kuimba’e omañávo computadora-re

33.

Registro ha Informe-kuéra

33.0

Ñepyrũmby

Registro jegueraha akóinte imba’eguasu Ñandejára Tupaópe. Techapyrã ramo:

Adán ogueraha peteĩ “mandu’a rehegua kuatiañe’ẽ” (Moisés 6:5).

Moroni ombo’e umi ojebautisava’ekue Cristo Tupaópe rerakuéra ojerrehistra “oiko hag̃ua hesekuéra manduʼa ha oñemongaru hag̃ua chupekuéra Tupã ñeʼẽ porãre” (Moroni 6:4).

José Smith ombo’eva’ekue oñehenoiva’erãha peteĩ registrador káda barrio-pe “ojejapo hag̃ua peteĩ añeteguágui jehaipyre Ñandejára renondépe” ((Doctrina ha Konveniokuéra 128:2).

33.1

Tupaogua Registro-kuéra Rreséña

Tupaogua registro-kuéra isagrádo. Marandu oĩva ipype ha’e ñeñongatupy ha oñemo’ãva’erã. Tupaogua registro sistema ome’ẽ acceso membresía marandúpe ojevasávo llamamiento-kuérare.

Registro-kuéra oipytyvõkuaa liderkuérape:

• Oidentifikávo mávapa ikatu oikotevẽ ñeñangareko especial.

• Oidentifikávo mba’e salvasiõ ordenánsapa peteĩ tapicha orresivíma térã oikotevẽkuaa.

• Olokalisávo miembro-kuérape.

Ko’ãichagua registro ojegueraha Tupao unida-kuérape:

• Miembro participación informe (tojehecha 33.5)

• Cédula de miembro (tojehecha 33.6)

• Registro histórico (tojehecha 33.7)

• Registro financiero (tojehecha capítulo 34)

33.2

Tekombo’e General Secretario-kuérape g̃uarã

Ha’ekuéra orekova’erã peteĩ templo recomendación vihénte.

Secretario-kuéra osegi jesarekópe Tupaogua norma oñemo’ã hag̃ua Tupao-gua fondo ha ojeasegura Tupao-gua registro-kuéra toĩ porã. Secretario-kuéra pya’e onotifika sacerdocio liderkuérape oimeraẽ mba’e oĩvaíva. Hasýrõ oñemoĩporã hag̃ua umi oĩvaíva, secretario-kuéra oñe’ẽva’erã Oficina de Registros Confidenciales Tupaogua Oficinas Generales-pe.

Teléfono: 1-801-240-2053 térã 1-800-453-3860, extensión 2-2053

Llamada gratuita (teléfono del CSM): 855-537-4357

Correo electrónico: [e-mail] [e-mail]

Pe secretario servicio pukukue oiporãmava’erã oñemoarandu hag̃ua hikuái hembiaporãme ha osegi meme hag̃ua hembiapópe. Ndaha’éigui hikuái peteĩ estakagua presidencia térã obispado-gua miembro, natekotevẽi ojerreleva chupekuéra peteĩ estakagua presidencia térã obispado oñemohendaporã jeývo.

33.4

Barrio-gua Registro ha Informe-kuéra

33.4.1

Obispado

Obispo osupervisa barrio-gua registro jegueraha.

33.4.2

Barrio-gua Secretario

Peteĩteĩ barrio orekova’erã peteĩ barrio-gua secretario ikatupyry ha ojapo porãva hembiapo. Pe secretario oñerrekomenda obispo rupi ha oñehenói ha oje’aparta peteĩ estakagua presidencia miembro térã peteĩ sumo consejo-gua miembro oñeasignáva rupi. Ha’e orekova’erã Melquisedec Sacerdocio ha peteĩ templo recomendación vihénte. Ha’e pe barrio-gua konsého miembro. Ha’e oasisti umi barrio-gua reunión-pe oje’eháicha 29.2-pe.

Pe barrio-gua secretario oñehekombo’e obispado ha estakagua secretario rupive. Ikatu oñehenói peteĩ barrio-gua secretario auxiliar oipytyvõ hag̃ua.

33.4.2.1

Rresponsabilida Ojeguerahávo Registro

Pe barrio-gua secretario, térã peteĩ secretario auxiliar oñeasignáva, oreko ko’ã rresponsabilida:

• Ogueraha registro umi asignasiõ ha desisiõgui ojejapóva barrio-gua liderismo reunión-pe.

• Ohecha umi registro ha informe toĩ porã ha hi’araitépe.

Pe barrio-gua secretario oikuaaporãva’erã umi Tupaogua tembiporu ojegueraha hag̃ua registro (tojehecha 33.0). Ha’e oiporu ko’ã tembiporu oipytyvõ hag̃ua liderkuérape oidentifikávo:

• Miembro-kuéra ha organización remikotevẽnguéra.

• Umi rrekúrso oĩva disponible, oikévape finánsa.

Barrio-gua secretario omokyre’ỹ miembro-kuérape tomombe’u oimeraẽ jejavy oĩva i-cédula de miembro marandúpe.

Ambue tembiaporã ojegueraha hag̃ua registro apytépe ikatu oike:

• Ohecha ordenansakuéra toĩ registrado hekopete ha hi’araitépe.

• Oprepara pe formulario Sostenimiento de oficiales barrio-gua conferencia-rã.

• Orrehistra marandu barrio-gua membresía konsehopegua.

• Ogueraha umi registro financiero (tojehecha 34.2.2).

33.5

Momarandu Miembro Participación rehegua

Momarandu miembro participación rehegua oipytyvõ liderkuérape oñenfoka hag̃ua miembro-kuéra ñemotenonde ha remikotevẽ rehe.

33.5.1

Momarandukuéra Lája

33.5.1.1

Asistencia rehegua Momarandukuéra

Asistencia Reunión Sacramental-pe ha domingo-gua reunión sacerdocio ha umi organización rehegua ojerrehistra electrónicamente ojeiporúvo LCR térã umi tembiporu miembro-pe g̃uarã.

Reunión Sacramental. Asistencia Reunión Sacramental-pe ojerrehistra káda semana barrio-gua secretario térã peteĩ barrio-gua secretario auxiliar rupi. Pe jeipapápe oike mboýpa oasisti reunión-pe en persona térã transmisiõ rupive, oikévo avei umi ovisitáva.

Kórum ha organización reunión domingo-gua. Asistencia umi reunión-pe ojerrehistra káda semana umi kórum ha organización-gua secretario ha asesor rupive. Huventu liderkuéra ikatu avei oipytyvõ oguerahávo asistencia registro. Pe jeipapápe oike mboýpa oasisti reunión-pe en persona térã transmisiõ rupive, oikévo avei umi ovisitáva. Miembro-kuéra oservíva Primaria térã Jóvenes liderkuéraramo barrio-pe avei oike oasistiramoguáicha.

Barrio-gua secretario ikatu orrehistra asistencia oimeraẽ organización-pe g̃uarã.

33.5.1.2

Ministrasiõ Entrevista Momarandukuéra

Tojehecha 21.3.

33.5.1.3

Momarandu Káda Mbohapy Mes-gua

Peteĩteĩ número peteĩ momarandúpe orrepresenta peteĩ tapicha teépe orekóva temikotevẽ ijojaha’ỹva (tojehecha Helamán 15:13).

Pe Informe trimestral oguereko marandu ideprovéchova ikatúva ome’ẽ liderkuérape jehecha tenonderã oheka aja hikuái inspirasiõ iministrasiõ ñeha’ãme g̃uarã.

Estáka ha barrio-gua liderkuéra omaña mante pe Informe trimestral rehe orrevisa hag̃ua tapichakuéra ñemotenonde.

Peteĩteĩ barrio omyanyhẽ ha omondo peteĩ Informe trimestral Tupaogua Oficinas Generales-pe. Pe secretario orrevisa pe momarandu obispo ndive ha omondo upéva ára 15 mboyve pe mes osegíva káda trimestre pahápe.

33.5.2

Membresía Lista

Umi Tupaogua tembiporu ojegueraha hag̃ua registro ome’ẽ liderkuérape acceso membresía lista-pe. Ko’ã lista oipytyvõkuaa liderkuérape oidentifika hag̃ua:

• Máva miembro-kuéra ndorresivíri gueteri ordenansakuéra ikatúva ha’ekuéra orresivi.

• Máva mitãkuimba’e ha mitãkuñanguérapa oĩ oservi hag̃uáicha peteĩ misiõ.

• Máva umi jóvenes ndorekói peteĩ templo recomendación oĩva vihénte.

• Máva umi jóvenes oikotevẽ toñeprograma chupe peteĩ reunión obispado-gua miembro ndive.

Kórum ha organización-gua liderkuéra orekova’erã acceso umi lista oĩvape umi ikórum térã organización-pegua.

33.6

Cédula de Miembro

Umi cédula de miembro-pe oike miembro-kuéra réra, marandu oñekontacta hag̃ua hendivekuéra, dato umi ordenánsa orresiviva’ekuégui, ha ambue marandu imba’eguasúva.

Umi cédula de miembro opytava’erã barrio oikohápe upe miembro. Oĩrõ mba’e jepigua’ỹ, napy’ỹiva, oikotevẽ moneĩ umi obispo ha estakagua presidente umi unida okorrespondévagui. Ojejerure hag̃ua peteĩ mba’e jepigua’ỹva, pe estakagua presidente oiporu LCR omondo hag̃ua pe jerure Primera Presidencia ofisínape.

Imba’eguasuete tojejapo pya’ete ko’ã mba’e:

• Tojerrehistra ordenánsa rehegua marandu.

• Toñemomýi cédula de miembro umi oúva térã ohóva barrio-gui.

• Tojejapo registro umi miembro pyahu ha umi mitã pyahúpe g̃uarã ituvakuéra ha’éva miembro.

• Tojerrehistra peteĩ miembro ñemano.

• Tojerrehistra umi ñemenda ha ogayguakuéra marandu.

Obispo térã estakagua presidente ohecha pe cédula de miembro toĩ barrio oĩva’erãháme oñentrevista mboyve peteĩ miembro-pe orresivi hag̃ua:

• Peteĩ Tupaogua llamamiento.

• Peteĩ templo recomendación.

• Melquisedec Sacerdocio térã oñeordena hag̃ua peteĩ upe sacerdocio ofísiope.

Ha’e avei ohecha pe cédula-pe ndaiporiha ni peteĩ ko’ãva:

• Peteĩ anotasiõ

• Peteĩ ñe’ẽ restricción rehegua peteĩ sellamiento térã ordenansarã

• Umi membresía restricción formal

Ni mba’evéicharõ ikatu oñeme’ẽ térã ojehechauka cédula de miembro avavépe ndaha’éirõ pe obispo térã peteĩ secretario-pe.

Miembro-kuéra ikatu oma’ẽ marandu icédula de miembro-pe ha oimeraẽ ita’yrakuéra odependéva chuguikuéra oikóva ógape pe aplicación Herramientas para miembros-pe. Ha’ekuéra ikatu avei ojerure secretario-pe Resúmenes de ordenanzas personales kópia oñeimprimíva. Oĩrõ jejavy, peteĩ secretario ohecha umíva toñemoĩporã pe cédula de miembro-pe.

33.6.1

Umi Téra Ojeiporúva Tupaogua Registro-kuérape

Umi cédula de miembro ha ordenánsa certificado-pe ojeiporuva’erã pe tapicha téra legal completo, umi léi ha jepokuaa local-pe he’iháicha.

33.6.2

Miembro-kuéra Registro-pegua

Ko’ã tapicha ha’e miembro-kuéra oĩva registro-pe ha orekova’erã peteĩ cédula de miembro:

• Umi ojebautisáva ha oñekonfirmava’ekue

• Umi orekóva 9 áño guýpe ojehovasava’ekue ha katu ndojebautisáiva

• Umi ndaha’éiva responsable discapacidad intelectual rupi, oñekonsidera’ỹre ijeda

• Umi mitã 9 áño guýpe ndojehovasaiva’ekue oñeme’ẽvo ko’ã mokõi situasiõ:

  • Jepe peteĩ umi sy/túva térã peteĩ umi jarýi/taita ha’e Tupaogua miembro.

  • Mokõive tuvakuéra ome’ẽrõ permiso ojejapo hag̃ua peteĩ cédula. (Peteĩnte umi túva legal orekórõ pe mitã custodia legal, upe túva permiso ovaléma).

Peteĩ tapicha orekóva 9 áño térã hetave orekóva peteĩ cédula de miembro ha katu ndojebautisái ni noñekonfirmái gueteri ndaha’éi peteĩ miembro registro-pegua. Upevére, pe barrio tapicha oikohápe ojoko pe cédula de miembro pe tapicha oreko peve 18 áño. Upérõ, pe tapicha oiporavórõ ndojebautisái, pe obispo okansela pe cédula de miembro. Pe estakagua presidente permiso oñeikotevẽ upevarã.

Cédula noñekanselái umi ndojebautisáivape g̃uarã peteĩ discapacida intelectual rupi ỹrõ pe tapicha térã peteĩ tutor legal, oikehápe peteĩ túva/sy ojerurérõ.

33.6.3

Barrio-gua Miembro Pyahu Cédula

Pe barrio-gua secretario térã barrio-gua secretario auxiliar oñe’ẽ barrio-gua miembro pyahu ndive pya’e icédula de miembro og̃uahẽvo ojerrevisa hag̃ua pe Resumen de Ordenanza Individual oĩporãpa.

33.6.6

Umi Miembro Oservíva Okápe Ibarrio Geográfikogui Cédula

33.6.6.2

Misionero-kuéra de Tiempo Completo Cédula

Tojehecha 24.6.2.8.

33.6.13

Umi Mitã Ituvakuéra Ojedivorsiáva Cédula

Opa cédula de miembro oiporu pe tapicha réra legal completo, pe léi ha jepokuaa local he’iháicha. Kóvape oike umi mitã ituvakuéra oĩva divorciado.

Umi mitã orekóva ituvakuéra oĩva divorciado py’ỹi oasisti Tupao reunión-pe mokõive tuvakuéra barrio-pe. Jepe peteĩ unida añónte ikatu oreko ha oactualisa peteĩ mitã cédula de miembro oficial, peteĩ cédula de miembro unida okapegua ikatu ojejapo ambue barrio pe mitã oasistihápe. Kóva oheja umi mitã réra ha marandu toĩ avei pe barrio ha clase lista-pe.

Umi mitã orekóva cédula de miembro unida okapegua ikatu orresivi peteĩ llamamiento upe unidápe.

33.6.15

Umi Restricción Ojeguerova hag̃ua Cédula de Miembro

Peteĩ miembro ovárõ oĩ aja pendiente oimeraẽ membresía restricción formal térã ambue mba’e isériova, pe obispo térã peteĩ secretario autorisádo ikatu omoĩ peteĩ restricción ojeguerova hag̃ua pe cédula de miembro. Ha’e oiporu LCR ojapo hag̃ua upéva.

Peteĩ cédula orekóva restricción ojeguerova hag̃ua ndojeguerovái pe unida pyahúpe sacerdocio-gua líder omoĩva’ekue pe restricción oautorisa peve ojeguerova hag̃ua.

33.6.16

Umi Cédula “Domicilio Desconocido” Archivo-pegua

Sapy’ánte ojejuhu peteĩ miembro-pe icédula oĩ rire pe “domicilio desconocido” archivo Tupao oficinas generales-pe. Upéicharõ, pe barrio-gua secretario ojerure pe cédula oiporúvo LCR.

33.6.17

Ojerrehistrávo ha Oñemoĩporãvo Ordenánsa Marandu

Tojehecha capítulo 18.

33.6.19

Umi Cédula de Miembro Auditoría

Peteĩteĩ ary pe estakagua secretario térã pe estakagua secretario auxiliar ohecha tojejapo peteĩ cédula de miembro auditoria peteĩteĩ barrio-pe ojeiporúvo LCR. Umi auditoria ojejapopava’erã Junio 30-rã káda ary.

33.7

Umi Registro Histórico

33.7.1

Barrio ha Estáka Rembiasakue

Ñandejára omanda “peteĩ tembiasakue opa umi mbaʼeguasu” Itupao rehegua ojehai ha oñeñongatuva’erã (Doctrina ha Konveniokuéra 69:3; tojehecha avei versículo 5; Alma 37:2).

Káda unida Tupaópe odokumentava’erã opa mba’e imba’eguasúva pe unida rehegua.

Oñeñongatúvo peteĩ tembiasakue ha’e peteĩ tembiapo espiritual omombaretétava umi ohaíva ha omoñe’ẽva jerovia.

Pe estakagua secretario térã peteĩ estakagua secretario auxiliar ombosako’i pe estáka rembiasakue. Obispado osegi upéichagua tape barrio-pe g̃uarã. Tekombo’ekuéra oĩ disponible Historias Anuales de Estaca, Distrito y Misión-pe ChurchofJesusChrist.org.

33.8

Registro-kuéra Ñeñongatupy

Tupaogua registro-kuéra ha’e ñeñongatupy, taha’e oĩva kuatiápe térã digital. Ko’ãvape ikatu oike:

• Umi cédula de miembro

• Umi registro financiero

• Umi Reunión notakuéra.

• Umi formulario ha documento (oikehápe membresía konsehokuéra registro).

Liderkuéra ohecha umi marandu oñembyatýva peteĩ miembro-gui taha’e:

• Toĩ limitado Tupao oikotevẽvare.

• Tojeiporu Tupao propositorã añónte.

• Toñeme’ẽ umi oĩva autorisádope oiporu hag̃uamente.

Marandu oñeñongatúva electrónicamente oñeñongatuva’erã ténda isegúrova ha oñemo’ã porãva-pe (tojehecha 33.9.1).

33.9

Registro-kuéra Ñeisãmbyhy

33.9.1

Ñemo’ã

Opa Tupaogua registro, momarandu ha datokuéra oñemo’ãva’erã acceso, ñemoambue, ñehundi térã ñemombe’u noĩriva autorisádogui. Ko informasiõ oñeñongatuva’erã tenda isegúrovape.

Peteĩ dispositívo térã medio de almacenamiento ha’éva Tupao mba’e okañy térã oñemondárõ ojerreportava’erã pya’e ….pe incidents.ChurchofJesusChrist.org. Umi Tupaogua informasiõ jeiporuvai ojerreportava’erã avei.

33.9.1.1

Usuario Réra ha Contraseña

Estakagua presidente, obispo-kuéra, ha ambue liderkuéra araka’eve okompartiva’erã Itupaogua usuario réra ha contraseña ikonseherokuéra, secretario, secretario ejecutivo térã ambuekuéra ndive.

33.9.1.3

Dato-kuéra Privacida

Heta tetãme oñemoĩ umi léi omo’ãva umi dato oisãmbyhýva umi dato personal jeiporu. Umívape oike marandu oĩva cédula de miembro ha ambue Tupaogua registro-pe oidentifikáva tapichakuérape. Liderkuéra orekóva porandu mba’éichapa oje’aplika umi léi omo’ãva dato-kuéra umi Tupaogua registro local ñeisãmbyhýpe ikatu oñe’ẽ Tupaogua Oficina de Privacidad de Datos ndive …pe [e-mail].