach Kot won Nang a sinei pwe chommong me nein Noun kewe semirit resap angei ekkei angangepin non manauer iei. I a awora ew aan fan iter ar repwe angei ekkei angangepin me fori pwon mi pin ren I. Non ekkewe tempel, ekkewe angangepin ra tongeni fis seni ewe a tupunir. Wewen ei pwe emon aramas mi manau a angei ekkewe angangepin fan iten emon a mano. Non ewe nenien ngun, ekkewe aramas mi mano ra tongeni fini ar repwe etiwa ika resap etiwa ekkewe angangepin ra fen fis fan iter (nengeni Doctrine and Covenants 138:19, 32–34, 58–59).

Ekkewe chon Mwichefen a wor pesepes ngenir ar repwe afata mararir kewe ra mano ekkewe rese mo angei ekkewe angangepin ren amanaua me manau mi tekia. Ekkewe memper iwe repwe fori ekkewe angangepin fan iten mararir kewe.

Ika ekkewe memper rese mo fen amonata iten ar kewe famini ren angangen non tempel (nengeni 28.1.1), iten ekkewe aramas mi mano mi auchea ngeni ekkewe angangepin epwe kawor me non ewe tempel.

28.1

Ekkewe Unusenapen Annuk ren Fori ekkewe Angangepin fan Iten Emon

Ekkewe aramas mi mano ir ier 8 ika watte seni non atun ar mano epwe wor chon fori ekkewe angangepin fan iter. Tiwenon chok ussun mi maketiw non 28.3, ekkewe angangepin emon a wisen fori fan iten meinisin ekkewe aramas mi mano a tongeni fis mwitir atun 30 ran me mwirin ewe ran ra mano ika ew me nein ekkewe mi tetenitiw a fis:

• Emon mararin ewe mi mano mi kon kanengeni (punuwan ese museni non kapung, noun a mukono, saman me inan, ika pwin ika fefinan/mongean) a wanong ewe it fan iten ekkewe angangepin non tempel.

• Mumutan an epwe fori ekkewe angangepin a angei seni emon aramasen ewe mi mano mi kon kan ngeni (punuwan ese museni non kapung, noun a mukono, saman me inan, ika pwin ika fefinan/mongean).

Ika ew me nein nonomun ewe mettoch ese fis, ewe chon fori ekkewe angangepin fan iten ewe mi mano meni epwe fis 110 ier mwirin ewe aramas mi mano a uputiw.

28.1.1

Amonata Iten ekkewe Aramas mi Mano ren Ekkewe Angangepin non Tempel

Ian a tufich me ian, porous a pwarata ussun chon an ewe mi mano famini epwe tonong non FamilySearch.org mwen ekkewe angangepin non tempel repwe fis (nengeni 25.4.2).

28.1.1.1

Wanong ekkewe It iten Ekkewe chon ewe Famini

Nupwen wanong ekkewe it fan iten an emon epwe fori ekkewe angangepin, napengeni ekkewe memper repwe wanong iten chok ekkewe aramas minne ra marar ngenir.

28.1.2

Ion Epwe Pachenong non Ekkewe Angangepin ren ekkewe Mi Mano

Meinisin memper ion a wor noun taropwen mumutan tonong non tempel a tongeni pachenong non ekkewe angangen papatais me me ekkewe kopunguno ren ekkewe mi mano. Ekkewe memper mi endowed fiti echo minen iei taropwen mumutan tonong non tempel a tongeni pachenong non meinisin ekkewe angangepin ren ekkewe mi mano. Nengeni 26.3.

28.1.4

Etetenin fansoun me ranin mettoch epwe fis

Ekkewe memper meni repwe mochen fori ew otot me mwen ekkewe angangepin fan iten ekkewe mi mano. Nengeni temples.ChurchofJesusChrist.org ren ew me ew porousen ewe tempel me etetenin ekkewe mettoch mi auchea.

28.2

Fori ekkewe Angangepin non Tempel ren ekkewe Aramas mi Mano

Nupwen foforun ekkewe angangepin, emon memper a tongeni tupuni emon ika pwe a chok nonno ngeni emon met ussun ewe memper atun an uputiw.

28.2.1

Papatais me Kopunguno ren ewe mi Mano

Emon memper ion mi wor noun taropwen mumutan tonong non tempel iei, a tongeni kokoto an epwe aninis non ekkewe angangen non ekkewe nenien papatais. Ekkoch me nein ekkewe angang meni epwe pachenong:

• Fori angangen chon tupuni ren papatais me kopunguno fan iten mi mano.

• Fori angangen emon chon pwarata ren emon a fori papatais fan iten mi mano.

• Anisi chon tonong non tempel.

Ekkewe mi wor rer Melkisetek Pristut me ekkewe prist non ewe Aaronik Pristut ra tongeni kokoto ar repwe fori ekkewe papatais ren ewe mi mano. Ekkewe Melkisetek Pristut ra pwan tongeni kokoto ar repwe wisen fori angangen kopunguno ren mi mano.

Ekkewe chok mwan ir mi endowed ra tongeni kokoto repwe:

• Angang ren emon chon rekotuni nenien papatais.

• Angang ren emon chon rekotuni kopunguno.

28.2.2

Endowment (Pachenong Poputan Angangepin)

Nupwen emon a tupuni emon ren ekkewe endowment fan iten ewe mi mano, ewe poputan kinikinin ewe angangepinin (initiatory) endowment a fis me a imufesen ne rekot (nengeni 27.2). Emon memper a fen endowed fiti echo taropwen mumutan tonong non tempel iei a tongeni fori napanapen ren tupuni emon ren ekkei angangepin.

28.2.3

Riri fengenin pupunu me Riri fengenin Semirit ngeni Sam me In

In ewe tempel, ekkewe aramas mi mano ra tongeni riri ngeni punuwer kewe ion ra apupu ngeni non ar manau. Ekkewe aramas mi mano ra pwan tongeni riri ngeni nour kewe mi manau ika mi mano. Emon memper mi endowed non tempel fiti echo taropwen mumutan tonong non tempel iei, a tongeni mokutukut ussun tupuni emon ren ekkewe angangepin ren riri fengen.

28.3

Ekkoch Mettoch mi Auchea

Ei kinikin a awewei ekkewe mettoch minne ekkoch me nein ekkewe nongonong a nom non 28.1 meni esap fis.

28.3.1

Ekkewe Semirit Ra Mano me mwen Uputiw (Monukon ra Mano Atun ar Uputiw me ekkewe Semirit Resemo Fisiochuno)

Ekkewe angangepin non tempel rese namot ika fis ren ekkewe semirit ra mano me mwen ar uputiw. Ren pwan ekkoch porousan, nengeni 38.7.3.

28.3.2

Ekkewe Semirit ra Mano me Mwen Wanu Ier

Ekkewe kukkun semirit ra ngas seni ewe Achasefan an Jises Kraist me “manau non ewe muun celestial non nang” (Doctrine and Covenants 137:10). Ren ei wewe, ese wor papatais ika endowment a fis ren emon semirit a mano me mwen ier 8. Iwe nge, ekkewe riri ngeni ekkewe sam me in epwe fis ren ekkewe semirit rese uputiw non ewe pwonepin are rese angei ena angangepin non ei manau (nengeni 18.1).