“32. Aier me An Chon Mwichefen Mwichen Opungupung,” Ekkoch Kinikin seni ewe Pukenapen Emwen (2023).

“32. Aier me An Chon Mwichefen Mwichen Opungupung,” Ekkoch kinikin seni ewe Pukenapen Emwen

32.

Aier me An Chon Mwichefen Mwichen Opungupung

32.0

Nepoputan

Napengeni aier a fis nefinen emon aramas, Kot, me ekkewe ra fen osukosuk ren tipisin emon aramas. Nge inamo, fan ekkoch mi auchea emon pisop ika presetenin steik epwe anisi chon Mwichefen non ar achocho ne aier.

Nupwen ar anisi chon mwichefen ren aier, ekkewe pisop ika presetenin steik ir mi tong me kirekiroch. Ra tapweno mwirin an ewe Chon Amanau minen apiru, ewe a anisata emon me emon me anisir ar repwe kun seni tipis me kun ngeni Kot (nengeni Matthew 9:10–13; John 8:3–11).

32.1

Aier me Omusomus

An epwe efisi An kokkotun umoumoch, Samach won Nang a tinato Noun we Anamon, Jises Kraist, pwe epwe achasefan fan iten ach tipis (nengeni Alma 42:15). Jises a riaffouni ewe niwinin tipis minne ewe annukun pungoch a annuku pokiten ach tipis (nengeni Doctrine and Covenants 19:15–19; nengeni pwan Alma 42:24–25). Ren ei fangeno, ewe Sam me pwan ewe Nau ra pwarano Ar tong esemuch fan itach (nengeni John 3:16).

Nupwen sia aea “nuku ngeni aier,” Samach won Nang a omusakicheno, a fang umoumoch seni ewe Achasefan an Jises Kraist (Alma 34:15; nengeni pwan Alma 42:13). Nupwen sia nimenimoch me musono, sia tongeni muuni ewe muun Kot (nengeni Isaiah 1:18; Doctrine and Covenants 58:42).

Aier esap chok ren siwinin nikinik. Wewen sia kun seni tipis me kun ngeni Samach won Nang me Jises Kraist. A emweni ngeni ew siwinin netip me ekiek (nengeni Mosaia 5:2; Alma 5:12–14; Ilaman 15:7). Seni aier, sia winiti minefon aramas, achasefan ngeni Kot (nengeni 2 Corinth 5:17–18; Mosaia 27:25–26).

Ewe tufichin aier ina ew me nein ekkewe feioch napanap Samach non Nang a fen ngeni kich seni ewe niffangen Noun we.

32.2

Ekkewe popun Oukukun chon choni Mwichefen ika katour

Mwirin emon chon mwichefen a fori ew watten tipis, ewe pisop ika presetenin steik epwe anisi i ne aier. Ew kinikinin ei mwokutukut, mi auchea i epwe ouku ekkoch tufichin choni Mwichefen ren och fansoun. Non ekkoch napanap, meni mi auchea i epwe oukano an emon aramas choni mwichefen ren och fansoun.

Oukuku ika oukano an emon chon mwichefen esap wewen pwe niwinin fofforungaw. Nge, fan ekkoch ekkei foffor mi namot an epwe anisi emon aramas ne aier me weri ew siwinin netip. Ra pwan ngeni emon aramas ew fansoun ne mwonneta non pekin ngun an epwe asofosefani me apwonueta sefan an pwon mi pin.

Ekkewe unugat popun oukukun choni mwichefen ika oukanon ir mi makketiw fan.

32.2.1

Anisi ne Tumunu Ekkoch

Ewe aewin popun pwe epwe anisi ne tumunu ekkoch. Fan ekkoch emon aramas a forata ew minen eniwokusun inis ika ngun. Manauen attapwa ekkoch, efeiengawen inis, abusun nisou, abusun pekin safei, nikatuputup, me angangen rochopwak ir ekkoch ekkewe napanap mi tongeni fis. Fiti mokutukutun memef, emon pisop ika presetenin steik a mokutukut an epwe tumunu ekkoch nupwen emon a forata ew minen eniwokus non ekkei me ekkoch ennetin napanap (nengeni Alma 5:59–60).

32.2.2

Anisi emon Aramas epwe Angei ewe Manamanen Ngaseno an Jises Kraist seni Aier

Ewe ourwen popun pwe epwe anisi emon aramas epwe angei ewe manamanen ngaseno an Jises Kraist seni aier. Seni ei mwokutukut, i epwe winiti mi nimoch sefan me epwe fich ngeni an epwe angei an Kot feioch meinisin.

32.2.3

Tumunu ewe Wenechar an ewe Mwichefen

Ewe aunungatin popun pwe epwe tumunu ewe wenechar an ewe Mwichefen. Oukukun ika kounon an emon aramas choni Mwichefen epwe namot ika an atewe are neminewe mwokutukut mi wesewesen efeiengawa ewe Mwichefen (nengeni Alma 39:11). Ewe wenecharen ewe Mwichefen ese tumun ren ach opano ika ekisatiw watten tipis—nge ren ach porous usur.

32.3

Ewe Wisen Sou apung non Israel

Pisop me presetenin steik ra kokko me ewis ngeni ar repwe sou apung non Israel (nengeni Doctrine and Covenants 107:72–74). Ra amwochu kiien pristut ar repwe tupuni ewe Samon ne anisi chon Mwichefen ne aier (nengeni Doctrine and Covenants 13:1; 107:16–18).

Napengeni pisop ika presetenin steik ra aninis ren aier me ren pusin ourouren emon won winikapan. Ei aninis mi tongeni pachenong ese punguno ne oukuku ekkoch tufichin choni Mwichefen non och fansoun.

Ren ekkoch watten tipis, sou emwen ra aninis ren aier ren ar efisi ew mwichen opungupung (nengeni 32.6). Ei aninis mi tongeni pachenong ese kapunguno ne oukuku ekkoch tufichin choni Mwichefen ika oukano an emon aramas choni mwichefen non ew fansoun.

Pisop me presetenin steik ir mi tong me kirekiroch nupwen ra anisi chon mwichefen repwe aier. An ewe Chon Amanau foffor ngeni ewe fefin a tipisin nisou mi ew emwen (nengeni John 8:3–11). Inamo I ese apasa pwe an kewe tipis ra musono, I ese etipisi neminewe. Nge, I a ureni neminewe pwe esap “chiwen fori tipis”—pwe epwe aier me siwini manauan.

Ekkei sou emwen ra asukuna pwe mi wor “pwapwa … non nang ren emon chon tipis mi aier” (Luke 15:7). Ra tipepos, aninisoch, me ekiek murinno. Ra pesei epinukunuk. Ra asukuna me pwarata pwe pokiten an ewe Chon Amanau asoren achasefan, meinisin aramas mi tongeni aier me winiti mi nimenimoch.

Pisop me presetenin steik ra kutta emwen seni ewe Ngun ar repwe sinei ifa usun repwe anisi emon me emon aramas epwe aier. Ren ekkewe chok tipis watte mi wor an ewe Mwichefen tettenin nongonong mi foruno won met foffor noun kewe sou emwen repwe fori (nengeni32.6). Ese wor ru nikinik mi nonnofengen. Ewe kapasen ourour minne sou emwen ra awora me ewe angangen aier ra efisi epwe emwen me ren ewe ngun me menin epwe sokofesen ren emon me emon aramas.

6:18

32.4

Pwaratan tipis, Monomon, me Repot ngeni Meinapen Muu

32.4.1

Pwaratan tipis

Ren aier a auchea pwe ekkewe tipis repwe pwa ngeni Samach won Nang. Jises Kraist a apasa, Ren ei oupwe sinei ika emon mwan a aier seni an tipis—nengeni, i epwe pwarireta me monnukireno (Doctrine and Covenants 58:43; pwan nengeni Mosaia 26:29).

Nupwen chon Mwichefen ra fori watten tipis, ar aier mi pwan pachenong pwarata ar tipis ngeni nour pisop ika presetenin steik. Mwirin i epwe tongeni aea ekkewe kiien ewe kapas allimen aier fan iter (nengeni Doctrine and Covenants 13:1; 84:26–27; 107:18, 20). Ei a anisir ar repwe chikar me niwin ngeni ewe aanen ewe kapas allim me ren manamanen an ewe Chon Amanau Achasefan.

Ewe popun pwarata tipis pwe epwe pesei chon mwichefen ar repwe appana chour pwe repwe tongeni unusen kutta an ewe Samon aninis ne siwin me chikar. Awattenon ew “netipechou me netip niemam” a aninis me ren pwaratan tipis (2 Nifai 2:7). Pwisin chengenin pwarata tipis a pwano pwe emon aramas mi mochen aier.

Nupwen emon chon mwichefen a pwarata an tipis, ewe pisop ika presetenin steik a opuru ekkewe emwen ren pekin ourour non 32.8. I epwe kutta emwen fiti iotek usun ewe neni mi fich ngeni an epwe anisi ewe chon mwichefen an epwe aier. I a ekieki ika pwe ew mwichen opungupung epwe aninisoch. Ika annukun Mwichefen a aucheani ew mwichen opungupung, i a awewei ei (nengeni 32.6).

Fan ekkoch emon chon mwichefen a mwan ngeni punuwan ika pwan emon mei muk. Ren pekin aier, atewe ika neminewe epwe pwari ngeni ena aramas me kutta omusomus. Emon serafo a fori ew watten tipis napengeni epwe pesepes an epwe wor kapasen ourour meren saman me inan.

32.4.4

Monomon

Pisop, presetenin steik, me nour kewe chon aninis mi wor wiser mi pin ar repwe tumunu porous mi monomon a kawor ngenir. Ei porous meni epwe fis non interfiu, mwichen ourour, me pwaratan tipis. Ewe pwan chok wis ren monomon mi fich ngeni meinisin ir ekkewe mi wor wiser non mwichen opungupung. Monomon mi auchea pokiten meni chon mwichefen resap pwarata ar tipis ika kutta emwen ika met repwe apasa resap nom non monomon. Atai ew epinukunuk a angawano an chon mwichefen nuku me efisi an esap wor ar epinukunuk non nour sou emwen.

Nukuchar ren wiser ren monomon, emon pisop, presetenin steik, ika nour kewe chon aninis ir mi tongeni aea chok sokkun porous usun mi makketiw fan:

Mi auchea repwe aporous fengen me noun ewe chon mwichefen ewe presetenin steik, presetenin misin, ika pisop usun ar repwe efisi ew mwichen opungupung ika mettoch mi wewengeni.
Ewe aramas a mwokut ngeni ew minafon wart (ika ewe sou emwenin pristut a kepichino) nupwen fofforun choni mwichefen ika ekkoch ennetin aurek mi chiwen ewitiwit.
Emon pisop ika presetenin steik a sinei pwe emon chon Mwichefen a kan nonnom nukun kinikinin ewe wart ika steik meni a fen nom non ew watten tipis.
Mi namot epwe pwari ekkewe porous fansoun ew mwichen opungupung.
Emon chon mwichefen a finata ne awora mumuta ngeni ewe sou emwen an epwe aea porous ngeni chok ekkoch aramas mi kefinita.
Meni epwe namot ne aea ekis chok porous usun met ewe mwichen opungupung a finata.

An epwe anisi sou emwen ne tumunu ekkoch me aneasochisi ewe annuk, ewe Mwichefen a awora aninis seni ekkewe mi sinenap. Ar repwe angei ei emwen, sou emwen repwe mwitir kokkori noun ewe Mwichefen nampan fonnun aninis ren abuse ikewe ia mi wor (nengeni 38.6.2.1). Ikewe ese wor ie, ewe presetenin steik epwe kokkori ewe chon ourour mi kapunguno ren ewe ofes non ewe neni.

Non ew chok napanap emon pisop ika presetenin steik epwe pwari porous mi monomon me nuku an epwe kutta ena sokkun emwen. Ina nupwen pwarata mettoch mi namot an epwe eppeti efeiengawen manau ika ennetin feiengawen inis me ese wor fansoun kutta aninis. Non ekkena sokkun napanap, ewe wisen tumunu ekkoch mi kon auchea nap seni ewe wisen monomon. Sou emwen repwe mwitir kokkori meinapen ewe neni.

32.6

Wachemwuken ewe Tipis me Annukun Mwichefen

Ewe wachemwuken ew tipis ina ew pekin ekiek mi auchea ne opungano ewe neni pwe epwe (1) anisi ne tumunu ekkoch me (2) anisi emon aramas an epwe aier. Ewe Samon a fen apasa pwe I ese tongeni neneta won tipis ren ekis ukukun an epwe mutata (Doctrine and Covenants 1:31; nengeni pwan Mosaia 26:29). Noun chon angang resap amonungaw seni pisekin pwarata watten tipis.

Watten tipis ir mi akokkot me ir watten enetipengaw ngeni ekkewe annuk an Kot. Etettenin watten tipis mi tettenitiw fan.

Ekkewe foffor mi efeiengaw me abuse
Nimengawen fofforun nisou nefinen ruemon
Ekkewe foffor mi nikatuputup
Ekkewe mokutukut mi atai nuku.
Pwan ekkoch foffor

Nupwen ew Mwichen Opungupung Mi Auchea Epwe Fis ika Meni Epwe Namot

Sokkun Tipis	A Murinno Epwe Wor Mwichen Opungupung	Ew Mwichen Opungupung Meni Epwe Namot
Sokkun Tipis Foffor mi Rochongaw me Abuse	A Murinno Epwe Wor Mwichen Opungupung Ni Manau Achomanau Kaweten nisou fiti pungun kapung Abuse-en Semirit me serafo Rochongawen manauen attapwa ekkoch	Ew Mwichen Opungupung Meni Epwe Namot Sossot ne ni manau. Abuse ren nisou, mi pachenong kawet me eriaffou ekkoch (nengeni 38.6.18 ren nupwen ew opungupung mi auchea epwe fis.) Abuse ini emon punuwan ika pwan emon menimwuk (nengeni 38.6.2.4 ren nupwen ew opungupung mi auchea epwe fis)
Sokkun Tipis Ngawen Nisou	A Murinno Epwe Wor Mwichen Opungupung Nisou ngeni emon chochon famini Sasingin semirit mi ngaw. Pupunu chommong Manauen attapwa ekkoch ren nisou	Ew Mwichen Opungupung Meni Epwe Namot Nisou, nisou nefinen ruemon rese apupunu, nefinen ruemon ir mwan me mwan ika fefin me fefin, me meinisin pwan ekkoch nefinen emon mwan me emon fefin nge esap ir pupunu, pachenong memefin mochenia fengen nefinen ruemon won fon ika won nain Nom fengen nge rese pupunu, pupunu nefinen mwan me mwan me fefin me fefin Watten ika umwesinon nounoun sasing mi ngaw ewe a efisi watten efeiengaw ngeni an chon mwichefen pupunu ika famini
Sokkun Tipis Foffor mi Nikatuputup	A Murinno Epwe Wor Mwichen Opungupung Manauen attapwa ekkoch ren pekin moni, ussun asonata aramas ren nounoun mwoni me ekkewe mokutukut mi nonno ngeni (nengeni 32.6.3.3 ika emon chon mwichefen a pachenong non angangen sonani mwonien Mwichefen ika pisekin)	Ew Mwichen Opungupung Meni Epwe Namot Sona, tomwaninong non imwen emon, mwacho, ika sonani noun emon mwoni (nengeni 32.6.3.3 ika emon chon mwichefen a pachenong non angangen sonani noun Mwichefen mwoni ika pisekin) Akkaponumuan
Sokkun Tipis Atai an emon Nuku	A Murinno Epwe Wor Mwichen Opungupung Watten tipis nupwen an wor ew wisan mi auchea non Mwichefen	Ew Mwichen Opungupung Meni Epwe Namot Tipis mi watte non fansoun an wor ew wisan ren meinap wisom ika nukunuk non Mwichefen ika ewe neni (nengeni 32.6.3.3 Ika emon chon mwichefen a pachenong non angangen sonani ika nounoungawei mwonien Mwichefen ika pisekin) Watten tipis mi itefouno
Sokkun Tipis Pwan Ekkoch Foffor	A Murinno Epwe Wor Mwichen Opungupung Napengeni tipisinap mi kapunguno	Ew Mwichen Opungupung Meni Epwe Namot Atai masowen upwen inenap (tiwenon chok ika mi mumuta 38.6.1 an epwe fis) Napanapen watten tipis Finata nikitanon wisen famini, mi pachenong an ese moni aninisin semirit me aninisin punuwan Amomo drug ese mumuta Ekkoch fofforungaw mi watte

32.6.3

Nupwen ewe Presetenin Steik a Ourour ngeni ewe Presetensin Area usun Ika ew Mwichen Opungupung ika Pwan ew Foffor Mi Namwot

Ekkoch mettoch mi auchea epwe nap watten mennin me emwen. An epwe sinei ifa usun murinon an ewe aninis, ewe presetenin steik epwe ourour ngeni ewe Presetenin Area usun ekkewe mettoch non ei kinikin.

32.6.3.2

Rochopwak

Osukosuken rochopwak a soun wor feiengawan mi nap seni kinikinin ew wart ika steik. Mi auchea repwe mwitir apungur ar repwe tumunu ekkoch.

Ewe pisop a ourour fengen me ewe presetenin steik ika i mi mefi pwe an emon chon mwichefen foffor mi napanapen rochopwak.

Usun aean me ikei, rochopwak a wewe ngeni emon chon mwichefen, a fiti ew me nein ekkei mi makketiw fan:

Eniwini ne foffor non fatafatoch me akokkot nein aramas ne ungeni ewe Mwichefen, nongonongan, annukun, ika sou emwenin
Tiniken ne afanafana pwe nongonongen Mwichefen met esap nongonongen Mwichefen mwirin an ewe pisop ika presetenin steik a fen apungu
Pwarano ew napanapen mochenin angang ne apwangapwangano ewe nuku me mwokutun chon Mwichefen
Soposopono ne tapweno mwirin afanafanen mwicheich mi rikino seni mwichefen mwirin an ewe pisop ika presetenin steik ra fen apungu
Choni ew mwichefen me anisi ika pesei afanafanan kewe

32.6.3.3

Angemwani Monien Mwichefen

Ika emon aramas a angemwani monien Mwichefen ika sonani pisekin ewe Mwichefen mi auchea , ewe presetenin steik epwe awora kapasen ourour fengen me ewe Presetensin Area usun ika ew mwichen opungupung ika pwan we foffor epwe namot.