31.

Intōrpiu ko im Kweilo̧k ko Jet ippān Membōr ro

31.0

Kadkad in

Jisōs Kraist ekōn ekkā an kar jerbal in karejar n̄an ro jet juon illo̧k juon (lale, n̄an waanjon̄ak, Jon 4:5–26; 3 Nipai 17:21). E ej iakwe kajjojo ajri ro nejin Anij. E ej jipan̄ er kajjojo.

Jepta in emaron̄ jipan̄ aolep ritōl ro me ewōr aer iien ko rem̧m̧an n̄an ioon kajjojo membōr ro.

31.1

Pedped in Katak ko an Tōl

31.1.1

Kōppopo ilo Jetōb

Kōpooj eok make ilo jetōb kōn jar, ekkatak jeje ko rekwojarjar, im mour jim̧we. Ron̄jake unoojdikdik ko an Jetōb Kwojarjar eo.

31.1.2

Jipan̄ Membōr eo En̄jake Iakwe eo an Anij

N̄e membōr ro rej itok n̄an ippam̧ kōn juon intōrpiu ak kōn jipan̄ kōn juon apan̄ an juon make, ta eo emakijkij aer aikuj eļap tata ej n̄an jeļā bwe Jemed ej iakwe er.

Jeje ko Rekwojarjar im naan ko an rikanaan ro ilo raan ko āliktata rej karuwaineneiktok Jetōb eo im katakin katak eo erreo. Kōjebali n̄an im̧we im kōketak, ejjab n̄an liaakeļo̧k, boje, ak kōm̧man kamijak (lale Luk 9:56

31.1.3

Jipan̄ Membōr eo Pedped ioon Kajoor eo an Rilo̧mo̧o̧r eo

Kōketak membōr ro n̄an oktakļo̧k n̄an E. Jipan̄ er pedped ioon kajoor eo An n̄an kōkajoorļo̧k, kaenōm̧m̧an, im lo̧mo̧o̧ren.

31.1.4

Jipan̄ Membōr eo En̄jake Kaenōm̧m̧an im Jokane(safe)

Iien otemjej leļo̧k n̄an membōr eo ļōmņak eo kōn an bar wōr juon armej pād ilo iien intōrpiu eo ak kweilo̧k eo. N̄e kweilo̧k ippān juon membōr eo me eoktak kōjāllin (opposite sex), juon ajri, ak juon jodikdik, kanooj lale bwe juon pāāren ak bar juon rūtto en pād. Ļeo ak lio emaron̄ kobatok ilo kweilo̧k eo ak kōttar itunam̧ōj in ruum̧ eo, pedped ioon kōņaan ko an membōr eo me kwoj kweilo̧k ippān.

Jab kwalo̧k meļeļe ko reņņojak ippān jabdewōt—ekoba eo pāleem̧ ak ritōl ro jet an Kabun̄ in—m̧ae iien eo membōr eo ej lewaj mālim.

31.1.5

Kajjitōk Kajjitōk Reim̧we im Lukkuun Ron̄jake

N̄e kweilo̧k ippān juon membōr, kajjitōk kajjitōk ko me rejipan̄ eok meļeļe jekjek eo an armej eo.

Ilo an membōr eo kōnono, lukkuun ron̄jake im wujlepļo̧k.

31.1.6

Kōketak Un̄n̄are-Peid Make

Kōnke kōn iakwe eo am̧ n̄an membōr ro, kwomaron̄ kōņaan leļo̧k uwaak ko n̄an jorrāān ko aer ilo iien eo em̧ōj tata. Ijoke, kwonaaj kōjeraam̧m̧an er eļapļo̧k ilo am̧ jipan̄ er pukōt uwaak ko aer make im kōm̧m̧ani kāālet ko aer make (lale Katak im Bujen Ko 9:8).

31.1.7

Rejtake Kijejeto ko n̄an Ukweļo̧k

Bisop eo ak stake būreejtōn eo wōt emaron̄ jipan̄ juon armej ņamejļan jerawiwi ko reļļap. Jet iaan men kein rej ellaajrak ilo 32.6. Eļan̄n̄e membōr eo ekar kōm̧m̧ane jabdewōt iaan jerawiwi kein, armej eo ej aikuj kweilo̧k ippān bisop eo ak stake būreejtōn eo ilo iien eo em̧ōkaj tata.

31.1.8

Ņamejļan Ilo Jetjet n̄an Ko̧kkure (abuse)

Ko̧kkure jabdewōt armej ejjab maron̄ in bōk jikin ilo jabdewōt jekjek. Bōk riboot ko kōn ko̧kkure (abuse) ilo m̧ool in. Eļan̄n̄e kwoj jeļā bwe em̧ōj kar ko̧kkure (abuse) juon armej, riboote ko̧kkure (abuse) eo n̄an rijerbal ro an jikin kōjparok (civiil authority) im ko̧o̧njeļ ippān bisop eo. Unin tōl ko n̄an riboot im ņamejļan ko̧kkure (abuse) rej litok ilo 38.6.2.

31.2

Intōrpiu ko

31.2.1

Jibadbad ko an Intōrpiu ko

Eitōņ aolep iien, ritōl ro an Kabun̄ in rej intōrpiuik membōr ro n̄an kōmlet eļan̄n̄e rej:

• Pojak n̄an bōk ak bōk koņaan ilo juon kain̄i.

• Aikuj kūr n̄an juon jerbal ilo Kabun̄ in.

31.2.2

Kain Intōrpiu ko

Wōn eo emaron̄ kōm̧m̧ane intōrpiu eo	Jibadbad eo an intōrpiu eo
Wōn eo emaron̄ kōm̧m̧ane intōrpiu eo Bisop eo wōt	Jibadbad eo an intōrpiu eo Leļo̧k juon mālim n̄an deļo̧n̄ tampeļ n̄an juon membōr eo ej bōk menin letok kwojarjar eo an make ak liāp n̄an eo pāleen (lale 26.3.1). Leļo̧k juon peba in mālim deļo̧n̄ tampeļ n̄an juon rioktak kāāl (lale 26.4.2). Kapit juon rioktak em̧m̧aan n̄an juon opiij ilo Priesthood eo an Aron. Kapit juon likao ak juon em̧m̧aan n̄an opiij eo an pris (lale 18.10.2). Elmakote (recommend) juon em̧m̧aan n̄an an ekkapit juon elder ak pris eutiej (lale 31.2.6). Kōmālim jān stake būreejtōnji eo ej menin aikuj n̄an kōm̧m̧ane intōrpiu in. Elmakote (recommend) juon membōr n̄an jerbal āinwōt juon mijenede ej jerbal aolep raan (lale 24.4.2). Kūr juon membōr n̄an jerbal āinwōt juon būreejtōn an juon doulul an ward eo. Kūr juon pris n̄an jerbal āinwōt juon rijjipan̄ ilo dolulul eo an pries ro. Jipan̄ juon membōr ukweļo̧k jān juon jerawiwi eļap (lale jepta 32 Rie juon membōr n̄an bōk juon ļoon in Jāān Jikuuļ (Perpetual Educatino Fund loan, ijo ewōr ie. Kōtļo̧k bwe juon membōr en ba jekjek eo an āinwōt juon rikōļļā juon m̧ōttan jon̄oul (lale 34.3.1.2). Kōmālim kōjerbal jāān in jortak in jitlo̧k ko (lale 22.6.1).
Wōn eo emaron̄ kōm̧m̧ane intōrpiu eo Bisop eo ak juon rikakpilōklōk ej kappeiki	Jibadbad eo an intōrpiu eo Bar kōkāāl juon peba in mālim deļo̧n̄ tampeļ (lale 26.3.1). Leļo̧k juon mālim n̄an deļo̧n̄ tampeļ n̄an bōk koņaan ilo peptaij ko im kapene ko an ilo etan (proxy) (lale 26.4.3). Leļo̧k juon peba in mālim deļo̧n̄ tampeļ n̄an liāp n̄an ro jinen im jemen ak n̄an rikam̧ool n̄an liāp ko an ro jein im jatain n̄an ro jinen im jemen (lale 26.4.4). Kūr juon membōr n̄an jerbal ilo juon kūr an ward eo āinwōt kar kwaļo̧k ilo 30.8. Kōmālim peptaij eo im kapene eo an juon 8 iiō rūttoon eo ej juon membōr eo ewōr an rekoot ak pāāren ak ribōk eddo in eo ej juon membōr in Kabun̄ in (lale 31.2.3.1). Kōmālim ekkapit eo an juon likao n̄an opiij eo an tikōn ak rūkaki (lale 18.10.2). Leļo̧k juon Peba in Mālim in Kōjeraam̧m̧an an Petriak (lale 18.17). Kōmālim juon rikabwijer priesthood eo n̄an kōm̧mane juon kain̄i an priesthood ilo bar juon ward, eļan̄n̄e ejjeļo̧k an juon mālim n̄an deļo̧n̄ tampeļ. (Lale (Recommend to Perform an Ordinance form) Boom̧ eo an Elmakote n̄an Kōm̧m̧ane juon Kain̄i.)

31.2.3

Intōrpiu n̄an Peptaij im Kapene

31.2.3.1

Ajri ro Ewōr Aer Rekoot

Bisop eo ej kabwijer priesthood ki ko n̄an peptaiji membōr in rekoot ro 8 aer iiō ilo ward eo an. Kōn un in, e ak juon rikakpilōklōk kar kappeiki ej intōrpiuik armej rein n̄an peptaij.

• Ajri ro 8 iiō ro ewōr aer rekoot.

• Ajri ro 8 aer iiō rejjab membōr in rekoot ak eo jinen ak jemen ak eo ej bōk eddo in rej membōr.

• Membōr ro ewōr aer rekoot 9 iiō im rūttoļo̧k me kar karum̧wijļo̧k peptaij eo aer kōn wōt utam̧we ko ilo kōļmenļo̧kjeņ.

Ilo intōrpiu eo, membōr in bisoprik eo ej kanooj lale bwe ajri ro ej meļeļe jibadbad ko an peptaij (lale 2 Nipai 31:5–20). Ej barāinwōt kanooj lale bwe ajri eo en meļeļe kōn bujen eo an peptaij im en wūjlepļo̧k n̄an mour kake (lale Mosaia 18:8–10). E ejjab aikuj in kōjerbal juon laajrak in kajjitōk ko rein juon. Menin ejjab juon intōrpiu n̄an kōmlet erreo eo, kōnke “ajri ro reddik reaikuj jab ukeļo̧k” (Moronai 8:11).

31.2.3.2

Rioktak ro

Mijen būreejtōn eo ej kabwijer priesthood ki ko n̄an peptaiji ro rej oktak tok. Kōn un in, juon mijenede ej jerbal aolep raan ej intōrpiu:

• Armej ro 9 iiō im rūttoļo̧k ro rejjan̄in peptaij im kapen. Lale 31.2.3.1 kōn juon kōtļo̧k eo n̄an ro ewōr utam̧we ko ilo kōļmenļo̧kjeņ.

• Ajri ro 8 iiō dettaer im rūttoļo̧k me ro jinen im jemen rejjab membōr in Kabun̄ in.

• Ajri ro 8 iiō dettaer im rūttoļo̧k me jinen ak jemen ej barāinwōt peptaij im kapen.

31.2.4

Intōrpiu ko n̄an Ekkapit n̄an juon Opiij ilo Priesthood eo an Aron

N̄an meļeļe ko reļļapļo̧k, lale 18.10.2.

31.2.5

Intōrpiu ko an Peba in Mālim n̄an Deļo̧n̄e Tampeļ

Tampeļ eo ej m̧weo im̧ōn Irooj. Deļo̧n̄e tampeļ eo im bōk koņaan ilo kain̄i ko ewōr juon jim̧we ekwojarjar. Jim̧we in ej jerbal n̄an ro me rej pojak ilo jetōb im kajjieon̄ n̄an mour kōn jon̄ak ko an Irooj, āinwōt kar kōmlet jān ritōl ro an priesthood rōmālim.

N̄an kōm̧m̧ane kōmlet in, ritōl ro an priesthood eo rej intōripuik membōr eo kōjerbal kajjitōk ko ilo LCR eo (lale barāinwōt unin tōl ko ilo 26.3).

31.2.6

Intōrpiu ko n̄an Ekkapit n̄an juon Opiij in Melkesidek Priesthood eo

Stake būreejtōn eo ej kabwijer ki ko an priesthood n̄an leļo̧k Melkisedek Priesthood eo. E ej barāinwōt kabwijer ki ko n̄an kapit n̄an opiij ko an elder im pris eo eutiej.

Kōn mālim eo an stake būreejtōnji eo, bisop eo ej intōrpiuiki membōr eo kōjerbale kajjitōk ko kar kōpooji n̄ane ilo Melchizedek Priesthood Ordination Record.

31.3

Iien ko Jet Rem̧m̧an n̄an Ritōl ro n̄an Kweilo̧k ippān Membōr ro.

• Membōr ro remaron̄ kajjitōk n̄an kweilo̧k ippān juon ritōl an Kabun̄ in n̄e rej aikuj tōl ilo jetōb ak ewōr inepata ko aer make reddo.

• Bisop eo ak juon eo ej jitōn̄e ej kweilo̧k ippān membōr ro me ewōr an aikuj ko ilo kanniōk (lale 22.6).

• Juon membōr in bisoprik eo ej kweilo̧k ippān kajjojo ro 11 aer iiō ilo an armej eo em̧m̧akūt jān Būraimere n̄an doulul eo an tikōn ro ak kūlaaj an Doulul eo an Jiron̄ ro.

31.3.1

Kweilo̧k ippān Jodikdik ro

Bisop eo ak juon iaan rikakpilōklōk ro an ej kweilo̧k ippān jodikdik ro ruo alen juon iiō. Juon iaan kweilo̧k kein en jab dikļo̧k juon kōttan an kōm̧m̧an juon iiō ippān bisop eo. Jinoin iiō eo jodikdik eo ej tōpar 16, kweilo̧k kein jim̧or ilo iiō eo aikuj in ippān bisop eo eļan̄n̄e emaron̄.

Būreejtōn eo an Doulul eo an Jiron̄ ro ebarāinwōt wōr an eddo n̄an jerbal in karejar n̄an kajjojo jiron̄ ro. Liin emaron̄ kōm̧m̧an menin kōn kweilo̧k ippān jiron̄ ro juon illo̧k juon (ak ippān bar juon rūtto ej pād)

31.3.1.2

Unin Kōnono ko n̄an Ekōnono kaki

Jibadbad eo eļap tata an kweilo̧k ko ippān jodikdik ro ej n̄an kalōk tōmak ilo Jemed Ilan̄ im Jisōs Kraist im jipan̄ jodikdik ro ļoor Er. Kweilo̧k kein rej aikuj in en̄jake ko rōkōbōkakak ilo jetōb.

31.3.2

Kweilo̧k ippān Rūm̧m̧an Ded ro Ejjeļo̧k Pāleer

Bisop eo ej likūt jibadbad eo aorōk tata ioon eddōkļo̧k in jetōb eo an rūm̧m̧an ded ro ejjeļo̧k pāleer ilo ward eo an. E ak juon rikakpilōklōk kar kappeik ej kweilo̧k ippān kajjojo rūm̧m̧an ded ejjeļo̧k pāleer diktata juon alen ilo juon iiō.

31.3.3

Kweilo̧k ippān Membōr ro n̄an Ekōnono kōn Kūr ko Aer im Eddo ko

Stake būreejtōnji ro, bisoprik ro, im ritōl ro jet rej kweilo̧k kajjojo make ippān membōr ro me rej reboot n̄an er kōn kūr ko aer.

Ritōl eo ej kwaļo̧k kam̧m̧oolol kōn jerbal in jipan̄ eo an membōr eo im leļo̧k kōketak.

31.3.6

Naan in Kapilōk an Ritijem̧ļo̧k im Terpi (Therapy)

Ritōl ro an Kabun̄ in rejjab kūrļo̧k professional counselor ro ak leļo̧k therapy. Jipan̄ eo rej leļo̧k ej ilo jetōb, pedped ioon kōkajoorļo̧k, kaenōm̧m̧an, kajoor in lo̧mo̧o̧r eo an Jisōs Kraist. Ilo kakkobaba n̄an jipan̄ in aorōk im im̧we, jet membōr remaron̄ jeraam̧m̧an jān kapilōk an ritijem̧ļo̧k ijo ewōr ie.

31.4

Kweilo̧k ippān Membōr ro ilo Intōrnet

Ilo m̧ool, ritōl ro rej kweilo̧k ippān membōr ro ilo kanem armej n̄an intōrpiu ko im n̄an leļo̧k jipan̄ ilo jetōb im jerbal in karejar. Ijoke, āinwōt juon men kōtļo̧k, remaron̄ kweilo̧k ilo intōrnet n̄e kweilo̧k ilo kanem armej ejjab maron̄.