pila bautismal

28.

Templo Ordenansakuéra Omanova’ekuére

28.0

Ñepyrũmby

Umi ordenánsa ojejapóva templo-kuérape ojapo familiakuéra toĩ oñondive eternidáre ha tohupyty vy’apavẽ plenitu Tupã renondépe.

Túva Yvagagua ta’yrakuéra oho jey hag̃ua Chupe, peteĩteĩ hikuái oñearrepentiva’erã, hekomarangatu orresivi hag̃ua umi salvasiõ ha exaltasiõ ordenansakuéra, ha oñongatu umi konvénio ohóva peteĩteĩ umi ordenánsa ndive.

Túva Yvagagua oikuaákuri heta Ita’yrakuéra ndorresivimo’ãiha ko’ã ordenánsa hekove yvy arigua aja. Ha’e ome’ẽ ambue tape ha’ekuéra orresivi hag̃ua umi ordenánsa ha ojapo konveniokuéra Hendive. Templo-kuérape, umi ordenánsa ojejapokuaa representante rupi. Kóva he’ise peteĩ tapicha oikovéva orresiviha umi ordenánsa peteĩ máva omanova’ekue favor-pe. Mundo de los Espíritus-pe, tapichakuéra omanova’ekue ikatu oiporavo omboaje térã ombotove umi ordenánsa ojejapova’ekue hesekuéra (tojehecha Doctrina ha Konveniokuéra 138:19, 32–34, 58–59).

Tupaogua miembro-kuéra oñemokyre’ỹ oidentifika hag̃ua iparientekuéra omanova’ekue ndorresiviriva’ekue umi salvasiõ ha exaltasiõ ordenansakuéra. Upéi miembro-kuéra ojapo umi ordenánsa umi pariente favor-pe.

Miembro-kuéra ndopreparáirõ ifamiliakuéra réra ojapo hag̃ua templo rembiapo (tojehecha 28.1.1), templo-pe oñeme’ẽta umi tapicha omanova’ekue réra oikotevẽva umi ordenánsa.

28.1

Umi Páuta General Ojejapo hag̃ua Ordenansakuéra Representante rehe.

Ojejapokuaa umi ordenánsa representante rehe umi tapicha omanova’ekue orekóva 8 áño térã hetave omanoha ára favor-pe. Ỹrõ oje’eháicha 28.3-pe, ikatu ojejapo ordenánsa representante rehe opaite umi tapicha omanova’ekuére ohasa rire 30 día ifécha omanova’ekuégui oje’aplikárõ peteĩ ko’ãvagui:

• Peteĩ pariente iñag̃uíva pe omanova’ekuégui (ména/tembireko ojedivorsia’ỹva, ta’ýra okakuaáva, tuvakuéra térã hermano-kuéra) omondóramo héra templo ordenansakuerarã.

• Ojerresivi permiso peteĩ pariente iñag̃uíva pe omanova’ekuégui (ména/tembireko ojedivorsia’ỹva, ta’ýra okakuaáva, tuvakuéra térã hermano-kuéra) ojejapo hag̃ua umi ordenánsa.

Ndoje’aplikáirõ ni peteĩ umi condición oje’éva yvateve, templo ordenansakuéra representante rehe ikatu ojejapo 110 ary rire pe tapicha omanova’ekue onasehague.

28.1.1

Oñembosako’ívo umi Tapicha Omanova’ekue Réra Templo Ordenansakuérape g̃uarã.

Ikatu vove, marandu oidentifikáva pe familiapegua omanova’ekuépe oñemoĩngeva’erã FamilySearch.org-pe FamilySearch.org templo ordenansakuéra ojejapo mboyve (tojehecha 25.4.2).

28.1.1.1

Oñemondóvo Familia-peguakuéra Réra

Oñemondóvo terakuéra templo ordenansakuerarã representante rehe, miembro-kuéra omondova’erã jepi umi tapicha ha’éva ipariente réra añónte.

28.1.2

Mávapa Ikatu Opartisipa umi Ordenánsape Omanova’ekuére

Opavave miembro orekóva peteĩ templo recomendación vihénte ikatu opartisipa bautismo ha confirmación-pe omanova’ekuére. Miembro-kuéra oñeinvestíva orekóva peteĩ templo recomendación vihénte ikatu opartisipa opaite ordenansakuérape omanova’ekuére. Tojehecha 26.3.

28.1.4

Cita Jeprograma

Miembro-kuéra oikotevẽkuaa ojapo peteĩ cita ojapo mboyve umi ordenánsa omanova’ekuére. Tojehecha temples.ChurchofJesusChrist.org peteĩteĩ templogua contacto informasiõ ha tekotevẽva ojejapo hag̃ua cita.

28.2

Ojejapóvo umi Templo Ordenánsa Tapichakuéra Omanova’ekuére

Ojejapóvo ordenansakuéra representante rehe, peteĩ miembro ojapokuaa representante-ramo peteĩ tapicha omanova’ekuére ha’éva imismo sexogua onasehague.

28.2.1

Bautismo ha Confirmación Omanova’ekuére

Oimeraẽ miembro orekóva peteĩ templo recomendación vihénte ikatu oñeinvita oservi hag̃ua batisterio asignasiõme. Umi asignasiõme ikatu oike ko’ãva:

• Oiko representante ramo bautismo ha confirmación-rã.

• Oiko testigo-ramo bautismo-pe representante rehe.

• Oñeipytyvõvo partisipantekuérape.

Melquisedec Sacerdocio orekóva ha presbítero Sacerdocio Aarónico-pe ikatu oñeinvita ojapo hag̃ua bautismo omanova’ekuére. Melquisedec Sacerdocio orekóva ikatu avei oñeinvita o’ofisia hag̃ua confirmación-pe omanova’ekuére.

Kuimba’e oñeinvestíva añónte ikatu oñeinvita:

• Oservi hag̃ua pila bautismal registrador-ramo.

• Oservi hag̃ua confirmación registrador-ramo.

28.2.2

Investidura (Oikehápe Iniciatoria)

Ojejapóvo investidura omanova’ekuére representante rehe, pe iniciatoria pehẽ investidura-pe ojejapo ha ojerrehistra por separado (tojehecha 27.2). Oimeraẽ miembro oñeinvestíva orekóva peteĩ templo recomendación vihénte ikatu ojapo representante-ramo orresivi hag̃ua ko’ã ordenánsa.

28.2.3

Sellamiento Ména/Tembireko ndive ha Sellamiento Ta’ýra Tuvakuéra ndive

Templo-pe, tapichakuéra omanova’ekue ojesellakuaa iména/hembireko omendava’ekue ndive oikove aja. Tapichakuéra omanova’ekue ikatu avei ojesella ita’yrakuéra oikovéva térã omanova’ekue ndive. Peteĩ miembro oñeinvestíva orekóva peteĩ templo recomendación vihénte ikatu ojapo representante-ramo sellamiento ordenansakuérape.

28.3

Umi Situasiõ Espesiálva

Ko sección-pe oñemohesakã umi situasiõ ikatuhápe umi páuta oĩva 28.1-pe ndoje’aplikakuaái.

28.3.1

Mitãnguéra Omanóva Onase Mboyve (Heñóiva Omanorire térã umi Aborto Espontáneo)

Templo ordenansakuéra natekotevẽi ni ndojejapói umi mitãre omanova’ekue onase mboyve. Ojehupytyve hag̃ua marandu, tojehecha 38.7.3.

28.3.2

Mitãnguéra Omanóva Okumpli Mboyve Ocho Áño

Umi mitã michĩva oñerredimi Jesucristo Expiasiõ rupi ha “ojesalva yvága reino celestial-pe” (Doctrina ha Konveniokuéra 137:10). Upévare, ndojejapói bautismo ni investidura peteĩ mitãre omanova’ekue oreko mboyve 8 áño. Upevére, ikatu ojejapo sellamiento tuvakuéra ndive umi mitãme nonaseiva’ekue konvéniope térã ndorresivíriva upe ordenánsa hekovépe. (tojehecha 18.1).