“32. Arrepentimiento ha Tupaogua Membresía Konsehokuéra” Manual General-gui Poravopyrekuéra (2023).
“32. Arrepentimiento ha Tupaogua Membresía Konsehokuéra”, Manual General-gui Poravopyrekuéra
32.
Arrepentimiento ha Tupaogua Membresía Konsehokuéra
32.0
Ñepyrũmby
Hetave arrepentimiento oiko peteĩ tapicha, Tupã, ha umi oje’afectava’ekue upe tapicha angaipáre apytépe. Upevére, sapy’ánte tekotevẽ peteĩ obispo térã estakagua presidente toipytyvõ Tupaogua miembro-kuérape iñeha’ãme arrepentimientorã.
Oipytyvõvo miembro-kuérape arrepentimientorã, umi obispo ha estakagua presidente ohechaukava’erã mborayhu ha interés. Ha’ekuéra osegi pe Salvador ehémplo, omopu’ãva’ekue tapichakuérape ha oipytyvõ chupekuéra oñemombyry hag̃ua angaipágui ha tojere Tupãme (tojehecha Mateo 9:10–13; Juann 8:3–11).
32.1
Arrepentimiento ha Perdón
Oiko hag̃ua Iporiahuvereko plan, ñande Ru Yvagagua ombou Ita’ýra Unihénito, Jesucristo-pe, oexpia hag̃ua ñane angaipakuéra (tojehecha Alma 42:15). Jesús osufri jehavira hustísia léi ojeruréva ñane angaipakuérare (tojehecha Doctrina ha Konveniokuéra 19:15–19; tojehecha avei Alma 42:24–25). Upe sacrificio rupive, mokõive, pe Túva ha Ta’ýra, ohechauka Imborayhu ijapyra’ỹva ñanderehe (tojehecha Juan 3:16).
Ñamomba’apóvo “jerovia ñañearrepenti hag̃ua”, ñande Ru Yvagagua ñaneperdona, ohupytykávo ñandéve poriahuvereko Jesucristo Expiasiõ rupive (Alma 34:15; tojehecha avei Alma 42:13). Ñañemopotĩ ha ñañeperdona vove, ipahápe jahupytykuaáta Tupã rréino (Tojehecha Isaías 1:18; Doctrina ha Konveniokuéra 58:42).
Arrepentimiento ndaha’éi komportamiénto ñemoambue añónte. Ha’e ñañemomombyry angaipágui ha jajere ñande Ru Yvagagua ha Jesucristo gotyo. Ñandegueraha peteĩ korasõ ha apytu’ũ ñemoambuépe (tojehecha Mosíah 5:2; Alma 5:12–14; Helamán 15:7). Arrepentimiento rupive oiko ñandehegui tekove pyahu, jaiko porã jeývo Tupã ndive (tojehecha 2 Corintios 5:17–18; Mosíah 27:25–26).
Oportunida ñañearrepenti hag̃ua ha’e jehovasa tuichavéva ñande Ru Yvagagua ome’ẽva ñandéve Ita’ýra don rupive.
32.2
Umi Tupaogua Membresía Restricción térã Ñeguenohẽ Propósito
Peteĩ miembro ojapórõ angaipa isériova, obispo térã estakagua presidente oipytyvõ chupe oñearrepenti hag̃ua. Upe proceso parte-ramo, ha’e ikatukuaa orrestrinhi sapy’arã alguno umi Tupaogua membresía privilegio. Oĩ situasiõ ha’e ikatuhápe oguenohẽ peteĩ tapichágui imembresía sapy’a aja.
Noñerrestrinhíri ni noñeguenohẽi peteĩ tapichágui imembresía ojehaviraségui chupe. Uvei, sapy’ánte tekotevẽ ko’ã mba’e’apo oñeipytyvõ hag̃ua tapichápe oñearrepenti ha oñandu hag̃ua peteĩ korasõ ñemoambue. Umíva avei ome’ẽ tapichápe tiempo oñembosako’ívo espiritualmente ombopyahu ha oñongatu hag̃ua jey ikonveniokuéra.
Umi mbohapy membresía restricción térã ñeguenohẽ propósito ha’e ko’ãva.
32.2.1
Toñeipytyvõ Oñemo’ã Ambue Tapichakuérape
Propósito peteĩha ha’e toñeipytyvõ oñemo’ã ambue tapichakuérape. Sapy’ánte peteĩ tapicha ha’ekuaa peteĩ amenása física térã espiritual. Umi komportamiénto depredador, tete ñehunga, avúso sexual, sustancia ojapovaíva jeiporu, mbotavy, ha apostasía ha’e umíva oikokuaaháicha. Inspirasiõ rupive, peteĩ obispo téra estakagua presidente oactua omo’ã hag̃ua ambuekuérape oĩ vove ha’éva peteĩ amenása ko’ãicha ha ambuéicha isériova (tojehecha Alma 5:59–60).
32.2.2
Toñeipytyvõ Tapichápe Ohupyty hag̃ua Jesucristo Pu’aka Redentor Arrepentimiento rupive
Propósito mokõiha ha’e toñeipytyvõ tapichápe ohupyty hag̃ua Jesucristo pu’aka redentor arrepentimiento rupive. Upe proceso rupive, ha’e ikatu ipotĩ jey ha omerese ohupyty opa Tupã jehovasakuéra.
32.2.3
Toñemo’ã Tupao Integrida
Mbohapyha propósito ha’e toñemo’ã Tupao integrida. Ikatu tekotevẽ oñerrestrihi térã oñeguenohẽ peteĩ tapichágui Tupaogua membresía upe ojapóva operhudikavaírõ Tupaópe (tojehecha Alma 39:11). Tupao integrida noñemo’ãi oñeñomívo térã noñemomba’éivo umi angaipa isériova, ha katu oñembohovakévo.
32.3
Huekuéra Rembiapo Israel-pe
Umi obispo ha estakagua presidente oñehenói ha oje’aparta ha’e hag̃ua huekuéra Israel-pe (tojehecha Doctrina ha Konveniokuéra 107:72–74). Ha’ekuéra oreko sacerdocio llavekuéra orrepresenta hag̃ua Ñandejárape oipytyvõvo Tupaogua miembro-kuérape oñearrepenti hag̃ua ((tojehecha Doctrina ha Konveniokuéra 13:1; 107:16–18).
Py’ỹi umi obispo ha estakagua presidente oipytyvõ arrepentimiéntope orientación personal rupive. Ko ñeipytyvõ apytépe oikekuaa alguno umi Tupaogua membresía privilegio restricción informal sapy’a aja.
Alguno umi angaipa isériovape g̃uarã, liderkuéra oipytyvõ arrepentimientorã ohenóivo peteĩ membresía konsého (tojehecha 32.6). Ko ñeipytyvõ apytépe oikekuaa alguno umi Tupaogua membresía privilegio restricción formal térã membresía ñeguenohẽ sapy’a aja.
Umi obispo ha estakagua presidente oipytyvõ miembro-kuérape ontende hag̃ua Tupã ohayhuha Ita’yrakuérape. Pe Salvador ñemongeta upe kuña ndive ojejuhuva’ekue adulterio-pe ha’e peteĩ gía (tojehecha Juan 8:3–11). Jepémo Ha’e nde’íri chupe iñangaipakuéra oñeperdonahague, Ha’e nokondenái chupe. Upéva rangue, Ha’e he’i chupe “anive repeka”—he’iséva, toñearrepenti ha tomoambue hekove.
Ko’ã lider ombo’e oĩha “vy’apavẽ … yvágape peteĩ angaipa apoha oñearrepentíva rehe” (Lucas 15:7). Ha’ekuéra ipasiénte, oiporoporiahuverekokuaa, ha ipositívo. Ha’ekuéra oinspira ñeha’arõkuaa. Ha’ekuéra ombo’e ha otestifika pe Salvador sacrificio expiatório rupive, opavave ikatu oñearrepenti ha oñemopotĩ.
Umi obispo ha estakagua presidente oheka Espíritu Santo gía oikuaa hag̃ua mba’éicha oipytyvõkuaa peteĩteĩ tapichakuérape oñearrepenti hag̃ua. Umi angaipa iseriovévape g̃uarã añónte Tupao oreko peteĩ norma aty mba’e mba’épa umi lider ojapova’erãre (tojehecha 32.6). Ndaipóri mokõi situasiõ ojojoguáva. Pe orientasiõ umi lider ome’ẽva ha pe arrepentiento proceso ha’ekuéra ofomentáva ha’eva’erã inspirado ha ikatu idiferente peteĩteĩ tapichápe g̃uarã.
32.4
Ñekonfesa, Konfidensialida, ha Gobierno-gua Autoridakuérape Ñemombe’u
32.4.1
Ñekonfesa
Pe arrepentimiento oikotevẽ umi angaipa toñekonfesa ñande Ru Yvavaguápe. Jesucristo he’i, “Péicha peikuaáta peteĩ tekove oñearrepentiha iñangaipakuéragui—péina ápe, haʼe omombeʼúta ha ohejáta umíva” (Doctrina ha Konveniokuéra 58:43; tojehecha avei Mosíah 26:29).
Tupaogua miembro-kuéra ojapórõ angaipa isériova, iñarrepentimientope oikeva’erã ñemombe’u ijobispo térã estakagua presidente-pe. Upérõ ha’e omomba’apokuaa evanhélio arrepentimiento rehegua llavekuéra ifavorpekuéra (tojehecha Doctrina ha Konveniokuéra 13:1; 84:26–27; 107:18, 20). Kóva oipytyvõkuaa chupekuéra oñemonguera ha oho jey hag̃ua evanhélio rapére pe Salvador Expiasiõ pu’aka rupive.
Ñekonfesa propósito ha’e omokyre’ỹ miembro-kuérape toipe’a ijehegui mba’e pohýi ohekaporã hag̃uáicha Ñandejára pytyvõ oñemoambue ha okuera hag̃ua. Ñekonfesa oipytyvõ ojedesarrollávo peteĩ korasõ mirĩ ha espíritu ñembyasy (2 Nefi 2:7). Ijehegui ñekonfesa ohechauka pe tapicha oñearrepentiseha.
Peteĩ miembro okonfesávo, pe obispo térã estakagua presidente osegi umi páuta orientasiõrã oĩva 32.8-pe. Ha’e ñembo’e rupi oheka gía odesidívo mba’e konfigurasiõpa iporãvéta oñeiptyvõ hag̃ua upe miembro-pe arrepentimientorã. Okonsidera peteĩ membresía konséhopa oipytyvõne. Tupao norma ojerurérõ peteĩ membresía konsého, ha’e omombe’u ha omohesakã upéva (tojehecha 32.6).
Sapy’ánte peteĩ miembro ojapovai iména/tembirekópe térã ambue tapicha kakuaávape. Arrepentimiento parte-ramo, ha’e okonfesava’erã jepi upe tapichápe ha oheka iperdón. Peteĩ mitãrusu ojapóva angaipa isériovape oñemokyre’ỹ jepi toheka ituvakuéra konsého.
32.4.4
Ñeñongatupy
Obispo, estakagua presidente ha ikonseherokuéra oreko tembiaporã sagrádo omo’ãva’erãha opa marandu ñongatupy oñeme’ẽva chupekuéra. Ko marandu ikatu og̃uahẽ entrevista, orientasiõ ha konfesiõ rupive. Upe tembiaporã ñeñongatupy rehegua ojeaplika avei opavave opartisipávape umi membresía konséhope. Ñeñongatupy imba’eguasuete miembro-kuéra nokonfesaichénegui angaipakuéra térã ndohekaichéne gía umi ha’ekuéra omombe’úva noñongatúirõ konfidensial. Ojejapyharárõ peteĩ konfidénsia oñetraisiona miembro-kuéra jerovia ha upéva ojapo toperde hikuái jerovia iliderkuérare.
Hekojojávo hembiaporã ñeñongatupy reheguáre, peteĩ obispo, estakagua presidente, térã ikonseherokuéra ikatu okomparti marandu ko’ãichahápe añónte:
-
Tekotevẽrõ oñemongeta pe miembro estakagua presidente, misiõgua presidente térã obispo membresía konsého ñehenóire térã mba’e ohóva hese rehe.
-
Pe tapicha ovárõ barrio pyahúpe (térã sacerdocio líder ojerreleva) membresíagua trámite térã ambue jepy’apy isériova oĩ aja pendiente.
-
Peteĩ obispo térã estakagua presidente oikuaárõ peteĩ Tupaogua miembro oikóva pe barrio térã estaka okagotyo ikatuha oĩ involucrado peteĩ angaipa isériovape.
-
Tekotevẽrõ ojeikuaauka pe marandu peteĩ membresía konsého aja.
-
Peteĩ miembro oiporavórõ ome’ẽ permiso pe líder okomparti hag̃ua marandu tapichakuéra espesífiko ndive.
-
Tekotevẽkuaa oñekomparti marandu limitádo peteĩ membresía konsého desisiõ rehegua.
Oñeipytyvõ hag̃ua liderkuérape omo’ãvo ambuekuérape ha oñekumplívo pe léi, Tupao ome’ẽ pytyvõ profesionales entrenados rupive. Ohupyty hag̃ua ko gía, liderkuéra ohenói pya’eva’erã oĩháme disponible Tupao línea ñeipytyvõrã avúso kásope (tojehecha 38.6.2.1). Ndaiporihápe disponible upe línea, estakagua presidente oñe’ẽ Área-gua asesor legal ndive Área oficina-pe.
Oĩ peteĩ situasiõ añónte peteĩ obispo téra estakagua presidente ikatuhápe oikuaauka marandu ñongatupy ohekaraẽ’ỹre upe gía. Upéva ha’e oñeikotevẽrõ ojeikuaauka oñemo’ã hag̃ua dáñogui oapeligráva tekove térã ñehunga isériovagui ha ndaipóri tiempo ojeheka hag̃ua upe gía. Umi kásope, ñemo’ã ambue tapichakuérape iñimportanteve ñeñongatupy tembiaporãgui. Liderkuéra pya’e oñe’ẽva’erã umi autorida civil ndive.
32.6
Mba’eichaitépa Isério pe Angaipa ha Tupao Norma
Mba’eichaitépa isério peteĩ angaipa ha’e peteĩ konsiderasiõ imba’eguasúva oñedeterminávo pe konfigurasiõ (1) oipytyvõtapa oñemo’ã hag̃ua ambuekuérape, ha (2) oipytyvõpa tapichápe oñearrepenti hag̃ua. Ñandejára he’iva’ekue Ha’e “ndaikatúi ohechaporã pe angaipa ni michĩmi” (Doctrina ha Konveniokuéra 1:31; tojehecha avei Mosíah 26:29). Isiervokuéra ndohechareiriva’erã evidencia angaipa isériova rehegua.
Umi angaipa isériova ha’e peteĩ ofensa tuicha ha oñemoĩva Tupã leikuéra rehe. Ko’ápe oñeme’ẽ peteĩ lista umi angaipa isériova categoría rehegua.
-
Umi mba’e’apo ivioléntova ha avúso térã ñemaltrata
-
Tekovai sexual
-
Tembiapo pokarẽme
-
Jerovia jejapyhara
-
Ambue mba’e’apokuéra
Araka’épa Ojejerure peteĩ Membresía Konsého térã Oñeikotevẽkuaa
|
Mba’eichagua Angaipa |
Membresía Konsého Ojejerure |
Membresía Konsého Ikatu Oñeikotevẽ |
|---|---|---|
Mba’eichagua Angaipa Umi Mba’e’apo Ivioléntova ha Avúso | Membresía Konsého Ojejerure
| Membresía Konsého Ikatu Oñeikotevẽ |
Mba’eichagua Angaipa Tekoky’a Sexual | Membresía Konsého Ojejerure
| Membresía Konsého Ikatu Oñeikotevẽ
|
Mba’eichagua Angaipa Mba’e’apo Pokarẽme | Membresía Konsého Ojejerure
| Membresía Konsého Ikatu Oñeikotevẽ
|
Mba’eichagua Angaipa Jerovia Jejapyhara | Membresía Konsého Ojejerure
| Membresía Konsého Ikatu Oñeikotevẽ
|
Mba’eichagua Angaipa Ambue Mba’e’apokuéra | Membresía Konsého Ojejerure
| Membresía Konsého Ikatu Oñeikotevẽ
|
32.6.3
Araka’épa Estakagua Presidente Okonsulta Areagua Presidente ndive Ha’épa peteĩ Membresía Konsého térã Ambue Mba’e Oñeikotevẽva rehe
Oĩ téma oikotevẽvéva sensibilida ha gía. Oikuaa hag̃ua mba’éichapa oporoipytyvõ porãvéta, estakagua presidente okonsultava’erã Areagua Presidente ndive umi situasiõ oñemombe’úva ko sección-pe rehe.
32.6.3.2
Apostasía
Umi apostasía problema py’ỹi oreko peteĩ impacto ohasáva peteĩ barrio térã estaka limite-kuéra. Ojetrata pya’eva’erã oñemo’ã hag̃ua ambue tapichakuérape.
Obispo okonsulta estakagua presidente ndive oñandúrõ peteĩ miembro mba’e’apo ha’eha apostasía.
Ojeipuruháicha ko’ápe, apostasía he’ise peteĩ miembro opartisipaha oimeraẽ ko’ã mba’égui:
-
Oactua jeyjey oñemoĩvo hesakãporã ha oñemoĩségui públicamente Tupao kóntrape, idoctrina, inormakuéra térã iliderkuéra kóntrape
-
Ombo’e meme gueteri Tupao doctrina-ramo umi ndaha’éiva Tupao doctrina obispo térã estakagua presidente okorrehi rire chupe
-
Ohechauka omba’apo memeha oñeha’ãvo omokangy Tupaogua miembro-kuéra jerovia ha activida.
-
Osegi meme umi secta apóstata rekombo’e jepe obispo térã estakagua presidente okorrehi rire chupe.
-
Ojoaju formalmente ambue tupaóre ha opromove hekombo’ekuéra
32.6.3.3
Tupaogua Fondokuéra Jeipuruvai
Peteĩ miembro oipuruvairõ Tupaogua fondokuéra térã omonda Tupao propieda ivaliósova, estakagua presidente okonsulta Areagua presidencia ndive oñeikotevẽpa peteĩ membresía konsého térã ambue acción.