Masungula Mangatshibua mu Mukanda Munena wa Maludiki

Contents
Dibeji dia Dîna
Dienzela Masungula Mangatshibua mu Mukanda Munena wa Maludiki
Malongesha a Nshindamenu
- 0. Tshikepeshelu tshia Tshibangilu
- 1. Dilongolola dia Nzambi ne Bujitu Bueba mu Mudimu wa Lupandu ne Dizanjikibua
- 2. Kuambuluisha Bantu ne Mêku mu Mudimu wa Lupandu ne Dizanjikibua
- 3. Nshindamenu ya Buakuidi
- 4. Bulombodi ne Bipangu mu Ekelezia wa Yezu Kilisto
Ndongoluelu wa Ekelezia
- 5. Bulombodi Bunena ne bua Ntenji
- Bulombodi bua Dikunji
- 7. Buepiskopo
- 8. Mpuilu wa Bakulu
- 9.Nsangilu wa Diambuluisha
- Mpuilu ya Buakuidi bua Alona
- Bansongakaji
- Tshilongelu tshia Mbedi
- 13. Tshilongelu tshia Dialumingu
- 14. Bidimba Bidi Nkaya
- 15. Seminaire ne Institut ya Tshitendelelu
Mudimu wa Lupandu ne Dizanjikibua
- Kuteka Lumu Luimpa lua Yezu Kilisto mu Tshienzedi
  - 16. Kuteka Lumu Luimpa lua Yezu Kilisto mu Tshienzedi
  - 17. Kulongesha Lumu Luimpa
  - 18. Kukumbaja Milulu ne Mabenesha bia Buakuidi
  - 19. Misambu
  - 20. Bibilu
- Kuambuluisha Bantu Badi mu Majinga
  - 21. Dikuba
  - 22. Kuandamuna ku Majinga a mu Mubidi ne Kuibaka Budikadidi
- Kubikila Bantu Bonsu bua Kupeta Lumu Luimpa
  - 23. Kutangalaja Lumu Luimpa ne Kukankamika Bidimba Bipia-bipia ne Bidi Bipingana
  - 24. Manyisha ne Kusadila kua Muena Bukenji
- Kukunguija Mêku bua Tshiendelela
  - 25. Mudimu wa Ntempelo ne wa Muyuki wa Dîku mu Tshikongu ne mu Dikunji
  - 26. Manyisha a Kubuela mu Ntempelo
  - 27. Milulu ya Ntempelo bua Bantu Badi ne Moyo
  - 28. Milulu ya Ntempelo bua Bafua
Bulongolodi Bua Ekelezia
- 29. Bisangilu mu Ekelezia
- 30. Mabikila mu Ekelezia
- 31. Miyuki ya Nkaya ne Bisangilu Bikuabu ne Bidimba
  - 31.0. Tshibangilu
  - 31.1. Malongesha a Buludiki
  - 31.2. Miyuki ya Nkaya
  - 31.3. Mishindu Mikuabu ya Balombodi Kumonangana ne Bidimba
  - 31.4. Kuenza Bisangilu ne Bidimba mu Nshinga
- 32. Bipangu bia Dikudimuna dia Mutshima ne Buikadi bua Tshidimba mu Ekelezia
- 33. Miandiku ne Milubu
- 34. Mpetu ne Dilondolola
- 35. Kulama ne Kuenza Mudimu ne Nzubu ya Bisangilu
- 36. Kufuka, Kukudimuna, ne Kufila Mena kua Bitupa Bipia-bipia
  - 36.0. Tshibangilu
- 37. Makunji, Bikongu, ne Matamba Bisunguluka
- 38. Ngenzelu ne Maludiki Makuabu a Ekelezia

31. Miyuki ya Nkaya ne Bisangilu Bikuabu ne Bidimba

“31. Miyuki ya Nkaya ne Bisangilu Bikuabu ne Bidimba,” Masungula Mangatshibua mu Mukanda Munena wa Maludiki (2023).

“31. Miyuki ya Nkaya ne Bisangilu Bikuabu ne Bidimba,” Masungula Mangatshibua mu Mukanda Munena wa Maludiki

31.

Miyuki ya Nkaya ne Bisangilu Bikuabu ne Bidimba

31.0

Tshibangilu

Yezu Kilisto uvua ukuba umua ne umua misangu yonsu (tangila, tshilejilu, Yone 4:5–26; 3 Nefi 17:21). Mmunanga yonsu wa ku bana ba Nzambi. Udi ubambuluisha bonsu muntu ku muntu.

Shapita ewu udi wambuluisha balombodi bonsu badi ne mishindu yakutakena ne bidimba muntu ku muntu.

31.1

Malongesha a Buludiki

31.1.1

Kudilongolola mu Nyuma

Dilongolola mu nyuma ku pitshila ku disambila, dilonga dia mifundu, ne nsombelu muimpa. Telejayi minungenu ya Nyuma wa Tshijila.

31.1.2

Kuambuluisha Bidimba bua Kumvua Dinanga dia Nzambi

Padi bidimba bilua kukumona bua muyuki wa nkaya anyi bua diambuluisha mu lutatu kampanda, misangu yonsu dijinga dinena didi dia kumanya ne Tatu wa mu Diulu mmubananga.

Mifundu ne meyi a bambi ba matuku a ndekelu bidi bibikila Nyuma ne longesha dilongesha dikezuka. Yenzela bua kufila lungenyi ne dikankamika, kabiyi kukosela tshibawu, kuenzeja anyi kuenza bowa (tangila Luka 9:56).

31.1.3

Kuambuluisha Bidimba bua Kupeta Bukola bua Mupandishi

Kukankamika bidimba bua bialukila kudiyi. Kubambuluisha bua basuna mu bukola buenda dikankamana, busambi ne disungila.

31.1.4

Kuambuluisha Bidimba bua Kudiumva Bimpa ne Dikubibua

Pesha tshidimba misangu yonsu mushindu bua se muntu mukuabu ikalapu padiyi wenza muyuki wa nkaya anyi tshisangila. Padiyi usangila ne tshidimba tshia bumuntu bushilangana ne buenda, anyi muana, anyi bansonga, udi utuishibua ne muledi anyi muntu mukulumba mukuabu udipu. Udi mua kubuela mu tshisangilu anyi kuindila pambelu pa tshibambalu, bilondeshila dianyisha dia tshidimba tshidiyi usangila natshi.

Kuena mua kuabanyangana bualu busokoka nansha ne muntu umua to—nansha mukaji weba anyi balombodi bakuabu ba Ekelezia—pakumbusha dianyishila difila kudi tshidimba.

31.1.5

Kuela Nkonku ya Nyuma ne Kuteleja ne Ntema

Pa udi ututakena ne tshidimba, ela nkonku idi mua kukuambuluisha bua wewa kumvua bualu buenda.

Padi tshidimba tshiakula, teleja ne ntema mimpa.

31.1.6

Kukankamika Budikadidi

Bua dinanga dienu bua bidimba, nudi mua kufila tshipeta lukasa ku malu abu. Nanku, nenubabenesha bikola ku dibambuluisha bua bapeta bipeta biabu nkayabu ne benza mapangadika abu nkayabu (tangila Dilongesha ne Bipungidi 9:8).

31.1.7

Dikuatshisha bua Kukudimuna Mutshima

Anu muepiskopo anyi mulombodi mukulu wa dikunji udi wambuluisha muntu bua kusolakaja mibi mikola. Imua ya kuyoyi idi mitela mu 32.6. Pikala tshidimba tshienza bumua bua ku mibi eyi, tshidi ne bua kusangila ne muepiskopo anyi mulombodi mukulu wa dikunji pa lukasa.

31.1.8

Kuadamuna Bilenga ku Tshinyangu

Tshinyangu katshiena mua kuanyishibua nansha mu mushindu kayi. Kuangata ne mushinga milubu ya malu a tshinyangu. Pa udi mutuishibua ne muntu kampanda muenzela tshinyangu, enza mulubu ku bakokeshi ba mbulamatadi ne kuebeja muepiskopo. Maludiki bua mulubu ne diandamuna ku tshinyangu mbifidibua mu 38.6.2.

31.2

Miyuki ya nkaya

31.2.1

Tuipatshila tua Miyuki ya Nkaya

Bua bionsu, balombodi ba Ekelezia badi bayukila nkaya ne bidimba bua kumanya:

Badi balongolodibua bua kupeta anyi bua kubuela mu mululu.
Udi ne bua kubikidibua ku muaba mu Ekelezia.

31.2.2

Mishindu ya Miyuki ya Nkaya

Nganyi udi mua kuludika muyuki wa nkaya	Kipatshila ka muyuki wa nkaya
Nganyi udi mua kuludika muyuki wa nkaya Anu muepiskopo	Kipatshila ka muyuki wa nkaya Kufila dianyisha dia kubuela mu ntempelo kudi tshidimba tshidi tshipeta diambika diatshi anyi basuikibua kudi basela (tangila 26.3.1). Kufila dianyisha dia kubuela mu ntempelo kudi badi bakudimuna moyo bapiabapia (tangila shapita 26). Kujidila muntu muluma mupiamupia ku umua muaba wa mu buakuidi bua Alona. Kujidila nsongaluma anyi muntu muluma ku muaba wa buakuidi (tangila 18.10.2). Kutuma muntu muluma bua kujidibua mukulu anyi muakuidi munena (tangila 31.2.6). Dianyisha dia kudi bulombodi bukulu bua dikunji budi bulombibua bua kuludika muyuki wa nkaya. Kutuma muntu bua kusadila bukenji bua diba dionsu (tangila 24.4.2). Kubikila tshidimba bua kusadila bu mulombodi mukulu wa ndongoluelu. Kubikila muakuidi bu muambuluishi mu mpuilu wa buakuidi. Kuambuluisha muntu bua dikudimuna mutshima bua bubi bukola (tangila shapita 32). Kuimanyina tshidimba bua kupeta Perpetual Education Fund loan, muaba udibi bienzeka. Kuitabila tshidimba bua kumanyisha difuta dia tshia dîkumi (tangila 34.3.1.2). Bukôkeshi bua kuenzela mpetu ya milambu ya dijila dia biakudia (tangila 22.6.1).
Nganyi udi mua kuludika muyuki wa nkaya Muepiskopo anyi mubedi udiyi upesha bujitu	Kipatshila ka muyuki wa nkaya Kuenzulula dianyisha dia kubuela mu ntempelo (tangila 26.3.1). Kufila dianyisha dia kubuela mu ntempelo bua matambula ne majadika bia dienzelangana (tangila 26.4.3). Kufila dianyisha dia kubuela mu ntempelo bua kusuikibua kudi baledi anyi bua kuikala mujadiki wa disuika dia banabetu kudi baledi 26.4.4). Kubikila tshidimba bua kusadila mu dibikila mu tshikongu bu mudibi bileja mu 30.8. Kufila bukôkeshi bua ditambuisha ne dijadika muana udi ne bidimu 8 udi mua kuikala ne miandiku ya tshidimba anyi udi ne umua wa ku balami anyi muledi udi tshidimba tshia Ekelezia (tangila 31.2.3.1). Kufila bukôkeshi bua kujidila nsongaluma ku mudimu wa diakre anyi mulongeshi (tangila 18.10.2). Kufila Dianyisha dia Dibenesha dia Nkambua Mukulu (tangila 18.17). Kufila bukôkeshi kudi muena buakuidi bua kukumbaja mululu wa buakuidi mu tshikongu tshikuabu, pikalayi kayi ne dianyisha dia kubuela mu ntempelo. (Tangila Recommend to Perform an Ordinance form [Mukanda wa Dianyisha bua Kukumbaja Mululu].)

Nganyi udi mua kuludika muyuki wa nkaya

Kipatshila ka muyuki wa nkaya

Nganyi udi mua kuludika muyuki wa nkaya

Anu muepiskopo

Kipatshila ka muyuki wa nkaya

Kufila dianyisha dia kubuela mu ntempelo kudi tshidimba tshidi tshipeta diambika diatshi anyi basuikibua kudi basela (tangila 26.3.1).
Kufila dianyisha dia kubuela mu ntempelo kudi badi bakudimuna moyo bapiabapia (tangila shapita 26).
Kujidila muntu muluma mupiamupia ku umua muaba wa mu buakuidi bua Alona.
Kujidila nsongaluma anyi muntu muluma ku muaba wa buakuidi (tangila 18.10.2).
Kutuma muntu muluma bua kujidibua mukulu anyi muakuidi munena (tangila 31.2.6). Dianyisha dia kudi bulombodi bukulu bua dikunji budi bulombibua bua kuludika muyuki wa nkaya.
Kutuma muntu bua kusadila bukenji bua diba dionsu (tangila 24.4.2).
Kubikila tshidimba bua kusadila bu mulombodi mukulu wa ndongoluelu.
Kubikila muakuidi bu muambuluishi mu mpuilu wa buakuidi.
Kuambuluisha muntu bua dikudimuna mutshima bua bubi bukola (tangila shapita 32).
Kuimanyina tshidimba bua kupeta Perpetual Education Fund loan, muaba udibi bienzeka.
Kuitabila tshidimba bua kumanyisha difuta dia tshia dîkumi (tangila 34.3.1.2).
Bukôkeshi bua kuenzela mpetu ya milambu ya dijila dia biakudia (tangila 22.6.1).

Nganyi udi mua kuludika muyuki wa nkaya

Muepiskopo anyi mubedi udiyi upesha bujitu

Kipatshila ka muyuki wa nkaya

Kuenzulula dianyisha dia kubuela mu ntempelo (tangila 26.3.1).
Kufila dianyisha dia kubuela mu ntempelo bua matambula ne majadika bia dienzelangana (tangila 26.4.3).
Kufila dianyisha dia kubuela mu ntempelo bua kusuikibua kudi baledi anyi bua kuikala mujadiki wa disuika dia banabetu kudi baledi 26.4.4).
Kubikila tshidimba bua kusadila mu dibikila mu tshikongu bu mudibi bileja mu 30.8.
Kufila bukôkeshi bua ditambuisha ne dijadika muana udi ne bidimu 8 udi mua kuikala ne miandiku ya tshidimba anyi udi ne umua wa ku balami anyi muledi udi tshidimba tshia Ekelezia (tangila 31.2.3.1).
Kufila bukôkeshi bua kujidila nsongaluma ku mudimu wa diakre anyi mulongeshi (tangila 18.10.2).
Kufila Dianyisha dia Dibenesha dia Nkambua Mukulu (tangila 18.17).
Kufila bukôkeshi kudi muena buakuidi bua kukumbaja mululu wa buakuidi mu tshikongu tshikuabu, pikalayi kayi ne dianyisha dia kubuela mu ntempelo. (Tangila Recommend to Perform an Ordinance form [Mukanda wa Dianyisha bua Kukumbaja Mululu].)

31.2.3

Miyuki ya Nkaya bua Ditambula ne Dijadikibua

31.2.3.1

Bana Badi Bikala Bidimba Bifundisha

Muepiskopo udi ne nsapi ya buakuidi bua ditambuisha bidimba bidi ne bidimu 8 badi ne miandiku ya bidimba mu tshikongu tshienda. Bua kabingila aka, yeya anyi mubedi mutumibua udi uyukila nkaya ne bantu badi balonda aba bua ditambula:

Bana badi ne bidimu 8 badi ne miandiku ya bidimba.
Bana badi ne bidimu 8 badi kabayi ne miandiku ya bidimba kadi bikala ne muledi anyi mulami tshidimba.
Bidimba bidi ne miandiku bikala ne bidimu 9 ne pamutu bidi ditambula diabu dindija bua bulema bua meji.

Mu muyuki wa nkaya, tshidimba tshia buepiskopo tshidi tshishindika ne muana mmumvua kipatshila ka ditambula (tangila 2 Nefi 31:5–20). Udi kabidi ushindika ne muana mmumvua tshipungidi tshia ditambula ne mupangadika bua kutshinemeka (tangila Mosiah 18:8–10). Kena dijinga ne kuenzela mulongu musunguka wa nkonku to. Etshi katshiena muyuki wa nkaya udi uleja bukumbana to, bualu “bana babu bateketa kabena ne dijinga dia dikudimuna dia mutshima” (Moloni 8:11).

31.2.3.2

Bakudimuna Moyo

Mulombodi mukulu wa bukenji udi ne nsapi ya buakuidi bua ditambuisha badi bakudimuna moyo. Bua kabingila aka, muena bukenji bua diba dionsu udi uyukila nkaya ne:

Bantu ba bidimu 9 ne bia pamutu badi kabayi banji kutambuishibua anyi kujadikibua. Tangila 31.2.3.1 bua bia kumbusha bua badi ne bulema bua meji.
Bana badi ne bidimu 8 ne pamutu badi kabayi ne baledi bidimba bia Ekelezia.
Bana badi ne bidimu 8 ne umua wa ku baledi udi utambushibua ne ujadikibua penda.

31.2.4

Miyuki ya Nkaya bua Dijidibua mu Mudimu wa Buakuidi bua Alona

Bua ngumu ya bungi, tangila 18.10.2.

31.2.5

Muyuki wa Nkaya bua Dianyisha dia Kubuela mu Ntempelo

Ntempelo udi nzubu wa Mukalenga. Dibuela dia mu ntempelo ne dibuela mu milulu bidi bunema bua tshijila. Bunema ebu budi butekela aba badi badilongolola mu nyuma ne baditatshisha bua kunemeka mikenji ya Mukalenga, bu mudibi bileja kudi balombodi bakokeshi ba buakuidi.

Kuenza kua dipangadika edi, balombodi ba buakuidi badi bayukila nkaya ne tshidimba mu kuenzela nkonku mu MMK (tangila kabidi buludiki mu 26.3).

31.2.6

Miyuki ya Nkaya bua Dijidibua mu Mudimu wa Buakuidi bua Melekisedeke

Mulombodi mukulu wa dikunji udi ne nsapi ya buakuidi bua kufila Buakuidi bua Melekisedeke. Udi kabidi ne nsapi bua kujidila ku midimu ya bukulu ne buakuidi bunena.

Ne dianyishila dia bulombodi bukulu bua dikunji, muepiskopo udi uyukila ne tshidimba wenzela nkonku mifila mu Melchizedek Priesthood Ordination Record [Mukanda wa Dijidila ku Buakuidi bua Melekisedeke].

31.3

Mishindu Mikuabu ya Balombodi Kumonangana ne Bidimba

Bidimba bidi mua kulomba bua kusangila ne mulombodi wa Ekelezia padibu ne dijinga dia mibelu mu nyuma anyi bualu bua mushinga bua nkaya.
Muepiskopo anyi muntu mukuabu udiyi mupesha bukoshi udi mua kusangila ne bidimba bidi ne dijinga ne diambuluisha dia mu mubidi (tangila 22.6).
Tshidimba tshia mu buepiskopo tshidi tshisangila ne yonsu udi ne bidimu 11 udi utentemuka ufuma ku Tshilongelu tshia Mbedi bua mpuilu wa ba diakre anyi kalasa ka Bansongakaji.

31.3.1

Tshisangilu ne Bansonga

Muepiskopo anyi umua wa ku babedi benda udi usangila ne bansonga bonsu misangu ibidi ku tshidimu. Bua nanku tshimua tshia ku bisangilu ebi tshidi tshienzeka ne muepiskopo tshidimu tshionsu. Ku bangila ku tshidimu tshidi bansonga bakumbaja bidimu 16, bisangilu bionsu bia tshidimu bidi bienzeka ne muepiskopo padibi mua kuenzeka.

Mulombodi mukulu wa Bansongakaji udi ne bujitu bua kukuba muntu yonsu wa ku ngongakaji. Udi mua kutshienza ku disangila ne bansongakaji umua ku umua (anyi ne muntu mukola mukuabu ikalapu).

31.3.1.2

Mitu ya Malu a Diakulangana

Kipatshila kanena ka bisangilu ebi ne bansonga kadi ka kukolesha ditabuija mu Tatu wa mu Diulu ne mu Yezu Kilisto ne kubambuluisha bua babalonda. Bisangilu ebi bidi ne bua kuikala mamanya a nyuma adi akolesha.

31.3.2

Tshisangilu ne Bansonga Bakulumpa badi Nkaya

Muepiskopo udi uteka kumpala ditanta dia mu nyuma dia bansonga bakulumpa badi nkaya ba mu tshikongu tshienda. Yeya anyi mubedi mutumibua udi usangila ne nsonga mukulumpa nkaya yonsu bua nansha musangu umua ku tshidimu.

31.3.3

Tshisangilu ne Bidimba bua Kuakula Bitangila Mabikila ne Majitu Abu

Bulombodi Bukulu wa dikunji, buepiskopo, ne balombodi bakuabu badi basangila ku muntu ne ku muntu ne bidimba bidi bibenzela mulubu pa mabikila abu.

Balombodi badi basakidila bua mudimu wa tshidimba ne bafila dikankamika.

31.3.6

Mibelu ne Londopu bia Bamanyi Bapiluka

Balombodi ba Ekelezia ke mbabikidibua bua kuikala babedi ba midimu anyi bafidi ba londopu to. Diambuluisha didibu bafila didi dia mu nyuma, biunguila pa dikankamika, busambi, ne disungila bia Yezu Kilisto. Mu dikumbaja ku mushinga ewu ne diambuluisha dia lungenyi, bidimba bikuabu bidi mua kupeta mibelu ya mudimu muaba udibi mua kuenzeka.

31.4

Kuenza Bisangilu ne Bidimba mu Nshinga

Pa tshibidilu, balombodi badi basangila ne bidimba mpala pa mpala bua muyuki wa nkaya ne kufila diambuluisha dia mu nyuma ne dia bukubi. Kadi, bu diumbusha, badi mua kusangila ntanta mu nshinga padi disangila dia mpala pa mpala kadiyi mua kuenzeka.