“29. Ekkewe mwich non ewe Mwichefen,” Ekkoch Kinikin seni ewe Pukenapen Emwen (2023).
“29. Ekkewe mwich non ewe Mwichefen,” Ekkoch Kinikin seni ewe Pukenapene Emwen
29.
Ekkewe mwich non ewe Mwichefen
29.0
Nepoputan
Aramas mi Pin non Fansoun Soponon ra mwich fengen ar repwe fel ngeni Kot, emwirinouono emon me emon, me aiti me kaeo ewe kapas allim (nengeni Alma 6:6; Moronai 6:5–6). Ewe chon Amanau a pwon, “Pwe ikewe ruomon are unumon ra mwich fengen fannitei, upwe pwan nonnom rer” (Matthew 18:20). Mwich fengen ina ew anen an netipach repwe tongeni “riri fengen non ew chok me non tong” (Mosiah 18:21).
Iwe nge, awora ew mwich esap tongeni ekesiwini nenien angang me iamwiri ussun Jises Kraist a fori.
29.1
Ota me Emweni Ekkewe Mwich
Ekkewe sou emwen ra ota me emweni ekkewe mwich “ussun ar emwen meren ewe Ngun mi Fel, anongonong ngeni ekkewe annuk me pwarata an Kot” (Doctrine and Covenants 20:45; see also Moronai 6:9; Doctrine and Covenants 46:2). Ra kukuta ekkewe an ar repwe tingor ewe angangen amemefin ewe Ngun non ar ekkewe mwich.
Ekkewe sou emwen ra nenengenochu pwe ewe ukukun me tamen ekkewe mwich esap forata pekusun ekkewe memper ika ar kewe famini.
29.2
Ekkewe Mwichen Wart
29.2.1
Mwichen Sakramen
29.2.1.1
Ota Mwichen Sakramen
Ewe pisoprik a ota me emweni mwichen sakramen. Ra forochu pwe ewe ekiek ren ewe mwich epwe anongonong won ewe sakramen me ammarata nuku non Jises Kraist.
Mwichen sakramen a ew awa taman. A tongeni apachanong ekkewe mi tetenitiw:
-
Konun nepoputan (nengeni 19.3.2 ren minen emwen).
-
Kapong me etiwetiw.
-
Etiwetiwen ekkewe meinap chon emwen ika ekkoch sou emwen ra chuto.
-
Kapasen Esinesin. Ekkei repwe chok oukuk.
-
Wart me steik business, ussun ekkei mi tetenitiw:
-
Eita me efeiochu semirit (nengeni 18.6). Ei a kan fifis non mwichen echikefen me kapasen pwarata (nengeni 29.2.2).
-
Kapungunon minefon chon choni Mwichefen (nengeni 18.8).
-
Konun sakramen me kokotun ewe sakramen. Ewe sakramen ina ewe akauchean ewe mwich. Ei angangepin ina ew tufich ren ekkewe memper ar repwe emweni ar ekiekngeni ewe Chon Amanau me An ewe asor fan iter.
Ren pwan ekkoch ren amonetan, efeiochun, me einetin ewe sakramen, nengeni 18.9.
-
Afanafanan ewe kapas allim me chon ewe mwich kon me pwan ekkoch pekin kon.
-
Konun nesoponon me iotek.
-
Kon mirinon ewe mwich.
29.2.1.4
Kefinin Ekkewe chon Afanafan
Ewe pisoprik a fini ekkewe chon afanafan ren mwichen sakramen. Napengeni ra kokori ekkewe memper, pachenong sarafo.
Ekkewe chon afanafan ra apasata ar kapasen pwarata ussun Jises Kraist me afanafana An kapas allim ra nounou ekkewe pukefen (nengeni Doctrine and Covenants 42:12; 52:9).
29.2.2
Mwichen Echikefen me Kapasen Pwarata
Non ew mwichen echikefen me kapasen pwarata, ese wor chon afanafan mi kefinita ika kon mi kefinino. Iwe nge, ewe aramas a emweni a apasata ew mochomochen kapasen pwarata. Iwe mwirin a tingor ngeni ekkewe chon ewe mwich ar repwe apasata ar kapasen pwarata. Ach sipwe awora kapasen pwarata wewen pwe sia afata ekkewe ennet ussun ewe kapas allim ussun a amemef seni ewe Ngun mi Fel.
29.2.3
Mwichen Wart an Steik
29.2.4
Mwichen Pisoprik
Ekkewe mettoch ren ar repwe ekieki a tongeni pachenong:
-
Omokutu angangen ewe angangen amanaua me manau mi tekia non ewe wart.
-
Apochokuna ekkewe aramas me famini non ewe wart—akaewin sarafo me ekkewe semirit.
-
Esinna ekkewe memper ion kewe mi tongeno amonata ar repwe angei ekkewe angangepin, pachenong angangepin ren pristut.
-
Esinna ekkewe memper ar repwe kokongeni ekkewe wis non wart.
29.2.5
Mwich ren Mwichen Apungupung non Wart
Ewe pisop a ota, emweni, me eteteni ekkewe mwich an ewe mwichen apungupung non wart. Ewe mwichen apungupung esap fori auchean pungun ekiek nge ese nom ewe pisop.
Ekkewe sou emwenin mwicheich ra fiti ekkewe apungupungun mwichen wart non ruu wiser.
-
Ren emon memper chon ewe mwichen apungupung non ewe wart ewe a anisi efeiochu meinisin chon ewe wart.
-
Emon chon tupuni ar kewe emwicheich.
Nupwen ra mwich fengen, ekkewe chon ewe mwichen apungupung non ewe wart ra porous won ekkewe mettoch repwe namot seni achocho ne ochufengeni ewe unusen mwichen apungupung. A wor pesepes ngeni emon me emon chon ewe mwichen apungupung an epwe aporousa an kewe ekiek me mokutukutun memef won ekkewe mettoch.
Ekkewe mwich an ewe mwichen apungupung non ewe wart napengeni ese pwan nakatam seni ew awa ar mwich. Ra poputa akkom ren iotek me apasa mochomochen repot won ekkewe angang seni ewe mwich me akkom. Ewe pisop a awora etetenin menni mettoch a kon auchea an epwe efeiochu emon me emon me kewe famini.
-
Manaueni ewe kapas allimen Jises Kraist. Anisi meinisin memper ar repwe anapano ar nuku, angei ekkewe angangepinin amanaua, me aponueta ar kewe pwon mi pin.
-
Eteneki ekana ir mi osupwang. Aea ekkewe nenien awora aninis me nipwakoch an epwe efeiochu emon me emon aramas, famini me ewe neni. Anisi chon ewe wart ar repwe anapano kuta-tufich. (Nengeni sopun 22.)
-
Kokorato meinisin ar repwe kaeo ewe kapas allim. Katon sefan ewe fefeita ren ekkana ra kaeo ussun ewe kapas allim ussun chok ekkewe minefon memper me ekkewe rapwan niwin sefan. Porous won ekkewe anen an ekkewe memper repwe tongeni aporousa ewe kapas allim ngeni ekkoch. (Nengenisopun 23.)
-
Ochu fengeni ekkewe famini tori feinfeino. Katon sefan ewe fefeita an ekkewe memper ekkewe ra amonata ar repwe angei ekkewe angangepin non tempel. Ota ekkewe anen aninisin ngeni chommong member ar repwe tufich ngeni echo taropwen mumutan tonong non tempel. Porous won ekkewe anen an memper repwe tongeni fiti angangen uruon famini non tempel. (Nengeni sopun 25.)
Chon ewe mwichen opungupung repwe amonomonono ese nifinifin porous mi monomon (nengeni 4.4.6).
29.2.6
Mwichen Apungupung an Sarafo non Wart
Mwen ew me ew mwich, ewe pisop me ewe aramas epwe eteten repwe nengeniochu ekkewe mettoch repwe porous won.
-
Ewe angangen amanaua me manau mi tekia.
-
Osupwang an chon sarafo non ewe wart me ekkewe aanen ifa ussun ne atawei.
-
Ekkewe pekin anganga fan iten ach sipwe churi ekkewe sarafo ir mi apwangapwang ika ekkewe minefon memper.
-
Pekin urumot, pachenong ekkewe tufichin ach sipwe anisi ekkana ir mi osupwang. Napengeni ewe kokkot a wesino non mwich ika klas ren ekkewe mwichen presetensi (nengeni sopun 20).
-
Iamwir (nengeni sopun 21).
-
Emweni ekkewe minefon presetensi ren mwich me klas.
29.2.8
Ekkewe Etetenin Fansoun me Ranin Ekkewe Mwich non Raninifen
Wart a aea ew me nein ekkewe ruu awa tetenin ekkewe mwich non Raninifen mi tetenitiw.
Kokot 1
|
60 minich |
Mwichen Sakramen |
|---|---|
|
10 minich |
Atun feino ngeni ekkewe klas me mwich |
|
50 minich |
Meinisin Raninifen: Kinter, pachenong klasin kukununon semirit. Aewin me ounungatin Raninifen ren ewe maram: Sunday School Oruwan me Oruanun Raninifen: ekkewe mwich an mwichen pristut, mwichen Relief Society, me Ekkewe Mwichen Fopun Enimuwen Raninifen: Ekkewe mwich ren sarafo me ekkewe ra mukono. Ekkewe pisoprik ra finata ewe itenap me fini ekkewe sense. |
Plan 2
|
50 minich |
Meinisin Raninifen: Kinter, pachenong kukununon klasin semirit. Aewin me aunungatin Raninifenin ewe maram, Sunday School Oruan me aruanun Raninifen: ekkewe mwich an mwichen pristut, ekkewe mwich an Relief Society, me ekkewe mwich an Mwichen Fopun Enimuwen Raninifen: ekkewe mwich ren sarafo me mei mukono. Ewe pisoprik a finata ewe itenap me fini ekkewe sense. |
|---|---|
|
10 minich |
Atun ekesiwin ngeni mwichen sakramen |
|
60 minich |
Mwichen sakramen |
29.3
Ekkewe Mwichen Steik
29.3.1
Mwichenap non ewe Steik
29.3.2
Mwichen Unusen Pristut non Steik
29.3.3
Mwichen Sou Emwenin Pristut non ewe Steik
29.3.4
Ekkewe Mwichen Sou Emwenin Steik
29.3.5
Mwich an ewe Mwichen Ekkewe Prist Mi Nap non Steik
29.3.6
Mwichen Presetensi ren Steik
29.3.7
Mwich an ewe Mwichen Apungupung mi Nap.
29.3.8
Mwich ren Mwichen Sou Apungupung non Steik
29.3.9
Mwich an ew Mwichen Sou Emwen mi Mukono non Steik
29.3.10
Mwich an ewe Mwichen Sou Emwenin Sarafo non Steik
29.3.11
An Pisop Mwich ren Mwichen Sou Apungupung non Steik
29.5
Ekkewe Atun mi Ma me Ekkoch Angangen ewe Mi Mano
29.5.1
Ekkewe Unusen Nongonong
Ew auchean popun ekkewe angangen Mwichefen ren ewe mi mano an epwe afata ussun ewe kokoten manau ese much, akaewin An ewe Chon Amanau ewe Achasefan me Manausefan. Ekkei angang epwe pwano auchean ika osufonun, ekkewe memef non pekin ngun.
Ekkewe sou emwenin Mwichefen resap apachanong foforun orenien ekkoch namanam ika ekkewe mwichen aramas non an ewe Mwichefen ekkewe angang ren ewe mi mano.
29.5.2
Awora Aninis ngeni ewe Famini
Ussun chon kaeo noun Jises Kraist, sou emwenin Mwichefen me memper “oupwe netipeta fiti ekkana ra netipeta … me oururu ekkewe ra mochen repwe ourur” (Mosaia 18:9). Nupwen emon memper a mano, ewe pisop epwe churi ewe famini an epwe oururu netiper.
Ewe pisop a awora aninis seni chon ewe wart, pachenong ewe mwichen ekkewe elter me Relief Society.
29.5.4
Angangen Peias (Ian Pekin Oreni)
Ew angangen peias a emwen seni ewe pisop, ika mo non ew imw an ewe Mwichefen ika pwan ian, a ew mwichen Mwichefen me ew angangen namanam. Epwe ew mettoch mi fis non pekin ngun.
Ekkewe angangen peias epwe poputa non ewe kunok ururun epwe poputa non. Napengeni, rese napeseni 1.5 awa, ach pwarano sufon ngeni ekkana ra fiti.
Ekkewe angangen peias rese kan fifis non Raninfel.
29.6
Ekkewe Iotek non Ekkewe Mwichen Mwichefen
Ekkewe iotek non ekkewe mwichen Mwichefen repwe chok mochomoch, mecheres, me emwen seni ewe Ngun. Emon chon Mwichefen mi papatais a tongeni awora iotekin nepoputan ika nesoponon. Ekkewe semirit rese papatais ra tongeni iotek non Kinter.
29.7
Ekkewe Mwichen Katon ika Rongorong won Internet me Efisi Mwich won Asepwan
Ewe pisop a tongeni, ren ew attun esap fiti annuk, a mutata ekkewe mwichen sakramen epwe nom won live won internet me ekkewe angangen peias me apupunu mi fis non ewe imwen mwich.
Ew mwichen sakramen a nom won live won internet esap pachenong ewe angangen ewe sakramen.
Ren ekkoch mwich, ewe pisop ika presetenin steik a tongeni epwe mutata ekkewe memper ion rese tongeni fiti ewe mwich non pukupukun arramas ar repwe fiti won asepwan. Ekkei Mwich a pachenong:
-
Ekkewe mwichen sou emwen, ussun presetensi ika ekkewe mwich ren mwichen sou apungupung.
-
Mwichen mwan, Relief Society, me Mwichen Fopun.
-
Ekkewe klasin Sunday School.
-
Ekkewe klasin Kinter me fansoun kon.