30.

Ekkewe Wis non ewe Mwichefen

30.0

Nepoputan

Ekkewe wis a ngeni chon mwichefen ekkewe tufich ar repwe mefi pwapwan angang ngeni Kot ren ar angang ngeni Noun kewe semirit (nengeni Mosaia 2:17). Ekkewe wis ra pwan anisi chon mwichefen ne anapano ar nuku me arap ngeni ewe Samon.

Esap iei ussun an emon epwe kutta an epwe koko ngeni ekkewe wis non ewe Mwichefen (nengeni Mark 10:42–45; Doctrine and Covenants 121:34–37). Ekkewe chon ewe Mwichefen rese pwan “mwet” seni ew wis pwan ngeni ew. Angang nikitu non ew wis a kon auchea nap seni ewe wis. Ewe Samon a afona ewe angangen fangeno ren meinisin ion mi angang non An Mwichefen.

30.1

Ekieki Ion kopwe Kori

30.1.1

Ekkewe Unusen Minen Emwen

Ekkana ra angang non ewe Mwichefen ra kokko seni Kot (nengeni Hebrew 5:4; Nongonongen Achifoua 1:5). Ekkewe sou emwen ra kukuta ewe emwen seni ewe Ngun non finitan ion repwe kori (pwan nengeni 4.2.6). Repwe pwan ekieki:

• An ekkewe chon mwichefen nimenimoch (ussun a kapunguno me non ew interfiu).

• Ekkewe niffang me nipwakoch an ewe chon mwichefen, ika mi tongeni forata, an epwe efeiochu ekkoch.

• Pusin nonnomun ewe chon mwichefen won winikapan, a pachenong an angang ika nonomun porousen pochokunen inisin.

• Ewe mwirimwirin ewe wis epwe awora won an ewe chon mwichefen pupunu ika famini.

Chon mwichefen ra feioch ren ar kewe asor ra fori ar repwe angang non ewe Mwichefen. Iwe nge, ew wis esap wata watten chou won ekkewe aramas me famini. Ika fen ekkewe wis resap aweiresi ekkewe chon mwichefen ar resap apwonueta ar kewe sekinin non angangen ar mwoni tonong.

Napengeni, emon me emon chon ewe mwichefen a koko ngeni an epwe angang non chok ew wis fan ew non ew fansoun, non kapachetan an epwe emon mwan ika emon fefin chon iamwir.

Nupwen ew wis a kawor ngeni emon chon mwichefen mi pupunu, ekkewe sou emwen repwe nenengenochu pwe punuwan ewe mi sinei me aninisioch ngeni ewe kokko. Nupwen ew kokko a kawor ngeni emon onuon ika emon fopun, ekkewe sou emwen repwe angei mumuta seni inen me semen ekkewe onuon me fopun, ika ekkewe ra nom fan ar tumun.

Me mwen ew kokon wis a kawor ngeni emon, ewe pisop epwe tumunochu ne nenengeni an ewe aramas rekotun choni mwichefen an epwe affata pwe ese pachenong ew esisin fiti kapasen awewe ika oukukun an choni mwichefen.

30.1.2

Wis ren Ekkewe Minefon Chon Mwichefen

Ekkewe tufichin angang ra anisi chon mwichefen ar repwe marita non pekin ngun.

Ekkewe sou emwenin wart ra ngeni ekkewe minefon chon mwichefen ekkewe tufich ar repwe mwitir angang mwirin ar ra papatais me kapunguno.

30.1.3

Ekkewe Wis fan iten Ekkana Esap Ir Memper

Ekkewe aramas esap ir chon ewe Mwichefen ra tongeni koko ngeni ekkoch wis, ussun chon oroken, chon pit, ika ew wis ne anisi kokotun ekkewe pekin urumot. Iwe nge, resap kokko ngeni ewe wis ticher, presetensin mwich ika chon presetensin etetten, ika sou emwenin kon non Kinter.

30.1.4

Monomon

Ekkewe kokon wis me kepichino seni wis ir mi pin. Pokiten ei, ekkewe sou emwen repwe tumunu porous ussun kefinitan ekkewe wis me ekkewe kepichinon pwe ir mi monomon.

30.1.5

Ekkewe Finitan me Mumutan ekkewe Wis

Ewe Taropwen Ekkewe Wis a afatetiw ion epwe fori ekkewe finin ren ew me ew wis me ion a wisen awora mumutan (nengeni 30.8).

Ekkewe pisop me ekkewe presetenin steik ra nenengenochu ew me ew kewe finin wis, repwe esinna pwe a for fiti iotek. Ewe pisoprik ika presetensin steik a wor rer ewe omuchunon wis ar repwe angei amemef ussun ion repwe kokori ne ewisa.

30.2

Awora ngeni emon ew Wis

Angei ew kokon wis an epwe angang epwe ew weweochun met mi fis non pekin ngun ren emon chon mwichefen.

Nupwen emon sou emwen a ngeni emon ew wis, i epwe awewei pwe a feitto seni ewe Samon.

Ewe sou emwen epwe pwan:

• Awewei ewe popun, auchean, me ekkewe angangen ewe wis.

• Pesei ewe chon mwichefen an epwe kutta ewe Ngunun ewe Samon ne aponueta angangen ewe wis.

• Pwarata pwe ewe Samon epwe anisi ewe chon mwichefen me epwe efeiochu ren an nikitu ne angang.

• Ureni ewe chon mwichefen ion epwe awora pekin kaeo me aninis ren ewe wis.

• Esinei ngeni ewe chon mwichefen ren meni mwich epwe fiti me ekkewe pisekin aworan aninis mei wor.

30.3

Etiwa ika Tipeew ngeni Ekkewe Chon Mwichefen non Ekkewe Wis

Ekkana ra koko ngeni chommong wis non Mwichefen repwe uweireto ren an epwe wor etipeew wor me mwen repwe poputa ne angang (nengeni Doctrine and Covenants 28:13; 42:11).

Ewe aramas io a wisen atteteni ewe kokon wis a akkom apioni ewe a keran tou seni ewe wis (ika mi namot). I a tingorei chon mwichefen ar repwe pwarano ew esisinen kinisou ren an ewe aramas angangen aninis (nengeni 30.6).

Nupwen ra wato ewe aramas an epwe wor angangen etipeew ika etiwa ngeni ewe wis, emon sou emwenin pristut mi wor an mumuta a tingor ngeni atewe ika neminewe pwe epwe uta. Ewe sou emwen epwe aea kapas ussun ekkei mi tettenitiw:

“[Itan] a fen kokko ngeni ewe [wis]. Ekkewe ra tipeew ika [atewe ika neminewe] repwe pwarata ren eitieta poumwanir. [Ekis kouno.] Ekkana rese tipeew ngeni, ika mi wor, repwe pwan pwarano. [Ekis kouno.]”

Ika emon chon mwichefen mi murino ese tipeew ngeni ewe kokon wis, ewe souemwen chon nemenem ika pwan emon sou emwenin pristut mi finita epwe chufengen me atewe ika neminewe non monomon mwirin ewe mwich.

30.4

Ewisa ekkewe Chon Mwichefen ar repwe Angang non Ekkewe Wis.

Ren pwan ekkoch porousan, nengeni 18.11.

30.6

Epichano Chon Mwichefen seni Ekkewe Wis

Nupwen emon preseten ika pisop a kepichino seni wisan, noun kewe chon aninis ra chok automatik ne kepichino seni wiser.

Kaworen ew kepichino seni wis a ew auchean tufich ren emon sou emwen an epwe pwarano an kinisou me an etiwa poun Kot non an ewe chon mwichefen angang. Ewe sou emwen a churi ewe chon mwichefen non foufoun aramas an epwe esinei ngeni atewe ika neminewe ussun ewe kepichino seni wis me mwen epwe wor esinesin won. Ekkana chok a auchea ar repwe sinei a wor esinesin ngenir porousen ewe kepichino seni wis me mwen epwe wor esinesin won.

Emon sou emwenin pristut mi angei an mumuta a awora esinesin ren ewe kepichino seni wis non chok pwan ewe sokkun napanap ikewe ewe aramas a fen ketiw. Ewe sou emwen mi tongeni epwe nounou kapas ussun ekkewe mi tetenitiw:

“[Itan] a fen kepichino seni ewe [wis]. Ekkana ra mochen pwarano ar kinisou ren an [neminewe ika atewe] angang repwe pwarano ren eitieta poumwanir.”

Ewe sou emwen esap apasa ika ion ese tipeew.

30.8

Taropwen Ekkewe Wis

30.8.1

Ekkewe Wis non Wart

Wis	Kefinita seni	Mumuta seni	Ketiw seni	Kokon wis me ewisa ngeni wis seni
Wis Pisop	Kefinita seni Presetensin steik, ra aea LCR	Mumuta seni Aewin Presetensi me Mwichen ekkewe Engon me Ruemon	Ketiw seni Ekkewe chon mwichefen non wart	Kokon wis me ewisa ngeni wis seni Presetenin steik mwirin an angei mumuta seni ewe Aewin Presetensi
Wis Ekkewe chon aninis non ewe pisoprik	Kefinita seni Pisop	Mumuta seni Presetensin steik me mwichen sou apungupung mi nap	Ketiw seni Ekkewe chon mwichefen non wart	Kokon wis me ewisa ngeni wis seni Presetenin steik ika emon chon sou apungupung a finita
Wis Noun Wart sou mak	Kefinita seni Pisoprik	Mumuta seni Presetensin steik me mwichen sou apungupung mi nap	Ketiw seni Ekkewe chon mwichefen non wart	Kokon wis me ewisa ngeni wis seni Presetenin steik ika emon chon aninis ika chon apungupung mi nap
Wis Seketeri mi nap non wart	Kefinita seni Pisoprik	Mumuta seni Presetensin steik me mwichen sou apungupung mi nap	Ketiw seni Ekkewe chon mwichefen non wart	Kokon wis me ewisa ngeni wis seni Presetenin steik ika emon chon aninis ika chon apungupung mi nap
Wis Preseten ren mwichen ekkewe elter	Kefinita seni Presetensin steik (non an awora kapasen ourour me ewe pisop)	Mumuta seni Presetensin steik me mwichen sou apungupung mi nap	Ketiw seni Ekkewe chon mwichefen non wart	Kokon wis me ewisa ngeni wis seni Presetenin steik
Wis Ekkewe chon aninis non ewe presetensin mwichen elter	Kefinita seni Mwichen preseten (non ar kapasen ourour me ewe pisop)	Mumuta seni Presetensin steik me mwichen sou apungupung mi nap	Ketiw seni Ekkewe chon mwichefen non wart	Kokon wis me ewisa ngeni wis seni Presetenin steik ika emon chon aninis ika chon apungupung mi nap
Wis Ekkoch wis ren mwichen ekkewe elter	Kefinita seni Presetensin mwich	Mumuta seni Pisoprik	Ketiw seni Ekkewe chon mwichen elter	Kokon wis me ewisa ngeni wis seni Presetenin mwichen elter ika emon chon aninis mi kefinita
Wis Ekkewe presetenin mwicheich non wart	Kefinita seni Pisoprik	Mumuta seni Pisoprik	Ketiw seni Ekkewe chon mwichefen non wart	Kokon wis me ewisa ngeni wis seni Pisop
Wis Ekkewe chon aninis ngeni ekkewe presetensin emwicheich non wart	Kefinita seni Presetenin emwicheich	Mumuta seni Pisoprik	Ketiw seni Ekkewe chon mwichefen non wart	Kokon wis me ewisa ngeni wis seni Pisop ika emon chon aninis mi finita
Wis Ekkewe ekkoch wis non Relief Society non ewe wart	Kefinita seni Presetensin Relief Society	Mumuta seni Pisoprik	Ketiw seni Ekkewe chon Relief Society	Kokon wis me ewisa ngeni wis seni Pisop ika emon chon aninis mi finita
Wis Ekkoch wis non wart ren Mwichen Fopun, Kinter, me Sunday School	Kefinita seni Presetensin mwicheich	Mumuta seni Pisoprik	Ketiw seni Ekkewe chon mwichefen non wart	Kokon wis me ewisa ngeni wis seni Pisop ika emon chon aninis mi finita
Wis Sou emwenin wart misin (emon chon ewe presetensin ewe mwichen ekkewe elter epwe wisen ani ei wis; ika epwe ina, ese namot an epwe imufesen ne koko ngeni, ketiw, ika efeioch ngeni wis)	Kefinita seni Pisoprik (non angangen ourour fengen me ekkewe presetenin ekkewe elter me ekkewe Relief Society)	Mumuta seni Pisoprik	Ketiw seni Ekkewe chon mwichefen non wart	Kokon wis me ewisa ngeni wis seni Pisop ika emon chon aninis mi finita
Wis Ekkewe misineri non wart	Kefinita seni Pisoprik ika presetenin ekkewe mwichen elter me Relief Society	Mumuta seni Pisoprik	Ketiw seni Ekkewe chon mwichefen non wart	Kokon wis me ewisa ngeni wis seni Pisop ika emon chon aninis mi finita
Wis Sou emwenin Wart tempel me uruon famini (emon chon ewe presetensin mwichen ekkewe elter epwe aani ei angang; ika epwe ina, ese namot an epwe imufesen ne koko ngeni, ketiw, efeioch ngeni ewis)	Kefinita seni Pisoprik (non angangen ourour fengen me ekkewe presetenin ekkewe elter me ekkewe Relief Society)	Mumuta seni Pisoprik	Ketiw seni Ekkewe chon mwichefen non wart	Kokon wis me ewisa ngeni wis seni Pisop ika emon chon aninis mi finita
Wis Ekkewe chon aninis ngeni ewe presetenin ewe mwichen ekkewe prist	Kefinita seni Pisop (i ewe presetenin ewe mwichen ekkewe prist	Mumuta seni Pisoprik	Ketiw seni Ekkewe chon mwichen elter	Kokon wis me ewisa ngeni wis seni Pisop
Wis Ekkewe preseten ren ewe mwichen ekkewe ticher me tiken	Kefinita seni Pisoprik	Mumuta seni Pisoprik	Ketiw seni Ekkewe chon mwichen elter	Kokon wis me ewisa ngeni wis seni Kokko seni ewe pisop ika emon chon aninis mi finita; ewis ngeni wisan seni ewe pisop
Wis Ekkewe chon aninis non ewe mwichen presetensin ekkewe ticher me tiken me mwichen ekkewe seketeri	Kefinita seni Mwichen preseten	Mumuta seni Pisoprik	Ketiw seni Ekkewe chon mwichen elter	Kokon wis me ewisa ngeni wis seni Pisop ika emon chon aninis mi finita
Wis Ekkewe presetenin klasin Mwichen Fopun	Kefinita seni Pisoprik (non kapasen ourour me ewe presetensin Mwichen Fopun	Mumuta seni Pisoprik	Ketiw seni Ekkewe chon klas	Kokon wis me ewisa ngeni wis seni Pisop ika emon chon aninis mi finita
Wis Ekkewe chon aninis non klasin ekkewe presetensi ren Mwichen Fopun me ekkewe seketerin klas	Kefinita seni Presetenin klas	Mumuta seni Pisoprik	Ketiw seni Ekkewe chon klas	Kokon wis me ewisa ngeni wis seni Pisop ika emon chon aninis mi finita
Wis Ekkoch wis non wart	Kefinita seni Pisoprik	Mumuta seni Pisoprik	Ketiw seni Ekkewe chon mwichefen non wart	Kokon wis me ewisa ngeni wis seni Pisop ika emon chon aninis mi finita

2. Ekkewe chon fori angangen riri fengen non ew tempel mi angang non ewe fansoun esap koko ngeni an epwe angang non ewe pisoprik. Ekkewe chon fori angangen riri fengen ra koko ngeni ewe wis fan emwenien ewe Presetenin ewe Mwichefen.

30.8.2

Ekkewe Wis non ewe Pranch

Wis	Kefinita seni	Mumuta seni	Ketiw seni	Kokon wis me efeioch ngeni wis seni
Wis Presetenin pranch	Kefinita seni Presetensin steik, misin, ika tischrik	Mumuta seni Presetensin steik me mwichen sou apungupung mi nap ika presetensin misin	Ketiw seni Ekkewe chon ewe pranch	Kokon wis me efeioch ngeni wis seni Presetenin steik ika misin (ika ewe presetenin tischrik ika a finita)
Wis Ekkewe chon aninis non ewe presetensin pranch	Kefinita seni Presetenin pranch	Mumuta seni Presetensin steik me mwichen sou apungupung mi nap ika presetensin misin, (ika, nupwen mi mumuta me ren ewe presetenin misin, ewe presetensin tischrik)	Ketiw seni Ekkewe chon ewe pranch	Kokon wis me efeioch ngeni wis seni Steik, misin, ika presetenin tischrik ika emon chon aninis mi finita
Wis Chon makken pranch, chon anisi ekkewe sou mak, me seketeri mi nap	Kefinita seni Presetensin pranch	Mumuta seni Presetensin steik me mwichen sou apungupung mi nap ika presetensin misin, (ika, nupwen mi mumuta me ren ewe presetenin misin, ewe presetensin tischrik)	Ketiw seni Ekkewe chon ewe pranch	Kokon wis me efeioch ngeni wis seni Presetenin steik ika emon chon aninis mi finita ika chon mwichen apungupung mi nap (ren ekkewe pranch non ekkewe steik); presetenin tischrik ika emon sou emwenin pristut i a finata (fan iten ekkewe pranch non ekkewe misin)
Wis Preseten ren mwichen ekkewe elter	Kefinita seni Presetensin steik, tischrik, ika misin (non kapasen ourour me ewe presetenin pranch)	Mumuta seni Presetensin steik me mwichen sou apungupung mi nap ika presetensin misin, (ika, nupwen mi mumuta me ren ewe presetenin misin, ewe presetensin tischrik)	Ketiw seni Ekkewe chon ewe pranch	Kokon wis me efeioch ngeni wis seni Presetenin steik ika misin (ika ewe presetenin tischrik ika a finita)
Wis Ekkewe chon aninis non ewe presetensin mwichen elter	Kefinita seni Mwichen preseten (non poporousen ourour me ewe presetenin pranch	Mumuta seni Presetensin steik me mwichen sou apungupung mi nap ika presetensin misin, (ika, nupwen mi mumuta me ren ewe presetenin misin, ewe presetensin tischrik)	Ketiw seni Ekkewe chon ewe pranch	Kokon wis me efeioch ngeni wis seni Presetenin steik ika misin ika emon chon aninis mi finita ika chon apungupung mi nap (ika ewe presetenin tischrik ika pwan emon sou emwenin pristut ika mi finita)
Wis Ekkoch ekkewe wis non pranch	Kefinita seni Nengeni 30.8.1, siwinanong presetenin pranch ren pisop me pranch ren wart.				Mumuta seni Nengeni 30.8.1, siwinanong presetenin pranch ren pisop me pranch ren wart.				Ketiw seni Nengeni 30.8.1, siwinanong presetenin pranch ren pisop me pranch ren wart.				Kokon wis me efeioch ngeni wis seni Nengeni 30.8.1, siwinanong presetenin pranch ren pisop me pranch ren wart.

1. Ekkewe chon fori angangen riri fengen non ew tempel mi angang non ewe fansoun esap koko ren an epwe angang non ekkewe presetensin pranch. Ekkewe chon fori angangen riri fengen ra koko ngeni ewe wis fan emwenien ewe Presetenin ewe Mwichefen.