sy ha membykuña reunión sacramental-pe

29.

Atykuéra Tupaogua

29.0

Ñepyrũmby

Santokuéra Ára Pahapegua oñembyaty otupãitũ, oñemopu’ã hag̃ua ojupe ha ombo’e ha oñemoarandu hag̃ua evanhéliope (tojehecha Alma 6:6; Moroni 6:5–6). Pe Salvador opromete, “Oĩháme mokõi térã mbohapy ijatýva che rérape, Che aĩta ijapytepekuéra” (Mateo 18:20). Ñañembyatývo oñondive ha’e peteĩha ikatuháicha “ñambojoaju ñane korasõkuéra joaju ha mborayhúpe” (Mosíah 18:21).

Upevére, peteĩ aty jejapo araka’eve nomyengoviaiva’erã jeservi ha ñeministra Jesucristo ojapo haguéicha.

29.1

Atykuéra Ñeplanea ha Ñemboguata

Liderkuéra oplanea ha omboguata umi ñembyaty “pe Espíritu Santo ohechaukaháicha chupekuéra, Tupã rembiapoukapykuéra ha rrevelasiõme oĩháicha” (Doctrina ha Konveniokuéra 20:45; tojehecha avei Moroni 6:9; Doctrina ha Konveniokuéra 46:2). Ha’ekuéra oheka mba’éichapa oinvitakuaa Espíritu influencia oĩ hag̃ua iñembyatykuérape.

Liderkuéra ohecha ani hag̃ua umi ñembyaty hetakue ha pukukue ha’e mba’epohýi umi miembro ha ifamiliakuérape g̃uarã.

29.2

Barrio-gua Atykuéra

29.2.1

Reunión Sacramental

Propositokuéra

Ñanemandu’a Jesucristo-re japartisipávo Santa Cena-gui. Ambue propósitope ikatu oike tupãitũ, fe ha testimonio ñemopu’ã, ha oñeisãmbyhy barrio-gua temakuéra.

Partisipantekuéra

Opavave oñeinvita oasisti hag̃ua.

Py’ỹingue

Peteĩteĩ Domingo.

29.2.1.1

Oñeplaneávo Reunión Sacramental

Pe obispado oplanea ha omboguata Reunión Sacramental. Ha’ekuéra ohecha pe Reunión toñesentra Santa Cena ha Jesucristo-re jerovia ñemopu’ãme.

Reunión Sacramental ipuku peteĩ aravo. Ipype ikatu oike ko’ãva:

1. Preludio musical (tojehecha umi páuta 19.3.2-pe).

2. Maitei ha ñemog̃uahẽporã.

3. Jehechakuaa umi autorida opresidívape térã ambue liderkuéra ovisitáva.

4. Anunsiokuéra Ko’ãva oñemombykyva’erã.

5. Himno ha ñembo’e ñepyrũha. Tojehecha 19.3.2 ha 29.6.

6. Oñepresenta barrio ha estakagua temakuéra, ko’ãichagua:

   • Umi oficial ha mbo’eharakuéra ñesostene ha jerreleva (tojehecha 30.3 ha 30.6).

   • Oñepresenta hermano-kuéra réra oñe’ordena hag̃ua peteĩ Sacerdocio Aarónico oficio-pe (tojehecha 18.10.3).

   • Ojehechakuaa umi barrio-gua miembro pyahúpe, oikehápe umi konvérso pyahu avei.

7. Oñeme’ẽ peteĩ téra ha jehovasa mitãnguérape (tojehecha 18.6). Upéva ojejapo jepi ayuno ha testimonio reunión-pe (tojehecha 29.2.2).

8. Oñekonfirma umi konverso pyahúpe (tojehecha 18.8).

9. Himno Sacramental ha Santa Cena jehovasa ha jerreparti. Santa Cena ha’e mba’e guasuvéva upe reunión-pe. Ko ordenánsa ha’e oportunida miembro-kuéra omoĩ hag̃ua hemimo’ã Salvador ha Ijehasa’asy hesekuérape.

   Ojehupytyve hag̃ua momarandu Santa Cena ñembosako’i, jehovasa ha jerreparti rehegua tojehecha 18.9.

10. Umi evanhélio mensáhe ha congregación purahéi térã ambue música.

11. Himno ha ñembo’e paha.

12. Postludio musical.

29.2.1.4

Ojeiporavóvo umi Oñe’ẽtava

Pe obispado oiporavo umi oñe’ẽtava Reunión Sacramental-pe. Hetave jave ha’ekuéra oinvita barrio-gua miembro-kuérape, ijapytépe umi jóvenes.

Umi oñe’ẽva ome’ẽ testimonio Jesucristo-gui ha ombo’e Iñevanhélio oiporúvo escritura-kuéra (tojehecha Doctrina ha Konveniokuéra 42:12; 52:9).

29.2.2

Ayuno ha Testimonio Reunión

Propósito

Santa Cena-gui jepartisipa ha ñemombarete ojupe oñekompartívo testimonio Jesucristo ha Iñevanhéliogui. Oñemokyre’ỹ miembro-kuérape oasisti hag̃ua pe Reunión-pe oajunávo ikatúrõ oajuna hikuái.

Partisipantekuéra

Opavave oñeinvita oasisti hag̃ua

Py’ỹingue

Peteĩ jave peteĩteĩ mes, pe Reunión Sacramental ha’e peteĩ ayuno ha testimonio reunión. Upéva ha’e jepi Domingo peteĩháme mes-pegua.

Ayuno ha Testimonio Reunión-pe ndaipóri oñe’ẽva’erã oñeasignáva térã música especial presentación. Upeva rangue, pe tapicha omboguatáva pe reunión okomparti peteĩ testimonio mbykymi. Ha upéi oinvita congregación miembro-kuérape okomparti hag̃ua itestimónio. Testimonio ñekomparti he’ise emomarandu umi evanhélio añetegua reñeinspiraháicha Espíritu Santo rupive.

29.2.3

Barrio-gua Conferencia

Propósito

Peteĩ barrio-gua conferencia-pe, estakagua liderkuéra omoarandu, oipytyvõ ha oministra barrio-gua líder ha miembro-kuérape. Barrio-gua miembro-kuéra osostene umi líder general ha local-pe.

Partisipantekuéra

Opavave oñeinvita oasisti hag̃ua.

Py’ỹingue

Peteĩ jave peteĩteĩ ary, peteĩ Domingo ndaha’éiva Ayuno ha Testimonio Domingo-pe.

29.2.4

Obispado Reunión

Propósito

Oñemongeta konséhope ha odesidi umi barrio-gua témape.

Partisipantekuéra

Pe obispado, barrio-gua secretario, ha secretario ejecutivo.

Py’ỹingue

Jepive peteĩteĩ semana.

Umi téma oñekonsidera hag̃ua apytépe ikatu oike:

• Ñemohenda porã pe salvasiõ ha exaltasiõ rembiapo barrio-pe.

• Barrio-gua tapicha ha familiakuérape ñemombarete—hóvenes ha mitãnguéra raẽve.

• Oñedetermina miembro-kuéra ikatúva oñembosako’i orresivi hag̃ua ordenansakuéra, oikehápe sacerdocio ordenasiõnguéra.

• Oñedetermina miembro-kuéra oñehenoikuaáva barrio llamamiento-pe.

29.2.5

Barrio-gua Consejo Reunión

Propósito

Oipytyvõ oñekumpli hag̃ua salvasiõ ha exaltasiõ rembiapo barrio-pe (tojehecha 1.2).

Partisipantekuéra

• Pe obispado, barrio-gua secretario ha secretario ejecutivo.

• Elder-kuéra kórum, Sociedad de Socorro, Mujeres jóvenes, Primaria ha Escuela Dominical presidente-kuéra.

Py’ỹingue

Jepive peteĩteĩ semana (ha katu ikatu napy’ỹietéi).

Obispo oplanea, opresidi ha oisãmbyhy barrio-gua consejo reunión. Pe consejo ndojapói desisiõ tuicháva obispo’ỹre.

Barrio-gua organización liderkuéra oasisti barrio-gua consejo reunión-pe mokõi funsiõme:

1. Barrio-gua consejo miembro-ramo oipytyvõva ohovasa hag̃ua opavave barrio-gua miembro-kuérape.

2. Iñorganización representante-ramo.

Oñembyatývo, barrio-gua consejo miembro-kuéra oñe’ẽ umi mba’e ohoporãtavare opavave umi consejo-gua ñeha’ã reheve. Peteĩteĩ pe consejo miembro oñemokyre’ỹ okomparti hag̃ua hemiandu ha inspirasiõ umi témape.

Barrio-gua consejo reunión ndaipukúi jepi hetave peteĩ aravógui. Ha’ekuéra oñepyrũ peteĩ ñembo’e reheve ha momarandu mbykymi umi asignasiõ reunión ohasava’ekuégui. Obispo omotenonde umi mba’e oñeikotevẽvéva ojehovasa hag̃ua tapicha ha familiakuérape.

• Javivívo Jesucristo evanhélio. Oñeipytyvõvo opavave miembro-kuérape omopu’ã hag̃ua jerovia, orresivi umi ordenánsa oporosalváva ha oñongatu ikonveniokuéra.

• Ñeñangareko umi oikotevẽvare. Oñekompartívo umi rrekúrso ha katupyry ojehovasa hag̃ua tapicha, familiakuéra ha komunidápe. Oñeipytyvõvo barrio-gua miembro-kuérape ha’e hag̃ua autosuficiente. (Tojehecha capítulo 22.)

• Ñainvitávo opavavépe ohupyty hag̃ua pe evanhélio. Ojehechávo ñemotenonde ojapóva umi oñemoarandúva hína evanhéliope, ha upéicha avei umi miembro pyahu ha umi ou jeýva. Oñeñe’ẽvo mba’éichapa miembro-kuéra ikatu okomparti pe evanhélio ambuekuéra ndive. (Tojehecha capítulo 23.)

• Ñambojoaju familiakuérape tapiaite g̃uar͂ã. Ojehechávo ñemotenonde ojapóva miembro-kuéra oñembosako’íva hína orresivi hag̃ua umi templo ordenánsa. Oñeplaneávo mba’éicha ikatu oñeipytyvõve miembro-kuérape hekopotĩ hag̃ua orresivi hag̃uáicha templo recomendación. Oñemongetávo mba’éichapa miembro-kuéra ikatu oparticipa templo-pe ha historia familiar rembiapo. (Tojehecha capítulo 25.)

Consejo-gua miembro-kuéra oñongatuva’erã ñeñongatupy oimeraẽ marandu privádo térã sensible (tojehecha 4.4.6).

29.2.6

Consejo de Barrio para la Juventud

Propósito

Oñemombarete barrio-gua huventu. Oñepytyvõ chupekuéra opartisipa hag̃ua salvasiõ ha exaltasiõ rembiapópe (tojehecha 1.2).

Partisipantekuéra

• Pe obispado

• Peteĩ obispo ayudante presbitero kórumpe ha umi maestro ha diakonokuéra kórum presidente.

• Umi Mujeres Jóvenes clase presidenta-kuéra (térã opaite pe presidencia oĩramo peteĩnte Mujeres Jóvenes clase upe barrio-pe).

• Mujeres Jóvenes presidenta.

Py’ỹingue

Jepive peteĩteĩ mes.

Peteĩteĩ reunión mboyve, obispo ha pe tapicha oisãmbyhýva hína orrepasa umi téma oñeñe’ẽtagui.

• Pe salvasiõ ha exaltasiõ rembiapo.

• Barrio-gua hóvenes remikotevẽnguéra ha mba’éicha oñeñe’ẽkuaa umívagui.

• Umi ñeha’ã ojehupyty hag̃ua umi jóvenes noĩriva activo térã ha’e miembro pyahu.

• Actividakuéra, umíva apytépe oike oportunida ojeservi hag̃ua umi oikotevẽvape. Hetave pe ñeplanea ojejapo umi kórum térã clase presidencia reunión-pe (tojehecha capítulo 20).

• Ministrasiõ (tojehecha capítulo 21).

• Oñeme’ẽ orientasiõ umi kórum ha clase-gua presidencia-kuéra oñehenói ramóvape.

29.2.8

Horario Domingo-gua Atýpe g̃uarã

Barrio-kuéra oiporu peteĩ ko’ã mokõi aravogua horario Domingo-gua atýpe g̃uarã.

Plan 1

60 aravo’i	Reunión Sacramental
10 aravo’i	Transisiõ ojehasa hag̃ua umi clase ha reunión-pe
50 aravo’i	Opaite Domingo: Primaria, oikehápe guardería Peteĩha ha mbohapyha Domingo mes-pegua: Escuela Domincal Mokõiha ha irundyha Domingo: Sacerdocio Kórum reunión, Sociedad de Socorro reunión, ha Mujeres Jóvenes reunión. Domingo Quinto-ha: Jóvenes ha Adulto-pe g̃uarã reunión. Obispado odetermina pe tema ha oasigna mbo’eharakuéra.

Plan 2

50 aravo’i	Opaite Domingo: Primaria, oikehápe avei guardería. Peteĩha ha mbohapyha Domingo mes-pegua: Escuela Domincal Mokõiha ha irundyha Domingo: Sacerdocio Kórum reunión, Sociedad de Socorro reunión, ha Mujeres Jóvenes reunión. Kínto Domingo: Jóvenes ha Adulto-pe g̃uarã reunión. Obispado odetermina pe téma ha oasigna mbo’eharakuéra.
10 aravo’i	Transisiõ ojeho hag̃ua Reunión Sacramental-pe
60 aravo’i	Reunión Sacramental

29.3

Estakagua Atykuéra

29.3.1

Estakagua Conferencia

Propósito

Estakagua Conferencia propósito peteĩha ha’e omombarete miembro-kuéra jerovia Jesucristo-re.

Partisipantekuéra

Opavave oñeinvita oasisti hag̃ua sesiõ general-pe. Ambue sesiõnguéra ha’e umi participante especifico-pe g̃uarã, oñemombe’uháicha iguypeve.

Py’ỹingue

Mokõiha peteĩteĩ ary.

29.3.2

Estakagua Sacerdocio Reunión General

Propósito

Toñemoarandu ha toñeinspira hembiaporãme umi orekóvape sacerdocio.

Partisipantekuéra

Opavave orekóva sacerdocio pe estákape.

Py’ỹingue

Peteĩha peteĩteĩ ary.

29.3.3

Estakagua Sacerdocio Liderkuéra Reunión

Propósito

Toñembo’e sacerdocio liderkuérape hembiaporã, toñembokatupyryve, ha tomombarete ijerovia.

Partisipantekuéra

• Estakagua presidencia.

• Sumo consejo.

• Estaka ha barrio-gua secretario-kuéra (ha secretario auxiliar oñeikotevẽrõ).

• Estáka ha barrio-gua secretario ejecutívo.

• Estakagua Hombres Jóvenes presidencia (ha secretario oñehenóirõ).

• Obispado-kuéra

• Cuórum de Elderes presidencia ha secretario-kuéra.

• Umi Sacerdocio Aarónico kórum asesor.

Py’ỹingue

Peteĩ sacerdocio liderkuéra reunión ojejapo peteĩteĩ estakagua conferencia parte-ramo.

29.3.4

Estakagua Liderkuéra Reunión

Propósito

Ombo’e barrio-gua organización liderkuérape hembiaporã, oipytyvõ chupekuéra ojapoporãve hag̃ua líder ha mbo’eháraramo, ha omombarete ijerovia Jesucristo-re. Ko’ã atýpe, liderkuéra oñemongeta avei oñondive konséhope ha okomparti umi apytu’ũroky.

Partisipantekuéra

Opaite estaka ha barrio-gua Sociedad de Socorro, Mujeres Jóvenes, Primaria, ha Escuela Dominical presidencia ha secretario-kuéra. Peteĩ estakagua presidencia miembro térã peteĩ sumo consejo miembro oñeasignáva oasisti ha opresidi. Umi mbo’ehára, asesor, sumo consejo ha obispado-gua miembro-kuéra oñeasignáva umi organización-pe ikatu avei oñeinvita.

Py’ỹingue

Peteĩha peteĩteĩ ary.

29.3.5

Estakagua Sumo Sacerdote-kuéra Kórum Reunión

Propósito

Toñehekombo’e kórum miembro-kuérape hembiaporãme ha doctrina ohóva pe sacerdocio rehe.

Partisipantekuéra

Opaite estakagua sumo sacerdote-kuéra kórum miembro-kuéra.

Py’ỹingue

Peteĩ jave jepe peteĩteĩ ary.

29.3.6

Estakagua Presidencia reunión

Propósito

Oñomengeta konséhope ha odesidi umi téma ha’éva estáka reheguávape.

Partisipantekuéra

Estakagua presidencia, estakagua secretario ha secretario ejecutivo.

Py’ỹingue

Oiko meme (jepive peteĩteĩ semana).

29.3.7

Sumo Consejo Reunión

Propósito

Oñemongeta konséhope salvasiõ ha exaltasĩo rembiapóre estákape (tojehecha 1.2).

Partisipantekuéra

• Estakagua presidencia.

• Sumo consejo.

• Estakagua secretario ha secretario ejecutivo.

Py’ỹingue

Mokõiha peteĩteĩ mes ikatúrõ.

29.3.8

Estákagua Consejo Reunión

Propósito

Oñemongeta konséhope salvasiõ ha exaltasiõ rembiapóre estákape (tojehecha 1.2).

Partisipantekuéra

• Estakagua presidencia.

• Sumo consejo.

• Estakagua secretario ha secretario ejecutivo.

• Estakagua Sociedad de Socorro, Mujeres Jóvenes, ha Primaria presidenta-kuéra.

• Estakagua Jóvenes Adultos Solteros ha Adultos Solteros liderkuéra (oñehenóirõ).

Py’ỹingue

Peteĩteĩ mes ikatúrõ

29.3.9

Estakagua Adulto Liderkuéra Comite Reunión

Propósito

Oñemongeta konséhope mba’éichapa oñeipytyvõkuaa barrio-gua liderkuérape salvasiõ ha exaltasiõ rembiapópe. Oplanea mba’éichapa oñeipytyvõkuaa oñemoĩvo mba’e’apópe estakagua liderkuéra visiõ ko tembiapo rehegua estákape.

Partisipantekuéra

• Estakagua presidencia.

• Estakagua Sociedad de Socorro presidencia (ha secretaria oñehenoirõ).

• Umi sumo consejo-gua miembro-kuéra oñeasignáva omba’apo hag̃ua umi Cuórum de Elderes ndive.

Py’ỹingue

Oñeikotevẽháicha.

29.3.10

Estakagua Comite de Líderes de Jóvenes Reunión

Propósito

Oñemongeta konséhope mba’éichapa oñeipytyvõkuaa barrio-gua liderkuérape omoingévo umi jóvenes-pe salvasiõ ha exaltasiõ rembiapópe. Oplanea mba’éichapa oñeipytyvõkuaa oñemoĩvo mba’e’apópe pe estakagua konsého visiõ umi estakagua jóvenes reheguáva.

Partisipantekuéra

• Peteĩ estakagua presidencia miembro.

• Estakagua Hombres Jóvenes presidencia (ha secretario oñehenóirõ).

• Estakagua Mujeres Jóvenes presidencia (ha secretaria oñehenóirõ).

• Pe sumo consejo-gua miembro oñeasignáva Mujeres Jóvenes ha Primaria organización-pe.

Py’ỹingue

Oñeikotevẽháicha.

29.3.11

Estakagua Obispo-kuéra Consejo Reunión

Propósito

Oñekomparti tembiasakuéra ha oñeñe’ẽ umi téma ha’éva obispo-kuérape g̃uarãite.

Partisipantekuéra

Opavave umi estakagua obispo ha rramagua presidente ha’e ko konsého miembro-kuéra. Pe estakagua presidente oiporavokuaa oasisti oimeraẽ térã opaite umi reunión-pe. Peteĩ estakagua secretario oasisti avei oanota hag̃ua umi asignasiõ ha desisiõ.

Py’ỹingue

Trimestralmente jepe.

29.5

Umi Funeral ha Ambue Servicio Omanova’ekuére

29.5.1

Umi Principios Generales

Peteĩ propósito imba’eguasúva ojejapo hag̃ua umi Tupaogua servicio omanova’ekuére ha’e ojetestifika hag̃ua pe salvasiõ plan-gui, pe Salvador Expiasiõ ha Jeikovejeýgui. Ko’ã servicio ha’eva’erã tembiasa imarangatu ha espirituálva.

Tupaogua liderkuéra nomoingeiva’erã ambue aty térã religión-gua rritual umi Tupaogua servicio omanova’ekuérepe.

29.5.2

Oñeikuave’ẽvo Pytyvõ upe Familia-pe.

Jesucristo discípulo-ramo, Tupaogua líder ha miembro-kuéra “hasẽ umi hasẽva ndive … ha omoangapyhy umi oikotevẽvape angapyhy (Mosíah 18:9). Peteĩ miembro omanóramo, obispo ovisita pe familia-pe omoangapyhy hag̃ua chupekuéra.

Pe obispo oikuave’ẽ barrio-gua miembro-kuéra pytyvõ, umíva apytépe oike kórum de elderes ha Sociedad de Socorro.

29.5.4

Servicio Fúnebre (ojejepokuaahápe)

Peteĩ servicio fúnebre oñeisãmbyhýva Obispo rupi, taha’e Tupao edifísiope térã ambue tendápe, ha’e peteĩ Tupaogua reunión ha peteĩ servicio religioso. Ha’eva’erã peteĩ momento espiritual.

Umi servicio fúnebre oñepyrũva’erã araitépe. Jepive, ndohasaiva’erã una hora y media-gui, teko porãramo umi oasistíva ndive g̃uarã.

Umi servicio fúnebre ndojejapóiva jepi Domingo-kue.

29.6

Ñembo’e umi Tupaogua Reunión-pe

Ñembo’e umi Tupaogua reunión-pe imbyky, isímple ha ojegiava’erã pe Espíritu-re. Oimeraẽ Tupaogua miembro ojebautisáva ome’ẽkuaa peteĩ ñembo’e ñepyrũha térã paháva. Mitãnguéra ndojebautisáiva ikatu oñembo’e Primaria-pe.

29.7

Umi Reunión Ñetransmiti ha Reunión Virtual Jejapo

Peteĩ excepción-ramo, pe obispo oautorisakuaa toñetransmiti en directo umi reunión sacramental, funeral, ha ñemenda ojejapóva pe centro de reunión/capilla-pe.

Pe reunión sacramental ñetransmitípe en directo ndoikeiva’erã pe Santa Cena jehovasa ha jerreparti.

Oĩ umi reunión, pe obispo térã estakagua presidente oautorisakuaáva miembro-kuérape ndaikatúiva oasisti en persona opartisipa hag̃ua virtualmente umívagui. Ko’ã reunión-pe ikatu oike:

• Umi liderkuéra reunión, presidencia térã konsého reunión.

• Umi Kórum, Sociedad de Socorro, ha Mujeres Jóvenes reunión.

• Umi Escuela Dominical clase.

• Umi Primaria-gua clase ha puraheirã ára.