33.

Ekkewe Rekot me Repot

33.0

Nepoputan

Iteiten fansoun meinisin isoisen ika tumunun rekot a fokkun auchea non an ewe Samon Mwichefen. Awewe ren:

Adam a iseni “ew puken achechem” (Moses 6:5).

Moronai afanafana pwe iten ekkewe ra papataisenong non ewe Mwichefenin Kraist iter a makketiw pwe “repwe tongeni chechemeni ir me tumun me ren ewe kapas mi och an Kot” (Moronai 6:4).

Joseph Smith a apasa pwe emon chon fori rekot epwe koko ngeni ew me ew wart an epwe “fori ew rekot mi ennet me mwen ewe Samon” (Doctrine and Covenants 128:2).

33.1

Mennapen Unusen Ekkewe Rekotun Mwichefen

Rekotun Mwichefen mi Pin. Ekkewe porous non mi monomon me repwe tumunoch. Ekkewe nenien ioni fengeni rekotun Mwichefen a mumuta ngeni porousen chon Mwichefen anongonong won ekkewe wis.

Ekkewe rekot ra tongeni anisi ekkewe sou emwen:

• Esinna ion epwe namot ngeni pekin tumun ika aninis.

• Esinna menni angangepinin amanaua emon aramas a fen angei ika epwe auchea an epwe angei.

• Kutta chon mwichefen.

Ekkewe sokkun rekot ra isois non ekkewe kinikinin Mwichefen:

• Repotun an memper mokutukut ika pachenong non mettoch (nengeni 33.5)

• Ekkewe rekot ren chon Mwichefen (nengeni 33.6)

• Ekkewe rekotun uruo (nengegni 33.7)

• Ekkewe rekotun pekin mwoni (nengeni sopun 34)

33.2

Unusenapen Kapasen Emwen ren Ekkewe Sou Mak

Epwe wor nour taropwen mumutan tonong non tempel iei.

Ekkewe sou mak repwe tumunochu ne opuru ekkewe annuk ren tumunun mwonien Mwichefen me nenengenochu pwe ekkewe rekotun Mwichefen repwe wesewesen pung. Ekkewe sou mak repwe mwitir esinei ngeni ekkewe sou emwewnin pristut ussun met ekkewe mi mwanino ese pung. Ika osukosuk mi pwata non atawen ekkewe mi mwan ese pung, ekkewe sou mak repwe kori ewe Ofesin ekkewe Rekot mi Monomon ren ewe ofesinapen Mwichefen.

Tenefon: 1-801-240-2053 or 1-800-453-3860, soposopun 2-2053

Toll free (GSD fon): 855-537-4357

Email: [e-mail]

Ewe nakatamen fansoun an ekkewe sou mak angang epwe naf ngenir ar repwe sinei ar kewe angang me nomotam ne soposopono non ar kewe angang. Pokiten esap ir memper ren ewe presetensin steik ika pisoprik, ese auchea ar repwe kepichino nupwen emon presetensin steik ika pisoprik a forsefan.

33.4

Ekkewe Repot me Rekot ren Wart

33.4.1

Pisoprik

Ewe pisop a nenengeni unusen isoisen rekot ren wart.

33.4.2

Sou Mak ren Wart

Meinisin wart epwe wor nour sou mak mi sinenap, angang me mokutukut non tetenochun ewe angang. I a finita meren ewe pisoprik me kokko o efeioch ngeni ewe wis seni chon ewe presetensin steik ika emon chon ewe mwichen opungupung mi nap mi finita. I epwe wor ren ewe Melkisetek Pristut me wor noun minen iei taropwenn mumutan tonong non tempel. I chon ewe mwichen opungupung ren ewe wart. I a fiti ekkewe mwich non ewe wart ussun mi affat non 29.2.

Ewe sou makken ewe wart a angei an ourour seni ewe pisoprik me ekkewe sou maken steik. Chon aninnis ngeni ekkewe sou mak repwe kokko ar repwe aninis.

33.4.2.1

Ekkewe Wis ren Chon Angang ngeni Tumunun Ekkewe Rekot

Ewe sou maken wart, ika emon chon aninisin sou mak mi finita, a wor wiser ekkewe mi tettenitiw:

• Annomu ew rekotun ekkewe angang me ekiek a for non ekkewe mwichen sou emwenin wart.

• Tumunuochu pwe ekkewe rekot me repot repwe wesewesen pung me mwitir tawe.

Ewe sou makken wart epwe sineiochu ekkewe pisekin tumunun ekkewe rekot (nengeni 33.0). I a aea ekkei pisek an epwe anisi ekkewe sou emwen ne esinna:

• Ekkewe mettoch chon mwichefen me mwicheich ra osupwang won.

• Ewe kaworen ekkewe nenien aworen aninis, pachenong ekkewe pekin mwoni.

Ekkewe sou makken wart ra pesei ekkewe memper ar repwe repotei met porous ese pung me non nour kewe taropwen chon Mwichefen.

Ekkoch angangen tumunun-rekot mei pachenong:

• Nengenichu pwe ekkewe angangepin mi pungupugoch me mwitir rekotun.

• Amonata ewe Taropwen Nouwis ra Ketiw ngeni ew wiser ren ekkewe mwichenap non wart.

• Rekotuni porousen mwichen sou opungupung non wart.

• Soposopono won ekkewe rekotun pekin mwoni (nengeni 34.2.2).

33.5

Ekkewe repot won Mokutukutun Memper ar Pachenong non mettoch

Ekkewe report won mokutukutun memper ar pachenong non mettoch a anisi ekkewe sou emwen ar repwe anonga ar ekiek won ewe fefeitan me osupwangen ekkewe memper.

33.5.1

Ekkewe sokkun Repot

33.5.1.1

Ekkewe Repot won Chon Fiti mettoch

Iteiten chon fiti ekkewe mwichen sakrament me ekkewe mwichen pristut non Raninifen me ekkewe tettenin mwich aramas ra rekot won kapiuter ra aea LCR ika Member Tools.

Mwichen Sakrament. Iteiten chon fiti mwichen sakrament a rekotutiw ew me ew wik seni ewe sou makken wart ika emon chon aninisin sou makken wart. Ewe annean ren iteiten chon fiti ewe mwich mi wareto non pukupukun aramas ika seni ew mettoch ra nounou ne atoura ika angei ekkewe porous won kapiuter, pachenong ekkewe chon chuto.

Mwichen Raninifen me ekkewe Ekkoch Tettenin Mwich. Iteiten chon fiti kewe mwich a rekotetiw iteiten wik seni ekkewe seketeri me chon ourour ren mwich me emwicheich. Ekkewe sou emwewnin Sarafo epwe pwan aninis non rekotun iteiten chon fiti kewe mwich. Ewe annean ren iteiten chon fiti ewe mwich mi wareto non pukupukun aramas ika seni ew mettoch ra nounou ne atoura ika angei ekkewe porous won kapiuter, pachenong ekkewe chon chuto. Ekkewe memper ra angang non ewe Kinter ika ir sou emwenin sarafo non ewe wart ir mi pwan pachenong pwe ir mi fiti.

Ewe sou makken ewe wart a tongeni rekotini iteiten chon fiti fan iten ew me nein ekkewe mwicheich.

33.5.1.2

Ekkewe Repotun Interfiun Iamwir

Nengeni 21.3.

33.5.1.3

Repot Iteiten Mwirin Unungat Maram

Iteiten nampa non ew repot a kawor fan iten emon aramas a wor met an ekkewe auchean osupwang (nengeni Ilaman 15:13).

Ewe Repot Mwirin Unungat Maram a masoweni porous a tongeni kawor ngeni ekkewe sou emwen ren tufichin angei ar porous nupwen ra kukuta ourour usun ar angangen iamwir.

Ekkewe sou emwenin steik me wart repwe no ngeni Repot Mwirin Unungat Maram iteitan ar repwe katon fefeitan emon me emon ekkewe aramas.

Meinisin wart repwe awesano me wanong ew Repot Mwiriin Unungat Maram ngeni ofesiinapen Mwichefen. Ewe sou mak epwe katon ochun me ngawen ewe repot fiti ewe pisop me wanong me mwen 15en ewe maram mwirin nesopun iteiten unungat maram.

33.5.2

Tetenin iten Chon Mwichefen

Ekkoch pisek ra nounou ne iseni-rekotun Mwichefen a ngeni ekkewe sou emwen ewe tufich ar repwe tongeni katon ekkewe tettenin iten chon Mwichefen. Ekkei tettenin iten aramas a tongeni anisi ekkewe sou emwen ar repwe tongeni esina:

• Menni ekkewe memper rese mwo angei ekkewe angangepin ekkewe minne a tufich ngenir ar repwe angei.

• Menni nein ekkewe mwichen onuon me mwichen fopun ra tongeni ar repwe fori angangen misin.

• Menni nein ekkewe sarafo ese wor nour minefon taropwen mumutan tonong non tempel.

• Menni nein ekkewe sarafo a murinno an epwe okokkot ngeni ekkoch mwich ngeni emon chon ewe pisoprik.

Ekkewe sou emwenin mwich me ekkewe tettenin mwich epwe wor ar tufichin katon ekkewe tettenin iten ekkana ir mi choni ar pusin mwich ika tettenin mwich.

33.6

Ekkewe Rekotun Chon ewe Mwichefen

Ekkewe rekotun chon ewe Mwichefen pachenong iter, nour nampan fon, tichikin angangepin, me ekkoch porous mi wesewesen auchea.

Ekkewe rekotun chochon ewe Mwichefen repwe isois non ewe ward ikewe memper a nom ian. Tiwenon chok, minne epwe esap kon fifis, a murinno an epwe wor mumutan meren ekkewe pisop me ekkewe presetenin steik mei pwan pachenong. Ren tingorun ew ketiwenon, ewe presetensin steik a aea LCR an epwe wanong ewe tingor ngeni ewe Ofesin ewe Aewin Presetensi.

Mi auchea an epwe mwitir fis ekkei mi tettenitiw:

• Rekotini porousen angangepin.

• Omokutu rekotun ekkewe memper ekkewe ra mokutunong ika mokutou seni ewe wart.

• Forata ekkewe rekot fan iten ekkewe minefon memper me minefon semirit noun ekkewe in me sam ir memper.

• Rekotini an emon memper mano.

• Rekotini apupunu me porousen chochon ewe imw.

Ewe pisop ika presetenin steik epwe nenengeniochu pwe ew rekotun chon mwichefen epwe nom non ewe wart ururun ikewe epwe nom ie me mewen emon memper epwe interfiu an epwe angei:

• Ew kokon wis non Mwichefen.

• Echo taropwen mumutan tonong non tempel.

• Ewe Melkisetek Pristut ika epwe seikita ngeni ew wis non ewe pristut.

I epwe pwan nenengeniochu pwe ewe rekot esap apachanong ew me nein ekkewe mi tettenitiw:

• Echo toropwen awewe

• Ew kapasen awewe ussun ew riri ika oukukun nonnomun angangepin

• Oukukun chon choni Mwichefen mi punguno

Esap ketiweno mwo fan ew an ekkewe rekotun choni mwichefen epwe kawor ngeni ika pwano ngeni emon me nukun ewe pisop ika emon sou mak.

Ekkewe memper mi tongeni nengeni porousen chon Mwichefen ren pusin ir me ren nour semirit mi nom neim won ewe Member Tools app. Ir mi pwan tongeni tingor repwe printinau kapin Mennapen Ar Pusin Angangepin seni ewe sou mak. Ika mi wor mi mwan mi pwa, emon sou mak epwe nenengeniochu pwe epwe opungu me won ewe rekotun chon Mwichefen.

33.6.1

Ekkewe it mi Aea non Ekkewe Rekotun Mwichefen

Unusen iten emon mi fiti annuk, ussun mi affat me non annukun ewe neni ika oreni, epwe aea non ekkewe rekotun ekkewe chon Mwichefen me won ekkewe setifiketin angangepin.

33.6.2

Ekkewe memper ren Rekot

Ekkewe aramas mi tettenitiw ir memper ren rekot me epwe wor ew ar rekotun chon Mwichefen:

• Ekkana ra fen papatais me kopunguno

• Ekkana kukun seni ier 9 ekkewe rafen efeioch nge rese papatais

• Ekkana resap ponuweni ar foffor pokiten sukosuken ekiek, inamo ren ierir kewe

• Ekkewe semirit rese efeioch kukun seni ier 9 nupwen ir me ruu ekkewe mi tettenitiw mi fis:

  • Mwaren emon nein ewe sam ika in are saman me inan chinnap i emon chon ewe Mwichefen.

  • Ir me ruemon kewe sam me in repwe awora mumuta ren ew rekot an epwe for. (Ika emon chok sam ika in a nom fan tumunuwan fiti annuk, ewe mumuta an ena sam ika in mi naf.)

Emon aramas ier 9 ika watte seni ewe a wor an rekotun chon ei Mwichefen nge ese mo papatais me kopunguno i esap memper ren rekot. Iwe nge, ewe wart minne ewe aramas a nom ie a annomu ewe rekotun an choni ei Mwichefen tori an ewe aramas a 18 ier. Non ena fansoun, ika ewe aramas a finata an esap papatais, ewe pisop a nikitano ewe rekotun chon ei Mwichefen. Mumuta me ren ewe presetenin steik mi auchea.

Ekkewe rekot rese koukuno ren ekkana rese mo papatais pokiten ew osukosuken ekiek tiwenon chok ika a wor tingor seni ewe aramas ika emon chon tumunu, mi pachenong emon sam ika in.

33.6.3

Ekkewe Rekot ren Ekkewe Minefon Memper non ewe Wart

Ewe sou makken wart ika emon chon aninisin sou makken wart epwe mwitir kori ekkewe minefon wart memper mwirin an nour kewe rekotun chon Mwichefen ra war ar epwe nenengeni ewe Mennapen Ar Pusin Angangepin ika mi wesewesen pung.

33.6.6

Ekkewe rekotun ekkewe Memper ra Angang nukun Ar ewe Wart

33.6.6.2

Ekkewe rekotun ekkewe Misineri ra angang Unusen Ruu Ier

Nengeni 24.6.2.8.

33.6.13

Ekkewe rekot ren ekkewe Semirit noun ekkewe Sam me In ra Mufesen fan pungun annuk

Meinisin rekotun chon Mwichefen ra aea pusin wesewesen iter, ussun mi affat non annuk ika oruni. Ei a pachenong ekkewe semirit noun ekkewe sam me in ra mufesen fan pungun annuk.

Ekkewe semirit semer me iner ra imufesen napengeni ra fiti ekkewe mwichen Mwichefen non ewe wart an iner me semer kewe. Nupwen ew chok kinikin a isoni noun ewe semirit ewe rekotun chon Mwichefen mi unus porousan, echo rekot noun emon a nom nukun ewe wart epwe for non ewe pwan ew wart neminewe ika atewe a fiti. Ei a mut ngeni iten ewe semirit me nampan noun fon an epwe pachenong won ewe tetenin iten chon fiti klas non ewe wart.

Ekkewe semirit nour rekot mi nom nukun ewe kinikin epwe angei ew kokko non ena kinikin.

33.6.15

Omokutano Kauk won Rekotun Chon Mwichefen

Ika emon memper a mokut nupwen oukukun chon choni Mwichefen mi fiti pungun foforun ika pwan ew watten osukosuk mi chok nonnom, ewe pisop ika emon sou mak mi angei an mumuta epwe anomu ew omokutun koukun won ewe rekotun chon choni Mwichefen. Atewe a aea LCR an epwe fori ei.

Ew rekot mi wor ew koukun omokutun esap mokut ngeni ew kinikin tori ewe emwenin pristut ewe a wisen awora ewe kouk a mutata an epwe mokut.

33.6.16

Ekkewe rekot seni ewe faenin “Address Unknown” Ese Fat Nenian

Emon memper fan ekkoch a pwa mwirin an rekot a fen nom non ewe faenin “ese fat nenian” non ewe ofesinapen Mwichefen. Non ei nikinik, ewe sou makken wart epwe tingor ewe rekot epwe aea LCR.

33.6.17

Rekotuni me Opungu Porousen Angangepin

Nengeni sopun 18.

33.6.19

Chekin ekkewe Rekotun Chon Mwichefen

Ew me ew ier ewe sou makken ewe steik ika emon chon aninisin sou maken steik epwe nengeniochu pwe ew angangen cheki ekkewe rekotun chon Mwichefen a fis non ew me ew wart repwe aea LCR. Ekkewe angangen cheki ekkewe rekot epwe taweno June 30 ren ew me ew ier.

33.7

Ekkewe Rekotun Uruo

33.7.1

Ekkewe Uruon Wart me Steik

Ewe Samon a annuku pwe “ew uruon meinisin ewe auchean” ekkewe mettoch ussun An Mwichefen repwe makketiw me iseiseno (Doctrine and Covenants 69:3; pwan nengeni uwokisin 5; Alma 37:2).

Ew me ew kinikin non ewe Mwichefen epwe watiw non taropwen meinisin ewe auchean ekkewe mettoch ussun ewe kinikin.

Isoisen ew uruo ina ew angang non pekin ngun epwe apochokuna ewe nuku an ekkana ra makei me anneani.

Ewe sou makken steik ika emon chon aninisin soumaken steik a amonata ewe uruon steik. Ewe prsoprik a opuru ew nikinik ussun chok ren ewe wart. Ekkewe kapasen awewe a wor ren Steik, Tischrik me Misin Ekkewe Uruo Iteiten Ier won ChurchofJesusChrist.org.

33.8

Ekkewe Rekot mi Mwonomwon

Ekkewe rekotun ewe Mwichefen mi mwonomwon, ika mo ren nom won taropwe ika won kamputer. Ekkei a pachenong:

• Ekkewe rekotun Chon Mwichefen.

• Ekkewe rekotun pekin mwoni.

• Ekkewe kapasen esinesin seni ekkewe mwich.

• Ekkewe forms me taropwe ra fen kopunguno (pachenong ekkewe rekotun chon ekkewe mwichen opungupung).

Ekkewe sou emwen repwe nengeniochu pwe porous a ioi seni ekkewe memper a:

• Oukuk ngeni met ewe Mwichefen a mochen.

• Aea chok ren an Mwichefen ekkewe popun mi mumuta.

• Kawor ngeni ekkewe chok ra mumuta ar repwe aea.

Porous mi nom won kamputer epwe fokkun nikinikoch tumunur me iseiser (nenengeni 33.9.1).

33.9

Fororun me Ototen ekkewe Rekot

33.9.1

Tumunun

Meinisin rekotun, repotun, me taropwen Mwichefen repwe tumun seni ekkewe ese wor ar mumuta ar repwe kanengeni, siwini, atai, ika aporousa ekkewe porous mi monomon. Ei porous epwe iseis non neni mi tumun.

Pusin pisekin Mwichefen ekkewe ra for fan iten auchean popun ika nenien iseis won media ra poutuno ika emon a sonani, epwe chok mwitir wor repot won incidents.ChurchofJesusChrist.org. Aea ngawen porousen Mwichefen epwe pwan wor repot won.

33.9.1.1

Username me Passwords

Ekkewe presetenin steik, pisop, me ekkoch sou emwen resap pwar ngeni ekkewe chon anisi, sou mak, me seketeri mi nap ika ekkoch ar kewe username me password.

33.9.1.3

Tichikin Porous mi Monomonono

Chommong ekkewe fonu ra fen apochokuna forun annukun tumunun ekkewe porous mi monomonono ewe a nemeni ewe foforun porousen pusin emon won winikapan. Ei a pachenong ewe porous non ekkewe rekotun chon Mwichefen me ekkoch rekotun Mwichefen a anetata emon me emon ekkewe aramas. Ekkewe sou emwen a wor ar kapaseis ussun ewe aean annukun tumunun mettoch ngeni ekkewe angangen rekotun Mwichefen ir mi tongeni kokkori an ewe Mwichefen ofesin monomon mi for won kampiuter. [e-mail].