31.

Interfiu me Ekkoch Mwich ngeni Ekkewe Memper

31.0

Nepoputan

Jises Kraist nap ngeni a iamwiri ekkoch ren emon me emon ir (nengeni, ren awewe, John 4:5–26; 3 Nifai 17:21). I a tongei emon me emon noun Kot kewe semirit. I a anisi emon me emon ir.

Ei sopun a tongeni anisi meinisin ekkewe sou emwen ekkewe a wor ar kewe tufichin churi emon me emon ekkewe memper.

31.1

Ekkewe Nongonongun Emwen

31.1.1

Amoneta non Pekin Ngun

Amonata inisum non pekin ngun ren iotek, kaeo ekkewe pukefel, me manau tupwon. Rongorong ngeni mongungun ewe Ngun mi Fel.

31.1.2

Anisi ewe Memper epwe Mefi An Kot Tong

Nupwen ekkewe memper ra feitto remw ren ew interfiu ika ren aninisin osukosuken won winikapan, napengeni met a kon auchea ngenir ina ar repwe sinei pwe Samach Kot won Nang a tonger.

Ekkewe pukefel me ekkewe kapas an ekkewe soufos non fansoun soponon ra etiwa ewe Ngun me osukuna nongonong mi unusoch. Nounou ir ne amwasanga me pesei, nge esap ren apungu, echima, ika efisata nuokus (nengeni Luke 9:56).

31.1.3

Anisi ewe Memper epwe Anongonong won an ewe Chon Amanau Manaman

Pesei ekkewe memper repwe kun ngeni I. Anisir repwe anongonong won An manaman pwe an epwe apochokuner, oururur, me angaser.

31.1.4

Anisi ekkewe Memper ar repwe Mefi Kinamwe me Tumun

Fansoun meinisin ngeni ewe memper ewe tufichin finata an epwe wor emon epwe nom non fansoun ew interfiu ika chufengen. Nupwen chufengen me emon memper mi sokono sonuk ren i emon met, emon semirit, ika emon sarafo, tumunuochu pwe emon sam ika in ika emon mi mukono epwe nom. Neminewe ika atewe a tongeni epwe fiti ewe mwich ika utiwit nukun ewe rum, anongonong won mochenin ewe memper ewe kopwe churi.

Kosap aporousa porous mi monomon ngeni emon— pachenong punuwom ika ekkoch sou emwenin Mwichefen—nukun chok ika ewe memper a awora mumutan.

31.1.5

Eis ekkewe Kapas Eis me Ouseningoch Ngeni

Nupwen chufengen me emon memper, eis ekkana kapas eis epwe anisuk om kopwe weweiti nonnomun neminewe ika atewe.

Nupwen ewe memper a porous, auseningoch me tumunoch.

31.1.6

Apochokuna Pekin Anongonong Won Pusin Winikaper

Pokiten om tongei ekkewe memper, ka tongeni om kopwe mochen ne mwittir awora atawen ar kewe osukosuk. Iwe nge, kopwe fen kon efeiochur ren om anisir ar repwe kutta pusin ar minen atawei me fori ar pusin omuchunon ekiek (nengeni Doctrine and Covenants 9:8).

31.1.7

Apochokuna kewe Achocho ngeni Aier.

Ewe chok pisop ika presetenin steik ra tongeni anisi emon aramas ne atawei ekkewe watten tipis. Ekkoch me nein ekkei ra tettenitiw non 32.6. Ika ewe member a fori ew me nein ekkei tipis, neminena ika atena epwe churikaei ewe pisop ika presetenin steik.

31.1.8

Forochu om Ponueni ngeni Manauangaw

Manauangaw ese tongeni epwe ketiw non ese nifinifin napanapan. Angei ekkewe repotun manauangaw ren ennetin pochokunen ekiek. Ika ka tepereni pwe emon a fen osukosuk ren fofforun manauangaw ngeni, repotei ewe angangen manauangaw ngeni ekkewe chon angangen muun me angei kapasen ourour ren ewe pisop. Ekkewe minen emwen ren repotei me ponueni fofforun manauangaw a kawor non 38.6.2.

31.2

Ekkewe interfiu

31.2.1

Ekkewe popun Ekkewe Interfiu

Napengeni, ekkewe sou emwenin Mwichefen ra interfiuni ekkewe memper ar repwe ekieki ika ir:

• Ra moneta ar repwe angei ika pachenong non ew angangepin.

• Epwe koko ngeni ew wis non ewe Mwichefen.

31.2.2

Ekkewe sokkun Interfiu

Ion epwe tongeni emweni ewe interfiu	Pupun ewe interfiu
Ion epwe tongeni emweni ewe interfiu Pisop chok	Pupun ewe interfiu Awora echo taropwen mumutan tonong non tempel ngeni emon memper ewe a angei an pusin endowment ika fen riri ngeni emon punuwan (nengeni 26.3.1). Awora echo taropwen mumutan tonong non tempel ngeni emon minefon chon ei Mwichefen (nengeni 26.4.2). Seikata emon minefon mwan e karan choni ei Mwichefen ngeni ew wis non ewe Aaronik Pristut. Seikata emon sarafo at ika emon mwan ngeni ewe wisen prist (nengeni 18.10.2). Awora iten emon mwan epwe finita an epwe sikita ngeni emon elter ika prist mi nap (nengeni 31.2.6). Mumutan seni ewe presetensin steik a auchea ne fori ei interfiu Awora iten emon memper epwe finita an epwe angang ussun emon misineri epwe unusono ruu ierin an angang (nengeni 24.4.2). Kori emon memper an epwe angang ussun emon presetenin mwicheich non wart. Kori emon prist an epwe angang ussun emon chon anisi non ewe mwichen ekkewe prist. Anisi emon memper an epwe aier seni tipis mi watte (nengeni sopun 32). Anisi ngeni emon memper an epwe angei ew paro ren Perpetual Education Fund loan, ian a wor ian. Mut ngeni emon memper epwe affata nonomun ussun emon chon monatiw asoren ew ne engon (nengeni 34.3.1.2). Mutata nounoun ewe monien asoren echikefen (nengeni 22.6.1).
Ion epwe tongeni emweni ewe interfiu Pisop ika emon chon aninis i a finata	Pupun ewe interfiu Forsefani echo taropwen mumutan tonong non tempel (nengeni 26.3.1). Fori echo taropwen mumutan tonong non tempel an epwe pachenong non angangen papatais me kapungunon fan iten emon (nengeni 26.4.3). Fori echo taropwen mumutan tonong non tempel ren an epwe riri ngeni saman me inan pwin ika fefinan ika mongean ngeni inan me saman kewe (nengeni 26.4.4). Kori emon memper an epwe angang non ew wis non wart ussun a afatetiw non 30.8. Mutata ewe papatais me kapungunon emon 8-ier-ierin ewe i emon me nein memperin rekot ika inan me saman ika ewe chon tumunu ir chon ewe Mwichefen (nengeni 31.2.3.1). Mutata seikitan emon onuon sarafo ngeni ewe wisen tiken ika ticher (nengeni 18.10.2). Fori echo Taropwen Mumutan Efeiochun Petriak (nengeni 18.17). Mutata emon mi wor ren pristut an epwe fori ew angangepinin pristut non pwan ew wart, ika ese wor noun taropwen mumutan tonong non tempel. (Nengeni Mutata ne Fori ew napanapen Angangepin.)

31.2.3

Ekkewe Interfiu ren Papatais me Kapunguno

31.2.3.1

Ekkewe Semirit Ir Memper won Rekot

Ewe pisop a omochu ekkewe pristut ki ren papataisei 8-ier-ierin ekkewe memper won rekot non an ewe wart. Ren ei popun, i ika emon chon aninis a finita a interfiuni ekkewe aramas mi tetenitiw:

• Ekkewe semirit ierin 8 ekkewe ra memperin won rekot.

• Ekkewe semirit ierir 8 ekkewe rese memperin won rekot nge mi wor inan ika saman me ewe chon tumunu i memper.

• Ekkewe memperin won rekot ier 9 me watte seni minne an papatais a ururuno pokiten an osukosuken ekiek.

Non ewe interfiu, chon ewe prisopik ra nenengenochu pwe ewe semirit a weweiti ekkewe popun papatais (nengeni 2 Nifai 31:5–20). I epwe pwan nengenochu pwe ewe semirit a weweiti ewe pwonen papatais me pwon pwe epwe manaueni (nengeni Mosaia 18:8–10). Ese pwan namot an epwe pwan aea ekkewe kapaseis mi affatetiw. Ei esap ew interfiu an epwe apungano ika mi nimenimoch, pokiten “kukkun semirit ese auchea ar repwe aier” (Moronai 8:11).

31.2.3.2

Chon Ekkesiwin ngeni ach Mwichefen

Ewe presetenin misin a omochu ekkewe pristut ki ren papataisin ekkewe minefon chon ekkesiwin ngeni ach mwichefel. Ren ei wewe, emon misineri mi angang unusen an misin epwe wisen interfiuni:

• Ekkewe aramas ier 9 me watte seni ekkewe resamo fen papatais me kopunguno. Nengeni 31.2.3.1 tiwenon chok ekkana mi wor ar osukosuken ekiek.

• Semirit ier 8 ika watte seni minne semer me iner kewe esap ir chon ewe Mwichefen.

• Semirit ier 8 ika watte seni ewe minne saman me inan ekkewe rapwan papatais me kopunguno.

31.2.4

Ekkewe interfiu ren Seikita ngeni ew Wis non ewe Aaronik Pristut

Ren pwan ekkoch porousan, nengeni 18.10.2.

31.2.5

Interfiun Taropwen Mumutan Tonong non Tempel

Ewe tempel ina imwen ewe Samon. Tonong non ewe tempel me fiti non ekkewe angangenpin a wor ew tufich mi pin. Ei tufich a fen iseiseno fan iten ekkana ra amonereta non pekin ngun me achocho ngeni ar repwe manaueni nonomun ewe Samon, ussun mi punguno seni ekkewe sou emweni pristut mi wor ar mumuta.

Ar repwe fori ei kopunguno, souemwenin pristu ra interfiuni ewe memper ren ar aea ekkewe kapaseis mi nom non LCR (nengeni pwan ekkewe minen emwen non 26.3).

31.2.6

Ekkewe interfiu ren Seikita ngeni ew Wis non ewe Melkisetek Pristut

Ewe presetenin steik a omochu ekkewe kien pristut ren an epwe ngeni emon ewe Melkisetek Pristut. I a pwan omochu ekkewe kien seikata ekkewe wis ngeni elter me prist mi nap.

Fiti ei mumuta an ekkewe presetensin steik, ewe pisop a interfiuni ewe member a aea ekkewe kapaseis mi kawor won ewe Rekotun Seikitan Melkisetek Pristut.

31.3

Ekkoch pwan Tufich ren ekkewe Sou emwen ar repwe Churi ekkewe Memper

• Ekkewe memper meni repwe tingor ar repwe churi emon sou emwenin Mwichefen nupwen ra mochen emwen non pekin ngun ika nupwen a wor ar osukosuk won pusin winikaper.

• Ewe pisop ika emon i a finata epwe churi ekkewe memper a wor ar mochen ren ekkewe mettochun iei. (nengeni 22.6).

• Emon chon ewe pisoprik a churi emon me emon kewe 11-ierir nupwen i ewe at ika nengin a mokut seni Kinter ngeni mwichen tiken ika klasin Ekkewe Fopun.

31.3.1

Churi Sarafo

Ewe pisop ika emon noun kewe chon aninis a churi emon me emon sarafo fan ruu non ew ier. Ew me nein ekkei mwich iteiten ier epwe fis mwich ngeni ewe pisop. Poputan ewe ier ewe sarafo epwene 16 ier, ir me ruu ekkewe mwich non ewe ier epwe nom ren ewe pisop ika mi tufich.

Ewe presetenin Mwichen Fopun a pwan wor wisan an epwe angang ngeni emon me emon fopun. Neminewe a tongeni fori ei ren an churi ekkewe mwichen fopun emon me emon (ika fiti emon mi mukono epwe nom).

31.3.1.2

Itenap epwe wor Poporous won

Ewe auchean popun ekkei mwich ngeni sarafo pwe repwe ammarata nuku non Samach won Nang me Jises Kraist me anisi ekkewe sarafo ne tapweno Mwirir. Ekkei mwich repwe anisata ekkewe memef non pekin ngun.

31.3.2

Mwich ngeni Ekkewe Sarafo Rese Pupunu

Ewe pisop a anomu asan ekiekin ewe fefeita non pekin ngun ren ekkewe sarafo resemo pupunu non an ewe wart. I ika emon chon aninis mi kefinita a churi emon me emon sarafo ese mo pupunu esap kukkun seni fan ew non ew ier.

31.3.3

Churi ekkewe Memper ami oupwe Porous won Wiser kewe me Angangen wiser kewe

Ekkewe presetensin steik, pisoprik, me ekkoch sou emwen ra churi emon me emon ekkewe memper ra repot ngenir ussun wiser kewe.

Ewe sou emwen a pwarano an kinisou ren an ewe memper angang me awora pesepes.

31.3.6

Ourour me Aninisin Safean Inis Seni Emon mi Sinenap

Ekkewe sou emwenin Mwichefen rese koko ar repwe chon ourour mi kamo chon sinenap ika ne awora aninis ren safean inis. Ewe aninis ra awora non pekin ngun, anonga ar ekiek won ewe pekin apochokuna, pekin oururu, manamanen amanau an Jises Kraist. Non kapachetan ngeni ei auchean me amwararen aninis, ekkoch memper meni repwe feioch seni pekin awora ourour seni chon tipwachem mi kamo ikewe a wor ie.

31.4

Mwich ngeni Ekkewe Memper Won Fon ika Kampiuter

Napengeni, ekkewe sou emwen ra churi ekkewe memper non pukupukun aramas ren ekkewe interfiu me ar repwe awora aninis me iamwir non pekin ngun. Iwe nge, ew tiwenon, ra tongeni chufengen won asepwan ren won fon ika kampiuter nupwen chu fengen non pukupukun aramas ese tufich.