“31. Ol Intaviu mo Ol Nara Miting wetem Ol Memba,” Ol Pat We Oli Jusumaot long Jeneral Hanbuk (2023).
“31. Ol Intaviu mo Ol Nara Miting wetem Ol Memba,” Ol Pat We Oli Jusumaot long Jeneral Hanbuk
31.
Ol Intaviu mo Ol Nara Miting wetem Ol Memba
31.0
Fas Toktok
Plante taem, Jisas i stap givhan long ol narafala man wan afta wan (luk long, eksampol, Jon 4:5–26; 3 Nifae 17:21). Hem i lavem wanwan long ol pikinini blong God. Hem i stap helpem olgeta wanwan.
Japta ia i save helpem evri lida we oli gat ol janis blong mit wetem wanwan memba.
31.1
Ol Prinsipol we Oli Lidim Wok
31.1.1
Rere long Saed blong Spirit
Rere long yuwan long saed blong spirit tru long prea, skripja stadi, mo stap laef long stret mo gud fasin. Lisin long smol voes blong Tabu Spirit.
31.1.2
Helpem Memba blong Filim Lav blong God
Taem ol memba oli kam luk yu blong wan intaviu o from help long wan jalenj blong olgetawan, plante taem, wanem we oli nidim blong save moa, hem i we Papa long Heven i lavem olgeta.
Ol skripja mo ol toktok blong ol profet long ol las dei ia, i invaetem Spirit mo i tijim doktrin we i stret evriwan. Yusum olgeta blong givim insperesen, mo blong leftemap tingting, be i no blong fosem man, o mekem man i fraet (luk long Luk 9:56
31.1.3
Helpem Memba blong Lukaotem Paoa blong Sevya
Leftemap tingting blong ol memba blong go long Hem. Helpem olgeta blong lukaotem paoa blong Hem blong mekem olgeta i kam strong, blong kasem kamfot mo kamaot long sin mo harem nogud.
31.1.4
Helpem Memba blong Filim Gud mo Sef
Oltaem givim tingting ia long memba se hem i save gat wan nara man i stap wetem hem long taem blong intaviu o miting. Taem yu stap mit wetem wan memba we i oposit seks long yu, wan pikinini, o wan yut, mekemsua se wan papa o mama o wan nara adalt i stap. Hem i save joen long miting ia o wet aotsaed long rum, hemia i dipen long wanem memba ia we yu stap mit wetem, i wantem.
No serem konfidensiol infomesen wetem eni man—hemia i tekem tu hasban o waef blong yu, o ol nara lida blong Jos—be nomo, sapos memba ia i givim raet.
31.1.5
Askem Ol Kwestin We I Kam Tru long Insperesen mo Lisin Gud
Taem yu stap mit wetem wan memba, askem ol kwestin we i save helpem yu blong andastanem situesen blong hem.
Taem memba i stap toktok, lisin gud mo lukluk gud.
31.1.6
Leftemap Tingting blong Stap Dipen long Yuwan
From lav blong yu long ol memba, maet yu wantem blong givim ol ansa long ol problem long olgeta kwiktaem. Be, bae yu blesem olgeta moa taem yu stap helpem olgeta blong faenem ol ansa blong olgetawan mo mekem ol desisen blong olgetawan (luk long Doktrin mo Ol Kavenan 9:8).
31.1.7
Sapotem Ol Traehad blong Sakem Sin
Bisop nomo o stek presiden i save helpem wan man blong stretem ol sin we oli series. Sam long olgeta ia i stap insaed long 32.6. Sapos memba ia i mekem eni long ol sin ia, hem i mas mit wetem bisop o stek presiden kwiktaem.
31.1.8
Fesem Abius long Stret Wei
Abius, oli no save akseptem eni kaen wei blong abius. Tekem ol ripot blong abius i series. Sapos yu kam blong save abaot wan man we oli bin abiusum hem, ripotem abius ia long ol gavman atoriti mo kaonsel wetem bisop. Ol gaedlaen blong mekem ripot mo fesem abius oli stap long 38.6.2.
31.2
Ol Intaviu
31.2.1
Ol Stamba Tingting blong Ol Intaviu
Plante taem, ol Jos lida oli intaviu long ol memba blong luk sapos oli:
-
Rere blong kasem o tekpat long wan odinens.
-
Sapos blong singaotem olgeta long wan posisen insaed long Jos.
31.2.2
Ol Defren Kaen Intaviu
|
Huia i save kondaktem intaviu ia |
Stamba tingting blong intaviu |
|---|---|
Huia i save kondaktem intaviu ia Bisop nomo | Stamba tingting blong intaviu
|
Huia i save kondaktem intaviu ia Bisop o wan kaonsela we hem i asaenem | Stamba tingting blong intaviu
|
31.2.3
Ol Intaviu blong Baptaes mo Konfemesen
31.2.3.1
Ol Pikinini we Oli Ol Memba blong Rekod
Bisop nao i holem ol ki blong prishud blong baptaesem ol memba blong rekod we oli gat 8 yia, insaed long wod blong hem. From hemia, hem o wan kaonsela we hem i givim wok long hem i intaviu ol man ia blong kasem baptaes:
-
Ol pikinini we oli gat 8 yia we oli ol memba blong rekod.
-
Ol pikinini we oli gat 8 yia we oli no ol memba blong rekod be oli gat papa o mama, o wan we i stap lukaot long olgeta we i wan memba.
-
Ol memba blong rekod we oli gat 9 yia i go antap, we oli seftem baptaes blong olgeta from oli gat disabiliti long saed blong tingting.
Long taem blong intaviu, memba blong bisoprik i mekemsua se pikinini i andastanem ol stamba tingting blong baptaes (luk long 2 Nifae 31:5–20). Hem i mekemsua tu se pikinini i andastanem kavenan blong baptaes, mo hem i glad blong mekem komitmen blong laef folem kavenan ia (luk long Mosaea 18:8–10). Hem i no nidim blong yusum wan lis blong ol kwestin. Hemia i no wan intaviu blong luk sapos wan i klin inaf, from se “ol smol pikinini, oli no nid blong sakem sin” (Moronae 8:11).
31.2.3.2
Ol Konvet
Misin presiden i holem ol prishud ki blong baptaesem ol konvet. From hemia, wan fultaem misinari i intaviu long:
-
Olgeta we oli gat 9 yia i go antap, we oli neva bin baptaes o kasem konfemesen bifo. Luk long 18.7.1.1 long saed blong ol eksepsen blong olgeta we oli gat disabiliti long saed blong tingting.
-
Ol pikinini we oli gat 8 yia i go antap we papa mo mama oli no memba blong Jos.
-
Ol pikinini we oli gat 8 yia i go antap, we papa o mama tu bae i kasem baptaes mo konfemesen.
31.2.4
Ol Intaviu blong Odinesen long wan Ofis blong Aronik Prishud
Blong kasem moa infomesen, luk long 18.10.2.
31.2.5
Ol Intaviu blong Tempol Rekomen
Tempol hem i haos blong Lod. Blong stap go insaed long tempol mo stap tekpat long ol odinens insaed long hem, i wan tabu spesel janis. Janis ia i blong olgeta nomo we oli rere long saed blong spirit mo stap traehad blong laef folem ol standet blong Lod, olsem we ol prishud lida we oli gat atoriti oli talem.
Blong luksave hemia, ol prishud lida oli intaviu long memba mo yusum ol kwestin insaed long LKR (luk tu long ol gaedlaen insaed long 26.3).
31.2.6
Ol Intaviu blong Odinesen long wan Ofis blong Melkesedek Prishud
Stek presiden nao i holem ol prishud ki blong pasem Melkesedek Prishud. Hem i holem tu ol ki blong odinesen long ol ofis blong elda mo hae pris.
Wetem raet blong stek presidensi, bisop i intaviu long memba folem ol kwestin we oli stap long Odinesen Rekod blong Melkesedek Prishud.
31.3
Ol Nara Janis blong Ol Lida blong Mit wetem Ol Memba
-
Maet ol memba oli save askem blong mit wetem wan Jos lida taem oli nidim blong oli lidim olgeta long saed blong spirit, o sapos oli gat ol problem blong olgetawan we oli harem i hevi tumas.
-
Bisop o wan we hem i givim wok long hem, i mit wetem ol memba we oli gat ol nid long saed blong laef long wol ia (luk long 22.6).
-
Wan memba blong bisoprik i mit wetem wanwan pikinini we i gat 11 yia, taem hem i stap muvaot long Praemeri i go long kworom blong ol dikon o wan Yang Woman klas.
31.3.1
Miting wetem Ol Yut
Bisop o wan long ol kaonsela blong hem i stap mit wetem wanwan yut tu taem long wan yia. Bisop i mas stap long wan long ol miting ia evri yia. Long stat blong yia we wan yut bae i kasem 16 yia blong hem, bisop nao i mas mekem tugeta miting blong yia ia sapos i posibol.
Presiden blong Ol Yang Woman tu i gat wan responsabiliti blong givhan long wanwan yang woman. Hem i save mekem hemia taem hem i mit wetem wanwan long ol yang woman (o wetem wan nara adalt we i stap).
31.3.1.2
Ol Topik blong Tokbaot
Stamba tingting blong ol miting wetem ol yut i blong bildim fet long Papa long Heven mo Jisas Kraes mo helpem yut blong folem Tufala. Ol miting ia oli sapos blong leftemap tingting long ol eksperiens long saed blong spirit.
31.3.2
Stap Mit wetem Ol Yang Singgel Adalt
Bisop i mekem progres long saed blong spirit blong ol yang singgel adalt long wod blong hem i kam i kam wan nambawan praeoriti. Hem o wan kaonsela we hem i givim wok long hem, i mit wetem wanwan yang singgel adalt wan taem o moa evri yia.
31.3.3
Stap Mit Wetem Ol Memba blong Tokbaot Ol Koling mo Responsabiliti blong Olgeta
Ol stek presidensi, ol bisoprik mo ol nara lida oli mit wetem wanwan memba we oli ripot i gobak long olgeta abaot ol koling blong olgeta.
Lida ia i soemaot tangkyu blong hem from seves blong memba mo i leftemap tingting.
31.3.6
Profesonol Kaonseling mo Tritmen
Oli no singaotem ol Jos lida blong kam olsem ol profesonol kaonsela o blong stap givim tritmen. Help we oli givim i long saed blong spirit, we i lukluk fulap blong givim paoa, kamfot, mo paoa blong Jisas Kraes we i pemaot man. Antap long help ia we i impoten mo i kam tru long insperesen, sam memba oli save go kasem sam profesonol kaonseling long ol ples we i gat hemia i stap.
31.4
Stap Mit wetem Ol Memba Onlaen
Plante taem, ol lida oli stap mit fes tu fes wetem ol memba blong intaviu mo givim help long saed blong spirit mo givhan. Be, olsem wan eksepsen, oli save mit onlaen taem hem i no stret blong mit fes tu fes.