“29. Kweilo̧k ko ilo Kabun̄ in,” Kāālet ko jān Bok in Bōk Meļeļe Eļap (2023).
“29. Kweilo̧k ko ilo Kabun̄ in,” Kāālet ko jān Bok in Bōk Meļeļe Eļap
29.
Kweilo̧k ko ilo Kabun̄ in
29.0
Kadkad in
Armej ro Rekwojarjar ilo Raan Ko Āliktata rej kweilo̧k ippān doon n̄an kabun̄jar, kōketak doon, im katakin im ekkatak kōn gospel eo (lale Alma 6:6; Moronai 6:5–6). Rilo̧mo̧o̧r eaar kallim̧ur, “Bwe ijo ruo ak jilu rej kweilo̧klo̧k ilo eta, Ij pād eoļōpaer” (Matu 18:20) Kweilo̧k ippān doon ej juon wāween būruwōd remaron̄ “kuk ippān doon ilo bōrokuk im ilo iakwe n̄an doon” (Mosaia 18:21).
Ijo wōt ke, kōm̧m̧ane juon kweilo̧k ejjab aikuj in bōk jikin jerbal im jerbal in karejar eo āinwōt an kar Jisōs Kraist kōm̧m̧ane.
29.1
Ļōmake im Kōjeikik Kweilo̧k ko
Ritōl ro rej karōk im kōjeikiik kweilo̧k ko “āinwōt an Jetōb Kwojarjar tōl er, ekkar n̄an kien im revelesōn ko an Anij” (Katak im Bujen Ko 20:45; lale barāinwōt Moronai 6:9; Katak im Bujen Ko 46:2). Rej pukōt wāween ko n̄an karuwaineneiktok im̧we eo an Jetōb ilo kweilo̧k ko aer.
Ritōl ro rej kanooj lale bwe jon̄an im aitokan kweilo̧k ko ren jab kadodoik membōr ro ak baam̧le ko aer.
29.2
Kweilo̧k ko an Ward
29.2.1
Kweilo̧k in Kwojkwoj eo
29.2.1.1
Karōke Kweilo̧k in Kwojkwoj eo
Bisoprik eo ej kōtōbaļe im kōjeikik kweilo̧k in kwojkwoj eo. Rej kanooj lale bwe jibadbad eo an kweilo̧k eo ej ikijen kwojkwoj eo im kalōk tōmak ilo Jisōs Kraist.
Kweilo̧k in kwojkwoj eo aitokan ej juon awa. Emaron̄ koba men kein rej ellaajrak:
-
Kōjan̄ ainikien kōjan̄jan̄ wōt m̧oktak jān ijjino (lale lale 19.3.2 n̄an unin tōl ko).
-
Iak iakwe im karuwainene.
-
Kile routiej ro an Kabun̄ in im rej tōl ak ritōl ro jet me rej lotok.
-
Kōjjeļā ko. Kōjjeļā kein rej aikuj kadu.
-
Pejnej ko an ward im stake, āinwōt kein rej ellaajrak:
-
Leļo̧k āt im kōjeraam̧m̧an ajri ro (lale 18.6). Menin ekkā an dedeļo̧k ilo kweilo̧k in jitlo̧k im kwaļo̧k naan in kam̧ool eo (lale 29.2.2).
-
Kapen rioktak ro rekāāl (lale 18.8).
-
Al in kwojkwoj ko im leto letak eo an kwojkwoj eo. Kwojkwoj eo ej men eo eaorōk tata jej aikuj mije ilo kweilo̧k eo. Kain̄i in ej juon iien em̧m̧an n̄an membōr ro n̄an kaiookļo̧k ļōmņak ko aer n̄an Rilo̧mo̧o̧r im katok eo An n̄an er.
N̄an meļeļe ko kōn m̧aanjabpopo, kōjeraam̧m̧an, im letok letak kwojkwoj eo, lale 18.9
-
Ennaan ko an gospel eo im al eo an jarlepju eo ak al ko jet.
-
Al im jar in ikkilōk.
-
Al kōjan̄jan̄ ko ālkin jar.
29.2.1.4
Ekāālel Rikōnono ro.
Bisoprik eo ej ekāālel rikōnono ro n̄an kweilo̧k in kwojkwoj eo. Emakijkij wōt aer kajjitōk ippān ro uwaan ward eo, ekoba jodikdik ro.
Rikōnono ro rej kwaļo̧k naan in kam̧ool kōn Jisōs Kraist im katakin kōn gospel eo An ilo aer kōjerbal jeje ko rekwojarjar (lale Katak im Bujen Ko 42:12; 52:9).
29.2.2
Kweilo̧k in Jitlo̧k eo im Kwaļo̧k Naan in Kam̧ool eo
Ilo juon kweilo̧k in jitlo̧k im kwaļo̧k naan in kam̧ool, ejjeļo̧k rikōnono ro kar jitōn̄ er ak al ko kāāleti rejenolo̧k. Ijello̧kin, armej eo ej kōjeikik ej kwaļo̧k juon naan in kam̧ool ekadu. Innām ej karuwaineneik membōr ro an jarlepju eo n̄an kwaļo̧k naan in kam̧ool ko aer. N̄an kwaļo̧k naan in kam̧ool ej meļeļe in n̄an kean̄ kōn m̧ool ko an gospel eo āinwōt im̧we jān Jetōb Kwojarjar eo.
29.2.3
Kweilo̧k eo eļap an Ward
29.2.4
Kweilo̧k eo an Bisoprik
Jerbal ko n̄an ļōmņak kaki remaron̄ koba:
-
Loloorjake jerbal in lo̧mo̧o̧r eo im mour ilo aiboojoj eo eutiejtata ilo ward eo.
-
Kōkajoorļo̧k kajjojo armej im baam̧le ko ilo ward eo—eļap tata jodikdik ro im ajri ro.
-
Kile membōr ro me remaron̄ pojak n̄an bōk kain̄i ko, ekoba ekkapit ko an priesthood eo.
-
Kile membōr ro n̄an kūr er n̄an jerbal ko ilo ward eo.
29.2.5
Kweilo̧k eo an Ward Ko̧o̧njeļ eo
Karōk ko an bisop eo, ej tōl, im kōjeikiik kweilo̧k ko an ward ko̧o̧njeļ eo. Ko̧o̧njeļ eo ejjab kōm̧m̧ani kālet ko reļļap n̄e ejako bisop eo.
Ritōl ro ilo doulul ko an ward eo rej pād ilo kweilo̧k in ko̧o̧njeļ ko ilo ruo eddo ko:
-
Āinwōt ro uwaan ward ko̧o̧njel eo me rej jipan̄ kōjeraam̧m̧an aolep ro uwaan ward eo.
-
Āinwōt ro rej itok ilo etan doulul ko aer.
N̄e rej kweilo̧k ippān doon, ro uwaan ward ko̧o̧njeļ eo rej ekōnono kōn jerbal ko me renaaj jeraam̧m̧an jān kijejeto ko reippān doon an aolepān ko̧o̧njeļ eo. Kajjojo membōr in ko̧o̧njeļ eo ej kōketak n̄an kwaļo̧k ļōmņak eo an im im̧we eo ilo jerbal kein.
Kweilo̧k ko an ward ko̧o̧njeļ ekkā aer jab aitokļo̧k jān juon awa. Rej ijjino kōn juon jar im ribbot ko ilo tukaduier kōn ijjitōn̄ ko jān kweilo̧k ko im̧aanļok. Bisop ej likūt jerbal ko raorōk m̧oktata me eļap aikuji n̄an kōjeraam̧m̧an kajjojo armej im baam̧le ko.
-
Mour kōn gospel eo an Jisōs Kraist. Jipan̄ aolep membōr ro kalōk tōmak, bōk kain̄i in lo̧mo̧o̧r ko, im kōjparok bujen ko aer.
-
Kea kōn ro rej aikuj. Kwaļo̧k kein jipan̄ kko im kapeel ko n̄an kōjeraam̧m̧an kajjojo armej, baam̧le ko, im jukjuk in pād eo. Jipan̄ membōr ro ilo ward eo erom un̄n̄are peier make. (Lale jepta 22.)
-
Karuwaineneik aolep n̄an bōk gospel eo. Etale eddōkļo̧k eo an ro rej ekkatak kōn gospel eo, barāinwōt membōr ro rekāāl im membōr ro rej bar ro̧o̧ltok. Ekōnono kōn wāween ko memebōr ro remaron̄ kwaļo̧k gospel eo ippān ro jet. (Lale jepta 23.)
-
Kobaik baam̧le ko n̄an mour indeeo. Etale eddōkļo̧k eo an membōr ro me rej m̧aanjabpopo n̄an bōk kain̄i ko an tampeļ. Karōk wāween ko n̄an jipan̄ elōn̄ļo̧k membōr karbōb n̄an bōk juon peba in mālim inn deļon̄e tampeļ. Ekōnono kōn wāween ko membōr ro remaron̄ bōk koņaer ilo jerbal in tampeļ im menmenbwij an baam̧le. (Lale jepta 25.)
Mem̧bōr ro an ko̧o̧njeļ eo rej aikuj dāpij wōt ittiņo eo an jabdewōt meļeļe an juon make ak raorōk (lale 4.4.6
29.2.6
Kweilo̧k an Ko̧o̧njeļ eo an Jodikdik an Ward eo
M̧okta jān kajjojo kweilo̧k, bisop eo im armej eo ej kōjeikik rej etale aitōm ko n̄an ekōnono kaki.
-
Jerbal in lo̧mo̧o̧r eo im mour ilo aiboojoj eo eutiejtata.
-
Aikuj ko an jodikdik ro ilo ward eo im wāween ko n̄an ņa mejļaer.
-
Kijejeto ko n̄an pukōtļo̧k jodikdik ro me rejeniknik ak membōr ro rekāāl.
-
M̧akūtkūt ko, ekoba iien ko rem̧m̧an n̄an jerbal n̄an ro rej pād ilo aikuj. Elōn̄ wōt iaan karōk ko rej kōm̧m̧an ilo kweilo̧k ko an būreejtōnji eo an doulul eo ak kūlaaj eo (lale jebta 20).
-
Jerbal in karejar (Lale jebta 20
-
Kajineet būreejtōnji ro rekāāl me rej kab kūr er n̄an doulul im kūlaaj ko.
29.2.8
Jikejuuļ ko n̄an Kweilo̧k ko ilo Jabōt
Ward ko rej kōjerbal juon iaan jikejuuļ ko ruo-awa n̄an kweilo̧k ko ilo Jabōt.
Karōk 1
|
60 minit ko |
Kweilo̧k in kwojkwoj eo |
|---|---|
|
10 minit ko |
Iien jānji n̄an kūlaaj ko im kweilo̧k ko |
|
50 minit ko |
Aolep Jabōt: Būraimere, ekoba nursery eo. Jabōt juon im jilu ilo juon allōn̄: Jabōt Jikuuļ. Jabōt ruo im jilu: Kweilo̧k ko an doulul ko an priesthood, Doulul eo an Kōrā ro, im Doulul eo an Jiron̄ ro. Jabōt Ļalem: kweilo̧k ko n̄an jodikdik ro im rūtto ro. Bisop eo ej leļo̧k unin kōnono eo im jitōn̄ rūkaki ro. |
Karōk 2
|
50 minit ko |
Aolep Jabōt: Būraimere, ekoba nursery eo Jabōt juon im jilu ilo juon allōn̄: Jabōt Jikuuļ. Jabōt ruo im jilu: Kweilo̧k ko an doulul ko an priesthood, Doulul eo an Kōrā ro, im Doulul eo an Jiron̄ ro. Jabōt Ļalem: kweilo̧k ko n̄an jodikdik ro im rūtto ro. Bisop eo ej leļo̧k unin kōnono eo im jitōn̄ rūkaki ro. |
|---|---|
|
10 minit ko |
Iien jānij eo n̄an kweilo̧k in kwojkwoj eo |
|
60 minit ko |
Kweilo̧k in kwojkwoj eo |
29.3
Kweilo̧k ko an Stake
29.3.1
Kweilo̧k eo eļap an stake
29.3.2
Kweilo̧k eo Eļap an Stake an Priesthood
29.3.3
Kweilo̧k an Ritōl an Priesthood ilo Stake eo
29.3.4
Kweilo̧k ko an Ritōl an Stake eo
29.3.5
Kweilo̧k eo an Doulul an Pris ro Reutiej an Stake eo
29.3.6
Kweilo̧k eo an Stake Būreejtōnji eo
29.3.7
Kweilo̧k eo an High Ko̧o̧njeļ
29.3.8
Kweilo̧k eo an Stake Ko̧o̧njeļ eo
29.3.9
Kweilo̧k eo an Kamiti eo an Ritōl Rūtto an Stake eo
29.3.10
Kweilo̧k eo an Kamiti eo an Ritōl Jodikdik ro an Stake eo
29.3.11
Kweilo̧k eo an Stake Ko̧o̧njeļ Ippān Bisop ro
29.5
Ilomej ko im M̧akūtkūt ko Jet n̄an Eo Emej
29.5.1
Pedped in Katak ko n̄an Aolep
Juon un aorōk an m̧akūtkūt ko an Kabun̄ in n̄an eo emej ej n̄an kam̧ool kōn karōk in lo̧mo̧o̧r eo, eļap tata Pinmuur eo im Jerkakpeje eo an Rilo̧mo̧o̧r eo. M̧akūtkūt kein rej aikuj in ilo kautiej, en̄jake ko ilo jetōb.
Ritōl ro an Kabun̄ in rejjab kobaik m̧antin kabun̄ ko an kabun̄ ko jet ak kumi ko ilo m̧akūtkūt ko n̄an eo emej.
29.5.2
Leļo̧k Jipan̄ n̄an Baam̧le eo
Āinwōt rikalooran ro an Jisōs Kraist, ritōl ro ilo Kabun̄ in im ro uwaan ‘mōnōnō in jan̄ ippān ro rej jan̄ … im kaenōm̧m̧an ro rej pād ilo aikuj in aenōm̧m̧an” (Mosaia 18.9 N̄e juon membōr ej mej, biosp eo ej loļo̧k baam̧le eo n̄an leļo̧k kaenōm̧m̧an.
Bisop eo ej leļo̧k jipan̄ jān ro uwaan ward eo, ekoba doulul eo an elder ro im Doulul eo an Kōrā ro.
29.5.4
M̧akūtkūt in Ilomej ko (Ijo Ekkar n̄an M̧anit)
Juon ilomej eo kōjeikik jān bisop eo, men̄e ilo juon im̧ōn jar an Kabun̄ in ak bar juon jikin, ej juon kweilo̧k an Kabun̄ in im juon m̧akūtkūt in kabun̄ in. Ej aikuj in juon iien eo ejetōbtōb
Ilomej ko rej aikuj ijjino ilo jetjet in awa. Ilo m̧ool, rej aikuj jab aitokļo̧k jān 1.5 awa ko, āinwōt juon kautiej n̄an ro me rej pād ie.
Ilomej eo ejjab kijon̄ in kōm̧m̧an ilo raan in Jabōt.
29.6
Jar ko ilo Kweilo̧k ko an Kabun̄ in
Jar ko ilo kweilo̧k ko an Kabun̄ in rej aikuj kadu, ļam waan, im tōl jān Jetōb eo. Jabdewōt membōr in Kabun̄ in me ekar peptaij emaron̄ kōm̧m̧ane juon jar in kōppeļo̧k ak ikkilōk. Ajri ro me rejjab peptaij maron̄ jar ilo Būraimere.
29.7
Kweilo̧k ko Kōjerbal Stream im Kōm̧m̧an Kweilo̧k ko Kōjerbal Kamputōr
Bisop eo emaron̄, āinwōt juon kālet emaron̄ kōm̧m̧ane, ej kōmālim an kōm̧m̧ane ilo im̧ōnjar eo juon livestream an kweilo̧k in kwojkwoj ko im kōn ilomej ko im kōm̧are ko
Juon livestream an juon kweilo̧k in kwojkwoj eo ej aikuj jab koba kōm̧m̧ane kwojkwoj eo.
N̄an jet kweilo̧k ko, bisop eo ak stake būreejtōn eo emaron̄ kōmālim membōr ro me rejjab maron̄ pād ilo nememein armej n̄an bōk koņaer ilo intōnet. Kweilo̧k kein remaron̄ koba:
-
Kweilo̧k ko an ritōl, ko āinwōt kweilo̧k ko an būreejtōnji ak ko̧o̧ņjeļ.
-
Kweilo̧k ko an Doulul eo, Doulul eo an Kōrā ro, im Doulul eo an Jiron̄ ro.
-
Jabōt Jikuuļ kūlaaj eo.
-
Būraimere kūlaaj ko im iien al eo.
29.8
Pija ko im Rekoote Pija in Alooj an Kweilo̧k ko
N̄an dāpij kwojarjar eo an kweilo̧k ko an Kabun̄ in, en ejjeļo̧k juon en bōk pija ko ak rekoote pija in alooj ko an kweilo̧k in kwojkwoj eo ak kweilo̧k ko reļļap an stake eo.
N̄an meļeļe kōn kōm̧m̧an rekoot in kweilo̧k ko, lale 29.7.