kuimba’ekuéra ojopopyhývo

31.

Entrevista ha Ambue Rreuniõ Miembro-kuéra ndive

31.0

Ñepyrũmby

Jesucristo oministra jepi tapichakuérape peteĩteĩ (tojehecha ehémploramo, Juan 4:5–26; 3 Nefi 17:21). Ha’e ohayhu peteĩteĩ Tupã ta’yrakuérape. Ha’e oipytyvõ chupekuéra peteĩteĩ.

Ko capítulo oipytyvõkuaa opaite liderkuérape orekóva oportunida oñerreunívo miembro-kuéra ndive peteĩteĩ.

31.1

Umi Principio Oporogiáva

31.1.1

Ñembosako’i Espiritual

Eñembosako’i ndejupe espiritualmente ñembo’e, escritura estudio ha tekojojápe jeiko rupi. Ehendu Espíritu Santo ñe’ẽmbegue.

31.1.2

Eipytyvõ Miembro-pe Oñandu hag̃ua Tupã Mborayhu

Miembro-kuéra ou vove ndéve peteĩ entrevista-rã térã ohekávo pytyvõ peteĩ py’ara’ã personal reheve, py’ỹi pe oikotevẽva hikuái ha’e toikuaa Túva Yvagagua ohayhuha chupekuéra.

Umi escritura ha ára pahapegua profetakuéra ñe’ẽ oinvita pe Espíritupe ha ombo’e doctrina añete. Eiporu umíva einspira ha emokyre’ỹ hag̃ua, ndaha’éi rekondena, reamenasa térã remongyhyje hag̃ua (tojehecha Lucas 9:56).

31.1.3

Eipytyvõ Miembro-pe Toiporu pe Salvador Pu’aka

Emokyre’ỹ miembro-kuérape ou hag̃ua Hendápe. Eipytyvõ chupekuéra toiporu Ipu’aka oporomombarete, oporomoangapyhy ha opororredimíva.

31.1.4

Eipytyvõ Miembro-pe Toñeñandu Cómodo ha Seguro

Eme’ẽ tapiate miembro-pe opción toĩ hendive upépe ambue tapicha peteĩ entrevista térã rreuniõ aja. Reñerreunívo peteĩ miembro sexo opuesto-gua, peteĩ mitã térã imitãva ndive, ehecha toĩ presente peteĩ túva térã ambue kakuaáva. Ha’e ojoajukuaa pe rreuniõme térã oha’arõ okápe, odependévo pe miembro reñerreuníva ndive hína oipotáva.

Ani eme’ẽ marandu ñongatupy avavépe—upévape oike ne rembireko térã ambue Tupaogua liderkuéra—ỹrõ pe miembro ome’ẽ ndéve permiso.

31.1.5

Ejapo Porandu Inspirádo ha Ehendu Jesarekópe

Reñerreunívo peteĩ miembro ndive, ejapo umi porandu nepytyvõtava rentende hag̃ua isituasiõ.

Pe miembro oñe’ẽ aja, ehendu jesarekópe ha ejapysaka porã.

31.1.6

Emokyre’ỹ pe Autosuficiencia

Rehayhuetereígui miembro-kuérape, ikatu reme’ẽse pya’e solusiõ iproblemakuérape. Upevére, rehovasavéta chupekuéra reipytyvõvo ojuhu hag̃ua hikuái ijehegui isolusiõ ha tojapo idesisiõnguéra (tojehecha Doctrina ha Konveniokuéra 9:8).

31.1.7

Eipytyvõ umi Ñeha’ã Arrepentimientorã

Obispo térã estakagua presidente añoite ikatu oipytyvõ peteĩ tapichápe orresolve hag̃ua umi angaipa isériova. Oĩ umíva oñemombe’úva 32.6-pe. Pe miembro ojapóramo oimeraẽ umi angaipa, ha’e oñerreuniva’erã pya’ete obispo térã estakagua presidente ndive.

31.1.8

Embohovái Porãvo Avúso

Avúso ndaikatúi ojetolera ni mba’evéicharõ. Emomba’eguasu umi avúso térã jetratavai ñemombe’u. Nde reikuaárõ peteĩ tapicha ohasahague avúso emombe’u upéva umi autorida civil-pe ha eñemongeta obispo ndive. Umi páuta oñemombe’u ha oñembohovái hag̃ua avúso oñeme’ẽ 38.6.2-pe.

31.2

Entrevista-kuéra

31.2.1

Umi Entrevista Propósito

Jepive, Tupaogua liderkuéra oentrevista miembro-kuérape odetermina hag̃ua ko’ã mba’e:

• Oĩpa hikuái preparado orresivi térã opartisipa hag̃ua peteĩ ordenánsape.

• Oñehenoiva’erãpa chupekuéra peteĩ llamamiento Tupaópe.

31.2.2

Mba’eichagua Entrevista

Mávapa oisãmbyhykuaa pe entrevista	Upe entrevista propósito
Mávapa oisãmbyhykuaa pe entrevista Obispo añónte	Upe entrevista propósito Ome’ẽ templo recomendación peteĩ miembro-pe orresivítava pe investidura ijupe g̃uarã térã ojeselláta iména/hembireko ndive (tojehecha 26.3.1). Ome’ẽ templo recomendación peteĩ konverso pyahúpe (tojehecha 26.4.2). Oordena peteĩ kuimba’e konverso pyahúva peteĩ Sacerdocio Aarónico oficio-pe. O’ordena peteĩ mitãrusúpe térã ambue kuimba’épe presbítero oficio-pe (tojehecha 18.10.2). Orrekomenda peteĩ kuimba’épe oñeordena hag̃ua élder térã sumo sacerdote (tojehecha 31.2.6). Oñeikotevẽ estakagua presidencia moneĩ oñeisãmbyhy hag̃ua ko entrevista. Orrekomenda peteĩ miembro-pe oservi hag̃ua misionero de tiempo completo-ramo (tojehecha 24.4.2). Ohenói peteĩ miembro-pe oservi hag̃ua peteĩ barrio-gua organización presidente-ramo. Ohenói peteĩ presbítero-pe oservi hag̃ua asistente-ramo presbítero kórumpe. Oipytyvõ peteĩ miembro-pe oñearrepenti hag̃ua angaipa isériovagui (tojehecha capítulo 32). Orrekomenda peteĩ miembro-pe orresivi hag̃ua Fondo Perpetuo para la Educación-gua préstamo, oĩháme disponible. Oheja peteĩ miembro tomombe’u ohepyme’ẽha diésmo (tojehecha 34.3.1.2). Oautorisa umi ofrenda de ayuno fondo jeiporu (tojehecha 22.6.1).
Mávapa oisãmbyhykuaa pe entrevista Obispo térã peteĩ konsehéro ha’e oasignáva	Upe entrevista propósito Orrenova templo recomendación (tojehecha 26.3.1). Ome’ẽ templo recomendación ojejapo hag̃ua bautismo ha confirmación representante rehe (tojehecha 26.4.3). Ome’ẽ templo recomendación ojesella hag̃ua tuvakuéra ndive térã omaña hag̃ua hermano-kuéra sellamiento tuvakuéra ndive (tojehecha 26.4.4). Ohenói peteĩ miembro-pe oservi hag̃ua peteĩ barrio-gua llamamiento-pe oje’eháicha 30.8-pe. Oautorisa bautismo ha confirmación peteĩ mitãme orekóva 8 áño ha’éva miembro inscrito térã isy térã itúva térã itutor ha’éva Tupaogua miembro (tojehecha 31.2.3.1). Oautorisa peteĩ mitãrusu ordenasiõ diákono térã maestro oficio-pe (tojehecha 18.10.2). Ome’ẽ recomendación ojerresivi hag̃ua bendición patriarcal (tojehecha 18.17). Oautorisa peteĩ sacerdocio orekóvape ojapo hag̃ua peteĩ sacerdocio ordenánsa ambue barrio-pe, ha’e ndoguerekóirõ peteĩ templo recomendación. (Tojehecha Recomendación ojejapo hag̃ua peteĩ ordenánsa formulario.)

31.2.3

Umi Entrevista Bautismo ha Confirmación-rã

31.2.3.1

Mitãnguéra Ha’éva Miembro Inscrito

Obispo oreko sacerdocio llavekuéra ibarriogua miembro inscrito orekóva 8 áño bautismo-rã. Upévare, ha’e térã peteĩ konsehéro ha’e oñeasignáva oentrevista ko’ã tapichápe bautismo-rã:

• Mitãnguéra orekóva 8 áño ha’éva miembro inscrito.

• Mitãnguéra orekóva 8 áño ndaha’éiva miembro inscrito ha katu peteĩ ituvakuéra térã itutor ha’e miembro.

• Miembro-kuéra inscrito orekóva 9 áño térã hetave i-bautismo oñemoha’arõ orekógui discapacidad intelectual.

Pe entrevista-pe, obispado miembro ohecha pe mitã ontendeha bautismo propósito (tojehecha 2 Nefi 31:5–20). Ha’e avei ohecha pe mitã ontendeha pe bautismo konvénio ha okumplitaha upéva (tojehecha Mosíah 18:8–10). Natekotevẽi ha’e oiporu peteĩ porandu lista especifico. Péva ndaha’éi peteĩ entrevista oñedetermina hag̃ua tekomarangatu, “mitã michĩnguéra noikotevẽigui arrepentimiéntore” (Moroni 8:11).

31.2.3.2

Umi Konvérso

Misiõgua presidente oreko sacerdocio llavekuéra oñemongarai hag̃ua konversokuérape. Upévare, peteĩ misionero de tiempo completo oentrevista:

• Tapichakuéra orekóva 9 áño térã hetave ndojebautisái ni noñekonfirmaiva’ekue araka’eve. Tojehecha 31.2.3.1-pe oñemohesakãhápe peteĩ excepción umi orekóva discapacida intelectual-pe g̃uarã.

• Mitãnguéra orekóva 8 áño ha hetave ituvakuéra ndaha’éiva Tupaogua miembro.

• Mitãnguéra orekóva 8 áño ha hetave orekóva peteĩ ituvakuéra ojebautisa ha oñekonfirmava’ekue.

31.2.4

Umi Entrevista Ordenasiõrã peteĩ Sacerdocio Aarónico Oficio-pe

Ojehupytyve hag̃ua marandu, tojehecha 18.10.2.

31.2.5

Umi Entrevista Templo Recomendación-rã

Pe templo ha’e Ñandejára róga. Jaikévo templo-pe ha japartisipávo upépe umi ordenánsagui ha’e peteĩ priviléhio sagrádo. Ko priviléhio ojerreserva umi oñembosako’ívape g̃uarã espiritualmente ha oñeha’ãva ovivi Ñandejára norma-kuéra, oñedeterminaháicha umi sacerdocio lider autorisádo rupi.

Odetermina hag̃ua upéva, sacerdocio liderkuéra oentrevista miembro-pe oiporúvo umi porandu oĩva LCR-pe (tojehecha avei umi páuta oĩva 26.3)-pe).

31.2.6

Umi Entrevista Ordenasiõrã peteĩ Melquisedec Sacerdocio-gua Oficio-pe

Pe estakagua presidente oreko sacerdocio llavekuéra oñekonferi hag̃ua pe Melquisedec Sacerdocio. Ha’e oreko avei llavekuéra oñeordena hag̃ua élder ha sumo sacerdote oficio-pe.

Estakagua presidencia moneĩ reheve, pe obispo oentrevista miembro-pe oiporúvo umi porandu oñeme’ẽva Registro de Ordenación al Sacerdocio de Melquisedec-pe.

31.3

Ambue Oportunida Liderkuéra Oñerreuni hag̃ua Miembro-kuéra ndive

• Miembro-kuéra ojerurekuaa oñerreuni hag̃ua Tupaogua liderkuéra ndive oikotevérõ gía spiritual térã orekóramo problema personal isériova.

• Obispo térã peteĩva ha’e oasignáva oñerreuni miembro-kuéra ndive orekóva temikotevẽ temporal (tojehecha 22.6).

• Peteĩ pe obispado miembro oñerreuni peteĩteĩ mitãnguéra orekóva 11 áño ndive ha’e ohasávo primaria-gui diákono kórum térã Mujeres Jóvenes clase-pe.

31.3.1

Oñerreunívo umi Imitãva ndive

Obispo térã peteĩ ikonsehéro oñerreuni peteĩteĩ umi imitãva ndive mokõi jave peteĩ arýpe. Peteĩ jepe umi rreuniõgui káda ary ha’eva’erã pe obispo ndive. Upe ary guive umi imitãva okumplihápe 16 áño, mokõive rreuniõ ary aja ha’eva’erã obispo ndive ikatúrõ.

Mujeres Jóvenes presidenta avei oreko rresponsabilida oministrávo peteĩteĩ umi mujeres jóvenes-pe. Ha’e ojapokuaa upéva oñerreunívo peteĩteĩ umi mujeres jóvenes ndive (térã ambue kakuaáva ndive upépe).

31.3.1.2

Umi Téma Oñeñe’ẽ hag̃ua

Propósito tuichavéva oñerreuni umi imitãva ndive ha’e oñemopu’ã hag̃ua ijerovia Túva Yvagagua ha Jesucristo-re ha oñeipytyvõ umi imitãvape osegi hag̃ua Chupekuéra. Ko’ã rreuniõ ha’eva’erã tembiasa espiritual oporomopu’ãva.

31.3.2

Oñerreunívo Jóvenes Adultos Solteros ndive

Obispo omomba’eguasuete umi ibarriogua Jóvenes Adultos Solteros jekakuaa espiritual. Ha’e térã peteĩ konsehéro ha’e oasignáva oñerreuni peteĩteĩ umi jóvenes adultos solteros ndive peteĩ jave jepe káda ary.

31.3.3

Oñerreunívo Miembro-kuéra ndive Oñemongeta hag̃ua Illamamiénto ha Responsabilidad-kuéra rehe

Estakagua presidencia, obispado ha ambue liderkuéra oñerreuni peteĩteĩ miembro-kuéra ndive oservíva isupervisiõ guýpe oñe’ẽ hag̃ua illamamientokuéragui.

Pe líder ome’ẽ aguije pe miembro servicio rehe ha omokyre’ỹ chupe.

31.3.6

Orientasiõ Profesional ha Terapia

Tupaogua liderkuéra noñehenói ha’e hag̃ua konsehéro profesional térã ome’ẽ hag̃ua terapia. Pytyvõ ha’ekuéra ome’ẽva ha’e espiritual, oñesentrávo Jesucristo pu’aka oporomombarete, oporomoangapyhy ha opororredimívape. Oñembojoajúvo ko pytyvõ imba’eguasu ha iñispirádovape, miembro-kuéra ikatu oñevenefisia orientasiõ profesional reheve oĩháme disponible.

31.4

Oñerreunívo Miembro-kuéra ndive Virtualmente

Jepive, liderkuéra oñerreuni jepi miembro-kuéra ndive en persona oentrevista ha ome’ẽ hag̃ua pytyvõ espiritual ha oministra hag̃ua chupekuéra. Upevére, peteĩ excepción-ramo, ha’ekuéra oñerreunikuaa virtualmente pe rreuniõ en persona ndaha’éirõ práctico.